大家樂 (已結業)

為了看總決賽，捱了一整晚通宵後就決定換好了衣服，再行在公司附近吃個早餐，回到公司時應該還有兩個多小時的時間可以讓自己休息一會。在這麼早的時份到達金鐘還是頭一次，人流稀疏之餘，同時也感到香港心臟地帶難得的一份寧靜。 在沒有太多選擇之下，就去了這食店來個快閃早餐。剛進店的時候，發現店內好像還沒有冷氣，只有一點點的風從通風系統中吹出來。就在我坐下後開始進食時，發覺坐在旁幾位的男仕都吃得滿頭大汗，甚為狼狽。起初也不以為意，但在我吃至一半的時候，也開始感到悶熱了。本來這個深海魚柳早餐還不錯說的，魚味多又有一點點魚汁，麵包烤得外脆內軟，蛋也煎得很不錯又沒過火，可惜這些水準不錯的食物成績都蓋不過如此爛的通風系統。我還是第一次身處大家樂而吃得滿頭大汗﹔怎樣也好，早起的顧客也該同樣的待遇，總不能要這班要他們承包不必要的對待。這次這個劣評，完全是因為該店的待客態度，本人實在難以苟同。

今日 lunch 如常周圍搵野食，麥記雖有 coupon 但近期食得太熱氣了，經過附近的大家樂，發覺人流不太多，是日午市的特式炒飯竟然有我最愛的福建炒飯，價錢亦只係 $26，於是二話不說，罕有地排在長長的隊尾後...等了約十分鐘，終於可以開動了對一個成功的福建炒飯來說，茨汁是最重要的原素，味道固然要有水準，唔可以太咸太稀太杰，材料不需上乘，但要豐富，蝦肉、雞肉不可少。但大家樂這個炒色的福建炒飯，茨汁實在落得太多了，基本上看上去已明白我的製作，把茨汁連材料倒在預先炒好的蛋炒飯上.... 簡單容易。但這做法... 令炒飯本身因太多茨汁而沒有口感，跟燴飯沒分別，材料上也不見突出，沒有蝦肉，只有小得可憐的燒鴨肉... 賣相尚可，但整個作品略為偷工減料，午市到快餐店還是不要點任何炒粉麵飯好了，總是令人失望的

今晚吃了一個咖喱牛腩飯, 牛腩不會"un", 有牛筋, 很入味, 不錯. 平價晚餐的一個不俗選擇.加一個赤小豆粉葛湯, ok喎, 比茶餐廳的例湯好喝, 喝得出湯料不太粗劣.地方乾淨舒服, 比樓上can.teen不算差而且價錢較便宜.

原來大家樂既麻婆豆腐飯係唔得架!比起茶餐廳差好多!首先,佢雖然好多豆腐,但係件件大大舊,真正既麻婆豆腐唔會係咁個喎!肉方面就只係好少肉粒,個汁唔似麻婆豆腐既汁,一黎唔夠辣,二黎好稀,三黎味道根本唔係應有果種,所以根本唔好食!

今朝有野做,之前食d野.叫左雞扒抄蛋,蘿蔔糕,銀針粉,可樂($23)雞扒比以前細左,食完仲成碟底都係油.蘿蔔糕冇味.抄蛋同銀針粉叫做ok.同區黎講,呢道都算最柢.焗住食.....

第七個星期, 離考試之日不遠了. 下課落樓下食, 遇見同班同學. 今日終於有個伴.大家樂, 選擇始終較多, 價錢在金鐘來說, 是最經濟便宜. 什麼日式飯不想食, 叫了一個太極鸳鸯炒飯, 只可惜個飯底, 有點生米feel, "sok sok"聲, 我冇食晒. 不過, 個汁尚算可以. 發現, 大家樂比較平既野食, 只為填肚而設, 唔會做得好食. 你俾個Premium, 就唔同.不過, 加埋汽水, $31, 由他的.

