影片
特色
適合大夥人
營業時間
星期一至五
13:00 - 23:00
星期六至日
12:00 - 00:00
以上資料只供參考, 請與餐廳確認詳情
相關文章
宿醉黃昏爬起身走到老麥處，終於有早餐食﹗略盡棉力自備刀叉，衛生又好用﹗少用塑膠即棄紙碟，竟然忘記帶碟呢。物價騰貴，太和街市$50蚊件牛仔骨、$50蚊件羊扒，不過真係厚厚大大塊只是醃得有點咸。黑椒美國牛仔骨，肥美厚切牛甜味濃，最敝醃得過火有少少咸，不過整體都算美味﹗香草紐西蘭羊扒，微微羶香不過份，瘦肉鬆軟多汁，大大條肥膏油潤閃令令，醃得味道太過濃烈了﹗吃不消。青尖椒，耐心地燒得微焦軟塾，整條咬搭著辣椒籽，爽甜辛辣極刺激。不過味道有少少單調，如果配上豉油或海鹽就更滋味。游水海中蝦，要打醒十二分精神，留意不可以燒過火變得乾爭爭﹗眼見整隻變為實紅色不透明就可以上碟了啊。爽甜彈滑兼多汁，蝦味香濃美味。游水珍寶虎蝦，高昂價錢的食材，用最簡單的烹調方法直接炭燒，連一粒鹽都不用了﹗燒到不再透明便立即開動，再燒就會又乾又韌的啊﹗ 爽彈的蝦肉滴著汁立立令，鮮味霸道而野蠻﹗食完仲想再食呀﹗活花蛤皇，新鮮無得輸﹗懶惰的我用錫紙包著掉入火坑中便坐定定得食，聽到鬼殺咁嘈兼吱吱作響就可以開動了﹗燙著嘴慢慢細味，鮮味脫俗、香氣十足，彈牙的蜆肉搭著咸鮮海水，全天然無添加的味道，使得我不能自拔、欲仙欲死﹗多謝太子爺親自操刀燒乳豬，足足燒足45分鐘誠意可加﹗隻燒乳豬係多年來第一次讚口不絕超級好食！以後可否指定要太子爺下廚呢？ 即燒原隻乳豬，太子爺親手慢燒乳豬超級好食，皮脆肉嫩肥瘦適中，肉質嬌嫩無比散發強烈豬甜味！我梗係第一時間搶隻燒豬髀免斬大啖食啦。龍叔生日快樂！少少心意即燒乳豬全體生日賀禮。經濟實惠$700蚊﹗頂級不肥，肉香飄飄，多汁噴出﹗不過咸而香甜醒神，即燒脆皮香口非常。燒豬髀勁彈牙啖啖肉，豬蘿友結實充滿曲線美。紅腸，厚厚切啖啖肉，皮脆甜美富彈性，清甜不濁不過咸，燒到焦脆更加可口。芝士腸，普普通通無特別，脆皮搭芝士味濃。魚蛋，粉粉腍腍的魚肉帶點點咸味。牛丸，平庸的火鍋級數，結結實實有丁點牛味，極度超級麵粉。墨魚丸，意料之外地出色，白雪雪圓碌碌味鮮彈牙，仲收埋墨魚肉粒在其中，普普通通表面滑嘟嘟，咬落結實有墨魚味。鱈魚魚蛋，硬實的質地未見滑滑，沒有魚味，只有一丁點的咸味。沙嗲魷魚翼，重口味好快滯，食完幾塊勁口渴，爽爽的質地，整體不過不失既。蒜蓉有骨豬扒，有骨豬扒份外香甜味道濃郁，肉質鬆化有咬口，醃味一流舔舔脷。蒜蓉雞中翼，老麥雞翼有保證，肥美大隻滴肉汁，蒜香辛甜可口。多春魚，何解黏唔到係燒烤叉上？雪太耐？唔新鮮？叉唔乾淨？不要叉爆肚，汁液及魚春流失就完全好食的了﹗慢烤乾身使得皮脆脹卜卜，整條釀入嘴仔非常甘香，回味無窮。沙嗲雞腎，細細粒爽脆，每一啖都充滿雞甜味，沙嗲惹味越食越想食啊﹗咖哩雞中翼，咖哩香料味平平帶甜，夾起焦香肥美雞翼十分可口。蟹子包心丸，魚蛋皮包著唔似蟹子的蟹子，甜甜的像豆沙包。