大上海一品香飯店 (已結業)

餐馆在一个地下室里，环境是打不到高分了。冷盘点的醉鸡和烤麸，在香港的上海菜里算可以的，酿面筋百叶也还可以，馅应该更饱满一些。沙锅云吞鸡就不够格，价贵，云吞是广东式不是上海式的。高力豆沙也名过其实。人均二百多

差不多一年無去, 大上海和一品香都是自小就去的店舖, 兩店結束又合併之後, 須然已經大不如前, 但是還有薰旦, 涼伴茄子等等好回憶...今日再去, 完全徹底失望... 薰旦無左, 個涼伴茄子由有葸花蒜泥既, 變成一碌碌然後淋個凍燒汁, 鴨舌係霉哂好似煲完湯咁加左d汁係解凍左既啫哩, 雞火乾絲和鍋貼都係勉勉強強, 最後既京醬撈麵就真係離哂大譜, 幅相有青瓜絲同深醬色既撈麵, 黎到係一堆熱棘棘既稀肉碎獻汁無味, 無料, 麵爛...個餐牌好多菜式都用貼紙盖住無供應, 好似讓人憑弔咁, 剩下的又做得咁差, 見到伙計又唔同哂, 佢倒不如換過招牌, 改過自己識住既菜牌...無謂勉強做落去啦!

裝修較新式的上海鋪, 去到只有三四張枱坐了客, 招呼幾好但價錢略貴。可能客人唔多, 所有餸菜都即叩即煮熱辣辣。奶油津白~ 菜甜, 有少少奶的香味.宮保雞丁~ 辣辣地, 幾"野"味, 餸飯好味.上海粗炒~ 唔係好油, 炒得幾入味.煎鍋貼~ 見到師父即包即煎, 餡多皮唔太夠, 個底煎得香脆, 但配的醋唔夠醋味同.

公司在附近，中午經常幫襯。小籠包皮薄餡靚，值得推薦。中午套餐連茶位$35，客飯或麵加包點2個。晚飯就不知道了。不過奉勸閣下中午要預多少少時間，因爲出餸較慢。服務態度不太好。尤其是經理全程安排上菜，叫到好似街市一樣，喜歡環境清靜千祈不要去。

價錢貴，食物差(份量少、不好味、太咸)，地方只是一般，服務嘛嘛，結賬時，不穿制服的女仕多謝都一句也沒有！總括來說，很多中價菜館都比它好！

唔明點解上述人兄可以話d小籠飽皮薄多肉汁,我諗"大食"應該未食過好野!此店水準唔多掂,普遍上海小食店都好味過佢!最難食係炸醬面,d面同汁差到難以形容!

昨晚和朋友唱完K, 之後行過呢間鋪食飯, 點了八個餸:1.兩客小籠飽2.兩客鍋貼3.奶油津白4.上海粗炒5.胡同京醬拌麵6.回鍋肉7.賽螃蟹8.京醬肉絲(跟义子燒餅)味道OK, 由其是小籠飽及鍋貼, 小籠飽皮薄多肉汁, 鍋貼皮薄及脆, 非常好吃, 可以一試。

諗住演唱會前食上海野,經過就試下這間.服務態度係好,不過價錢比'蜚翠'貴.小籠包唔少得,但皮唔簿,味度普通.叫左好多野,味道just OK,唔會令人有驚喜.總之食完都唔會一試難忘!

我第三次來呢度食飯，之前係roadshow睇過介紹呢度的上海菜，雖然唔可以話好正宗，但啱香港人口味囉．．．我覺得最好味係個糖醋魚同東波肉，我唔係好鍾意食魚同肥豬肉，不過呢兩味菜都整得好食．．．仲有一個龍井蝦仁我極力推介．．．其他菜一般啦，不過呢度食ｄ唔太貴的菜都整得幾好架．．．貴的我就覺得麻麻。

阿頭今日比頂頭兩個大小不良擺上台，在公司駁火，問左10條challenge佢工作操守的問題，仲要派小不良到我們dept.查核究竟(為了面子阿頭o個兩日會放假)，最後3條友入左老細房對質，阿頭話如果兩位大小不良要質疑佢的工作，佢最多唔做(唔做？呢2個字從未會出自他口)，在這非常時期，當我最需要阿頭出來穩定人心之時，佢兩條廢柴仲要做呢d小做作，係咪要攪跨我們才罷休？我從未見過阿頭出現過呢個無助的表情，點算？佢唔o係度我要擔大旗。。。調劑下工作壓力，約朋友出來飯聚，要了：素菜咸肉湯年糕- 調味適中、年糕煙un、湯底不錯醉雞- 重酒味、雞亦夠滑咸肉律白- 律白稍久清甜生煎包- 外皮不夠脆、只是微暖酒釀丸子- 丸子煙un、但太甜高力豆沙- d糖是粉紅色的沒有好感，所以無食本人並不咀掉，但都覺得食物質素只是一般，份量亦不是太多，個湯年糕太細碗了，但環境不錯，是飯聚傾計的好地方，待應加茶密，服務不錯。

