大家樂 (淘大商場1期)

營業中

休息中

食晏有時都會過嚟呢度食, 有次撳完飛，望住個mon，等咗半日都未有叫號。原來係個職員冇scan到張單。咁都未完，叫個鴛鴦炒飯 加大飯另上,個職員將啲飯汁分離，然後就話飯另上咪即係同汁分離，態度差都算。衛生環境就奶嘢，先唔講啲卡位仲有啲食物殘渣未抹，食個飯食到一半突然間有隻小強爬出嚟🤢🤢搵咗好耐先摷返佢出嚟，我淨係想快快脆脆食埋個晏就走，唉搞到咩胃口都冇曬。味道就一般,正正常常大家樂。價錢就冇乜好講,都係連鎖價,咁個服務態度質素,搞唔掂。

收工同閨蜜食大餐😈！ 大家樂推出咗全新「咋咋淋鐵板餐」，豬、牛、雞樣樣齊😍 而家仲有抵食優惠$149就食到二人鐵板餐👫🏻 👫🏻 二人鐵板餐🌟兩份自選鐵板餐（三選二）可以揀紐西蘭肉眼牛扒鐵板餐🐮、蒜香香草豬扒‧麥蘆卡蜜糖雞扒‧奧爾堡雞肉腸鐵板餐🐥、香煎卡真雞扒‧BBQ 醬燒豬胸骨鐵板餐🐷，份份都勁大份，又香又惹味！配埋黑椒汁或洋蔥汁，仲有炸薯棒、洋蔥條、扒茄🍅，豐富到爆😍🌟兩客酥皮焗海鮮濃湯我超鍾意呢個湯！酥皮一層層酥脆！海鮮湯超香濃，仲有好多蜆肉😋🌟兩客蘋果薯仔沙律再食返個清爽嘅沙律🥗refresh一下🌟兩杯指定飮品（三選二）可以揀粒粒紅豆冰、泰爽鴛鴦青檸冰、凍檸檬「可口可樂」，我哋揀咗紅豆冰同青檸冰🍋‍🟩，同充滿港式情懷嘅鐵板就最夾💗！

高層安排排隊非常亂冬瓜盅2人餐小菜超級小款，最普通嘅菠蘿咕嚕肉，啲肉又細又少得果6小粒，仲細粒過丸仔。梅菜肉餅整到超咸，係咪諗住冇人食整咸啲留番第日再推出，慳番第二日整嘅時間。叉燒又少又切得薄一薄

平時週日有時女女瞓完晏覺之後就會想去食個下午茶， 每次問佢佢哋都一定會話想食大家樂!! 因為每次我哋只要嗌一樣嘢食就可以加錢叫兒童餐比佢哋🫶🏻呢個兒童餐又真係幾抵食嘅😅$28就可以滿足晒佢哋幾個願望有肉醬意粉🍝薯格，粟米粒🌽仲要有埋提子汁同啫喱!! 加埋每次都有紅色車車造型小朋友一定好開心!! 兒童餐好似分咗飯同意粉意粉用紅色車車/ 飯用綠色車車但女女每次都一定要揀意粉～🩷🩷肉醬都加多左🙌🏻呢一個份量足夠令到佢食得飽飽又滿足Very good ！

盤菜今次拎完汁已經漏晒出來野食都是咁既味如果冇住其他野食真是未必夠咁多人食加左伊麵其實麵好多野 一個人拎的確吃力如果可以分兩袋可能好少少但應該都唔會可以膠袋又要收錢筷子同碗都冇比足夠人數數量記得以前好似有附多碗湯汁但今次冇

每年做冬都會10幾人一齊食飯，老竇唔想煮咁多人飯咁辛苦，所以幾年前開始就已經叫盤菜，而大家樂嘅盤菜就係我哋經常既選擇佢有分四人至六人盆菜，六人至八人，10人至12人盆菜， 10-12人盆菜都只係六百幾蚊，另外加多個$132嘅福建炒飯，喺大家樂個app度落單可以再用PayMe俾錢減$100即係唔使$800就已經連飯都唔使煲直接加熱就食得，不過今年做冬有個小插曲，一打開個盆菜食食吓有人發現佢漏俾咗d瑤柱，影低咗幅相之後大家就繼續食，第二日我就返去大家樂搵經理同佢講個盆菜漏咗俾瑤柱，俾返幅相佢睇之後發現原來佢比錯咗六至八人嗰個盤菜我哋，唔怪之得好似咁細個盆菜啦，哈哈，最後佢應承俾返一個六至八人嘅盤菜我哋另外再加個12人份量嘅瑤柱，件事就解決左，要連續兩日食盆菜，但係都食得好開心

龍蝦汁珍寳魚柳焗飯套餐$56唔知係唔係最新推出，都係第一次見到依個飯，見佢龍蝦汁幾特別就買來試吓，未食拎一打開已經覺得好抵，條魚好大條，龍蝦汁啱啱好夠晒撈飯，蕃茄唔會泰林用匙羹都可以分開兩舊慢慢食，而翠玉瓜都一樣煮得啱啱好唔會太淋有啲爽口，味道尚可，到主菜珍寶魚柳，真係好大條，食落外層鬆脆，唔會一咬就散，魚柳嚟講，中規中矩，唔會有咩驚喜，但亦唔會令你失望，如果你晚餐時間好肚餓又想食大份啲嘅可以試吓

