大家樂 (冠天閣)

營業中

休息中

位於觀塘的大家樂再次帶來熟悉的港式滋味！這次試的是他們的早餐銀針粉加煎蛋，銀針粉爽口彈牙，湯底帶有蝦米香氣，鹹香惹味，令人一口接一口。煎蛋煎得金黃微脆，與湯粉搭配得宜。整體味道簡單卻令人滿足，是一份經濟又飽肚的港式早餐選擇。 環境： 店內整潔明亮，早上人流適中，翻枱快。 價格： 早餐套餐價錢親民，性價比高。 食物質素： 銀針粉滑爽，煎蛋火候剛好。 食物種類： 港式早餐選擇多樣，配搭靈活，適合不同口味。 如果你喜歡傳統港式湯粉配蛋的組合，這款早餐值得一試！

叫左個燒味四寶飯，連綠茶$55。。。雖然都知道係快餐，但估唔到有新出品豉油湯飯，飯本來就濕都淋淋淋，再加上豉油當係湯咁落，非常難食。。。。連個飯都煮唔好，做乜嘢飲食業呢。。。。

吓，我今次嚟到呢間大家樂，真係冇預咗會咁有驚喜喎！🥳 開頭嗰份鐵板雞扒，啱啱好嘅焦香，面層微微帶啲脆，啖啖肉感真係夠晒咬口。雞肉本身滑嫩，仲保持咗肉汁，一啖落去，真係"優惠"咁撈埋個醬汁，絲絲入扣，呢個味道簡直係"撈齊"！👍🏼跟住嚟個豬肉餐包，外層嘅麵包韌韌地，撕開一啲，熱氣騰騰嘅，微鹹嘅豬肉香味即刻湧出嚟，伴隨住啲煎薄豬肉腍得剛剛好，一啖咬落去，嘩，塔汁流埋嚟，完美嘅“傾斜角度”。最後，個菠蘿沙律嘢非咁簡單！啲菠蘿鮮甜得嚟好Juicy，混埋咗啲蛋沙律同幾片生菜，入面仲夾住啲粒粒核桃，嚟個口感層次分明，真係正到"爆燈"！整體嚟講，味道、份量同埋感覺都得嘅，平平地一餐卻食得咁開心，大家樂你都做得好好嘅！

打邊爐，埋單過百係基本吧。喺香港，想食平價嘅邊爐鍋，「大大大大大」字頭嗰兩間快餐店，就係當中嘅選擇。大家樂嘅邊爐喎，其實都是第一次食，平時見晚飯時間，很多人排隊點這個邊爐，$79的確係好抵，於是就試一試。雖然是廉價火鍋，但其實都很窩心，有專人上菜給你。雖然是一人一鍋，但這個喎明顯比吉野家的牛肉鍋大，兩個人打邊爐絕對冇問題（野食分量就只夠一人前）。佢哋嘅肥牛，還可以吧，只是切得有點厚，應該是最下價嘅肥牛。佢哋嘅野菜，種類繁多，雖然每樣菜嘅份量都比較細，但一人份量，勉強夠食。佢哋嘅肉，比較比較柔韌，口感一般。佢哋嘅墨魚滑，口感有啲膠，相信係用一啲雪藏好耐嘅墨魚打出嘅。比較貼心嘅，係佢哋即使一人一鍋，都送上了炸魚皮，老實說，魚皮好硬，但$79有咁豐富嘅嘢食，性價比算唔錯㗎啦。食平民餐，有時價錢決定一切，野食味道雖然很一般，但CP 值高，可以滿足打邊爐既欲望。

臨近11點來食早餐，叫咗個蜜糖雞扒煎雙蛋，➕3蚊轉左餐包，唔係假期嘅話，好快就有了，不過塊雞扒就嚴重縮水囉，好心你冇雞扒就停咗佢啦，真係肉酸啲囉！細到咁嘅樣⋯⋯有圖有真相！⋯⋯

我係大家樂常客了，，，一個禮拜至少有五日早餐都係佢，堂食還好，，，每次返工趕時間外賣嘅時候，就總會漏單。上次漏奶茶，上上次又漏牛油，，，再上上次兩個餐竟然得一套餐具，今次又漏餐包，，，，，雖然我無打開睇吓我都有責任，不過打電話去講，經理都有話下次會補翻，但希望包餐姐姐可以細心啲咯！！！！！

星期日早上，瞓晏左起身，心諗屋企附近茶餐廳都未必有位，所以最後決定去附近快餐店食個早餐，去到估唔到仲有啲位，立即就去排隊買份早餐先，叫左份雞扒炒滑蛋，再加杯熱奶茶。今次份早餐塊雞扒都算幾大塊，加上夠厚，連埋個汁食落味道都不錯，而炒滑蛋大家樂水準一向都唔錯，蛋炒得滑之餘，蛋再加上蔥花，變得味道無咁單調，還有一片已烘的多士，塗上牛油，熱辣辣令到牛油立即滲入，好香口，飲埋杯奶茶，一份簡單的早餐已經好滿足。

在惠康超市行完找地方休息附近見到這就入去食西多士餐，買完飛等叫號碼都等了十分鐘仲要自取賣相普通，正常咁不過一件多士有乜賣相可言渣了牛油及糖膠食落去有點乾，內裏花生醬好似少到吾感覺到有奶茶夠茶味人流算多，但始起彼落可能地方大，不停有枱餘下這個時間多數座位是坐一人與午餐不同完全沒有人搭枱最欣賞佈置牆上掛著多幅畫感覺進入了歐陸風情的餐廳同時間播放寜靜舒暢的音樂在價值二十一元的下午茶餐享受超過二十一分鐘哈哈，每分鐘一蚊可以用低讚來形容

