影片
港鐵旺角站 D2 出口, 步行約3分鐘
繼續閱讀
營業時間
星期一至日
12:00 - 23:30
以上資料只供參考, 請與餐廳確認詳情
行過見到呢一間嘅Menu好抵食，平均一個主食都唔使100蚊，於是就同朋友入去試下！入到去人流都幾靜，好似唔多人留意到呢一間舖頭，店員安排咗我哋坐低之後比Menu我哋睇吓想食咩！手打烏冬胡麻醬$58:手打烏冬食落又真係幾滑，同個胡麻醬幾夾，但係個份量就會有些少細，另外配咗個飲品宇治抹茶鮮奶（凍）$12，呢個嘢飲出奇地好飲！吞拿魚蓉丼$118:呢個套餐就會比較貴，配咗有味噌湯，呢個份量就幾適中，成個飯上面鋪滿吞拿魚蓉，口感好鮮，但相對打得比較蓉，入口有少少怪！同埋個飯會比較乾身另外叫咗個牛肉壽喜燒$58:呢個壽喜燒嘅份量好大個，但係牛肉嘅質素就一般，但$58食到一個牛肉壽喜燒真係好抵！
繼續閱讀
旺角條街好多野食，令到我同朋友好難決擇🤣行過見到餐廳餐牌幾吸引，就入咗去，發現都幾抵食，值得推介👍🏻特盛海鮮丼🐟🍚海鮮丼刺身款式豐富，有三文魚、牡丹蝦、三文魚子、帶子同玉子，樣樣都好新鮮！特別帶子大大粒，食落鮮甜😋牛肉壽喜鍋🐮🥘壽喜鍋份量好大，食材豐富，有牛肉、金菇、生蛋同娃娃菜，性價比好高👍🏼而且牛肉份量又多，湯底甜甜地，食材入哂味，推薦大家叫😍天婦羅配蕎麥冷麵🍤天婦羅有虎蝦、南瓜、蕃薯同茄子等等。廚師將天婦羅炸得香脆，食落鮮甜😋😋另外手打烏冬好爽口，好適合配搭天婦羅一齊食👍🏼👍🏼京都宇治抹茶鮮奶🍵抹茶味道濃郁，配埋鮮奶好好飲🤩
繼續閱讀
印象中以前女人街好多日式餐廳，但而家好似都少咗好多，心血來潮想食日本嘢但又唔想食壽司，見到menu有勁多選擇同價錢都幾親民就決定去試入面座位都好舒適同好寬，牆上貼滿好多特色嘅poster，好懷舊風好特別 月見免治雞肉棒串 $28 好靚同好用心嘅擺盤!!免治雞肉加埋雞軟骨，每一啖都好有咬口，加埋生雞蛋同埋醬油嘅汁好夾 網燒美國牛肉 $78 質感嫩滑，每一啖都食到肉質嘅柔軟完全唔洗加沙律醬，本身嘅醬料已經好好食份量都好多，食肉獸超滿足 鹽燒油甘魚餃 $78 比想像中大份好多!外皮煎到好香好脆，肉質好滑 蟹肉忌廉可樂餅 $38 熱焫焫送上，每一塊可樂餅都有蟹鉗忌廉薯蓉好滑，但蟹味唔算好特出 火炙黑豚肉拉麵 $68跟餐可以+12蚊有特飲，飲品種類都有好多，有唔同生果味嘅梳打，仲有字治抹茶鮮奶今次就嗌咗青蘋果梳打好夠氣同好凍，偏甜 拉麵有好多配料，木耳絲、栗米粒之餘，仲有叉燒同埋原隻糖心蛋因為太多野食結果唔小心將蛋浸咗係湯度好耐先撈佢上嚟，結果都依然係流心，好正叉燒好香，大大片有三塊，好滿足拉麵正常發揮，以依個價錢嚟講合格有餘
繼續閱讀
大丸和風食堂（旺角）📍旺角通菜街75-77號地舖今日陪媽咪去女人街買嘢，順便食埋晚餐先返屋企，經過見到呢間大丸和風食堂，裝修都好有日本風味，就入咗去食個晚餐。餐廳環境都幾整潔闊落，叫咗幾款熱食同卷物，質素都唔錯。雜錦天婦羅 $68👍🏻雜錦天婦羅都幾大份，亦都有同種類嘅食材，例如炸蝦、茄子、南瓜、冬菇、青椒同番薯，師傅火候同埋炸粉份量都控制得啱啱好，望落同食落都好鬆脆，賣相亦都好吸引～鹽燒厚切牛舌串 $68👍🏻一份牛舌總共有兩串，份量都唔少㗎，牛舌本身非常嫩口，牛味亦都好濃郁，燒得好香口，調味亦都唔會過多，配埋檸檬汁，食落去一啲都唔會油膩！三文魚加州卷 $58經典嘅卷物，份量都唔少，三文魚都幾新鮮～蟹膏軍艦 $28蟹膏份量一啲都唔少，配上清甜嘅青瓜，幾清新。鍋仔手打烏冬 $78用一個小鍋嘅形式上菜，湯底係濃郁嘅豬骨湯，烏冬煙靭，仲有一啲配菜例如冬菇，大蔥，紅蘿蔔等等，兩個share食啱啱好。另外呢個烏冬仲包多一隻天婦羅蝦～另外呢個烏冬亦都可以優惠價加多一杯巨峰梳打 只需+$12
繼續閱讀
喺旺角閒逛嘅一日，嚟到人來人往嘅通菜街，見邊到有位就入去坐低，估唔到俾我搵到間性價比高嘅日式餐廳👍🏻老闆安排咗卡位俾我哋，坐得好舒服食物都有好多選擇，有啲似居酒屋嘅食物呢一個火炙卷有吞拿魚、三文魚、帶子。呢三種嘅刺身用火槍燒一燒，中和左魚生嘅油膩感，加上啲甜甜地嘅醬汁，口感好豐富，而且都幾大份👍🏻免治雞肉棒燒得啱啱好，整體texture好實，唔似有啲餐廳一咬會散開，調味都適中👍🏻嗌咗四款壽司試下，分別係花之戀、油甘魚、黑松露帶子、芥辣八爪魚。我個人最推薦黑松露帶子，黑松露嘅鹹香味中和咗帶子嘅膩，令到個帶子有少少好似炙燒嘅感覺👍🏻明太子雞翼啖啖肉，明太子嘅香辣味就係雞翼最好嘅調味😋本身驚唔夠飽，嗌多咗個冷烏冬，但食完個烏冬就已經超級飽🤣烏冬口感彈牙，食完覺得個口好清爽嗌飯或者麵，可以+$10至$12去跟一杯嘢飲，而我就揀咗加$12加咗一杯宇治抹茶鮮奶，唔會太甜，茶味都足夠👍🏻-總結：最後埋單，兩個人食咗三百幾蚊，喺旺角嚟講人均百幾蚊食到質素唔錯嘅日本料理，我覺得性價比非常高👍🏻推薦大家都嚟試吓
繼續閱讀