大叻越南牛肉粉餐廳 (聯成商業中心)

營業中

休息中

相信大家對大叻都唔陌生🤣 連鎖嘅越南餐廳 差好多區都有分店 單單銅鑼灣快有已經有三間分店 非常厲害的擴張佢地有lunch menu 如果叫熱飲就加$2 凍飲加$5 特飲加$7 作為健身人士 長期要吸取大量蛋白質 呢度嘅雞扒飯就岩哂 雞扒大大塊 雞皮係烤 唔係煎或者炸 係個比較健康嘅選擇 飯量方面亦可以叫少飯 咁就比較容易控制自己飯量亦唔洗嘥野浪費唔想食飯亦可以選擇撈矇或者湯河

清楚明白午市時段會比較繁忙，帶帶吓位個員工可以無啦啦走咗去，咁我就問係咪就咁搵位坐，個類似店長嘅物體就衝出嚟，粗聲粗氣喝住話「唔得唔可以，（指住某個位）坐呢度！」究竟發生咩事要俾你喝？明明都唔爆場，啲員工都唔知趕乜，為趕而趕咁，營造到好緊張嘅氣氛。收嘢嘅時候，又成杯嘢淋咗落去個客嘅膊頭同咗手臂，不停當人哋個客死物咁抹抹抹，有冇諗過人哋感受？照理係要賠洗衣費俾人㗎，但冇人提及過，得過且過，自己嘅過錯就顧客承受，有冇搞錯！垃圾！遇著啲咁嘅對待，嘢食幾好食都無用！呢間嘢啲待應好似有強迫症，飲完最後一啖嘢已經即刻刻趕人走，但明明仲有好多位㗎啵！返工已經精神緊張，仲去間咁樣嘅餐廳俾人咗樣趕法，為乜？我體諒你哋食肆生意難做嘅同時，你有冇體諒返我哋顧客？貼錢買難受！真係全線嘅大叻我都唔會再幫襯！！我亦都會叫我身邊好友唔好幫襯呢間嘢！

野食ok, 但D人出出入入都唔閂門，員工喺道門隔離都唔幫手閂，熱到咁點食野？定係要等到秋天先幫襯，成間鋪有一半位置都係熱到痴線，唔怕熱嘅可以去，d豬扒係好食嘅。。

銅鑼灣驚喜抵食平民餐廳😍銅鑼灣多數都係啲比較貴嘅餐廳🤑呢間大叻喺港島區有唔少分店入面啲嘢食抵食兼大份，價錢親民😚午市定晚市都Keep住有好多客😆📍炭燒香茅雞扒飯（$60）最有驚喜就係呢個炭燒香茅雞扒飯，唔知點解可以做到炭燒味好出♨️而且雞扒夠大件，加上佢白飯會配上勁多薑蓉，撈飯一流🤤而且佢加嘢飲同普通茶記差唔多，熱飲加2蚊，凍飲加5蚊，特飲都係加10蚊，銅鑼灣嚟講真係好抵食既價錢😆😆

每次行過都排隊 有日行過有位 所以入去試個下午茶下午茶 2:30PM 到 5:30PM ☕️食完睇返先知原來有好幾間分店坐位有啲窄 仲要搭枱 呢個價錢不過不失 豬扒不錯金邊粉 粉絲 檬粉同價價錢🥩 越南火車頭牛肉粉 HKD$78有生熟牛肉 牛腩 牛筋 牛丸 牛柏葉份量比起想像中細 雖然唔使$80但係因為火車頭應該大大碗 所以諗份量應該唔太細肉同粉嘅份量唔算多 睇落個碗幾滿 因為好多芽菜湯底ok 比較油膩 但總括到不過不失嘅🐖 烤豬肉撈檬 HKD$52烤豬肉唔乾 烤得不錯 保留肉汁檬粉比例比較少 好多配料 芽菜 青瓜 生菜 蘿蔔絲 個人比較偏向多啲粉雖然餐牌冇寫 店員介紹餐牌嘅時候話下午茶有嘢飲 但其實要加錢 熱飲+ $2 (熱檸蜜 +$3)，凍飲 +$5 (凍檸蜜 +$6)，罐裝汽水 +$6，特飲 +$10飲品幾大杯 奶茶同檸茶個茶都算濃但係奶茶叫少甜都好甜 📍銅鑼灣謝斐道506-508號聯成商業中心地下1號舖

今日午餐到謝斐道搵食又想食清啲，就揀左依間越南大叻，佢係銅鑼灣有另一間分店， 謝斐道依間就較新淨，不過舖位就細少少，但都乾淨企理，坐得舒服。今日午餐點左廁所生牛肉河粉 - 湯頭清甜， 牛肉份量都算多，食落都嫩滑唔韌，配菜有芽菜青檸辣椒，正常生牛河配搭。河粉細滑而且份量好足， 比一般越南餐廳既粉量多點，食完有飽肚既感覺。雞中翼撈檬 - 雞中翼略乾身同細隻，不過佢就比左四隻，都算有誠意。撈檬份量都大份， 而且都滑身👍🏻配上很多青瓜蘿蔔絲十分好！整體份量偏大和抵食，都值得推介。