大尚宮

營業中

休息中

今日食咗一碟韓式粉絲，真係失望 😞。首先，粉絲嘅鹹度簡直爆錶，入口即刻覺得好難頂 🧂，完全無辦法享受。食咗大約1/3，就已經頂唔順，實在唔係我嘅菜 😩。其實期待咗好耐，但結果真係差過想像，感覺好失望。除咗鹹之外，粉絲嘅質感都唔夠彈牙，少咗韓式料理應有嘅水準 🥲。真心唔會再嚟呢度食呢道菜。

估唔到荔枝角呢度咁多嘢食，揀咗呢間韓國餐廳試下，食後發覺有質素好味道。食物種類都好多選擇，最後叫咗個韓式粉絲，熔岩泡菜炒飯，配埋番石榴茶同菊花圓肉茶。佢嘅便當仲有唔同嘅配菜，兩款食物都好好食，個人就比較鍾意食韓式粉絲，粉絲煮得非常之煙韌qq，而且佢嘅調味啱啱好有，唔會太鹹，其他材料（例如牛肉，紫菜，蘿蔔絲，菠菜等等）夾埋粉絲食又有不同口感，味道豐富，正宗好滋味！至於熔岩泡菜炒飯其實都好食，份量十足，泡菜唔會太鹹太辣，味道一流又開胃，炒飯當然好食啦，加上泡菜口味就更岩食，表面鋪滿一堆紫菜同芝麻，味道更加昇華，好食！再加埋兩杯飲品好味道又健康，甜甜地又清香，今餐真係好滿意！

衝住之前有個comment話必試豬頸肉石鍋飯黎到毫無懸念，即刻order呢個--豬頸肉石鍋飯(評分: 1/10)實在太～～～～失望！！！勁伏！！！！明明就是一個非常糟糕的體驗:1. 份量少 - 只有幾條細細條豬頸肉,但要加成$17!!! 一嚟到未食，見到個份量已經嚇親2. 口感糟糕 - 又乾又柴又硬又冇味入口係刮口咁硬！超難食！呢個口感實在是不可接受！好耐未試過喺街食過咁難食嘅豬頸肉！慘過啃豬肉呢個豬頸肉令到呢個石鍋飯扣晒分明明本身個伴飯加粒蛋連埋啲配料係ok正常 $50 foodcourt黎講價錢合理如果我唔加豬頸肉今晚會食得開心好多最後我只係夾硬啃到2條豬頸肉分咗2條俾朋友，佢都話好難食唔要得嗰幾條都要食淨即係無餸即係加左$17但無餸.嬲左😑冇下次一定唔可以食豬頸肉個豬頸肉出晒事！！

第一次去荔枝角站附近商場，原來都幾多行野，真係週末的好去處呀！原來工業中心地庫有個food court，都幾多野食下。試左大尚宮，叫左幾樣野同friend一齊分享韓式炒粉絲：賣相唔錯，材料亦充足，粉絲唔會煮得過老，咬落彈牙，有足夠的辣味，夠曬野味呀，辣辣地飲返支解茶就岩岩好啦，炒粉絲好值得一試！！豬肉石頭鍋飯：最鍾意係紫菜夠多，而飯先係靈魂，所選用既珍珠米好香口，好香甜既飯味，令人齒頰留香泡菜煎餅：雖然得泡菜咁簡單既材料，但食落唔會單調，泡菜吾會死辣，煎得岩岩好夠脆兩個人食咁多其實都好飽，但原來仲有生果，正！

今日黎到香港工業中心做facial,發現原來C座地庫係有food court! 正好可以食埋野先回家! 一落地庫已經見到呢間大尚宮招牌好吸引, 款式選擇都唔少。今次揀咗五花肉石頭鍋飯，估唔到份量又幾大, 仲即叫即整, 熱辣辣夠晒惹味, 麻香味好重, 仲唔辣ga! 之後我仲叫埋紫菜包飯 ($50), 打算外賣俾家人食! 同樣味道唔錯, 口感仲幾豐富tim! 主食加 $7仲可以配道地纖解茶/解茶， 健康D又幾好! 整體都唔貴, 抵食!大尚宮📍荔枝角青山道479-491號香港工業中心C座地庫C1B-5號舖

