大家樂 (康齡大廈)

營業中

休息中

嗰洗手間嘅衛生程度，居然同一般嘅茶餐廳毫無分別。一樣都喺，去完包你返胃。仲話喺上市集團, 叫嗰位所謂嘅上市公司主席，每日自已親自參觀一間佢自已集團嘅公廁。咁佢就明白佢集團啲餐廳有幾今人大家快樂啦。

無骨海海車雞飯雞肉未去到好滑，但唔柴，份量亦足夠。配埋紅米飯夠晒健康！餐廳衛生程度同其他大家樂分店相約，普普通通。不過食容就中年同長者較多，相對會坐得耐啲，所以我6pm去都要等下位咁。

今日心血來潮拉閘去大家樂，選左碗茄汁海皇飯來一個幾滿足。啲茄汁味甜甜地，唔會酸得嚇人，淋喺啲飯上面，粒粒飯粒都包晒茄汁嘅feel，真係襯得嚟。啲海鮮呢，蝦蝦帶子都做得啱啱好，唔會過火，咬落去Q彈得滯。搞到我食到停唔到口，食完個碗冚唪唥㗎嘞！😋🍴小朋友嗰份周打海鮮飯都唔差，啲飯好吸汁，啲海鮮同蔬菜都新鮮，配埋嘅無糖可樂🥤，算係一個幼細之選。食得我哋兩個唔覺唔好意思笑到出聲，好有親子時光嘅feel！大家樂呢家平民飯堂真係物有所值，有豐富選擇架。雖然無講飲管政策做得點，但呢啲小瑕不掩瑜，我哋都食得開心哂！飯後感覺肚皮好滿足，行天橋都輕鬆咗好多噃！下次再嚟攞個靚早餐，開心返工去！👍

太子這間大家樂經常車水馬龍，因為性價比實在高。今天與兒子去太子段砵蘭街的凱聲琴行買書，買完見到這間大家樂空位竟然多著，便匆匆入內與兒子惡霸位吃個快餐。我吃「天天超值選」茄汁海皇飯，加無糖可樂，幫兒子叫了「快趣筒」周打海鮮飯。真心覺得這兩個餐很便宜，而又不難食。本身想減肥的我不太想食有汁的飯，其實應叫海南雞白飯，但35元的茄汁海皇飯的味道與份量及價錢都太吸引，而周打海鮮飯也很不錯，我還給兒子飲他很少飲的無糖可樂。總括來說，大家樂絕對是窮人恩物，港人之光。惟一要給劣評是它的環保政策，海報宣傳說要走飲管，但職員照舊提供，比老麥做得差。鬼佬全球化公司始終走在文明之先。

星期日大廈停水停電，被迫早起身無得訓到自然醒，一於同男朋友落街食個早餐，附近好多茶餐廳，但我地今次選擇左無食幾年嘅大家樂 大家樂一直比我嘅感覺都係”快，快，快”，唔會有笑容外更加唔會有服務可言。。不過經過今餐後我對佢完全改觀⋯⋯ 呢間分店細細間，由收銀到清潔姐姐每位員工態度都好好，甚至比西餐廳還要好👍🏻 收銀有耐性，清潔姐姐有笑容，仲會同客講唔該哂,多謝哂~ 岀餐姐姐仲主動問我需唔需要熱水，又多謝前多謝後，仲有笑容。。 超值早餐$25有杯即磨咖啡，麥皮多士烚蛋加條腸仔咁平又咁豐富嘅早餐依家真係見少買少🤓味道正常，態度笑容齊哂Have a good morning 🌞

一個人想食扒，行過見到大家樂就入，諗住平平地食住先，叫咗個雜扒鐵板餐，都真係算平連埋凍飲都係$59。不過呢間大家樂好細，加埋都應該大約得十幾張四人枱，夜晚多人嘅時候，好難搵位，同埋坐得比較迫，唔太舒服。

今日難得放假～去食個靚靚早餐先大部份時間大家樂嘅早餐都有質素保證！今次米粉啱啱啱～又有好多雪菜～雞扒大小適中，無雪味！腸仔香香的配上充足的陽光～幸福就是這麼簡單～

午餐冇乜選擇，臨急臨忙去左太子呢間大家樂食，又平又快~ 大家樂既選擇多左好多!! 我叫左佢今日推介既hea飯:鮑片竹笙雞粒飯，$35有野飲，午餐黎講算幾平了😋😅好快地，一分錢都唔洗，就有得食～我見佢好足料～ 鮑片有4塊，都大塊！都幾好味！你好淡👍🏻👍🏻同都好多雞粒好多汁，好足料！食落熱辣辣同好香口，好多汁~ 佢既份量唔係好多，所以啱啱好一個女仔嘅食量！仲有嘢飲👍🏻👍🏻 只係位置比較少啲，有時要等位🙈

