大家食

營業中

休息中

以前中學無乜錢, 記得同朋友出旺角就鍾意幫襯大家食, 面質夠彈牙, 好味又大碗. 後來佢越開越多分店, 質素已經每況越下, 而且好多分店衛生都麻麻地, 已經有一排無幫襯.今日行過上海街, 見到呢間比其它的大家食乾淨, 所以就入去叫碗面食喇. 叫咗個茄蛋牛手攪面, 老實講, 佢D手攪面已經唔同以前咁彈牙, 但食落都OK ge, 個湯底都好多蕃茄味, 味道唔錯. 牛肉就麻麻地, 比較鞋口同埋食落好粉, 感覺唔太新鮮, 雞蛋份量都幾多. 另外叫咗杯凍寧茶, 埋單都係34蚊. 旺角區黎講真係好抵食, 而且有個貌似老闆的人好用心去招呼同好有禮貌, 店舖衛生都可以接受. 希望品質可以再好D, 會繼續支持!

同朋友係旺角跑完步就係近近地搵野食。經過大家食見到有麵食，唔會食得太飽太油膩就入左去試~百搭麵$19 ，非常抵食，想要幾多款餸都可以自己話事!湯底都可揀，有麻辣同原味湯底。麻辣仲有分10個辣度，真係夠哂百搭。湯底水準十足，湯底辣得黎又帶有少少麻的感覺，辣中帶麻，條脷都食都有點痺，十分爽~麵底揀左削遙麵(第一次試，新鮮感十足)麵條十分粗身而且有口感。

記得讀書時代，因為零用錢唔多。。所以成日幫襯大家食嘅茄蛋牛肉飯😂😂直到大個左出黎做野，已經好一段時間無再黎過呢間大眾化嘅大集匯了！人大左，慢慢演變成喜歡食麻辣米線嘅港女😌亦因為麻辣，所以，我回來了。相比起走遍各大連鎖米線集團，呢度嘅餸菜，款式比較多，類別亦比較廣。。而且餸菜嘅名，都好特別架:絕招肚，狀元骨。。等等。令我忍唔住問服務員呢啲係咩嚟㗎。最後我揀咗炸雞翼，竹笙，紫菜。。而最吊詭嘅就係連餐肉煎蛋呢種咁茶記feel嘅美食都有得揀！真係一次過滿足晒幾個願望。。而最特別嘅就係削搖麵！單單係呢個名已經吸引左我！平常食開嘅薯粉，米線。。已經無咩新奇。。難得今次可以用麻辣湯底配上唔同嘅麵底。。真心滿期待的。 我嘅午餐終於到喇！ 闊闊嘅麵條足足有1.5cm咁長。。放入口，麵條嘅彈牙並無喧賓奪主，搶去麻辣嘅風頭！相比平日食開嘅四川米線，呢度嘅麻重於辣！感覺唔錯的。 今次最驚喜係食到餐蛋麻辣刀削麵之餘， 仲可以食到港式快餐炸到超級乾身嘅炸雞翼！以後港女嘅午餐，多個選擇。

夜晚想搵野食，好多鋪都收得好早 ，搵左10幾20分鐘都搵唔到間好d既野食，又累又眼訓 ，唉，就其一間算，唔想行 ........款式唔多，簡單幾款，唔洗煩，就簡左個八寶聚，有豬肉、雞肉、豆卜、芽菜、韭菜、火腿、粟米及生菜的材料，雖然每樣都唔算多，但加起來都會幾大碗，近排捱夜捱得多，腸胃唔太好，簡左清湯底手攪麵。份量比想象中大碗，手攪麵煙煙韌韌，口感唔差，豆卜、芽菜、韭菜、火腿、粟米就普普通通，無咩特別，反而豬肉同雞肉都算嫩口，好味，雞豬都醃製得咸淡均一，呢個價錢，一定過多兩日再來啦。

計落都係「十三集會」抵食啲，三十八蚊啲就有十三個餸！麻辣湯底就最受歡迎，辣的等級較人性化 如果唔係好食得辣 「微麻辣」就啱你啦！ 我近排唔食得辣，簡左清湯，湯底方面更是靈魂所在,非常入味,就算係清湯，但個味道都唔錯，有陣好特別既味道，係我鐘意既味道，也是非一般餐廳可比擬的質素.第2道食唔到，咸淡合理。搖削麵吃過一次, 覺得沒有甚麼特別.而手攪麵自從吃了一次之後, 以後叫的都是手攪麵.手攪麵的口感一流, 爽靭,老實講，其他地方暫時都食唔到，附送既菜圃好辣，味道常可，但太辣菜圃好辣，如果有無辣既就更正，老闆可考慮下…

平民低價位自選美食 佢有唔同湯底唔同材料任君選擇!我就最愛愛order過山雞配麻辣湯底最緊要叫埋個生菜總額都只係41蚊佢地個秘制湯底好濃郁入味feel到用左好多材料過山雞雖然係炸左,但但特製既調味,係其他餐廳真係搵唔到!! 仙就連個生菜都好有heart佢地唔洗另外order已經會用牛腩汁上菜,無得頂啊!而且大大份,最岩我呢D無菜不歡ge人!!