去開荔枝角，記得之前去過一個地下美食廣場cc mall有好多選擇，今日返去encore，今次揀咗韓國菜大尚宮。叫咗一份熔岩泡菜炒飯，加咗枝菊花茶。熔岩泡菜炒飯，勁香芝士泡菜味，啲芝士係會用溶戈隻，食落每啖都有芝士味，勁正。除咗泡菜同芝士之外，仲有豬腩片，份量比例合適，炒得都好均勻，所以每食一啖都有唔同配料。最後仲有好多紫菜滲咗喺炒飯上面，口感豐富。今次加咗自家製菊花茶，味道健康，感覺無加好多糖，唔錯，食完咁有鑊氣嘅熔岩泡菜炒飯，飲番枝菊花茶下火解膩，啱啱好。食得韓國餐都會有配菜，而配菜係泡菜，我就順勢加埋入炒飯一齊食，別有一番風味。下次去完香工行街應該會再返嚟encore，覺得性價比幾高，同埋都坐得舒服。

店鋪位於工業大廈地庫，以food court形式經營，座位坐得舒服，唔似其他food court好擁擠。食店主打韓式食品，有炸雞、飯卷售賣添。泡菜湯($68)，即叫即煮，熱辣辣送上。湯底辛辣，大量泡菜烹調成後，酸酸辣辣好開胃。五花肉吸左湯汁，入味，份量亦唔少。而豆腐滑嫩，另外仲有金菇，配有一客白飯，邊食邊飲湯，不知不覺已經飽。配菜泡菜爽脆，單食或者配白飯食，一樣滋味。石頭鍋飯，大量紫菜灑係面頭，超香麻油味。配料有菇片、翠玉瓜片、菠菜等。加配五花肉，醃製後帶甜味，同泡菜湯既肉味唔一樣刺穿煎蛋後，蛋黃流出，拌勻米飯。雖然冇飯焦，但拌飯一樣好味。而且份量足夠，好飽肚。飲品番石榴茶，陣陣番石榴味，底部有少少渣，唔會過甜，清新少見。整體，可以慢慢坐唔急住食，有心思製作韓式食物，簡單係food court都可以解下口癮，想食韓國食物。

放工之後同朋友行咗陣香工買靚衫，行到攰，我哋就落咗去香工既food court食晚飯啦。呢間餐廳價錢非常親民，嘢食又好味，而且老闆娘好親切有禮。老闆娘向我哋推薦左秘製醬汁豬手飯，又真係幾好食喎‼️🌟 秘製醬汁豬手飯｜$58👍🏻👍🏻好入味好腍❣️醬汁啱啱好唔會話超鹹仲有佢隻煎蛋係燶邊蛋😍估唔到food court小店會咁用心製作🌟 韓式粉絲加牛肉｜$50+$17 👍🏻好香芝麻同麻油味味道絕對比得上貴價餐廳而且牛肉同麵既份量都好多食到好飽‼️🌟 紫菜包飯｜$59包餡料豐富而且個包裝都幾靚喎✨

2023年年尾食，而加先post唔知而加仲有無😂😂大件又好食😋豬排雖然唔算肉嫩，但唔會乾爭爭鞋晒口，咖哩唔會又濃又大味就係唔知點解咁少人去希望可以長做😆下次要試下炸雞🍗😋

*/係附近見完客，食個快lunch又要趕番公司做嘢🥹🥹餐廳環境：商場一落地庫就見到大尚宮，非常方便，而且位置都好足夠，lunch 同同事過嚟食飯就岩晒🙌🏻🙌🏻🙌🏻食物方面：熔岩泡菜炒飯✨呢個飯份量好足料，而且師傅亦都煮得好入味，做到好似佢個名咁，個辣度啱啱好，而且佢個自家製醬料豐富到刺激到個味覺，而泡菜係另一隻碟分開上，可以品嚐當中不同既風味😎😎😎菊花元肉茶✨配搭呢個菊花元肉茶係一個最佳既選擇，即刻化淡咗嗰種少少熱氣既感覺，而且飲落好清涼，啱哂宜家夏天既季節😋😋😋😋大尚宮 (荔枝角)荔枝角青山道479-491號香港工業中心C座地庫C1B-5號舖

工作後，看到附近有這工廈，是韓國的料理，棒喔。傳統韓國料理，炸雞和泡菜。這店感覺不錯也韓國肥牛飯紫菜滿滿韓國感覺喔，配上調味粉，入口味變得美味，肥牛牛肉肉香濃，感覺很豐富。旦亦將韓國的飯昇華到極致，以小鍋來吃，滿滿的滋味。韓國必吃之味道濃味，韓國口味。肉味香濃韓式泡菜豆腐湯食出暖感覺，有泡菜，糖水，泡菜切成適量大小，豆腐嫩滑的。 泡菜滿滿香味，一煮好變送上來，豆腐醬油和泡菜熱辣辣好吃，很香濃之味，棒，滿滿口感，不會過咸～簡單來一個午餐，放鬆一下，再來工作喔

