大師傅粥品 (金馬倫道)

營業中

休息中

【油尖旺區】【大師傅粥品】繼續努力於 1am紅館 系列，尖東嗰邊其實仲有好多餐廳可以寫，可惜嘅係都唔係每一間都啱一個人食，導至選擇數量收窄。不過今次寫嘅呢間餐廳係粥舖嚟，附近都好似冇乜呢類型嘅餐廳，而呢間亦都開咗一段時間，做得住即係質素唔會太差掛，食吓先。入去就覺得烏煙瘴氣，啲枱櫈亂咁擺，啲客又坐得亂，仲要得一個侍應做嘢，根本處理唔切。等咗好耐先叫到人嚟抹枱同叫嘢食，先叫 $31 嘅「艇仔粥」，估唔到都幾差，粥底差，啲餸又唔好食。我之前食過佢哋嘅大圍分店，明明嗰間唔差㗎喎，乜攪成咁。跟住碟 $23 嘅「牛肉腸粉」都係好一般，勝在係熱嘅。跟住叫 $12 嘅「油條」，我就真係未食過咁難食嘅油炸鬼，又腍又靱又冇味，都幾難哽。反而嘢飲 $10 枝「豆漿」幾抵，冇嘢好講。埋單 $76，遊客食著呢間真慘，推薦西環「心滿意粥」，呢間正。。。（地址：尖沙咀金馬倫道15號地下B號舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #ta

叫佐一個艇仔粥加魚片同埋蝦米腸，兩樣都食淨。艇仔粥係有牛肉，但份量好少，而且完全無牛肉味。魚片每塊都好薄，魚肉又散，好彩唔腥🙃成碗粥最多既係豬皮，其他配料都唔抵，絕對唔抵食☹️而最大既問題係碗粥好快就出水，食佐半個鐘左右就出水，唔夠稠同綿🙁另外蝦米腸份量多，但都係唔好食，腸粉好粘口又唔香，蝦米多既，唯一既好處🫠而且蔥亦唔夠多，整體食出黎都唔香😣呢度好逼，好多人，唔好坐，坐咁耐見到都係內地遊客比較多，真係唔推薦

辦公室搬到尖沙咀，看到多人排隊，就試試。叫了窩蛋牛肉粥，艇仔粥炸兩同埋牛肉腸。先講環境，超級無敵逼，一堆芝麻人，不停勁大聲講野咳嗽，又將啲醬放係個鼻哥窿到聞，超級嘔心。食物方面，啲粥難食到嘔，唔知點講，粥底仲差過海皇粥店，啲腸粉完全係衰過微波爐叮嘅腸粉，而且啲粥鹹到洗腎。服務方面，全部都係啲廣東話唔鹹唔淡嘅芝麻婆，態度極差，要杯熱水都冇，落單極度晦氣。簡單講句，試過的唔會再幫襯，未試過的，千奇唔好試。

踏入呢間位於尖沙咀嘅粥店，簡約嘅菜單直接掛喺牆上，清晰易懂，就算唔係粥界達人都揀得到心水款。嚟到午餐時段，客人絡繹不絕，一睇就知道呢度嘅粥有咩咁吸引人。首先杯邊拉絲嘅黃沙豬潤粥，每一啖都綿到化嘴，惹味至極。嗌多碗豬紅加持，新鮮滑嫩，啖啖肉感，正！啲豬潤切得啱啱好，唔會厚到過火，食落去啖啖肉香，好實在。食過粥後，個炸兩腸粉嚟得正痴肚，皮滑餡足，入口即溶，中間夾住嘅油炸鬼香脆可口，撈埋淋上嘅豉油同芝麻醬，每一啲都攪拌得剛剛好，咸香迸發。而嗰份緊致得嚟又唔硬梆梆嘅鹹肉棕，食落去滿口嘅豉油香同豬肉甘香，簡直係為左過緊節嘅人設計嘅小確幸🥮🐽！當然唔少得豐富嘅菜乾豬骨粥，湯底足夠綿滑，細嚼豬骨嘅每一啖，都能感受到肉香四溢，但菜乾嘅香味就略嫌不足，肯定有改善空間💡。總而言之，喺呢度嘅每一餐都夠晒嘴，食物嘅質素配上一個舒心嘅價錢，實在係食客興奮嘅理由。要食正宗地道粥品，呢間絕對值得一試！🍚🥢

我真的無法想象為什麼這一家能夠有那麼多人排隊，都沒有喝過富記嗎？？？因為富記結業了，只能找別的喝粥，生記喝著中規中矩，但是這家大師傅粥品屬於是完完全全的難喝。喝的艇仔粥，我靠，又沒味道又腥。我真的是吐了，太難喝了。然後服務員態度也不好。這挺仔粥裡面的肉還是不熟的，吃完總是有點惡心，然後魷魚呀那些都很不新鮮，很淡又很腥，真的完全不知道是什麼水平，太不行了。一點亮點都沒有！！！而且和富記生記相比，大師傅甚至連鹹淡都把控不好，我真是服了！吃完整個早上都沒胃口了，心情糟糕透！

