大勝丼 (已結業)

朋友聚會，提議咗去近期好多人post 嘅大勝丼。炸北海道魷魚鬚 $62炸得都夠香，但我覺得可以再脆口啲，魷魚的口感軟稔中帶彈性，幾好咬。我同朋友一人點咗一個丼飯，响圖片只供參考嘅年代，我覺得佢還原度算係咁，刺身嘅份量都對得住價錢。每客丼飯都會跟麵豉湯同罐裝飲品。飲品嘅選擇都唔少。帆立貝海膽丼 $158呢碗我點嘅，碗飯好大碗，不過飯就略嫌有酸咗啲啲，三文魚籽粒粒脹卜卜夠鮮味，帆立貝都幾大粒，海膽鮮甜creamy 無澀味，海膽控表示滿足。甘蝦海膽丼 $148甘蝦算大隻，朋友分咗隻俾我，鮮甜唔腥，口感唔會太漿口。三文魚帆立貝丼 $128我無食，但朋友話三文魚都好肥美。最尾仲一人一粒雪米磁呢。雖然限時75分鐘，要傾偈就係唔夠嘅，但呢個價錢嚟講真係唔錯，幾抵食，Openrice 訂位仲有88折，咁多人食，訂定位穩陣呢。

剛好在旺角，要搵野食，其實都無咩心情，想食日本野，簡單搵下揀左哩間。整體來講，鋪頭唔大，都乾淨企理。丼飯一上檯即刻心心眼，好足料，心情都好翻D^^甘蝦海膽丼好足料啊，好抵食哩個。而且都算新鮮，推薦~我最鐘意用一小舊飯，同海膽混合好，然後一啖入口，滿口海膽香辛辣油甘魚丼哩個唔係我點既，試左塊魚，都唔錯~跟餐飲品，我揀左柚子汁。無留意市面有哩款賣，決定幾好味。跟餐麵鼓湯

今日放工同男朋友兩個人上到嚟呢間100毛介紹嘅店雖然係平日星期四晚但係因為今日係特別日子10月10號 所以專登來捧場嘅手足都有好多等左大約15分鐘就有位 店內有鄧仔幾張可以坐一陣坐到埋去枱仔細細但都夠位擺兩個主菜同小食一坐低就已經自動送上茶同埋麵豉湯餐具係木製嘅連埋紙巾 唔知點解而家其他鋪頭好少送上紙巾 不過呢間就好貼心送埋我就叫咗個海賊丼價錢合理連埋飲品冇酒精汽水一罐我叫咗極少飯因為食唔晒唔好嘥野味道好好 鰻魚冇細骨 個汁唔會太搶fo Size一隻手掌大女仔食應該啱啱好有青蔥同芝麻 師傅燒得啱啱好 男朋友就叫左呢個牛肉丼佢就話牛肉比較難咬不過味道算唔錯 佢唔識隻蛋所以就俾埋我食男朋友比較大隻所以再叫多個咖喱豬扒飯但係咖喱汁比較少所以再叫侍應拎多少少咖喱汁俾我哋豬扒揸得剛剛好咖喱汁係日式嘅而且有好多肉碎洋蔥同薯仔 底有酸菜另外再叫炸雞小食 $45 4隻炸雞唔會太乾身有肉汁鎖喺裏面總括來講算係一間唔錯嘅香港本地日式小店價錢平均每人$150

日本餐廳多的是，但論食物質素、店舖裝潢、環境氣氛等猶如在日本，相信難度頗高。來到旺角，發掘了一間富有日本格調的日本食肆。𨋢門打開，便看見了一個大型的紅色燈籠印有 “大勝丼”字樣，趟門的格調襯托著竹門，必有日本風味。坐著sofa位置，眼看手上的menu及週邊環境，令我有一種置身在日本的感覺，顏色豐富的menu突然令我有選擇困難症，不知應吃甚麼。與其在糾結，不如就試試最簡單的牛丼。美人滑蛋牛肉丼．HK$98牛丼看似不普通是因為牛丼加了滋陰養顏的花膠，既普通又不失高貴。滑蛋不錯，滑溜溜的蛋液提升了口感；牛肉較淡味，可多放醬汁用以餸飯，彈力十足的花膠亦非常配合牛丼，實在有少少意想不到。另外，每個丼飯都含了麵豉湯一豌、飲料和甜品，更重要的事是免加一，對長期糧尾的朋友來說是一大福音。

呢排香港發生嘅事都令到我唔係幾想出街，但係為咗為香港打氣，都要支持下香港小店💛呢間店位於旺角，而家做緊優惠有八八折首先叫咗一個火炙狂牛丼，牛肉帶啲燒焦嘅味道好惹味~而且個溫泉蛋再撈埋落去啲飯度更加滑😍😍另一個就係美人滑蛋丼，呢個真係好友驚喜~首先佢啲料好足，有牛肉冬菇仲有啲魚肚，唔怪得佢話美人啦除咗佢用日本米之外仲要成個飯都充滿着蛋汁，所以每一啖都好滿足午市嘅套餐仲會附送埋麵豉湯、罐裝嘢飲同埋甜品，價錢都唔貴竟然包咁多嘢真係好抵！呢間餐廳真係唔推唔得，一定要大大力咁懲罰佢呀