麻辣雞中翼，新產品就試試，醃味有點濁而不夠香，小小麻小小辣，味道只留在雞皮外，裡面雞肉沒怎樣的味道。 黑椒牛柳粒，牛扒認真麻麻地，但牛柳及牛柳粒同樣出色非常和味﹗醃得香味入晒味，燒得六面焦香外層有咬口而裡面鬆軟綿綿，每口都充滿肉汁呢。黑椒牛扒，全熟最穩陣，雖然有點硬有點韌，但勁有咬口十分過癮，醃味香甜，給多一丁點牙力吧﹗金沙骨，啖啖肉兼半肥瘦，燒成焦香才品嚐﹗連骨的肉永遠是最好的，彈牙而濃烈的肉甜味，還有叉燒醬的清甜。叉燒粒，色香味跟金沙骨齊名﹗彈牙嫩肉、香甜醃味，食都手指動﹗蒜蓉雞全翼，比起雞中翼更肥美更多汁，沒有被斬開而能保存所有肉汁及鮮味在內，惹味雞皮、白滑嫩肉互相耀映﹗曲終人散好那醉，世上無不散之筵席，多謝老麥及麥仔多年來的熱情款待，辛苦晒！
繼續閱讀
復活節假期🐣眨吓眼又過咗一大半，本來好想同朋友仔快閃澳門一轉，去打吓卡、食個buffet就返嚟😎 不過連日嚟經新聞報道見到關口人山人海嘅場面… 咩興趣都冇晒啦😅 唯有轉呔留港消費🤭身為香港人嘅我哋，居然左諗右諗都唔知去邊度好😅 突然醒起好耐冇拎起支 #燒烤叉 喺 #燒烤場 燒嘢食🔥 既然有咗答案，一於坐言起行。只可惜我哋幫襯開嘅 #小欖場 已經無營業，諗住退而求其次轉去 #大欖，點知又fully booked🫣 好彩最終都比我哋喺 #大尾篤 搵到個聚腳地「大尾篤麥師傅燒烤場」。我哋喺 #大埔墟港鐵站 轉乘 #專線小巴20c 直達場地，仲以為好快就可以開爐啦，點知嚟到一樣要等😅 排咗大概半個鐘，終於輪到我哋。燒烤場地方比想像中大，以香港人standard唔算太逼夾🤭 $220（另加$60開爐費）包咗5小時任食BBQ食物同兩罐冇酒精飲品，以假期消費都算係咁。講到食物方面，選擇都唔少，#雞肉腸、#墨魚丸、#紅腸、#豬扒牛扒… 當然唔少得，不過我就覺得最好食嘅喺佢哋嘅 #咖喱魷魚、#雞翼 同 #金沙骨，味道醃製得非常出色🤤 師傅用咁厚肉嘅魷魚身嚟用作燒烤食物，睇嚟都幾肯落本🤤 佢哋選用嘅雞翼都係「雞中翼」，燒起嚟已經比燒「全翼」嘅難度減低一半👉🏻👈🏻 不過最終我都係燒到隻雞翼變成「非洲雞」一樣，實在令大家嘆為觀止😂😂 整體評分我覺得呢晚嘅「BBQ新嘗試」都唔錯，#食物 同 #前台服務 都做得幾好🤤 正如我同朋友講笑咁講，如果做得差嘅，老闆都唔敢放自己張相做生招牌啦🤪 不過如果入場嘅分流可以smooth 啲就perfect喇‼️📍 大尾篤麥師傅燒烤場 (大埔)汀角路地段17
繼續閱讀
放假成日想遠離下市區，過得特別d ，前排發現大埔麥師傅有$190 任食5個鐘嘅bbq（包2杯飲品，另加$60開爐費），唔駛準備好多野就可以燒烤，真係正！【40幾秒翻一翻】比入場費後，店員會安排開爐，而一開始去攞食物時會先係大大一盤肉，全部都係精選來～海報上會有麥師傅燒烤tips，就係40幾秒翻一翻，夠火喉，試左咁樣燒後，果然燒到d 肉幾滋味！【醃料出色】基本上每樣食物都醃得好入味。