大大鑊 (已結業)

點解又執左嫁~~~呢間韓國鐵板雞我好鐘意食呢~煮既時候會有好大隻鑊, 然後店員會用火槍大燒之後就食得, 我一路都好鐘意呢個環節嫁!沙律菜清新之餘又加左D牛肉, 所以唔會好寡, 味道好突出, 越食越想食~韓式鐵板雞, 成個過程由生煮到熟, 都會由店員負責幫手, 係用左韓式豆板醬同雞肉, 椰菜同年糕炒成, 味道甜甜地又辣辣地, 雞肉同椰菜又稔, 超好食! 而且份量係超級多!2個人食會飽到行唔到~~之後可以加芝士, 又係另一種食法~可以玩拉絲!

呢個係一個遲嚟嘅食評..不過我知道老闆娘會努力搵地方重開其實佢執咗幾個月老闆娘話只要搵到合適嘅地方就會重開但佢嘅味道依然令我掛住老闆娘係韓國人識講廣東話 佢話嚟得香港一定要講好廣東話佢係個好好記性嘅人我去第一次佢就記住咗我我每次返去佢都記得我上次大約幾時嚟佢對食物好有心機自己親自埋枱炒俾客人牆上面都貼滿客人寫俾佢嘅紙條去到總係有種返咗屋企嘅親切感好希望老闆娘快啲搵到合適嘅地方我仲有好多野食未試期待回歸

依間尖沙咀韓國餐廳係其中一間好鍾意既餐廳，成日都好掛住佢個炸雞，因為炸到好好味，而且佢出名大大個獲，D份量好多，味道又好。早兩日又去食一次，我地六點就去到，無咩人，老闆娘好nice 咁拎D頭盤比我地食。 因為掛住食，頭盤就無咩點影。 咁我地就急不及待咁叫左個炸雞，老闆娘話有骨既炸雞會好味D，咁我地又唔怕要取骨，所以都係叫左有骨炸雞。 之後我地就叫左個炒豬肉，老闆娘或者D員工會親自幫你炒，唔使自己郁手，咁我地真係係度等食，份量果然好足夠，依餐大滿足。

成座都係食的厚福街8號H8 , 11樓有間韓國人開的大大鑊每一檯都有一隻黑麻麻的大鐵鑊.ORDER了 韓式炒牛肉 2人套餐店員會係你面前炒熟所有食物, 好似睇SHOW甘, 有埋火燒芝士睇, 好鬼緊張!!材料有菇/菜等等.炒一陣再落牛肉仲會用石油氣槍係表面加熱會砌好食物, 做心形芝士坑再用火槍係表面加熱燒溶D芝士食得啦, 賣相都唔錯架!牛肉好入味, 不過有少少韌, 但用黎沾滿芝士食真係好夾, 芝士控必愛. 食到最底仲有芝士脆片食, 不過要自己慢慢鏟黎食.套餐仲有包一碟沙律, 店主會配另一款肉類, 呢個係炸雞~我地仲ORDER埋 春川炒辣雞肉 SET唔會好辣, 好開胃添!最後原來有糖水架, 木瓜雪耳糖水好好味!!值得黎一次既!!

聽到朋友話呢間炒雞好好食又夠大份，就一直想黎試下。 上次終於試到喇，果然無令我失望！佢呢到既炒雞一開始會幫你整成心型，好sweet～ 炒雞好夠味，又唔會過份地辣，大份到一份兩個人係食唔曬😂大推！

又係生日飯，韓燒食得多，改改路線食炒辣雞。全班朋友都係第一次食哩間，一入店內就聽到好几枱都係講韓文，嘩！正呀，咁多韓國人都黎食，應該無死。老闆都係韓國人，老闆娘講得一口流利的廣東話，溝通完全無阻，仲好有禮貌，員工也很好，服務給滿分！入坐後第一時間送上湯一碗，好似例湯咁，但係，係好有質數嘅例湯！點了4人份的春川炒辣雞套餐，選了炒辣雞 ＋豬肉沙律 ＋粉絲，好好味呀！沙律菜很新鮮，清爽，配上炒豬肉，正！韓式韓絲通常都無乜出錯，好味，正常的表現。炒辣雞我們選了芝士配搭，店員細心的幫忙炒食材，火槍都用埋，好味。因朋友唔食得辣所以點了小辣，我估再辣D會更好味。另外還點了店內poster的五花腩，看著肥肉好似有D得人驚，但食落真係不得了，有點入口溶化的感覺，好好味！這次誤打誤撞的選對了食店，好開心呀！！