今日下午完了參觀就來到尼間大家樂食..不過撞正返工1族放lunch..所以好多人呀...d人龍排極都唔停咁..揾到位之後...2個人就分別食左:障魚雞肉餅燕麥米($26),同埋個新出的燒雞鰻魚飯($33)!個障魚雞肉餅燕麥米好香好好味!!個肉餅又香又juicy ,d 燕麥米就好有口感同埋absorb哂個肉餅ga汁...令到d飯有埋肉汁味..正!燒雞鰻魚飯個外形好attractive!個盒好有日本feel !入面份量都唔小!!而d燒物都好香同好有honey味..甜甜地..真係ok wor!我諗佢地都算係近來大家樂成功好味的作品

午餐時間叫左個鰻魚一口豚飯, 飲紅豆綠茶個鰻魚飯出奇地好食, d飯係珍珠米, 加埋鰻魚既汁好好食個一口豚係炸既, 但係又唔會覺得佢太熱氣, d肉又幾tender, 幾好幾好但係個紅豆綠茶就麻麻地, 得好少紅豆, 綠茶又唔夠味

經大型裝修後，海富大家樂王國正式成立- 意粉屋、Super Sandwiches、KFC、大家樂四強匯師，力抗老麥、Canteen 挑戰!當日本想去意粉屋食芝士火腿煙斗粉，但因為太貴了，Lunch Set at least 都要$88，但見大家樂開通後空間感大增，於是就入去食個葡雞飯。$23，沒有跟餐飲(反正加四蚊汽水太合心水，加八蚊飲凍飲又太過奢侈)，質素方面，Sorry，差左~ 真正可以稱得上為雞件既只有兩三塊，汁多飯少，難道是最後一客嗎?可惜~

2007年8月9日。大家樂。吃久違了的一哥焗豬扒飯。豬扒腍了點，沒有了應該有的texture.但還OK。但sauce太濃了點，有點鹹和蓋過了豬扒和正常番茄的鮮味。

吃罷「咖哩牛腩飯」（$26），當晚感冒菌入胃和腸，到通宵營業的醫務所求醫，卧病三天，苦！但堂食此飯，相當美味，牛腩香酥，汁料辛辣過癮，份量足秤。但經此一役，留有陰影，但凡非日式咖哩和牛腩類，以及此號食品，短期內都「No No NO 」！

(11/10/06)未去過快餐店打邊爐,緊係要揀間舒服既─遠東金融中心店。東星斑火鍋船,莞茜拼沙嗲湯底。主角東星斑好腥,其他肥牛、雞柳、一隻鮮菇,魚麵都ok,仲有船底有好多米線&白菜仔,份量相當足夠兩人用。另加酸梅湯,淡淡的。一提是,執野的阿姐們很好service,幫我地開火,熄火,又教點樣"琴"蓋唔熱。

女友生日，跟她到海洋公園，享用免費入場優惠。出發前在這兒吃早餐。點了呢期主打「點心早餐」（$18.5）。每份有一籠點心（兩粒燒賣、叉燒包），一碗生菜魚肉湯粉（通粉或米線），和飲品一杯。點心：當然唔會係原籠蒸熟，個籠係冰涼的，燒賣既涼又腥，叉燒包是又硬又凍。簡直係不知所謂！生菜魚肉湯粉：魚肉偏鹹，質地死硬。通粉難得爽滑彈牙，米線一般。湯僅是暖暖的。令人擔心其衛生情況！飲品都算了飲唔死人的熱檸檬茶。…其實都幾麻麻地！這般質素，垃圾咗 D。

長週末前的那個晚上，加班至晚上八點半。拉著咕嚕作響的胃部到金鐘站，太肚餓，沒氣力待回家才吃。於是「碌」入去「一哥快餐」。問店員那款食品不用等，收銀的那位妹妹仔，即刻拿起電話筒，問收票員和厨房，三秒後便有答案。就是：「章魚雞粒鹹蛋肉餅蒸飯」（$22）。於是，由步入店門、查詢、付款、交票、領餐、到第一口飯入口，少於兩分鐘，快得驚人！廿二蚊一個飯，份量偏少，但味道不俗。那個蒸飯有一大塊跟碗口般大的肉餅、一飯碗份量的白飯、三條白菜仔、以及一大包甜豉油。肉餅口感幾好，軟滑中略見彈牙；濕度剛好，幾juicy；有半隻蒸鹹鴨蛋；好下飯。質地滑得來少肥豬肉，好正。店員如此有效率、helpful，味道不差，大概有下次！

大家樂新推出喱個鱈魚扒早餐,對對魚有偏好o既我尼講,幾有吸引力,所以就算外賣都要試下.成個餐有炸奶油鱈魚扒,軟蛋糕,腸仔,牛奶麥皮及飲品,主要想講個奶油鱈魚扒係完全唔掂,雖然外面炸得鬆脆,但用炸o既方法去整係太過"搶",令原本已經冇咩味o既鱈魚更加冇味,變左唔知食咩咁,埃!