大少爺茶餐廳 (已結業)

intentionally visited this restaurant for the hainan chicken rice. charged at $53 per set - not cheap. while failed to deliver the $53 standard. disappointed.

4月6日見到大少老爺拎獎,專情捉男朋友陪我去試食..搵左好耐先搵到目的地..都值..起碼俾我搵到!叫左個lunch食..出前一丁..好味道..哈哈"但落單個個好似怪怪地..問咩都唔識答..- -"

媽子星期六叫我找地方食午餐, 去過的等他們自己再返炒, 我今次就帶他們來.其實源遠街就在市政大廈的對面, 一點也不難找.一場到來, 當然要試個海南雞飯, 就要了半隻雞, 兩碗油飯, 和一碗生牛肉河.先來一碗湯, 冬瓜湯, 清清淡淡, 當然不能要求什麼, 及格.泰式海南雞半隻, 半隻當然唔好期侍好大隻, 不過已去骨, 啖啖肉, 和之前食友的相片, 油脂較厚, 不過水準仍是有, 不是一般茶記所謂的海南雞飯, 有著厚厚的肥油.味道唔算太有雞油香, 但雞肉也相當嫩滑, 我很喜歡那個酸辣汁, 味道提升了不少.油飯反而有點失望, 聞上去也有椰香, 但唔夠油香, 飯仍軟, 尚有進步空間.眼見鄰近近幾檯都叫雞飯, 反而吃set lunch 那些西式食物卻很少, 其實做得兩三味好有水準, 何必花時間搞那些花款?約五十塊, 俾住ok 面先.

一直很想試大少爺的海南雞飯, 是日就趁午餐時段落一落跑馬地.或許附近係沒有甚麼寫字樓, 午市不算好逼, 也能直入有位. 也不多揀甚麼, 就要個泰式海南雞脾飯.泰式海南雞脾飯$57: 9分, 沒有甚麼午餐收費或者特價, 要吃海南雞就係這價位, $57, 當然不算便宜, 但能夠吃到好吃的食物, 也值得的. 加上$5要雞脾, 看來這個選擇係對的, 雞肉係非常之嫩滑, 完全沒有半點鞋或者老的感覺, 也沒有血水, 骨頭也只有小小, 真係吃到啖啖肉. 當然, 浸熟了的雞係不像鹽焗雞般有香濃的雞味, 但吃落口的雞肉也有點點雞油香.雞皮當然係焦點, 只有薄薄的雞皮, 但不見那些令人停步的肥油同脂肪, 情形好像乳豬皮去了那層油脂一樣, 這情況下唯有用行動支持, 一件接一件的連雞皮擺入口中. 雖然醬汁酸酸辣辣的很惹味, 也沒有多碰了, 只係想享受最簡單的味道. 單單計雞的部份, 沒有挑剔的地方了.加而$5唔慳得的, 是日就見不少人係叫雞脾飯, 其實落單時直程叫雞脾飯就得!不過雞油飯比較遜色, 不太有雞油香, 無乜味道, 色水其實似白飯多過雞油飯的,而且太硬了. 城中出色的雞飯, 還有不少係比這裡出色. 湯

上次來吃，覺得油飯不差，但海南雞更好。趁晚飯後還要回公司探班，索性買一隻來吃。雞肉全去骨，也裝滿兩盒的，四人夠吃，份量不少。成隻食可以試試不同的部位，雞脾肉當然嫩滑，亦如上次所吃般皮薄爽脆，相當對辦。雞胸肉的部份不鞋口，但也沒有什麼肉味，也難怪，味道已全浸去了。仍然在說「有沒有雞味」的，還不明白海南雞飯是甚樣做的，唔會教得識，還是繼續幻想被迫害吧。附上的辣醬汁仍然夠辣又冶味，貫徹泰式風味。還有冬瓜湯一碗，在近半夜有這一個美味又有水準的夜宵，滿足矣。還忘記了油飯，14蚊一碗，不過翻叮味道只一般，似乎只是堂吃才好。170蚊，外賣加兩蚊，不便宜，但有水準，吃得過。

