大家樂 (新達廣場)

營業中

休息中

最近試咗大家樂麻婆豆腐雞球燴飯，未食前有點期望，食完有點失望，叫得麻婆豆腐，就係想食豆腐，但豆腐量少得驚人，只得幾粒，一隻匙羹都裝唔滿。好彩雞肉份量適中，都叫有幾舊雞肉食下。雞肉無乜味，應該只係上碟前放落啲麻婆豆腐汁，所以唔算入味。大家樂飯份量通常不多，我從事體力勞動，通常要加大飯底，但其實加大了飯底都只係普通飽，唔加大飯底應該唔夠飽。汁就普普通，唔算辣，普通生粉水蠔油微辣汁，不過不失。$39有杯低綠茶送。

一早起身去左一個舒心暢快嘅地方慢活一整個上午。返到市區，已到下午茶時間，所以來個late lunch。🫘雪菜肉絲米+蒜蓉多士 配紅豆冰 $28雪菜肉絲米看似無味的，但雪菜嘅咸味配上淡淡的米粉剛剛好，而且米粉熟度好適合我，唔太硬，亦唔會腍啤啤。多士亦有誠意，最令我驚喜係杯紅豆冰，紅豆足料而且腍，唔會好甜，整個餐有種剛好嘅感覺，滿足。🫘豬扒腸仔蕃茄烏冬 配紅豆冰 $27豬扒大細適中，肉質嫩腍，蕃茄湯底濃，同烏冬好夾。下午茶下午兩點開始，發現好多嘢食選擇，而且價錢相宜，份量適中，所以好低食。

服務人員的態度差到極點。總是把責任推給客人，完全不屑於負責。俾大家樂公共電話號碼打不通，打店面電話佯裝聽不到。每次都找不到座位。而且，食物和座位上竟然有蒼蠅，這衛生狀況簡直是噁心至極，座位還黏黏的1. **等待時間過長**：客人經常需要等很久才能得到服務，讓人感到非常不耐煩。 2. **不專業的服務態度**：服務人員對客人的詢問常常無法給出正確的解答，甚至表現出不耐煩。3. 環境嘈雜**：餐廳內的噪音太大，讓用餐體驗變得不愉快。5. **缺乏清潔**：桌面和餐具常常不乾淨，讓人對衛生感到擔憂。這些情況都會影響客人的用餐體驗，絕對不推薦去，用大快活美心取代𡚒時代好心

今日晏咗食飯🥡，來到大家樂，梗係要試吓佢哋嘅下午茶☕️啦！下午茶餐真係人來人往，有啲難等位。等咗大概10分鐘⏰，最後都有位啦！今次要試吓佢優惠茶餐，天天優惠價$28。📝1. 奶醬脆豬🍞一撕一咬，脆卜卜，香脆的豬仔包，橫切一開二，塗上牛油🧈和煉奶🥛，簡直係大家樂茶餐的招牌美食🫶🏻2. 雪菜肉絲米🥡有蒜香、帶少少甜、湯底幾好味、分湯👍3. 紅豆冰🫘淡奶香偏重，但紅豆好入味，喝完真是立即降溫🥶呀！

大埔夜晚突然落大雨,唔想淋濕身就係大家樂叫左晚市小菜回家食,點知就係中伏既開始.叫左個蠔皇花菇肉絲豆腐同埋燒味叉雞,燒味叉雞正常唔會有期望就唔會有失望,都唔係話好好食咁啦.所以重點係諗住食蠔皇花菇肉絲豆腐,預計會正常味道,唔差得去邊.點知豆腐一咬落去就係酸酸餿餿味,真係唔知擺左幾耐,咁都煮得比人食,食死人咩.最慘係番到屋開飯先知,出面又落大雨,成餐飯變左冇啖好食,提醒大家係呢間大家樂少叫豆腐為妙.

今日和兩老一齊食晚餐，一個飯桶一個就冇所謂，大家樂就最岩用大家樂apps就吾需要排隊，搵定位就叫到餐食！脆爆燒腩四寳飯＋加大飯底$63＋凍檸檬可口可樂 +$3再加配鹹蛋（半隻）+$3七味豬扒.柚子雞扒.忌廉醬爆腸，蛋炒飯$65羅宋湯＋熱好立克～我食量吾多都可以食得晒，豬扒同雞扒吾係好大塊，炒蛋飯好乾，芝士腸好正，一切爆汁🙈😂口水雞配湯鍋及白飯$66＋少飯再+是日湯鍋：胡椒豬肚白蘿蔔排骨湯鍋雞份量好足

食左個大家樂早餐外賣，今次係牛尾湯通粉系列，去咗煎雙蛋、牛油餐包、熱奶茶🤗牛油餐包拎到返去仲好熱，個牛油分開上，自己想食幾多就落幾多，好好味😋煎雙蛋係太陽蛋，配牛尾湯通粉就好好味

