大家樂

營業中

休息中

大家樂真係平民之選，平平地，選擇多仲要味道唔錯。要數最出色既就一定係佢地既焗豬排飯，炒飯底就已經先加一分，茄汁好濃又好食，豬排仲要包蛋漿去炸過，呢個價錢有咁既質素真係唔話得！

走進大家樂從門口散發出來的那股濃濃香氣讓人垂涎欲滴。坐下來看著菜單，我毫不猶豫地點了一份焗豬扒飯，我知道這就是我一直在尋找的那種食物。不久之後，一份令人垂涎欲滴的焗豬扒飯就擺在了我的面前。肉質嫩滑，配料豐富，豬扒表面焦香酥脆，內裡卻極度鮮嫩，帶著微微的肉香，令人垂涎欲滴。而飯粒經過焗烤之後，顆顆飯粒粘得緊密，口感QQ的，非常好吃。再加上一層熔化的芝士和濃郁的焗汁，讓整道菜的風味更加濃郁。吃到這份焗豬扒飯時，讓我想到了家庭，想到了那些年大家坐在一起享用美食的時光。這份焗豬扒飯帶給我回憶，也帶給我現在的感動。每一口都讓我感到溫暖，讓我想起了家人的關懷。大家樂的焗豬扒飯不僅是一道美食，更是一種情感。當你咀嚼著這道菜時，就像回到了家庭的圓桌旁，與親人朋友分享著食物和感動。這份焗豬扒飯讓人感到溫馨和愉悅，讓人想一直享受這種感覺，直到吃完最後一口。總之，大家樂的焗豬扒飯不僅是一道美食，更是一種情感和回憶。每一口都能夠帶給人愉悅和滿足的感覺，是一道非常值得品嚐的菜式。

大家樂既一哥焗豬🐷 我相信對於一部分人黎講都係comfort food 每次做野做到好攰既時候 就會放縱自己 容許自己食呢樣高卡路里食物🙌🏻講到呢度 無錯 我今日chur盡自己 係時候稿賞自己😺😺大家樂既焗豬有樣好 就係邊間分店既味道都一樣 只係佢有無焗到表面焦香 汁變稠🗣️今日我好滿意面前呢個 一打開蕃茄酸酸甜甜既香味就撲鼻而來🍅 豬扒size令人欣慰 能夠覆蓋整個焗飯 再者底下既蛋炒飯有鑊氣 搭配埋上面既芝士🧀 啖啖都好滿足為免良心遣責 加多左個油菜 正常發揮🥬順帶一提 呢度啲員工 感覺好友善 幫我包裝外賣既姐姐 仲要同我講天氣凍左 下次叫杯熱飲暖下嗰身 感覺係幾warm既🥰🥰

今日唔係太肚餓，就唔食lunch，食下午茶😚去咗大家樂買份沙爹牛肉米粉餐。可以選擇麵或者米粉，我就揀咗米粉🍜，湯底味道唔錯，牛肉爽滑，米粉唔會淋，hehe😆。另外，奶醬脆豬都似佢個名脆脆地，唔錯😉。每次去大家樂，都會order奶茶☕️，茶香奶滑🥰。呢個價錢食呢個下午茶算係咁啦😋😋。

附近既打工仔冇咩時間又想有個fruitful breakfast, just visit here!你會估唔到佢地準備早餐既速遞好以快到咁得人驚，另你係得十五鐘時間都仍然可以放心叫阿。我就選左個雞排combo餐，雞排面皮會煎到十分脆口及有些微甘甜，配上洋蔥汁，確係yummy，以快餐店角度來講，我俾滿分阿，䢫時好食過出面餐廳同咖啡店，仲有佢個滑蛋阿，係咁繁忙既時段，煎滑蛋變左熟蛋係司空見慣之事，但呢到食左咁多次都未試過👍👍

這一次早上在牛頭角附近,吃早餐,有大家樂或麥當勞就走去大家樂看看啦有什麼好吃的早餐選擇點了一個炒滑蛋加蜜糖雞扒早餐配咖啡半片雞扒配醬汁,一隻炒蛋,一個餐包,一杯咖啡,收 $32略貴份量少,總算可以吃入口,雞扒本身已經醃入味,煎熟,不嫩,餐包鬆軟,最鐘意食餐包加牛油咖啡奶太多,比奶茶失色,,香但不夠濃郁 炒蛋總算合格,夠滑身有蛋汁,加少少鹽吃就已經好吃,也可以夾在餐包一起吃#大家樂 #平民快餐店 觀塘觀塘道388號創紀之城一期地下1B號舖Shop 1B, G/F, Millennium City Tower 1, 388 Kwun Tong Road, Kwun Tong

老闆請食下午茶☕️，當然要order大家最鍾意嘅炸雞脾🍗，同加錢轉飲楊之甘露冰🍧。大家樂姐姐好好人，見我地大手order, 立即叫廚房比岩岩炸好嘅雞脾我地🥰。返到公司打開外賣盒，香味立即充滿pantry🤤。一咬落去，雞脾外脆內軟，肉質嫩滑，非常juice😋，唔會炸到乾爭爭，每次食都保持同一水準。楊之甘露冰唔太甜同好足料，有芒果粒🥭同西柚粒🍊。一口雞脾一啖楊之甘露冰，立即爲下午叉足電👍🏻

