大喜慶 (已結業)

今晚要去灣仔, 在OpenRice找到了這間"大喜慶私房菜", 評語不錯, 決定一試. 點了4小菜: 咖哩魚頭煲, 頭抽豉油雞, 士多啤梨骨, 蘭度炒豬肚尖. 水準很不錯, 又全無味精! 甚至連送的飯後甜品 -- 紅豆沙 -- 也是認真之作!! 本人特別喜歡士多啤梨骨, 個汁做得酸甜洽到好處, 排骨不肥卻鬆軟. 家人則大讚咖哩魚頭煲, 咖哩香而不刺鼻, 香芽的香味更提升了整味菜的吸引度. 相信很快會再光顧試別的菜式 值得一提, 曾特首這晚也是坐上客, 當然是坐廂房啦! 但可想而知這菜館質素真的有番咁上下

今年母親節餐飯決定左去呢度食今次我計過度過, 帶成家人去食高師父既私房菜, 因為貪佢比出面啲酒樓抵食並足料.我只係叫左兩個套餐(主要係因為飲X男女個Apps有coupon download) . 個餐叫鮑魚花膠宴, 有紅燒花膠, 鮑魚海參鵝掌, 黑松露蝦仁炒飯, 頭抽煎大蝦, 士多啤梨骨...甜品等等 紅燒花膠就係魚翅湯底加花膠一齊煮, 啲花膠煮得夠腍, 好黏口,好似真係食左好多骨膠原咁. 湯味夠濃, 食落去冇飲味精既感覺 鮑魚海參鵝掌, 除左伴碟條菜同啲汁, 侍應話原隻鮑魚係墨西哥既, 豬婆參既海參, 鵝掌就比出面食既厚肉, 應該係師父揀過嚟, 正呀, 個汁夠濃~ 撈飯一流而個蝦仁炒飯就好特別加左黑松露, 食落有啲似食西餐, 可能係加左黑松露既關係..個味好香...飯炒得乾身一個中西FUSION菜士多啤梨骨....真係用士多啤梨炒...而且重有好鮮甜既士多啤梨味..味道好得意, 個味帶鮮甜, 有D似平時食開既生炒骨, 多左生果味頭抽煎大蝦, 基本上好簡單, 只要蝦靚師父有技術就得. 佢地應該係用新鮮海蝦, 加埋頭抽煎，蝦夠彈牙, 頭抽唔會好鹹可提到蝦既鮮味 總括黎講, 成餐飯食得幾舒

個晚同朋友諗住食好啲…點知就食左一肚火，我哋其中一味餸叫＂蝦子百花釀柚皮＂，上菜時就發生以下問題：二百蚊碟蝦子百花釀柚皮，無蝦子…問侍應，答：＂係無嫁喎！＂再問：＂但菜牌係寫明蝦子xxxx，咁蝦子起邊呀？＂侍應：＂哦，咁你要，我比返你囉，都係岑起面！＂朋友講：＂呢碟無蝦子嘅幾錢碟？＂侍應：(黑口黑面入廚房攞左半茶匙蝦子)總括嚟講，呢味餸名不乎實，又無蝦子又無柚皮味！我哋重叫左以吓菜式：唔酸嘅蒜粒醋青瓜；燒臘好味過佢嘅牛展；無士多啤梨味嘅士多啤梨骨；只有杏汁味但又欠豬肺味嘅杏汁白肺湯；焗魚腸普通ok；竹笙羅漢齋普通ok無鑊氣；唔咸勁甜有沙嘅咸菜抄無味肚尖；味道同做足一百快餐店無分別嘅廚師推介豉油雞一隻；甜品(送)- 唯一覺得好味嘅麥米花生糊Overall味道普通，價錢唔平唔值，侍應反應慢(成晚得三圍台)態度差，一定唔會再去！