我今日放左工咪諗住買個外賣番屋企舒舒服服感食.平時我都成日買過山雞加豬扒飯.我之前就係夜晚買ge,夜間D姐姐就好nice好有笑容.但今日ge事我就真係火都黎埋.我大約12:15pm左右買個過山雞加豬扒飯.番到屋企先發覺冇過山雞,之前都試過比小左或者比錯,夜間D姐姐好識做係感笑同講對唔住,所以我冇所謂.但係我今日番去換.個個午間呀姐態度惡劣.令人憤怒佢一開始話唔記得自已有冇比我.之後就話如果有過山雞D飯就一定有汁.我之前食淨豬扒飯都有汁所以佢講大話.之後又話我貪佢D過山雞.喂!呀姐我會唔會為左5$過山雞同你由大家食行番屋企食完再同你行番去大家食同你講話冇呀!我都係想舒舒服服感食姐.講野又串又冇禮貌都唔知呂生點會請D感冇禮貌ge人番黎.希望呂生好好管下你D人.我同我D朋友短期內都唔會再食!!!!!!!!!

對這店抗拒的原因與每間店外也掛著老闆如區議員般的宣傳照片有很大關係.店內的宣傳語句,食品的名稱及員工的制服就像把內地的宣傳管理模式帶到香港以的.在這店的門外走過不下數百次也沒有進去坐下的衝動,這天因友人一句"其實佢D麻辣都OK"便獻出了第一次!望著餐牌在不知吃什麼好的情況下選了這個陣容有如過橋米線的十八會.十八會---選了上海粗麵及大麻辣湯底.賣相是差了一點,就像全部烚熟來個大兜亂一樣!先呷一口湯,和譚仔比較的話是剛好相反!辣味來得比較輕,麻的感覺重一點.配料大部份是普通的行貨,比較好的是雪藏雞肉用上比較滑的雞脾肉,豬肚吃起來爽爽的口感不錯.原來咽韌上海粗麵與麻辣湯底是不錯的組合.雖未至於一試鐘情,但起碼沒有了抗拒的感覺也是一件好事.

每次諗唔到食咩, 都會走入去大家食, 因為平靚正~佢里間大家食全部都係卡位, 有大電視, 不過d阿姐手腳慢少少, 有時走曬入廚房唔知搞咩~我通常入去都會食削瑤麵 (即係好似刀削麵咁, 不過形狀係一條條唔係一塊塊)佢里度0既麻辣好香 (食得辣0既可以食中辣或以上, 會更香口)蟹子包好新鮮 (有時食到有d好假...裡面一粒粒唔知咩)鹵大腸夠入味 牛腩蘿蔔份量夠~ 炸豬扒炸得好脆 食咁多野都係廿幾三十蚊...真係好抵...仲想要求d咩?!

雖然大家食0係旺角好多分店，不過今次第一次試，係朋友帶我黎呢間，佢話呢間大d又冇咁多人~我叫左豬潤削搖麵+熱奶茶，朋友叫左咖哩牛腩飯+凍奶茶，佢個飯黎得好快，應該係將d料淋上面就ok啦我唔食咖哩，唔知佢碟野好唔好食，總之朋友好快掃哂，哈哈我碗麵都過左差唔多10分鐘先黎，d豬潤好稔，同埋好碎，唔似得譚仔咁大塊，不過d麵幾爽口，好似中式0既闊條麵，杯奶茶都ok架~或者可以下次試下另一間分店。

0係旺角行完街, 諗住去朗豪坊後面食咖喱包行緊去0個陣見到有大家食...佢話不如食大家食....我話"下? 觀塘咪有...食過几十次..."佢話"........=o= 我真係未食過喎..."我話"下? 裕民坊0個間喎..."佢話"我真係未食過...."咁就去呢度啦...今晚註定與咖喱包無緣...叫左一個東坡肉飯同埋一個兩餸麵東坡肉飯一定永遠永遠都唔係我杯茶...豬肉我唔鍾意, 肥豬肉更加唔鍾意! 個麵要左竹笙豬潤削搖麵 (定搖削麵??!?!?)d 麵好粗, 大概一條當2-3條河粉咁上下啦因為削出黎既關係, 形狀都有d 不規則亦都因為好粗好大條既關係, 條數只有好少但係好彈牙!!! 好好味~~~ 至於個湯底, 小辣都几西厲, 其實又唔係認真辣不過好麻囉...食到咀都痺...哈哈...連埋兩杯野飲...六十蚊都唔駛...抵!!!