🍲🍲鰻魚溫泉蛋飯$148 88折後$130🍲🍲💁配任添白飯+湯 送飲品+甜品)好大一碗 鰻魚份量亦好多👍👍👍(比較起旁邊正常湯碗嘅size😱)鰻魚肉質夠厚夠軟 帶點肥的部分 很加分煮得非常入味😍魚油配上燒汁 非常香但又不膩若然肉質再鬆化點就更好🙈溫泉蛋非常流心🍳.🍗辛香炸雞溫泉蛋飯 $98 88折後$83🍗💁配任添白飯+湯 送飲品+甜品份量大到傻咗 勁多舊大大件炸雞😍😍新鮮炸 夠熱 炸皮又夠脆 雞肉好嫩亦濕潤有唐揚七味粉嘅味 但唔會好濃 唔辣🐥仲問店員拎多少少沙律醬(mayonnaise)個溫泉蛋又流心好鬼滿足😍😍😍CP值非常高👏.鼓勵大家幫襯啲不起眼(!!)esp係受影響街道嗰啲🚧🚧但仍默默幫忙嘅黃色小店呀🙌🙌

今次黎旺角試一試呢間餐廳，大廈門口經常路過但好少留意入面有咩食，需要坐電梯上去五樓。餐廳位置不錯多，不過好彩都唔洗等位，連濕紙巾都印有餐廳名字，頗有心思。和男朋友揀左呢兩款丼飯，價錢算中規中舉。蝦和海膽的味食也不錯，食到一半見到有啲飯素，算有心機，但飯的質地有點太硬身，配合起海鮮有點可惜。男朋友點的這個丼飯佢就覺得普通，帆立貝的口感沒有太新鮮，似係擺左一段時間，也沒有甜味。而且三文魚子對怕腥嘅佢有點身太腥。

今晚同朋友去咗旺角試咗呢間日本魚生飯，見網上Openrice 訂位有88折，作為一個精明既消費者，當然係來之前有訂位啦😏！到店後發現，全場滿座，好彩有訂位，鋪頭有設定75分鐘用餐時間。1️⃣甘蝦海膽丼($148) 海膽份量幾多，甘蝦好爽甜，都好大隻，一碗有5隻，米飯有加調味料。2️⃣溫泉蛋薄燒鰻魚丼($148) 鰻魚汁有啲行，鰻魚有細骨，溫泉蛋沒有什麼蛋味，所以對於這個鰻魚飯有點失望3️⃣火炙酢漬鯖花魚($78)最後還有甜品雪糕糯米糍食完晚餐後都有好多人在門外排隊，所以如果要來嘅朋友記得訂位。

嗰日同朋友係旺角搵晚餐☺️上openrice搵附近餐廳見到大勝丼有得訂位仲有88折~所以二話不說就訂位了坐低睇menu都揀咗好耐，有選擇困難症嘅朋友要有心理準備😂因爲真係有好多選擇！！我最後就叫咗【三文魚二切+火炙左口魚群邊+蔥呑拿魚蓉配白醋飯】另外朋友叫咗【三文魚四切+辣味三文魚配白醋飯】，自製三文魚丼🐟個辣味三文魚雖然唔似元X壽司，但係有好重嘅是拉差醬味~ 都幾好食咖😋最後埋單唔使加一，仲有88折，超高CP值！

佢地岩岩落場收工之際，我地做最後客人。但員工都細心服務。我叫左依個魚生飯好足料。粒帶子好大粒好有鮮味，塞爆成個口。係第一次覺得魚生多過飯。女朋友係食唔哂成碗飯tim.

喺附近訂完玩具，肚餓搵野食，搵到呢間大勝丼。一睇餐牌，就睇同中火炙狂牛丼，而佢嘅價錢係包一罐飲品。勁正，湯過飯係可無限添加！面個丼都好有驚喜！和牛粒個量都叫多，每一粒都好林好juicy，唔會鞋焓焓，撈埋個蛋食令和牛口感更滑，加上炒香左嘅香料粒，每啖都好滋味！星期一至四仲要有折！抵呀！

如果想食魚生飯又覺得其他餐廳太貴，咁黎大勝丼就岩啦呢間餐廳係旺角，如果想約朋友黎呢到食飯一定大家都就腳，仲要價錢唔貴，性價比好高呢到提供既魚生飯種類唔算太多，我就揀左油甘魚。佢絕對唔係切d魚生碎，又或擺2三塊就話係魚生飯。佢係厚切而且鋪滿哂成個飯，超足料！食落都覺得幾新鮮，冇腥味，同埋仲有d蔥花係上面，都幾refreshing呢個飯都係大約一百蚊到，仲送埋野飲，咁既價錢食到高質魚生飯，真係物超所值啦

話說同事前排強烈推介我去呢間丼飯專門店，話刺身非常新鮮，終於搵到時間過黎食同事就叫左呢款吞拿魚中拖羅丼，未上菜前侍應就比左味增湯我地飲，唔夠仲可以添，服務細心！無幾耐之後，一上菜我地都嚇左一跳，d拖羅蓉多到成座山咁高，份量超足，淨係望住賣相都好有治癒感！！忍唔住試左幾啖拖羅蓉撈飯，真係入口即溶，超級正呀～我呢一款帆立貝海膽丼仲離譜！竟然成個板放埋碗上面，而另一邊放左拖檸檬片同帆立貝，梅花間竹咁放，上面仲放左好多大大粒既三文魚子，果種澎湃真係好幸福！以$160食到咁既質素既丼，真係物有所值！！

一入到去地方都好舒服 係啲冷氣稍為凍左啲 叫左碗炸蠔丼 感覺都幾香口 但嫌咁樣齋配飯有啲悶 因為飯冇咩汁 亦因爲我唔係食魚生 所以不是壽司飯 所以如果有番多去少少配料就好 不過整體都唔錯 麵豉湯同飯都係任裝 而且有配韓國罐裝飲料 價錢又唔貴 都係糧尾既唔錯選擇

人在旺角，今次搵到間唔錯，價錢又唔算貴既丼飯😛✌🏻又坐得舒服！而今次選的是這家日式丼飯。好正嘅午餐- 什錦刺身丼🍱 海膽😍北寄貝😋鯛魚😘油甘魚🥰甜蝦🤩