影片
營業時間
今日營業
07:30 - 20:00
星期一至六
07:30 - 20:00
星期日
10:00 - 20:00
以上資料只供參考, 請與餐廳確認詳情
香蔥芝士鹹牛肉滑蛋三文治，將嫩滑的蛋、鹹香的牛肉加上香濃的芝士，味道不會太鹹，加上清新的香蔥，完美配搭，令三文治口感更豐富，有層次，外賣送來時還是暖暖的，非常好吃。切碎的香蔥清新提味，喜歡香蔥的人必點之選。
繼續閱讀
今日返工想食啲輕便啲嘅野食，唔想食飯麵咁麻煩，於是就叫咗呢間港式三文治嘅外賣！呢間大吃大喝好似好出名，由油麻地開到中環都有分店～✨香蔥芝士鹹牛肉滑蛋三文治三文治嘅面包口感非常軟熟，中間嘅餡料亦非常足料！香蔥芝士鹹牛肉滑蛋係一個好吸引嘅港式味道，滑蛋好滑，芝士鹹牛肉好惹味，略嫌香蔥味濃濃咗少少，未必個個會中意～✨椒鹽炸燒賣(6粒)椒鹽炸燒賣非常惹味！雖然外賣送到來已經攤凍咗少少，但口感依然都仲係好酥脆，味道有驚喜～
繼續閱讀
我認為係中環要食外賣三文治嘅首選就係呢間大吃大喝！間舖頭好細間，裏面只得一排座位，好肯定呢間舖頭主要做外賣，如果好趕嘅話，我真係好鍾意食三文治當一餐！之前已經聽過呢間外賣店嘅大名，佢喺油麻地好出名！我朋友都會特登去幫！知道佢喺中環有分店，所以搵機會試吓！果然冇令我失望！今次嗌咗兩款，分別係芫荽蛋治烘底，同埋厚切餐肉蛋治烘底！啲蛋真係好出色，絕對唔會太過龍，有好多蛋汁！好有蛋味！加埋芫荽真係冇得頂！另外嗰個餐肉，係煎過！因為係厚切，所以好有口感！真係好配合！而最估唔到係佢杯奶茶都好掂！不過，要食嘅話，記得打電話去嗌咗先，如果唔係分分鐘排半個鐘！因為好多外賣order！
繼續閱讀
呢間主打爆餡三文治🥪嘅小店，原來喺中環都有分店，店內仲有少許座位，可以坐低慢慢嘆ღ松露安格斯牛肉鐵板三文治 $46加咗$2烘底，食落更香口！超厚勁足料！入口啖啖肉😍安格斯牛肉牛味濃郁，加上黑松露好惹味呀！食肉獸叫呢款一定啱晒ღ香濃沙嗲牛肉滑蛋三文治 $37呢款同樣都加咗$2烘底🤤沙嗲味香濃，牛肉入口軟腍食落唔韌，加埋超滑蛋，好惹味😋ღ 惹味沙嗲豚肉飯 $54豚肉份量十足！肉質鮮嫩多汁，加上香濃嘅沙嗲汁，送飯一流！ღ樽仔飲品 $12有奶茶/咖啡跟飯叫加$6就有勒✨ღ(♫ ♪ ♫ ¢яєαмfυи ♫ ♪ ♫ (¯`◕‿◕´¯)ღ
繼續閱讀
夏天咁熱胃口通常都冇咁好，加上晏晝成日趕時間，三文治就係最好嘅解決方法！一係唔食，一食就梗係食三文治界別嘅天花板-大吃大喝啦！🥪香濃沙嗲牛肉滑蛋三文治個人最推介！沙嗲醬充滿着香濃嘅花生味，牛肉好嫩滑，配搭滑蛋同埋鬆軟嘅方包味道簡直係一流！🥪西西里芝士鮮茄豚肉鐵板三文治豚肉一啲都唔韌，仲好軟熟多肉汁，配上新鮮蕃茄加芝士係一流嘅配搭，啖啖肉超滿足！🍛蔥油豬扒煎蛋飯見佢竟然有得買飯就叫多一碗嚟試吓，發現真係幾有驚喜，佢哋嘅豬扒一啲都唔韌，好surprise ！📍大吃大喝 (威靈頓街) (中環)中環威靈頓街85-89號群英商業大廈地下A2號舖
繼續閱讀
您可能會有興趣的...