昨晚睇球賽夜左瞓覺，所以食返個好早餐來提提神。返工前來到大家樂買外賣。呢個餐價值hkd$31。首先有個多士，可能因為外賣關係，個多士都凍左少少，從而變得硬左，冇咁好食。之後仲有個火腿湯米粉，如圖中所見，顏色的確是比較淺色，即係個湯底其實算淡味，如果唔加辣椒油就冇乜味啦，好彩都有火腿配搭下。要讚的是炒蛋，唔會炒到碎濕濕，又夠味。腸仔都係同樣好夠味。最後杯意式咖啡，味道唔會太苦，咖啡同奶配合既份量剛剛好！

月尾份糧使得七七八八，想慳錢又飽肚，我會去大家樂食天天超值。大家樂中午長期有一款平飯價錢只是$36元，附送一杯飲品。最新的天天超值選是貴妃鮑片雞粒炒飯。這款貴妃鮑片雞粒炒飯配料豐富，有紅蘿蔔和青豆、雞肉粒、炒蛋、魷魚片、和香菇碎等。用鮑魚醬汁撈勻的配料加上金黃色的炒飯底，粒粒分明。落單時我還會要求加大飯底。

一般快餐連鎖店俾人嘅印象都係求求其其普普通通但是今次食到這個全日早餐其實都喜出望外因為平時一個早餐係唔夠飽呢個係事實食物嘅豐富程度亦都不足亦都係一個事實所以這間公司有這樣的設計其實係破天荒好有創意的一般感覺嘅蜜桃雞扒 配襯埋其他嘅配菜薯餅蕃茄煎蛋煉奶多士等等這個普通就變成不太平凡呢個豐富嘅口感同埋食物嘅滿足其實勝過好多特色嘅茶餐廳再加埋這個火腿通粉會令到一般人覺得唔夠飽都會充滿飽肚嘅感覺這裏的配菜包括薯餅蕃茄等等明顯就係即叫即做熱辣辣嘅一啲都唔會凍冰冰沒有一般快餐店嘅感覺依個可以攞好高分記住啲包煉奶要全部落晒先至夠甜就好食凍嘅綠茶仲可以唔使錢就有凍飲添

喺繁忙嘅日子，或者天氣差，要快快買一個外賣返公司食，最平靚嘅選擇離唔開大型快餐店。間中都會心思思想食大家樂嘅焗肉醬意粉，夠晒經典。😊😊八達通仲要有優惠券，$40都唔使，性價比算係非常高。我仲加咗個中湯，都幾唔錯。😄😄用錫紙兜，夠晒保溫。肉醬意粉真係有好多芝士，但係佢哋嘅意粉比較粗，同埋林，唔係彈牙嘅質地。不過滿滿嘅肉醬😋😋已經彌補番，好味！至於中湯，好似只需要加幾蚊，有好多湯料，啱晒繁忙嘅打工仔。

呢排D天氣濕濕立立， 又熱又翳焗，成日搞到人無咩食慾。夏天最適合食湯飯，見到大家樂新推出， 鹽焗雞髀冬瓜粒湯飯$46，好似唔錯咁，一於試下你先。夏天好多地方都有推出冬瓜既食品，可能因為冬瓜真係比較消暑。果然係大眾食堂，好鬼死多人，等左一陣， 終於都有得食啦，快餐店黎講， 賣相算唔錯， 鹽焗雞髀都好大隻，不過有D咸，湯底方面味道都算適中，可以中和雞髀嘅鹹味，不過湯裡面既肉粒好靭，唔好食，瓜粒就正常。仲叫左個燒味雙拼飯$46，燒味好食過鹽焗雞髀，都幾多餸，下次都係食燒味飯好D。總括以快餐店質素黎講算唔錯，都可以一試。

今日去咗大家樂食晚餐我叫咗個菠蘿咕嚕肉配白飯佢仲有個老火湯可以配搭今次係芫荽豆腐湯 飲落又真係冇乜味精啱晒啲平時冇時間煮飯嘅家庭下次我再試吓其他小菜同大家分享整體評分：4/5

今日放假，去左大家樂食燒味飯叫咗個雙拼燒味飯豉油雞叉燒價錢優惠而且燒味都切得幾好因為唔想太鹹所以我就走豉油啲油雞同叉燒都好夠味有心製作整體評分：4/5味道：4/5抵食：4/5環境：3/5

有時一個人唔知去邊食野通常我都去大家樂下午茶價錢優惠，好多選擇我今次就揀左個燒鴨瀨粉味道Ok有時下午想食d野平平地不妨去試下整體評分：4/5環境：3/5味道：4/5