銅鑼灣中菜老字號"大喜慶",在年前結業,現址已變成時裝店Bauhaus,上年中大喜慶重出江湖,今次不欲與眾酒家直接競爭,而是轉戰商廈上的九樓,打正私房菜形式經營.我對大喜慶的印像,是上世紀末在此吃過一頓蛇宴,在臨結業前亦曾來過一次晚飯,那次人少少兩個人,只吃一碟雞加一碟菜而已.記得此位置上一手是"華亭",曾經吃到一頭煙來.現今的大喜慶是完全不同的菜系,闊別五年後復出,又會是什麼樣子呢?這夜一行十多人前來,由高師傅的兒子前來招呼,菜單一早寫好.每人預算大約三百多,如果吃翅則貴很多,我們吃不起了.沒有翅之下,以紅燒花膠絲作代替品,花膠絲份量多,切得很幼細,入口啖啖花膠絲,湯身不太杰,味道濃甜不濁,真材實料.現今在市面很少地方吃到金錢蟹盒了,這一味懷舊順德菜,是膽固醇極高之物,身處現代已不合時宜,如果想吃此一味,可以去北角或太子鳳城,大喜慶做得比較厚身一點,外層的肥豬肉厚不易破,包著的是豬肉加蟹肉的餡料,但蟹味並不明顯.個人覺得還是鳳城做得更好.蝦子柚皮完全不及格,一入口那種苦澀之味道隨即湧止,已是不可接受.炸蟹鉗真材實料,並不是飲宴上的"硬膠"濫芋充數之流,蟹肉豐厚,但不夠新鮮,另一方面的

同事試過大喜慶話味道ok,咪約埋成班同事試吓囉,食過後,覺得味道大致上偏鹹,整體來講,表現中規中矩,菜式冇乜特別,味道不過不失,試一次已經足夠,冇乜嘢令人回味到要食多一次.講回味道方面,詳細介紹如下:口水雞,皮蛋味道細膩,雞肉算嫩滑,個汁辣辣哋,幾惹味.煎魚腸,蛋煎燶咗,食落有味,魚腸又腥,冇陳皮同胡椒香,而且好鹹,味道勁差.士多啤梨骨,聽講話係招牌菜,但食過後,感覺好失望,個汁冇乜士多啤梨味,同普通甜酸骨差唔多,腩骨過肥,食到成口油,整得唔太好.豆豉涼瓜炒魚柳,夠哂鑊氣,涼瓜爽口唔太苦,但魚柳肉質鬆散得來唔嫩滑,味道好一般.蓮藕炆鴨,蓮藕炆得太腍太粉,鴨肉係雪貨,冇乜鮮味,芡汁過鹹,味道嘛嘛.咖哩牛腩,個汁稀杰適中,冇乜椰味,但咖哩尚算香濃,薯仔煮得入味,質感軟硬適中,美中不足係牛腩偏嚡有渣,感覺差少少.本來想食羊腩煲,可惜當日冇得供應,所以叫咗個豆豉雞煲來食,可惜味道太鹹,冇乜豆豉香,雞肉唔嫩滑,整體好一般.頂抽焗魚頭,未食有期望,一食即失望,魚頭炸得過火,太乾身似柴皮,魚雲,魚肉當然唔會嫩滑啦!!況且味道又太鹹,對此菜好唔滿意.蠔皇蝦籽燜三菇,食唔出有蝦子香同味,菇肉爽口,不過