幾天前在大家樂吃了個下午茶, 鐵板黑椒牛柳絲炒烏冬, 烏冬更是讚歧烏冬呢, 把鐵板炒烏冬放上枱面後, 立刻一邊用手把紙巾擋住一邊用手把黑椒汁倒落鐵板, "喳喳"聲十分澎湃, 也彈到周圍都是黑椒汁.. 味道雖然香噴噴, 吃落就有點狠狽了. 烏冬確實是讚歧烏冬, 入口彈牙, 牛柳絲份量也十分多, 肉質也可以, 每條都幾林身, 但吃得出是用了鬆肉粉處理過的. 除了烏冬和牛肉, 也有些青椒和洋蔥作配料, 味道挺惹味的.雖然我個人口味都算吃得辣, 但這碟烏冬的黑椒汁真的是辣了些少, 而且, 吃的時候洋蔥都是生的, 入口好辣..應該先要把洋蔥煮過再放上鐵板吧...畢竟在鐵板上也未至於能把洋蔥煮熟哦... 幸好, 以$28這個價格來說, 性價比還是可以的.

是日晚餐咖哩牛腩飯先說一下咖哩,味濃,有果香及少許甜味,相當開胃但缺點就是太稀,咖哩汁很難掛上米飯,此為敗筆而牛腩嫩滑,牛筋有點漿口,未夠爽口薯仔則普普通通,正常水平以45元來說,還可以接受

夜晚去食放題，所以晏就都唔敢食得太飽~清清地左大家樂買魚香茄子肉碎飯食!茄子好大舊，唔會煮得太軟太爛!說好的肉碎十分大粒，可見製作十分粗疏!成個餸唔算惹味...第一就係無魚香味...第二就係唔夠辣味...第三醬汁太"傑"整體黎講，成個魚香茄子肉碎飯質素欠奉~

lunch唸食咩係一件好頭痛的事，食大家樂既方便又抵食今次就揀左個肉醬飯加埋只太陽蛋肉醬出乎意料多，而且唔會話好咸，好多時食肉醬飯好驚咸過頭加杯可樂飲就加多$6,個人覺得唔抵

飲完茶，回外父家坐一坐，之後我們決定去醫院探探病危的舅公，所以，小休了一會，確認了病房，我們就出發去觀塘，因為要轉車入靈實。來到觀塘，要買少少野，亦因為我們 skip 了 lunch，所以需要食一個 tea，簡簡單單不想找，又想坐舒適一點，外父建議去《大家樂》算了。觀塘的這一家《大家樂》，位於一棟全是食肆的 building 內，那一棟 building，全是出晒名的平民連鎖食肆，不喜歡這一間嗎，上多層，落多一層，就有另一個咕牌揀，非常之集中。而《大家樂》的位置，擁有一個開揚的大玻璃，如果是常客，可會感嘆窗外觀塘市中心的變遷呢?我們係黎食下午茶的，不過我們 skipped lunch，所以我們都是半輕食，我就來一隻大大的炸雞骴。如要同那些十強、二十強雞骴來對比，這東西絕對是不入流，不過，味道尚算是好，肉汁也夠多，只是炸骴的粉皮厚了點而已。迷你叉燒飯，細細碗，作為輕食剛剛好，叉燒夠腍，豉油甜，《大家樂》的燒味出品，我是覺得夠水準的。太太茹素，所以只有多士可選，她要了一份奶油多。本身她嫌煉奶不夠多，拿回食物 counter，阿姐再狠狠地落滿佢，此舉完全值得表揚。勁奶油的奶油厚多士，正。紅豆

大家樂下午茶平時下午茶多數係大家樂都係食雞翼今次就試吓佢哋嘅燒味飯細叉燒飯比想像中質素高，叉燒肉質算嫩，屬於半肥瘦唔會話我太瘦太光亦都唔會太肥膩，意想不到的好吃，至於飯方面亦都軟硬適中完全係物超所值

打完波，好肚餓，想食肉食，想起大家樂嘅鐵板餐，啖啖肉都係一個好選擇喎，就黎左試下。時間尚早，食晚餐嘅人唔多，落完單，一陣就有啦。熱騰騰嘅鐵板，倒汁落去咋咋聲，香味四起，立即垂涎欲滴。不過鐵板油粒彈到周圍係，油膩膩，中哂招。酥皮湯，紐西蘭爵士牛，黑椒汁，雪糕紅豆冰（$60）牛扒幾大塊，厚切，不過無牛味，太多鬆肉粉？好淋好怪。黑椒汁太鹹，亦無乜黑椒味。紅豆冰則幾好，豆唔夠淋，但味道調得啱。酥皮湯，雜扒，意大利蕃茄汁（$49）雜扒有豬扒，腸，魚肉扒，同薄牛扒一塊，份量幾多。豬扒軟淋又有肉汁，好食，其他就一般啦，塊薄牛扒意外地有牛味，某程度上，我覺得好食過塊爵士牛。蕃茄汁好酸，另份扒餐無咁漏，唔錯。最期待嘅酥皮湯則非常失望……酥皮鬆軟滿牛油香，好好食，但個湯完全唔掂！粟米湯太傑大甜，感覺似飲緊啫喱，而且充滿著人工甜味，真係自己開個罐頭湯都好飲過佢。價錢幾抵食，但尚有改善空間。食完行返出黎，個身一陣鐵板燒味，好油吖。