之前lunch來呢度食估唔到。午市套餐而且款式都幾多，發現竟然有人參雞，叫左個黎試下，人蔘雞其實係即食人蔘雞，即出邊韓國店買嘅一袋袋現成的人蔘雞一樣，雖然有啲失望，但碗上一個熱辣辣嘅白飯再加上佢嘅石頭鍋感覺都OK，滿滿的人蔘味。佢哋套餐可加配韓式飲品，配埋一碗海帶湯，所以都幾豐富。另外朋友叫咗個韓式辣醬炒豚肉，份量好多，好惹味，炒得好乾身，Lunch time 黎好抵，性價比高，又好坐，不用在下面街同人迫。

今日係個朋友正日生日，一早有朋友即日訂位，去到時好似得我地同另外一檯，唔算多人，但個環境幾舒服同大👍🏼之後，睇左餐牌款式雖然唔多，但都有特色ge，一黎就叫左個炒雞set，一個set 都包左好多野食，分別係豬肉沙律、炒雞同炒粉絲🙈仲要叫左個五花肉，加埋一枝燒酒🙈本身都覺得夠啦，點知一黎到....個份量超級多🙈🙈食到好滯咁，不過唔講個份量，整體食物其實都唔錯架，絕對可以encore再黎過👍🏼雖然價錢上有少許貴，如果淨係叫個套餐，已經好夠食架啦

BEE仔我又四出搵食, 今日去左厚福街呢間BIG BIG PAN 度食DINNER~緊慎既我梗係係唔係都有BOOK位啦呢間BIG BIG PAN 係食韓國野既, 之後BOOKMARK 左一排, 今日終於黎到試下我點左芝士風味雞配韓式拉麵叫度叫得大大獲, D野食又真係大大PAT..芝士風味雞芝士味好濃, 佈滿哂D 炸雞, 味道有DD辣辣地, 炸雞都脆但偏油都正常GE韓式拉麵無咩特別..不過今晚我地叫左好多野飲, 有士多啤梨沙冰+APPLE CIDER~~同埋蜜桃酸奶~~檸檬沙冰...

有晚我地約埋一對情侶朋約左去尖沙咀食飯，一行四人上左去厚福街H8既《《大大鑊》》女小編勁中意佢地六小碟既沙律，refill左兩三次黎到“大大鑊”，咁就緊係要揀啲“大鑊”野黎食啦我地最後揀左個春川炒辣雞肉！大大鑊真係唔止個鑊大，食物份量都勁多！！！！！！！當中除左雞肉，仲有不同既蔬菜菇菌同韓式年糕仲會有專人既場係面前幫我地去炒用火熗既呢刻勁有視覺效果未食經已睇左場show咁！兩個女仔見到呢個心心即刻同時心心眼不過味道方面就無乜特別，雞肉亦唔算特別嫩滑，好睇多過好食淨係食雞，男仔們又點夠呢，所以我地仲叫左個螺肉冷面同飯團反而呢兩款有驚喜啵，螺肉大粒爽口！飯團大大球，調味清新開胃，唔會因為食飯而食到飽飽濟濟咁！兩個女仔仲嗌左杯芒果乳酪沙冰share飲，又係好大杯，味道都好好，芒果味道唔人工化

有一次係社交網站見到有朋友勁推介話呢間好好食 咁比我look團購既時候見到就用$298買左2人套餐既coupon 我禮拜六食 禮拜二左右就打左去book位 係韓國人聽電話我地6點9度就去到 去到既時候都仲好少人 侍應好細心比圍裙我地著同埋用布包住d袋 避免整污糟 個套餐可以揀4款 我地就揀左春村炒辣雞 原價套餐 $410 個炒雞麻麻地 反而個沙律有驚喜牛肉再配d蜜糖漿 好野味😋我地師加左芝士同韓式公仔麵 個公仔麵要就22蚊真係幾貴 但初初以為係韓國既薯仔麵整體黎講未試過韓國既春村炒辣雞都可以試下，只係價錢偏貴，但service係幾好