外面天陰陰焗緊雨，雷暴警告生效，好似妖怪就黎打到咁。中午出去食飯實好麻煩，趁暴雨未落到黎，一于衝出去買個外賣好了。唔行得遠，就近大家樂買好了。午市岩岩掛牌，食咩好呢？呢個時候人漸漸多起來，好耐冇食叉燒飯了，食叉燒四寶飯好了，買外賣，速閃。我要求左叉燒要瘦，都比到。叉燒有五六舊，雞脾一隻，雞翼一隻，紅腸三片，咸蛋半隻，仲有d菜，好夠送一碗飯。飯上都有淋豉油，有d人會為健康，嗌走豉油，我就照要左豉油，夠味開到飯嘛，哈哈。雞脾都好多肉，呢一餐系雨天快捷，食肉獸的浪漫飯盒。

呢2日冇啦啦病到飯都食唔落😭😭終於好番dd 就走左去食大家樂 好幾年冇食過大家樂十一點半黎到 發現仲有早餐心中冇限驚喜 對於所有快餐店 我都好鍾情早餐二話不說就揀左銀針粉 雞扒 蘿蔔糕同熱檸水人流唔算多 仲可以搵到空位都算乾淨 係肥大ge銀針粉 好有咬口意外驚喜發現銀針粉有唔少火腿 蝦米 個湯底略咸左少少同油左少少 整體黎講唔錯銀針粉冇過淋 仲保持應有ge口感👍🏻👍🏻👍🏻雞扒 嫩滑 食落好juicy 係個茄汁 好奇怪 一d都唔夾蘿蔔糕煎過龍 同落得太多油唔會成舊粉 食落都有蘿蔔粒 同d臘味粒整體係幾好食 略嫌太多油 可以減油就更加perfect

本來想去食米線，點知附近間米線舖執左，真係搵食艱難，唯有轉去食連鎖集團既焗豬扒飯，飯很多汁且夠酸，份量十足，豬扒就算把啦，其實我是為個汁而食，豬扒係無味既，另外加左個菜，反而個菜有驚喜，又腍又有陣蒜味。

意外病倒，沒多餘力氣閒情在吃上，隨意走進這，加大了餐，盛惠33.5一份我們點了一樣的，火腿腸仔厚多士凍奶茶，另一份雪菜肉絲米火腿腸仔蘿蔔糕。火腿腸仔全是冷，腸仔將價不再是廚師腸，還有那pat無茄汁味的茄醬，淡而無味，多士不過不失，牛油硬得不暖多士實在無法使其全溶化，實在好傷感。再說炒面也糊口，微暖淡口，跟大角咀店差得遠，失望的一個餐。最後一杯冰凍奶茶，味香奶足甜味夠把喊面扭曲乾坤全賴它，值得一試。

咁大個女都係第一次食盤菜既炸我，一來認為全部汁撈亂曬咁唔芳好食，二來家人人數少，一直就無咁既良機。正夕新年，提早吃年飯，家人在這預早訂了一盤，今天晚餐前就外賣自取，個盤自居6人份量，五六百個大洋咁上下啦，是夜四條友，又睇下夠食好食無。。。十多樣食材，望落幾多咁。内容有蠔菇冬菇青口蠔屎蔔白豬皮蝦雞腐皮芋頭粟子豬肉魷魚福袋魚旦鵝掌西蘭花蓮藕，真係數到19樣wo，攪笑仔，食物淋淋地，味道比想像好少少，可能係餓呱。

一個人，零唸到食乜好，好耐無食過西多就去左食喇。。。。等左五分鐘左右先炸好既西多餐21現在賣這價錢我已覺好平，簡直抗通漲呀，炸得金黃，叫多兩包糖漿，連賣牛油，花生醬中間都啱好，簡單卻很美。凍奶茶叫了少冰，茶味濃，奶味足，滿意呢。剛好座位對正燒味窗，見到燒鴨叉燒干爭爭，零吸引，不過平時叫叉燒系列又唔會去望下靚唔靚先叫既，好無食？純粹運。

大年初一，原來香港真是度度都唔開門wor!! 由於表弟要求陪食中午，免為其難下，就同賣表妹求其樓下開一餐。本來我未病好，其實三個人食兩個餐都得，但表弟又口口聲聲話食得曬，咁好囉，叫三個餐啦！表弟的魯肉旦飯拼什麼煎雞扒試了少少他的肉碎，咸得來帶點五香味，賣相不錯，其他沒有嚐，但見他一碟清，應該也不錯喔！表妹的咖喱牛腩飯呢個最正，所有的咖喱汁給我一掃而空，撈飯真係無得彈呀，香料味濃但不強到嗆喉，薯仔跟牛腩量各參半，兩者難得都入味，牛肉不會好費力的嚼，挺鬆化呀，基本上我幫她吃了三分二多呢！病人我叫的醫院餐單之粟米肉粒飯表弟說了兩次話樣子好像忌廉湯wow！！汁料比例做得幾好，不會杰到漿口，又不會稀令令的無聊。粟米香，而肉粒切得大大四方的，又沒啥豬肉so！整体不錯，但不夠咖喱來得美味囉！點了凍奶茶少冰，真的有少，奶香茶滑，夠凍得來，不會欺騙我感情得半杯飲品真好呢！求其一餐又在新年期間竟有繼續啟市兼無特別加價都真係算係咁，幾有驚喜wor!!另外，呢間店員幾好，會幫客人找位置坐，感覺比一般連鎖有service呢！