最近返工都喺淘大大家樂分店食。好吃的地方太多人，淘大分店比較易搵位。如果趕時間的話，請你不要考慮，因為平均每個餐都要等5-8分鐘不等，視乎人流。個餐擺喺度2分鐘先放杯飲品。沒有耐性都不要來。我通常幫襯元朗，出餐很快，平均2-3分鐘左右。我主要吃西餐，除咗雞扒有兩次輕微酸酸地之外，其他食物都OK，麥皮係最好食的。如果經常幫襯，建議買餐飲券，加埋各電子支付平台優惠，都慳到$5以上。清潔阿姐好好人，好有禮貌又親切👍🏻。

淘大間大家樂快餐出名慢，無論早餐，午餐，下午茶 堂食或者外賣 都超慢 ！所謂手機特快訂餐，完全都唔快，.尤其是外賣 ！ 大家真係預多啲時間早訂order ！如果大家趕時間，就千祈 . ...

落oder嘅姐姐超不耐煩，又係咁叫你買呢樣買個樣，話左要咖啡+奶茶然後入左兩杯咖啡，跟住等餐超慢，等左20mins都未有，過去問一個姐姐，就話d嘢食放左係一二邊，冇入到number

平凡中見不平凡之「荷葉飯+熱檸茶」，其實想講佢好耐，因為cheap cheap地，好似冇乜嘢好講，但係真係忍唔住要讚吓佢，依家香港地啲嘢貴到飛天，早餐已經四十幾蚊，竟然大家樂的荷葉飯+熱檸茶仲系$37，有冇搞錯，咁平。真係戥佢唔抵，雖然冇好多大大件嘅肉，亦都冇好多好多芡汁，買相都唔係好靚，但係佢就系有嗰種味道出來，尤其九點灣淘大商場這間會加放蔥，飯內充滿荷香蔥香肉粒冬菇醬汁香味，加多杯酸酸甜甜普里檸檬茶，一絕其實大家樂杯紅豆冰又係一絕，好多餐廳比不到。另外燒味舖都好好，又衛生又好味近排下午茶出咗個豬扒烏冬，平時少去食的大家樂竟然一星期總會去一去🤣🤣🤣

又係快食，大家樂一哥焗豬扒飯，炒飯底再加厚切豬扒，十分有口感。除之以外，香濃芝士味作底令成個豬扒飯更有層次，先有蕃茄汁的酸酸甜甜，再加上芝士的濃郁口感令個炒飯底更正。

其實已經N年沒吃過大家樂了，剛好經開附近見到提起，媽媽也說很久很久沒吃過了，兩母女就很無所謂地進來解決今晚的晚餐了。法式焗慢煮牛面肉飯，本來是想吃焗豬扒飯經典一下的，不過發現有類似的新東西，就試試新口味。牛面肉燉煮得很軟腍，牛味很突出，有點意想不到的好吃，南瓜香甜很點睛，配上熟悉的酸酸的茄汁炒飯底，就是記憶中的味道呀！份量頗大，細食的話2個人吃都足夠了。紐西蘭西冷鐵板餐，這個牛就令人有點失望了，看上去就很乾柴，吃下去也沒什麼牛味，就是靠吃醬料的味道，跟餐還有羅宋湯和甜品布丁。結果我們先解決了好吃的牛面肉焗飯和一部分西冷扒，還剩下了頗多可以打包。總的來說，久久沒吃過大家樂，沒抱太大期望，偶然有吃到出人意料的好吃的，覺得還不錯。

約左朋友去德福睇戲，而呢幾日天氣開始轉冷，所以決定食個小火鍋做晚餐。我同朋友都叫左個大盛牛肉鍋另外加左魚滑同埋生菜仲叫左一jar 酸梅冰首先要讚一讚呢個一人小火喎價錢只係$76，但已經包左兩份牛肉，一盤蔬菜盤，一個盛盒（有炸魚皮同埋丸類）。酸梅冰亦都好抵，$15就有一jar, 兩人飲平均每人兩大杯。不過亦有做得唔好嘅地方，佢啲蔬菜洗得好唔乾淨，上面有好多泥，所以有幾片菜我都沒食到。但紙括來講，以呢個價錢食到咁豐富嘅一人火鍋，都係唔錯嘅！

好耐無食過大家樂嘅厚切焗豬扒飯，心血來潮，晏晝就去咗食喇😂。 晏晝嚟講都算幾抵，$43再送係一杯14安士嘅凍檸樂。飯依舊係炒飯底，亦照舊有茄汁、番茄、芝士同洋蔥。豬扒都一樣咁大塊，味道都咁好。唔知我有無記錯，往日嘅一哥焗豬扒飯，塊豬扒有層薄薄嘅蛋包住，現今嘅厚切焗豬扒飯就好似唔見咗果一層薄薄嘅蛋喇😞😞。凍檸樂就無咩特評價喇。😅😅大家樂雖然有回收餐盤車，可惜好多時都滿哂無職員清理。加上依舊好附人都仲係依完起身就走，食客自覺咁拎自己嘅餐盤去回收餐盤車嘅意識仍然未夠。大家樂應該再加強推廣一下喇。