走在灣仔,總有三幾間私房菜在附近,不單有早幾年去過的囍宴及名門,近年大喜慶酒家結業後,主理人亦改為私房菜形式再戰江湖.店子隱身在街市左右,地下大堂只不過貼上紅紙一張,要找不算難.其實店子所在位置,亦是華亭舊址.早年曾經光顧過舊店一次,不過是主打點心,對於店內名菜,是從未品嚐過,老是想找機會試試.得南瓜兄一早訂好房間,有點似層相識的感覺,原來是當年華亭小局同一房間.老實說,兩者看來相差不大,似沒有特別裝修過.而十多人坐得有點逼,但總算熱熱鬧鬧.而菜單亦是一早寫好,自已不用費神,真好.高師傅特製豉油雞 : 豉油的確是調教得不俗,甜而不膩,雞肉有少許結實,大概是浸得耐的關係吧!雞味不重,皮下脂肪不少,理應不用雪貨,有點令人失望.百花炸釀蟹拑 : 夠足料,雖然表面是用蝦膠包裹,但內面是真正的蟹拑,即炸即食,熱辣辣的舊式喜宴菜,近年已在婚宴席上逐漸退下,但對個人而言,吸引力是絲毫不減.蝦籽柚皮 : 相熟的食友都知道柚皮是個人至愛,有得試就一定要,今次一碟有四大塊,先看賣相,蝦籽下得太輕手,味道變得不突出,咬落不覺苦澀,”啤”水做得足,而纖維質又不至於散開,其實在柚皮處理上是對辨的,茨汁有如放湯一

第一次食我記得係上年中期業績報告老闆請大家食飯，當時候唔記得係咪高師傅親自落手，真係好食，無得彈，但係～～～～～今次真係唔掂。以下小弟點既菜：1）火朣雞燉翅2）醉雞翅3）鳳爪4）蓮藕餅（內含黑松露）5）蟹嵌6）椒絲腐乳生菜翅因為第一次試過，好掂，點知今次出來個水準差之千里爾，湯渾濁、偏咸，翅疵埋一舊，火朣有油益味，唯一優點係依然咁大份，但係無興趣添多碗～醉雞翅，厲害，唔熟，都費事同waiter講，反正得4隻～味道唔錯，有雪藏味～～蟹嵌，$68/pc，訂位時話每天只供應22隻，唸住應該唔差得去邊，但係～～～可能為方便食用，基本上一咬就散，完全無彈性，蟹肉用料唔算最差，只係差0者～～鳳爪，無特別～蓮藕餅，據聞有加黑松露，唔覺，但係粉我就覺得落好多喇～生菜，好多腐乳汁，好濃，睇得出落足料炮製，但係只能遠觀而不能～環境以及其他方面對我唔係大問題，只要好食，街市我都唔介意，但係一間菜館如果唔能夠保持水準，比人客有咁大既落差，而且借錢並非便宜，我估亦難以與保持客人的長期關係，高師傅滿場走既同時，我情願你真係坐鎮廚房，管理好食材既質數，始終決定一間食店既生存空間，係味道，而唔係so-so也。謹記。平

尋日慶祝奶奶生日奶奶一向都欣賞高師傅,覺得高師傅都幾真材實料~知道高師傅o係灣仔重開私房菜,一早就話想黎試,所以借此機會試下,但都好失望古法炆龍躉尾 (要預訂) 依個係最好食,龍躉皮好膠好淋又唔腥但580蚊喎,我覺得咁既質素係好應該同埋係本身條魚好食所以好食,唔覺得d汁or配料有乜特別炸子雞 (要預訂)隻雞好有雞味,同都幾滑但個皮唔脆囉~~~咁我做乜要食炸雞姐去美心叫隻炸雞都脆過佢啦好食係因為隻雞好食,但師傅技術好麻麻囉!!士多啤梨骨哇,竟然咁多人推介,但真係毫無特別味道又假,肉又唔係特別淋,仲好多筋添,唔ok囉我覺得唐朝都好食過佢好多,仲要平好多添呀!!覺得勁比人呃錢蝦子柚皮食到酸酸地咁都要淋既,但無佢講到入口即化咁勁囉叉燒焗魚腸我無試,但老公奶奶話無乜特別哈哈炒飯(無mood到唔記得影相)d飯一d都唔乾身,無一粒粒既感覺,同食快餐有乜分別?? 除左d蝦係新鮮蝦and大隻d囉求其搵間樓下大排檔or酒樓都好食d咁既價錢食d咁既野,心理勁唔平衡,真係要比個喊佢高師傅!對你好失望呀!