是日午餐 韓國野again✨冇計啦因爲尖沙咀太多韓國餐廳啦😂今次就揀左間樓上既試一上到去明明係lunch hour但一個人都冇😂可能主要做晚市生意掛不過咁都好靜靜地 佢每張檯都有個大大既鐵pan for烤肉食既但因為太大啦如果唔烤肉既都幾阻定下...之後我地就嗌野食啦 一向鐘意食年糕既我梗係要試下佢既芝士炒年糕啦 咁朋友就嗌左泡菜豬肉炒飯既 另外既朋友就嗌左參雞湯~小菜係首先上檯啦 佢既西蘭花好好食唔知點解😂其他就泡菜啊枝豆啊個d啦都好食既但唔算特別凸出啦首先上檯既係我既芝士炒年糕 睇落都幾足料架有洋蔥有蘿蔔有魚糕同唔少既芝士同埋年糕食落都真係幾飽架😂食落非常惹味同埋年糕唔會太腍煙煙韌韌咁好飽肚又好好咬口 加埋d芝士食芝士唔會太濃又有拉絲既效果係啱啱好既 可能我揀左辣既關係啦所以食落冇咁膩 但佢既辣都真係幾辣架 不過就唔會攻鼻同咳既好食辣既朋友話因爲係天然辣椒辣唔係化工辣所以會受到🤔我就冇研究既但我就覺得辣得黎好想再食囉 同埋夾埋d洋蔥蘿蔔芝士一齊食好夾✨之後朋友既鐵板海鮮炒飯就好似一般般啦 因為佢個碗既關係令飯既份量變小(本身諗住係鐵板上點知係膠碗...)而且朋友話個味道好普通海鮮味

今晚一行六個女仔book左7點半食飯，限時2小時既，不過今晚都無人等，所以就無趕我地走。一坐低，就送上海帶湯同6款小菜，我喜歡帶點wasabi味的蘿白同茄子，小菜可以免費添呀。叫左一個炒辣雞既4人餐，有個沙律，有個炒粉絲，可以追加一款例如年糕呀公仔面呀嗰d同4杯好似20蚊定15蚊以下既飲品。米漿幾好飲，我地追加左芝士去一齊炒，仲加左份豬手同冷面。呢個星期做promotion，叫套餐可以平d加一份或半份豬手。今晚有幸由老闆娘幫我地炒雞，有好多料呀，韓國老闆娘好親切呢，味道幾好，偏濃味。豬手就淡味一點，可以點附上的醬會好吃一點，沙律菜新鮮，整體食物味道okay。服務方面，係親切的，但太忙了，有時叫添小菜和添茶就會忘記了，要追一追。價錢方面，我們6人吃了1052元，每人只需175元，又坐得舒服，又好服務，值呀！同老闆娘炒雞時傾計，呢d小店真係生意難做呀，下次會再黎幫襯的！

第一次去H8尋美食，本來選擇了12樓的餐廳。到達大樓看到很多誘人的餐廳廣告版。友人提議要不上去11樓看看?春川🐔電梯門一打開就是餐廳，內部環境偏暗，因為窗戶上都貼滿memo紙。作為今天第一檯客人，就馬上被安排坐在窗邊sofa位置。每一張檯都有一個大大的pan。lunch set價錢算是很便宜，五六十就一個set。如果是點餐牌上的，價錢算是適宜tst地段。於是我們oder了春川雞，兩個女生一道雞~入座後，服務生馬上送上熱熱的海帶湯，豐富的前菜。第一次嘗春川雞，先在鍋中心鋪上滿滿雞肉，韓式辣椒醬，邊上各種蔬菜。不用擔心要自己動手，服務生會把雞和蔬菜炒熟。眼看好像放了很多辣醬，但是甜甜的，並不是很辣。最後撒上的芝麻，增添整道雞的香味。雞全是肉，沒有骨頭。這次可算是意外的一次雞驚喜~環境算是清淨，因為我們坐了兩個小時才四檯客人

今年囡生日話想去食韓國野，就選了大大鑊。一早訂好位要窗口位置。窗口貼上好多post it,寫上滿滿的。我們當然有寫啦。oppa幫我地炒的，睇佢表演，勁食物幾好味，餐廳大部份就是韓國人，老板娘好健談