影片
港鐵荃灣站 B2 出口, 步行約4分鐘
繼續閱讀
營業時間
星期一至日
07:30 - 18:00
以上資料只供參考, 請與餐廳確認詳情
大兄冰室地址: 荃灣西樓角路136-168號荃豐中心地下A1號舖雙重芝士蕃茄濃湯 🍅 $56有好濃郁嘅蕃茄味，唔知以為飲緊蕃茄湯，有多種蕃茄，蕃茄蓉熬製而成，而且啲雙重芝士都不少，不錯。但啲配菜就唔係好掂，口感較為硬，乾身，失望咗少少。火焰芝士肉醬熱狗套餐 🌭$65軟綿綿嘅麵包，裡面包住多到滿瀉嘅秘製肉醬和用咗火槍燒溶咗嘅芝士，再配上脆皮法蘭克福腸，味道食落香口不錯。
繼續閱讀
之前嚟過食次lunch啲野食都ok今日再嚟食tea, 好衰唔衰揀左個 “大兄克戟夾餅公司三文治” （$42）。嚟到比我果下，我O左咀，餐廳應該係餐牌度加返“迷你”兩個字上去，個所謂公司三文治個Size 係一個豆沙包咁大，收我$42！唔好講件野咁細件，佢塊夾餅甜架，唔係好夾裡面啲涵呀，又咸又甜咁。早知我叫份雙拼三文治無咁嬲，價錢平$10, 仲唔會食左等於無野食過落肚咁
繼續閱讀
又去呢個商場搵食知道呢度有間特色d既冰室，今次終於有機會試下，午市時間要排隊等位，等左10幾分鐘就有位啦餐廳都唔算太大間，有卡位同窗邊位，可以一邊食野一邊望下街景見上網好多人讚佢既蕃茄湯底，好似幾吸引午市仲有其他套餐，款款都圖文並茂，望落去都幾吸引飲品揀左個熱咖啡，幾香唔錯另一個加左$8揀左珍珠奶茶，都幾似平時飲既台式奶茶，珍珠幾煙韌，唔錯跟餐揀左個田園沙律，呢個係用芝麻醬，不過無乜驚喜蟹籽野菌甜椒絲海蝦忌廉意大利粉，仲配左塊蒜蓉包，塊包好香蒜蓉牛油味好脆個意粉唔算太淋，雖然係忌廉但又唔會太膩，蝦就比較細隻不過都有4、5隻，味道ok另一個揀左芝味炸雞拼蒜蓉汁法蘭克福腸，芝士醬個味唔算太濃，炸雞都香脆既；蒜蓉汁係平時食鐵板果種蒜蓉汁，味道比較濃蕃茄濃湯螺絲粉，呢個蕃茄湯真係唔錯喎，蕃茄味夠濃，中間仲有d蕃茄肉，螺絲粉又唔會太淋，唔錯！整體感覺唔錯，食到d唔係平時茶餐廳食既野
繼續閱讀
次次經過荃豐都一定會見到大兄冰室出面大大個logo，今次就去食翻個快飯。本身諗住冰室賣既野食都係港式野，點知佢賣既野食又偏西式wor😯餐牌見到啲意粉、漢堡、熱狗，當然都有啲港式啲既野食好似公司三文治果類。另外最吸引我既就係佢既蕃茄螺絲粉！一見到諗都冇諗就揀左佢。 1⃣️芝味炸雞拼蒜茸汁法蘭克福腸 跟蕃茄濃湯粉（$63）炸雞都幾大舊，炸得幾香肉又厚，但係炸皮有啲濕左淋左，面頭有一大片溶左既芝士🧀腸仔配上極多蒜茸汁😂正～另外蕃茄濃湯真係好濃，入面有好多煮到淋曬既蕃茄蓉🤤滑蛋都好多。另外螺絲粉份量爆多，本身我都自認大食架la，但係呢碗螺絲粉我真係食到差啲食唔曬🙈 2⃣️蟹子野菌甜椒絲海蝦忌廉義大利粉（配花枝丸）（$58） 蟹子比得多幾多，意粉係偏港式風味，忌廉汁偏稀身，不過配料比得好足。蝦、蟹子、菇所有野都幾多。另外仲有跟蒜蓉包，同平時食西餐果啲脆脆既蒜蓉包好唔同，呢個蒜蓉包係軟熟既包，唔係好似有烘過，面頭搽左啲蒜蓉醬。午餐有得揀根花枝丸或者沙律🥗揀左花枝丸，唔算彈牙，可以當過下口癮咁。 3⃣️鴛鴦雞扒拼金菇牛肉卷（配花枝丸）（$65）鴛鴦雞扒係有煎雞扒同炸雞扒各一件。煎雞扒又算幾嫩滑wor，快餐質素黎講算平均以上，炸雞扒雖然有啲甩皮甩骨咁，但係調味係唔錯既👍另外仲有金菇牛肉卷，牛肉好乾身，而且冇汁冇調過味咁，呢個麻麻地。意粉係偏向港式炒意粉咁，份量又係極多。
繼續閱讀
荃灣其實真係一個幾好嘅地方，交通方便又多美食。今日係荃灣做完公事決左食埋個午餐先返屋企。係巴士站附近見到呢間大兄冰室。望過menu好似都幾吸引。午餐仲有沙律送添。黑松露卡邦尼野菌脆煙肉忌廉意粉：雖然我完全食唔到有黑松露嘅味道，但個意粉嘅味道都唔錯。最搞笑嘅係意粉上面有個蒜蓉包。沙律就正正常常。無咩特別。炭燒咖啡：呢杯咖啡不得不讚。除左香濃嘅咖啡味道之外。奶味勁濃郁。好啱我口味。最後要提一提嘅係餐廳衛生唔錯。餐具亦都係一份份包好。係而家呢個時勢之下對食客都係一份保障。
繼續閱讀