首先要謝過搞手南瓜兄及爐兄的邀請，本人都是臨尾才知那夜原來有空，在最後關頭報名，有機會一試高師傅主理的一席菜餱，來的時候確是充滿了期望。是夜人數是在一圍與兩圍之間，要開兩圍嗎？人分得薄，每圍可試的菜其實相對少了，所以最後要了一圍，我們被編排在一個類似廂房的東西吧，環境都算不錯，但由於人數眾多，大家就要坐得親密一點了。是夜的菜式一早由南瓜兄打點好，先來的是個湯，是紅燒花膠絲也；接下來的是蝦籽柚皮、金錢蟹盒、百花炸釀蟹鉗、古法生炆龍躉尾、高師傅特製豉油雞、黑松露百花煎藕餅、士多啤梨骨、頭抽生煎豆腐及頂湯焗芥蘭度，最後的甜品是火麻仁糊。先來的紅燒花膠絲其實就有如一般的紅燒翅，用上高湯煨到那些翅入哂味，然後那些湯就收哂水，形成羹的感覺，是日只是以花膠絲代替魚翅，所以是日的主角仍是個湯，入口的花膠既軟且黏，質感不錯，而其靈魂是個湯，入口都很香甜，高湯味道重，但奇怪的帶丁點辛勁，有食友說是薑，但個人似胡椒之類的香料，這真的令人有點摸不着頭腦，但不計此因素，這個湯是美味的。湯水為大家帶來個好開始之後，就是來吃炸物了，第一款是金錢蟹盒，是日的蟹盒是厚版，有別於鳳城的薄身版，入口粉粉的都夠酥，但個人認為

昨晚去了大喜慶晚飯.,點了四個餸頭抽魚頭.,好好味.,士多啤梨骨..,都好味.,唯一沒有我最愛的菠蘿咕囉肉????蒜容通菜.,好味义燒焗魚腸.,OK 啦希望下次可以有菠蘿咕囉肉...期待另外希望改善冷氣機.,不夠冷...和將2位抬移移位,不要太近厨房..

聽個friend話大喜慶開番, 真係心思思想去。約幾個friend 就去試下。唔係好捨得食咁貴,叫0左普普通通。但係普普通通都足夠間0野有幾勁。鮑汁炆鳳爪好香,我平時對鳳爪麻麻地,都食好幾隻。高師傅頭抽雞好入味,肉質鮮嫩。招牌炒飯一粒一粒, 好好甜品 - 貴花馬蹄露貴花味好重, 非常足料

沒胃口吃飯，吃粥，這裡的粥稀而不覺有米香，有改進的空間。或許是新店的關係，是日吃得不甚滿意，已同第二代當家反映意見，希望日後會有所改善，看過餐牌，似乎最值得試的，是用自家醬園浸製的豉油雞。更多分享＠http://foodxfile.blogspot.com/2010/08/blog-post_08.html

家中長輩生日，指定要吃中餐。因想有點新鮮感，家姐找上了這一間。上一次去大喜慶，好像已經是八，九年前，那時仍在銅鑼灣與爸媽的ｆｒｉｅｎｄｓ食。記得那餐飯好悶（得我一個年青人），好在餸菜好得，我就不停的食食食。好味呀～　今次晚餐order 了9個餸鵝掌柚皮 ~ 點了四份。因怕食完柚皮會濕熱肚痛，自小不多吃。今次小小地試，柚皮很林，索了汁很好味! 送飯佳品。反而鵝掌太林，沒有平常很膠的感覺，又太咸，不大欣賞。士多啤梨骨~ 好味，初入口帶點酸，慢慢又覺得有點甜。雖然叫骨，但很好肉呀~ I like it! 窩貼大明蝦 ~ 很乾身，黑松露味好味，但cover蝦味，普通。大喜慶炒飯皇 ~ 由食鵝掌柚皮已經叫佢地快d上... 等呀等，到最後都係最尾上。我又唔係去飲，點解炒飯要放最尾呢? 不解。不過，我想話個炒飯真係正，除了真材實料外，粒粒飯都爽口。因為這是最後一味，個個都飽晒。結果它成了我第日的LUNCH。重點係，叮熱後仲係好好食呢!　上湯芥蘭 ~ 很翠同很脆。 頭抽焗魚頭 ~ 很脆，雖是炸物，但不油膩(*不等於不熱氣)。食到不停口呀! I like it!! 炸子雞 ~ 肉很嫩，味道剛剛好。家人不