平日都會光顧大家樂，都是買芝味厚切一哥焗豬扒飯多，貪塊豬扒夠大件夠厚😝今日買一哥焗豬扒飯一哥焗豬扒飯，竟然送了支芝士粉，簡直一流，襯到絕呀👍門口闊落，無論是堂食或外賣，一律都要在外面排隊等點餐。夏天熱冬天凍，無辦法啦，這樣的話，內𥚃會多些空間嘛🙈店內空間不多，枱與枱也較逼。主張客人外賣。今天還送了一支芝士粉，有點驚喜，是不錯的promo!! 到4月才過食用期，相信在此食用限期前我都會用完🙈

平時都幾鐘意食大家樂做早餐，唔多唔少都係貪佢嗰個煎雙蛋煎得唔會太熟，上枱嘅時候仲水汪汪，但係今日嗰個煎雙蛋竟然失手，實的的之餘仲要鞋颯颯，兩個蛋黃好似洩咗氣嘅氣球一樣，巢蚊掹，so sad。另外衛生方面近排多咗好多隻蚊滋仔，試過有隻直插落個蛋黃嘅中間，繼而仲要喺個蛋黃表面度掙扎，我唯有斬立決成隻蛋黃放棄。

向來都覺得呢間大家樂早餐嘅炒麵以大家樂嚟講算係唔錯，不過今日個麵竟然未炒勻，清楚見到有部分麵係未有豉油嘅，竟然出現少有嘅失準。另外作為熟客已經察覺到喺三兩個月前，紙巾已經靜悄悄細張咗一半，做完地獄更表之後重要偷工減料，子華神都救你唔番啦。

食飯和做人一樣，除了要對得起自己的胃，也要對得起良心，這個早餐我食完就覺得非常不安，先不講食品質素，他們採用的餐具全是即棄的，包括：刀、叉、碗、碟、杯…無可否認，成本少了，洗碗人工也省了，可是對地球就造成了更大的傷害香腸有雪藏味，雞蛋沒雞蛋香味，反而餐包我是可以完全食掉的，不知道與我平時喜歡吃面包的習慣有沒有關係呢。這個早餐我食得很不安心，感覺自己沒有做到「保護地球，人人有責」，也許因為這樣，食完之後，整個上午我的心是沉沉悶悶的⋯⋯⋯

個人對食物有要求之外，亦重視餐廳的社會責任。堂食一個下午茶，飲品用紙杯；粉麵用即棄膠兜；奶油豬用一個極大的發泡膠盛放，令人好生內疚，還望餐廳盡力改善。對於食品質素，如往常一樣，只是奶油豬的包有一大陣隔夜宿味，有待改善。另外想讚一下今天見到樓面的收拾姐姐，年紀雖大，行動不算快，但笑容可掬，非常有禮貌，會主動跟客人打招呼，邀請對方坐下，熱情滿滿。註：如果openrice可以針對環保及社會責任一項評分就更完美了。

今日公司要OT,所以一早就返左觀塘公司做野。因為今日係星期日，好多餐廳無開，所以就去左大家樂買左份雞扒腸仔飯，雞扒好軟腍，無雪味,份量都幾多配埋兩條腸仔確實抵食，但汁多左D，都叫okay啦，大家不妨一試。

今日又到下午茶時候，由於宜家快到聖誕，天氣轉冷，特別容易肚餓，所以我就去左觀塘大家樂，叫左燒雞翼配炒麵加奶茶，雞翼燒得過火有D燶，但肉汁仲保留，仲幾香;炒麵則好有水準，配料吳多但炒得幾惹味，加D辣椒醬，簡直一流，可以推介俾大家

是日，港豬在office納悶，決定出外覓食。轆了幾頁OR也找不到想吃的，但實在想出去走走，公司附近的膠級餐廳成了最強後盾。不同分店的出品每每差參不齊，就算同一分店的不同食物也是各有秋千，很久以前在這裏瀨了一鑊燒味飯之後仍猶餘有悸，但，這分店的咖喱，焗豬及肉醬總是有保證的。點了餐後拿了個單子，這裏是不用排隊取餐的，拿了單子後只需坐下，姐姐便會叫你單子上的號碼，給你端來你的餐點。這裏無論是姓李的張先生又或是姓陳的黃小姐人人也只是一個號碼，姐姐叫號的聲音很特別，是用粵曲腔來叫的，而且中氣十足。Today special 是肉醬意粉（真的很special），餐跟一個羅宋湯。羅宋湯熱得燙口，加上面頭那層油溫度久久不降，少少的胡椒令到最後一口也是暖胃的，味道濃烈但稀了一點。肉醬意粉味道比很多西餐廳也優勝，濃濃的醬汁配以為數不少的肉粒，奈何中原一點的芝士實在太爛，完全沒有芝士味，令愛芝的我也將它擱在一旁。快完成時盆底的油份映照着身旁毒L的面油，很是浪漫。