大卡司 (登打士街) (已結業)

宜家香港既台式手搖飲品舖可以話真係百花齊放。而係旺角，台式手搖飲品舖更加係多到好似seven eleven咁，總有一間係你附近。宜家黑糖乜乜乜乜當道，實在太多選擇啦，咁岩行行下街見到大卡司，就呢間啦。多得宜家台式飲品店太多，令到等既時間小左好多，唔洗等半個鐘咁耐。今次我就叫左黑糖珍珠鮮奶茶黑糖奶茶加上鮮奶，比起一般既奶精奶粉珍珠奶茶好飲得多，健康得多。d珍珠好有黑糖味，我叫左小甜小冰，岩岩好，唔會話太甜

行過見到大卡司門口咁多人就諗住試下有咩咁特別啦一去到諗住睇下佢個menu 點知原來冇實體menu要望住個電子螢幕睇，仲要個畫面成日跳嚟跳去，睇到勁辛苦🤢由於唔想再等佢轉嚟轉去研究有咩飲，又見佢新產品推介，所以我地就決定試佢個惡魔珠珠喇惡魔珠珠~無論聽個名、個配搭、同個樣，都好吸引到我le個朱古力控！佢話惡魔珠珠係由朱古力奶，朱古力珍珠，黑糖，同埋奶蓋所組成，所以我都非常期待等左10-15mins到，終於到手！飲左一啖之後..發現...點解可以一啲朱古力味都冇無可否認 佢啲珍珠真係超煙un！勁好咬口但係點解咁高難度都可以比佢揾到杯一啲朱古力味都冇既朱古力奶😭真係超失望，原本仲好期待佢會有濃濃既朱古力味🍫杯野啲黑糖又唔算多...似飲淡味黑糖珍奶既..奶蓋又係偏淡啦，唔夠濃唔夠香唔夠咸總結就係我認為唔試都冇損失，更加唔洗曬時間去排👋🏻咁既價錢我真係情願買成排朱古力奶自己飲，仲開心仲好味😩而且我見周圍個個都係買佢有星形係面個個黑糖厚奶珠珠，咁可能真係我唔好彩揀錯左唔係佢既招牌啦😢

自從前幾日飲過黑糖鮮奶之後，我對呢種飲品念念不忘，咁同朋友出旺角食完飯之後，喺肚飽情況之下，都忍唔住買咗杯黑糖珍珠厚奶飲！我朋友推介我飲大卡司，佢話佢飲過好好飲，咁我梗係立刻去買啦，店員問我杯飲品加唔加大，我梗係話加啦，可能係當時都仲係八點幾未到九點，所以都唔算係好多人買嘢飲，我等左大概6分鐘左右，就已經攞到杯嘢飲啦！咁杯野一到手，就發現係個蓋面度有個黑糖畫成嘅星星，我朋友就立刻同我講，插支飲筒落去，就會變成一對花嘅形狀，咁我立刻就做啦，又真係比我成功左喎！咁之後我就立刻攪勻杯嘢飲，杯野飲飲落口，立刻有一陣好香嘅黑糖味，而且唔會好甜，而奶香都好明顯，啲珍珠仲要好好味好有咬口，有好濃郁嘅黑糖味，真係超級好飲！我杯黑糖珍珠厚奶，係全甜同無少冰嘅，我唔知間舖本身有冇得少甜啦，但我唔建議咁做，因為本身杯嘢全杯都係奶，d黑糖攪勻後其實唔多甜嘅！

好老實地講如果唔係有一個頻道提起過呢間飲品我經過都未必會幫襯呢次經過旺角見到呢間鋪頭就藉住呢個機會試一試佢嘅黑糖珍珠鮮奶黑糖厚奶我曾經幫襯過兩次一次就係呢一杯黑糖珍珠厚奶另一次就係試吓冇奶霜嘅版本有奶霜嘅就濃郁少少但係冇奶霜嘅都依然有足夠嘅奶味，唔會好淡所以可以睇你嗰日嘅口味而選擇濃些少抑或淡些少佢哋嘅珍珠黑糖味都幾足夠但係，黑糖啲味道唔夠香都有啲偏向紅糖、蔗糖嘅味道整體上來講都唔錯不過有奶霜嗰一杯就唔係密封要攪勻要些少技巧如果唔係都會容易打瀉