這次和友人伉儷的星期一晚餐例會由友人出題來「大喜慶」，店子所在的大廈有多家標榜私房菜形式的食肆如「名門」、「囍宴」和 Le Blanc。店內檯布和餐巾印花且意外地連金屬餐巾套也有... 雖說是私房菜但不須點預設的指定套餐，餐單選擇多和一般酒樓相約。 先來小食鮑汁鳳爪，大家一致鑑證鳳爪是新鮮貨。鳳爪炆的夠味但質感留有彈性和嚼勁，雞皮不會炆至糊糊爛爛，鮑汁味道完全滲透入皮下，入口膠質豐富，嘴唇也被醬汁中的膠質弄的黏黏的，不過以我的口味來說味道偏濃了些少。 另一道好像名什麼高師傅頭抽雞，雞肉富彈性而且醬油甜中帶鹹香，我覺得比「富聲」的豉油雞好吃，但仍比不上銅鑼灣「西苑」的瓦礃頭抽炆雞。 海味花膠煲，材料豐富有花膠、蝦仁、魷魚、蠔豉和花菇。花膠尚算厚身（當然和小女子自家製的紐西蘭花膠仍有段距離 ^^），不過反而有驚喜是蠔味豐沛的蠔豉，這個一百二十元的海味煲性價比高，抵食推介。 不久前在「富聲」吃了假蟹箝（只有花膠蝦肉包裹著蟹箝尖殼，沒有蟹肉），這天再點炸蟹箝看水準如何。 嗯，今次的炸蟹箝才像樣，真有蟹箝肉在內，老式造法，價真價實童叟無欺。 最後奉送蕃薯芋頭甜湯，淡淡的薑味配粉糯的蕃薯和芋頭，味

在好友介紹下，週未晚上在大喜慶吃了一頓晚餐。店內裝潢衛生皆不俗，但因地方不是很大，甫坐下已有點擠擁的感覺。食物方面，有不少套餐供選擇，價錢由$380至千餘元，豐儉由人。散點菜式也為數不少，價錢約百元起。最後決定散點各式小菜美食。先以青瓜皮蛋作為開胃前菜。青瓜脆脆的，味道清新。皮蛋則水準平平，香味稍遜。醬汁因有生蒜作調味，味道酸中帶點微辣，用於開胃前菜頗合適。接下來的是此店的名菜蝦子柚皮。柚皮炆得很腍很入味，入口無渣，微微果香夾雜着淡淡蝦子味道，製作出色。再來亦是另一名菜士多啤梨骨。雖說是士多啤梨「骨」，但其實所用的骨頭部份並不算多，反而肉質豐富，口感鬆軟富肉味。所配的士多啤梨汁甜酸稀杰適中，果香鮮明，味道未有被其他食材蓋過，反之能對整碟菜有畫龍點睛之效。吃畢招牌菜，再嚐其他菜式。沙薑雞以上湯泡製，口感嫩滑，雞味濃郁，不用沙薑醬料調味已覺好食。古法炆龍躉背翅是店方推介。既然是推介菜式，並以背翅作食材，當然有所期望。出來製品魚味尚算豐富，但肉質明顯不夠細滑幼嫩，感覺有點失望。幸好，接着來的芝士海蝦水準有驚喜。菜式還未上枱，遠遠已能嗅到芝士的香味。芝士味道亦十分出眾，味道濃郁，加上海蝦品質優