為迴避Rugby seven的人潮,由老銅走進跑馬地,天堂同地獄,只是一念之差,區區一個馬場之隔,為何相差甚大? 有人將源遠街"大少爺"的海南雞,說到近乎其中之一全港最佳之海南雞,出自好奇心之下,同友人一起去驗証. 茶記格局,因地理環境之故,所以牆上的"名人效應",大多也是那些來自英皇的"所謂"明星. 除海南雞之外,餐牌上眾多炒飯麵,選了馬交風味的馬介休葡國腸炒飯,炒得夠火喉,飯粒分明乾身,炒飯上的葡國咸魚馬介休,香脆咸香.葡國臘腸比我們吃慣的更脆口. 大少爺的海南雞飯是泰式,萬變不離其宗,其實大家派系也是差不多,係個雞飯同醬油方面的分野. 這店的雞不是肥雞,肉質嫩滑如搽上SKII後般彈破,雞皮滑溜既爽,而且味濃,說回雞肉,那有沒有雞味呢?,還是不說這一部份了,無謂在此分享區區有限百多字食後感受,也比人無限上鋼.呵呵. 雞飯夠乾身,色澤金黃,但味淡,近乎白飯.唯有溝多一點醬油吃.後來再追加半隻雞,同先前的感覺一樣,無話要個碟頭飯,就比賣剩蔗部份. 如果撇除雞肉本身有否味道,這隻海南雞,也有水準.但不算是小弟吃過之中最好.最好的經驗,要數回七,八年前的Grand Hyatt咖啡室,同信和

由灣仔慢慢步行至跑馬地, 滿心歡喜帶男朋友試試大家推介既海南雞飯~環境算安靜....但冷氣是維持廿五度還是冇開呢?落單時叫了海南雞飯和是日的晚餐(包時菜&飲品):咖哩牛腩,另加炭燒豬頸肉,餐牌上寫明海南雞飯轉脾加5蚊, 由於我同男朋友唔係咁好食脾, 所以只order 普通的,但個伙記唔知點解係都要話海南雞脾飯,莫非就為爭取賺多5蚊? 最後....海南雞的確幾滑, 個汁好咸, 油飯冇咩特別, 咖哩牛腩不算難吃, 而時菜真係時菜-->蠔酒豉油都冇滴,反而最有驚喜係個豬頸肉, 皮脆又唔肥, 最後係筷子都未放低, 野都未食晒既情況下俾人收就晒d野, 仲要係侍應既眼望望既壓力下離開...但....其實仲有吉枱...真係徹底失望!我是不會再來的!

同朋友J去完花展, 去呢度醫醫肚~~事緣朋友S極力的推介此處之海南雞飯要了雞脾, 都OK滑0既, 見到那些黃黃的雞油! GOOD! 隨附的SAUCE亦深得我同朋友J的欣賞!!! 點雞確係幾好食~~隻雞都有雞味喎!!! 個飯好香~~油份剛好, 也粒粒晶瑩有黠咬口, 不錯!!!只是..........有個侍應的態度.......有些許的問題吧..........十叫十唔應...掛住整自己條圍裙.....好食係好食, 但未能感動我返轉頭

放課後食事,不是中環就是銅鑼灣...今天想找找新意坐了1號到了成和道.原來不是香港人就不是香港人原來跑馬地有分上/下的跑馬地...(我只佑有上秀/中秀)下了車行兩個街口便到了聽聞是全港數一數二海南雞飯的52元的包一碗熱騰騰的雞湯,味道還可以,有一片冬瓜.如果見到雞肝就好了.到了那碟雞飯來了,吃過勝利的今次會以它作一些比較.大少爺欠了點滑,但勝利更有雞味.不要以為泰式雞沒油,只是片走了這裡其實可以片少一些.油不是萬惡啊!今次食的是雞胸加雞翼看得出有黃油...雞油飯就明顯的乾身不會像勝利的冧別別.合我食硬飯的人.原本想叫多杯飲品但要成15蚊,還是省下來過蓮園食個甜品化算. 食海南雞少不了那三小碟調味 但這裡的不是,個人覺得還是3碟比一碟好,但來到這高貴的跑馬地終於知到什麼是:食咗三分二雞就醬油沒了.當然可以叫加但我沒那麼做. 發覺這碟東西有兩點可以加油的.一: 可以給一小碟油菜嗎？芽菜都好.二: 那些夫次去咗邊...可以加嗎？食完,真的走了過蓮園食個楊枝甘露....好凍好爽

朋友住這兒附近，她帶來我這邊吃很出名的海南雞飯，並說這裡的雞飯一定是全港最好吃的！２個人，不吃太多，只點了一碟海南雞飯，飯不算太油但很香，雞亦好滑，湯亦令人回味，想一喝再喝，嘩！這真的算是我吃過最好吃的雞飯，好難忘，果然是好介紹！下次會再來，一個人吃掉整碟飯！！