個人最鍾意咖哩魷魚🦑，燒幾分鐘就ok，咖哩味辣香惹味，魷魚有嚼勁！另外，仲有大大塊豬扒，攞上手已經覺得有重量，肥瘦適中，肉質幾軟嫩，燒嘅時候仲好搶🔥，包夠火後！燒烤一定唔少得我最鍾意食嘅雞翼，同樣都幾多肉，醃得香口。比較特別，必烤來食嘅仲有脆邊蜜汁叉燒，蜜糖燒過後好香口甜甜地，啖啖滋味。食過安排好嘅食物後，就可以去食物區攞下其他肉類、丸、粟米🌽、燒賣、多春魚等😆😆or encore想食的。【同場加影：小攤位】同場仲有好多小攤位，例如撈金魚、玻璃畫等，可以邊燒邊玩！
繼續閱讀
天氣不似預期，今日雖然落雨，但無阻我地去BBQ既心情，今日我地去左「大尾篤麥師傅」BBQ。一心以為落雨會冇咩人BBQ，點知超級多人🤣。以到場地非常大，以到除左BBQ之外，仲有夾公仔、攤位遊戲、撈金魚玩，大人小朋友都玩得好開心。以到唔駛$200可以燒足5個鐘，另加開爐費$70，有基本餐具、蜜糖、燒烤網、鉗、手套、紙巾、每人2支飲品，非常方便。一入場已經預先有一盤食物，岩晒選擇困難症既我地，食物入面有腸、芝士腸、紅腸、雞翼、豬扒、牛扒、魷魚、丸類等等，食完可以再去食物區拎，食物區有好多款選擇，而且有人會拎比你，乾淨衛生。好欣賞以到醃左既肉，全部都好入味，唔會過鹹。另外丸類，雞翼類、腸類，最正有埋漢堡扒，全部都好好食。以到仲有炭燒脆皮乳豬（提早2天前預訂）見到有人燒緊，見到都流晒口水！
繼續閱讀
每次一想燒嘢食就會入大埔, 趁依家天氣仲涼涼地BBQ就最好不過, 係大埔鐵路站轉搭小巴入去, 搭20-30分鐘左右就到, 落左車跟住指示行見到去燒烤場既路入場前要先付款, 要比個人入場費, 可以燒足5小時, 另外有開爐費, 要揀定想自己用燒烤叉燒定另外落網用鉗夾住咁燒 (另外加錢), 我地人少少就揀左用燒烤叉燒, 比完錢職員會比左套叉、餐具手套、一袋方包、廁紙同蜜糖, 同埋每人包兩張飲品券黎換野飲入到去已經有啲人燒緊嘢食, 好彩到左之後先黎落大雨, 我地揀左中後有蓋位置, 唔洗怕比雨淋到濕哂職員見到我揀好位就幫我地開火透爐, 安頓好後就憑收據去食物領取處換左預設左一盤既食物先, 入面有少量雞翼、扒類、丸類等等超開心腸仔係廚師牌雞肉腸, 好耐無食過, 因為依家去第時度燒都已經唔係用依個牌子既腸仔!豬扒牛扒都係厚身, 燒完唔會乾身, 食落幾軟熟, 同雞翼一樣全部肉都醃得好入味, 完全無雪味, 由其係咖哩魷魚, 係我至愛之一, 非常濃郁咖哩味, 燒完夠哂爽口煙刃, 食完要再去拎!另外丸類有我好鍾意食既日式芝士魚豆腐、燒賣、牛丸等等燒到咁上下可以用返原本個紅色食物盤再去拎食物, 種類都幾多, 除左肉同丸, 都有多春魚, 蔬菜類粟米同翠肉瓜, 食到咁上下就燒左件粟米, 好甜!除左燒烤區, 依度都有啲啱小朋友玩既夾公仔機整體而言, 個人覺得食物唔算真係好多款, 但真係樣樣都醃得好食夠入味, 地方夠闊落, 洗手間係另一個獨立位置, 算幾乾淨, 最緊要落雨都仲可以燒到嘢食, 唔怕淋濕呢
繼續閱讀