其實以上海菜黎講，呢間野真係唔多正宗，仲真係唔多好食，以呢個價錢，d食物只係廉價上海菜水準，我覺得真係好唔抵食。仲要係，佢地係好積極咁sell d水平低劣既貴價菜。本來我地想叫幾十蚊既糖醋魚既；點知個waitress係咁推介個成二百蚊既松子黃魚好味，咁我地諗住，黃魚，即係黃花魚喎(個waitress話係架)，咁會好好味啦。點知，一上菜，就知出事。首先條魚一d鮮味都無，根本唔係黃花，只係桂花魚咋！仲有，個皮只係廣東菜既生沙骨做法.....師父係識唔識煮上海菜架！咁粗糙又貨不對辦既餸，收成二百蚊咁貴，有冇搞錯呀！無下次呀！我去d 平價上海菜仲好食過佢呀！

二人晚飯漫無目的, 行行下經過大上海一品香, 睇睇餐牌, 見到有咸蛋黃炒肉蟹, 便入去試試。餐前小食-咸花生: 略差, 不太香脆, 估計可能炸的時間不恰當油豆腐粉絲湯: 清清地, 粉絲爽口, 不錯的選擇咸蛋炒蟹: 蟹夠份量, 肉質尚可, 很惹味, 很滿足, 好好味!銀絲卷: 即叫即蒸, 新鮮熱辣軟綿綿, 可惜飽內銀絲不太幼細高力芝麻: 未曾試過, 很有新意! 蛋白團夠肋性, 配埋黑芝麻餡, 甜味恰當! 好味!總結: 滿意食店的服務及欣賞有水準的食物, 不過可惜店內不設非吸煙區, 要吸二手煙呢!

本來未諗食乜,但經過金巴利道見到有28蚊既上海野套餐,咪試下囉!又唔錯喎!要左個麻婆豆腐午餐,有麻婆豆腐之外仲有一個同一個飯,個菜唔錯,份量剛剛好唔會太少,亦唔太辣,如果多番少少豆腐會更好!可惜既係如果要菜飯要加5蚊,為左慳一些,就食白飯算數…另外個湯又唔可以轉飲品,除非加錢…我建議幾個人一齊食好些,每人要唔同菜,可以多些唔同種類,因為佢有不同菜式,如粟米魚塊,紅燒豆腐,銀芽鱔餬,松子魚片,東坡肉,醬爆雞丁等,睇落都唔錯!

其實我係第一次去大上海一品香食野,去的原因係個fd 話好食喎..同埋去之前都有睇openrice,睇到好似都ok,咁咪去試囉!!地方:地方唔大,我星期三去都坐滿晒..食物:雞絲粉皮<．．唔好食，好似無味咁！　　燻魚＜．．唔好食，又細碟，我一直以來都好鍾意佷薰魚，去第二間都好好食，但係今次真係差差差．　　小籠包＜．．個樣已經唔靚，仲要係唔好食！其實食完今次我一定唔會再去食囉．．因為根本就唔好食～～ｄ野細碟到不得了，又唔係平喎．．叫左６，７樣野食，都好似食唔飽４個人咁～最後結果係４個人再去食糖水．．ｐｏｏｒ

一向都唔認為明星等同識食既理論，所以對明星開既食店都無甚好感，不過既然陳生出錢投資既係一間老店，加上食評又好似唔差，就破下費探探其虛實。進店坐低後發覺內籠唔係想像中既大，人亦唔係想像中既多，需知星期日晚八點鐘坐唔夠八成人都算幾失威的。先來冷盤xx咸雞($4x)，一客大概有四分一隻，賣相奇差，雞皮啞色而碟底一點汁液都沒有，印象分大減。雞味欠奉不算意料之外，但連咸味都不足就比較出人意表了。一碟無雞味唔夠咸賣相差又唔係平既咸雞，點計都不能算合格了。湯水要了古式鴨血雞什湯($3x)，湯底十分之清，不愛濃味者應該都幾對口胃。鴨血滑溜溜的，一點都不老，雞什等則過熟至無甚味道，女友唔多鐘意呢味野，後尾先知原來此湯水己經算係今晚比較ok既一味。自問都食過唔少小籠包，而自己要求一向都唔高，但今次既小籠包($28)都可算係食過的同等價錢食店中最差的了。小籠包扁埋一舊，有蒸過龍既現象，內裏既湯水未夾己經流精光，最可怕係內裏既肉實實的，差點沒以為自己食緊菜肉包。同女友都不習慣食飯時批抨菜式既差，以免影響心情，但不說還不說，睇表情都可略知一二了。擔擔麵($28)係少花生醬既一種，有少量蔥花等，個人來說就比較鐘意