下了一個多星期的雨，難得好天氣和老公出旺角拍拖，熱熱地就打算買杯凍飲。前陣子經過很多間台式飲品店，黑糖珍珠經常售罄，引誘到老公心思思想試一試。路經這一家很熱鬧，店舖應該是新開不久，裝修很新淨，還有很多人光顧，看見別人手中杯杯沖調都好靚，我們便決定買一杯來試。等了約20分鐘，"黑糖珍珠鮮奶茶" 便到我手上，原本很有期望，不過... 個人覺得茶味太淡了，奶同水的味道感覺是分開了，黑糖珍珠比想像中更甜，唯一可取的就是使用鮮奶。

叫了熱既珍珠奶茶加布甸$26排隊唔係排好耐奶茶既話 奶味較濃 香滑我叫了半糖 甜度岩岩好另外好欣賞佢既珍珠用木薯製作 冇咩甜味 不過好煙韌彈牙！布甸份量都多十分q彈不防一試👍🏻

今晚系旺角Shopping完又冇乜胃口, 之後買咗啲壽司食又覺得口淡淡走咗去買咗杯臺式珍珠奶茶飲一下！可能對珍珠奶茶情有獨鍾, 朋友又話上次呢間珍珠奶茶好好味, 噉就去咗旺角登打士街呢間叫做"Dakasi Tea "大卡司1990, 試下依間有冇咩特別先。走到去呢間茶記真係覺得眼花繚亂都唔知試咩好, 主要嚟講佢分三大類別: 有紅茶, 沙冰同埋珍珠奶茶... 而我本身今次都想試下佢哋嘅招牌茶"黑糖珍珠奶茶" 又試下今次同我上次另一間臺式茶嗰啲有咩分別！一望到個招牌就覺得好特別, 一杯奶茶裏邊有三種顏色: 白色一層層好厚嘅泡沫之餘加上又有粒星星圖案, 中間嗰層就係焦糖加奶茶混合而成嘅白色同金黃色, 而底層就係珍珠加蕉糖而成嘅黑色, 飲落攪勻試一啖就覺得真係唔錯唔錯, 嗰啲黑珍珠外軟內淋, 甜度適中, 而價錢方面細杯加大要加多三文蚊, 比起其他臺式飲品貴幾蚊, 下次可以試下飲沙冰先...

好耐冇行過旺中，估唔到而家愈開愈多小食店😳見到呢間飲品店新開張就叫左杯黑糖珍珠奶茶啦🤤一開始搞極佢杯邊啲黑糖都唔融，但其實你一路飲佢會一路融入去😂佢個奶茶好滑，珍珠唔會係就咁一舊粉咁，佢唔係好大粒嗰啲珍珠但好有黑糖味，好有嚼口👍🏻

-🥤黑糖珍珠鮮奶（$26）（🤤：6.5/10）🔽黑糖既熱潮真係好誇張，令好多間台式飲品店都開始有賣黑糖既飲品，上網睇到啲出名既台式飲品店買杯黑糖飲品都要排成個鐘就知呢股風潮有幾勁啦。🔽呢杯黑糖珍珠鮮奶阿Lu就覺得偏甜啦，但係呢杯野飲就無糖度選擇既，杯邊都有啲黑糖掛杯既，但啲紋就唔太多唔太靚啦，由於奶味唔太出既關係，所以都幾易飲到黑糖味既，飲之前記得搖勻。最有驚喜係個黑糖珍珠，煙韌得黎好重黑糖味，珍珠比杯野飲出色。📍大卡司Dakasi📍旺角登打士街55號地下3號鋪#hkig#hkfood#foodpics#instafood#foodies#cuisine#foodshare#foodgasm#foodphotography#hkfoodie#hkfoodseekerlu_bie#hkfoodseekerlu_bie旺角#吃貨#美食#香港美食#旺角美食#食好西#大卡司#Dakasi#黑糖珍珠鮮奶

麻麻地好飲既黑糖珍珠鮮奶 ($26) 首先呢杯飲品係甜到覺得自己飲哂成杯會生腎石🤢 奶味好淡，飲落好稀果種鮮奶。但黑糖就唔差既，大大粒，好煙韌，而且係幾重黑糖味的👍🏻 如果轉另一牌子既奶我諗應該會好飲好多~