位於荔枝角的大尚宮，可以食到平價韓式石鍋飯。價格只需$50就可以食到飽飽。這裡的牛肉切得非常薄，入口即化。咬下一口，牛肉的鮮甜滋味在口中散開，讓人忍不住再接再厲。而且，牛肉的份量十分豐盛。石鍋飯就係要熱騰騰，仲要有飯焦！除了牛肉之外，這道鍋飯還搭配了新鮮的蔬菜和香氣四溢的米飯。蔬菜保持了自然的甜味和脆度，為整道菜增添了豐富的口感和營養價值。而米飯則蓬鬆香潤。大尚宮 (荔枝角)荔枝角青山道479-491號香港工業中心C座地庫C1B-5號舖#大尚宮 #牛肉石頭鍋飯 #荔枝角美食 #香港美食 #美食評論 #foodie #美食愛好者 #湯底濃郁 #鮮嫩多汁 #蔬菜新鮮 #口感豐富 #親民價格 #值得推薦

【深水埗區】【大尚宮】同同事真正哥嚟到荔枝角香港工業中心做嘢，佢係第一次過嚟呢邊，慨嘆於呢度原來係咁大型嘅成衣批發中心。我就唔係第一次嚟，不過每一次都好匆忙，唔會留得耐。今次過嚟做嘢就可以順便喺度食嘢，符合返我去到邊食到邊嘅原則，又可以寫畀大家睇。問真正哥想食乜，佢每次都答「是但啦」，咁今次就唔驚喇，因為原來呢度有個 food court，喺香港工業中心嘅 C 座地庫，都有不同嘅選擇。落到去見到呢間「大尚宮」就知係韓國嘢，以前睇韓劇《大長今》嗰陣成日都聽到呢啲 terms，我哋就試吓佢先啦。佢試 $50 嘅「淨石頭鍋飯」，用 $17 加配「肥牛」，我都試咗啲，熱得嚟夠惹味，正。我就試 $50 嘅「紫菜包飯」，都好好食，口感又豐富。我飲加 $7 嘅「道地纖解茶」，真正哥飲「可口可樂」，用 $124 就食到韓國嘢真係幾抵，味道仲要唔差嗰吓正喎。。。（地址：荔枝角青山道479-491號香港工業中心C座地庫C1B-5號舖）#1amfoodie #foodie #hkfoodie #thatfoodiething #hkfood #food #instafood #yummy #foodlove

行下香工，原來佢都有food court, 就過黎睇下。 真係唔知原來有咁多野食，而且都唔算簡單。 其中一樣竟然有韓式既可鍋飯。 當然，佢仲有其他如炒粉絲，韓飯卷，但石鍋飯真係少見，所以就好想叫個黎試下。好欣賞佢地既自助餐具設備，睇落好整齊乾淨，客人都可以好放心咁用。 仲有佢地既價錢又幾大眾化，而且都好多配料簡。 簡好左一種肉（主菜）就會即刻煮。 好快就有啦，我就簡左雞肉，黎到都好大鍋。入面都有好多其他配料，除左我簡既雞肉，仲有隻好靚既半熟太陽蛋，超多紫菜，下面係好多菇，瓜，，紅蘿蔔，菠菜，反而飯唔會太多，咁我就食得更開心。 食落啖啖餸，雞肉都好大件。 講真都會有幾飽，好在佢既泡菜都好啱送飯，真係令人開胃好多。 下次黎香工行可以有好野食啦。

適逢每個月一次長周返工，我就會去香港工業中心地庫嘅food court食埋個中午先，今次試下韓國野「大尚宮」，價錢比較親民，選擇都唔少，花多眼亂，呀姐推薦我食石頭鍋飯， 就一於試下佢啦。一上嚟見到好多紫菜，多到睇唔到D餸啊!一份石頭鍋飯餐有埋前菜同飲品，一人餐黎講份量好足夠，有菠菜，翠玉瓜，紅蘿蔔，豬腩肉，香菇，半熟雞蛋。味道層次豐富，而且菜多過飯，醬汁又唔會太鹹，啱啱好！大尚宮荔枝角青山道479-491號香港工業中心C座地庫C1B-5號舖