睇完樓下兩篇對海南雞飯高度評價0既食評, 又0黎湊0下熱鬧, 今日0黎試試呢度的泰式海南雞飯($52).坐低order 完係2 分鐘就有得食... 先飲啖冬瓜湯, 好「住家」0既味道, 相信即使有人造味精都係少之又少, 唔錯; 雞已去骨, 一見大部分係雞翼位置, 大喜! 食落係新鮮雞的味道, 肉質唔算好滑, 不過絕對唔0鞋的; 雞皮就最正, 滑滑的又雞味濃郁, 可惜個別有幾塊幾厚又黐住一舊舊肥膏, 唯有自行咬掉佢. 油飯粒粒分明, 唔係咁油, 好在幾香, 而且加少少酸酸辣辣的醬汁0黎食, 都好滋味. 雖然我偏愛新加坡式海南雞飯, 始終泰式同新加坡式亦有少少分別, 但乜式都好, 今次呢碟海南雞飯絕對係我so far 0係香港食過最好食的海南雞飯(連一向覺得已經好掂的好時都要行埋一邊), 極力推介!環境ok, 雖然non-卡座位密密麻麻, 但梳化椅都坐得舒服, 而且呢度似港式西餐廳多過茶餐廳, 好乾淨企理又完全唔嘈; 招呼就無乜特別.食完係開心得想大笑, 一定會再幫襯食海南雞飯!

知道KC兄來過這裡食海南雞，而且讚不絕口，已經心動想來一試；於是早幾日便專程來這裡一試。店鋪唔算好大，所以多一點人客便要等位了，好在我們比較早到，所以還算有位；因看見鄰的雞油飯唔算好黃，相信唔多合我們口味，所以決定要半隻雞加一碗米粉。例湯- 原來有湯送，而且還算幾大碗，雖然沒有什麼料，但味道清甜好味，飲完又唔會好口喝，唔錯！泰式海南雞- 雞肉嫩滑有口感，肥膏已去，薄薄的雞皮和雞肉一起食，又真係幾出色，一向唔食雞皮的我(怕肥)，還是忍不著食多幾舊。豬肉丸和魚蛋泰式米粉- 豬肉丸感覺幾似貢丸，幾爽口；魚蛋大大粒幾彈牙，都算幾好；米粉就一般啦。總括來說，可以一試，但唔算太出色。看到每一都差不多只食海南雞飯，就知道它有幾出色了，試完後，也覺得值得來一試。

I often go here when I want to go somewhere less hustling to enjoy some dainty food without having to pay a huge price. Similar restaurants around this area are hard to find now."Cha Charn Tang"s in Hong Kong are no longer cheap nowadays, don't you think? But to have food as delicate and tasty is a rarity. (Eeven the famous one that opens almost 24 hours in LKF is quite costly for the deep fried frozen food they offering us.) I love their Hoinan chicken rice, with the chicken soft and tender and

故事是這樣的，與友人談起海南雞飯，原來是其中一位洋朋友的強項，她說的文華、麗嘉、君悅、三巡、海南風情，甚至一眾「泰」字輩的也能一一接招，唯獨一間叫「大少爺」的茶餐廳就未試過，偏偏她就說這間是最好的。有時就是這樣的，喜歡吃，知道那裡有得吃，就要即刻去吃，如果不是，我想我當晚應該不會睡得著！要了海南雞飯，要了雞脾，要加5蚊。先吃飯，偏乾身，相當合我的胃口。不夠油，但幾香，也夠味，雖然不及已結業的海南風情，但都收貨。雞肉很嫩滑，肉質柔軟，最欣賞其雞皮薄薄的，有油香又爽口。對於平時見到的厚厚又埋滿肥油的雞皮絕對沒有興趣，這些才是有水準的雞皮，一掃而光。醬汁是辣辣的，很冶味又足香料味，也很認真。埋單57蚊，總括而言，相當不錯，值得一試。臨走跟老闆說了一句，說「雞飯幾好食」，他連忙說「我都覺得唔錯，希望一路keep到啦」，我都希望。

今日專登落跑馬地，目的係試一試這間餐廳的海南雞飯！飯到了！飯色比較淺，但雞油味都幾香！雞肉本身肉質ｏｋ，但又不像是新鮮雞，似乎是冰鮮的，冰鮮雞雞味無新鮮的好，很容易分的！不過這店算做得不錯了！有黑豉油供應，但我都係點泰式醬，味道很好！不過辣左少少！總括嚟講，品質不錯，但四十八蚊是略高！