現時紅到火既黑糖珍珠鮮奶，當然要一試。點了厚奶黑糖珍珠鮮奶少糖少冰。珍珠偏淋，有咬口。黑糖鮮奶有奶香，黑糖味夠👍黑糖掛杯，略嫌偏小黑糖。厚奶在面層感覺豐富，有畫花，同其他間的較不同。建議飲之前先搞匀黑糖同鮮奶，會較好飲。不用三十元，屬中價之選，有時未必一定要去排長龍既舖，小店也能性價比高，大家可一試。

大卡司係我之前係大陸見過既一間台式飲品店！估唔到佢開到黎香港，而座落係旺角。就等我試下呢排既話題：黑糖珍珠鮮奶啦！呢間仲有黑糖珍珠厚奶，黑糖珍珠奶茶厚奶姐係上面有層奶蓋～唔好咁heavy喇！試個普通野啦🤭🤭🤭甜度都一樣係冇得揀的！呢間有做到掛杯～ 黑糖珍珠都係熱熱的！第一啖飲！ 甜！甜！太甜喇！我覺得（帶個頭盔先😂😂😂）但係我覺得佢既珍珠硬左小小... 唔知係咪我飲果日係咁定係點🙈🙈🙈🙈🙈🙈🙈甜到我唔想食佢既珍珠😭😭😭This one not good not good~~因為佢太甜我覺得性價比有點兒低🙈

1. 黑糖珠珠奶茶(少糖少冰)（＄26)☕由於係黑糖飲品，佢只可以叫少糖少冰，個黑糖花紋都幾靚👍🏻不過煙韌口山珠珠偏甜，除左纏繞唔少黑糖，珠珠本身都甜，有奶茶香味，但有D被黑糖甜味遮左🙈彤樂評分：6.5/102. 黑糖仙草珠珠奶(少糖少冰)（＄27)個人覺得整杯飲品都幾甜，前者有茶中和，但依杯奶就相對更甜😅而仙草更加有D失望，明顯似某牌子嘅罐頭龜苓膏味😣彤樂評分：5/10大卡司 Dakasi地址：旺角登打士街55號地下3號舖／元朗擊壤路7A號鴻福樓地下營業時間：星期一至四及日：12:00 - 23:30；星期五至六：12:00 - 00:00／星期一至日：11:00 - 22:00

近日不知為何掀起一陣黑糖熱潮，每家台式飲料店都相繼推出了黑糖鮮奶或奶茶。除了若干月前曾試過一家台灣過江龍之外，其實我甚少喝上黑糖口味的飲料，主要是因為怕甜。大卡司開了已經有一段時間，也算蠻常經過。記得明明前陣子晚上也不需排隊，前幾天經過卻有甚多人群在那等候，不僅訝異這台式飲料風是如何重起。看到眾人都拿著一杯杯的黑糖飲料，我也好奇地買了一杯來嚐。黑糖珠珠鮮奶 （少冰 少糖）$26雖然對餐牌上的黑糖厚奶非常有興趣，但本人並不太喜歡奶味，決定試一下鮮奶就好。這個原來沒得選微糖，只好選少糖。雖然客人滿多的，卻不用等太久，三五分鐘就好了。黑糖掛杯得很好看，拍完照搖晃好才戳來喝。第一口沒晃好，黑糖味太濃。用飲管再加攪拌，終於不算過甜。奶味濃，珍珠口感佳帶黑糖味，整杯飲料卻沒有想像中的黑糖香。試完覺得可以儘量一試其他人氣店鋪再慢慢比較，暫時則不會回頭再買了。

去旺角想買杯珍珠奶茶都常都好難避免要排長龍今日有d趕時間但又好口渴想揾間少人d既舖頭買杯野飲行過見到呢間舖頭得小貓三兩隻就決定買la其實開頭都有d驚 度度都咁多人偏偏呢間就咁少人 唔知會唔會好伏不過我記得之前去大陸好似有飲過呢間感覺還可以先決定試下呢度飲品選擇唔多 差唔多九成既人都係買黑糖系列 果然係呢牌大熱我自己都買左杯黑糖珠珠鮮奶 $26比起其他舖頭好似平少少 d掛杯整得都幾靚 有唔少黑糖漿杯野係比我想像中好飲好多鮮奶夠滑同埋夠濃黑糖味都好濃郁 唔會死甜甜度可以揀少甜 我覺得剛剛好我覺得味道可以比美其他排長龍既舖頭 下一次經過會再買