暖笠笠🥵 × 湯湯水水😍 × 鮮味🌊近排又轉天氣☀️，好多人都會覺得氣管唔舒服😷，或者係咁流鼻水👃🏻。所以鼠尾草🌱就即刻諗到去 #粥舖 🍚，食啲熱辣辣嘅嘢🔥，之後一定會暖笠笠、好舒服😍。豬膶豬紅粥 🌱🌱🌱/5豬膶🐷係爽脆嘅口感，而且冇內臟嘅腥臭味😆，處理唔錯，啱口味😋！豬紅就正正常常🩸，啫喱嘅感覺🪼，亦都有血味🧐，怕內臟味就會驚啲。粥有薑味🫚，調味都唔錯🫶🏻。艇仔粥 🌱🌱🌱🌱/5雖然所有材料已經攞入晒粥裏面😛，唔似餐牌咁擺得好靚，不過海鮮🌊嘅份量都唔少，每一啖都有👄！而且魷魚🦑爽口，魚肚🐟口感都唔錯，符合預期😋。不過粥食到最後會變到有啲水🚿，再綿、杰啲會更加好🫶🏻。蔥花腸粉 🌱🌱🌱/5腸粉嘅質地整得夠綿滑🤤，唔會太過霉。每枱本身有花生醬🥜、甜醬🍬可以自己落，味道都唔錯🥳，尤其是花生醬嘅香味👃🏻夠出。感覺正正常常啦🫶🏻。💰 豬膶豬紅粥($44)💰 艇仔粥($29)💰 蔥花腸粉($19)🥢 大師傅粥品🗺️ 尖沙咀金馬倫道15號地下B號舖

天氣轉涼去食碗粥，之前試過堂食唔錯，今次趕時間就外賣～🔸生滾魚腩碎牛粥魚腩新鮮，最少都有三四件。粥底唔算太綿，食到半路開始好稀變水，較為令人失望🔸蝦米蔥花炸兩腸粉腸粉厚薄適中，炸兩自家製新鮮！總括🔹之前堂食嘅時候品質唔錯，唔知道係因為而家開始多遊客定係因為外賣問題，粥底麻麻

間野幾多人排隊，幾好食都無用，d阿姐態度甘q差。。。都已經外賣自取，叫佢剪個煎堆都可以話唔早d講，又大力掉交剪。。無野呀！甘受氣，原來，你地一向都係甘甘禮貌，一間食市最後會輸係d樓面到。。。

大師傅粥品有幾間分店，食過幾次，質素都有保證。鋪頭唔大，成日都坐滿人，有啲迫。即熟粥平啲，多數係 $30 以下；生滾粥，就最少 $40 ，不過招牌係生滾粥，尤其係豬潤粥。- 黃沙豬潤粥招牌生滾粥，豬潤啱啱熟，好嫩滑，又冇腥味。- 油炸鬼 & 煎堆油炸鬼，外面脆脆地，內裡鬆軟。食油炸鬼，一定要浸落粥，一齊食。煎堆煎得香脆，油器有水準，上枱唔會淋咗。依家好難揾到有水準既粥品店，價錢又合理，所以行過都會支持下。

我喺附近返工都好多年，lunch間中會嚟食粥，今日諗唔到食咩，平時又唔好食粥，所以諗起呢間大師傅。 一入去，已覺好熱，我揀咗最入嘅位，諗住會好啲(同一時間有食客問職員係咩無開冷氣，職員表示唔係，只係個門經常開閂，走曬啲冷氣) 點知我未開始食，齋坐已覺好熱，就算最入嘅位，真係唔多覺有冷氣！ 再四圍望吓4部冷氣只開咗3部，近門口嗰部根本無開好喇！ 講返食物質素:艇仔粥正常嘅，但$29就貴咗啲，明白喺尖沙咀區，租金相對係貴嘅腸粉好滑，除咗豉油外，啲醬自己落，可以接個人喜好落多或少另外職員一貫態度唔慌好咁對啲客如果平時唔易出汗嘅朋友，可以去試一，包你食飽，好似沖完涼咁，成身濕曬！

待應態度差到不得了！我一去到收銀2個職員只顧自己傾偈！我落單2件油炸食物外賣，聽到但完全唔理我，後黎有位旅客付款就即時收錢！ 收完錢都係完全無視我！仲要直接係我身旁走過都完完全全無打算理我！我大聲吓左一聲，佢先叫收銀收錢，死死地氣去拎2件食物俾我！咁唔想撈就唔好做啦！離譜！唔係屋企人想食一定唔會企起到等佢賣我！ 之後永遠都唔會再幫襯！！位置開幾好都無用啦！！請埋啲職員態度差到咁。完全無視客人嘅！ 睇返其他人評價原來一直都係咁趕客！管理失敗！

It is not easy to find a congee restaurant nowadays. Luckily, I have a good one nearby!!!The congee with thousand year old egg and salted meat is nice. A lot of ingredients!!! The texture of congee is nice!!!The rice roll with crispy roll inside is a surprise to me. The crispy roll is still crispy. So nice that I can add sesame, different paste like peanut butter by myself!!!

態度好一般，個粥名叫「生菜粟米瘦肉粥」，咁我叫「唔該一碗粟米瘦肉粥」，個女店員問番我，咁你要唔要生菜呀？我答話要，「唔該生菜粟米瘦肉粥」，一字不敢漏。結果張單明明寫住「粟瘦粥」，我同朋友都睇完再睇，但成碗粥係一條肉絲都無，底面都翻一遍係完全無肉的！我癈事俾人加料唯有當減肥食齋算了...坦白講，佢價錢唔貴，年初三都無加一二三之類，想清清地食碗粥啫，不過無咩事唔想無啦啦受氣，無啦啦多咗嘢或少咗野嘅話唔好入嚟食，唔該晒，完。閣下如時間充裕，可以考慮吓通知海關，貨不對辦。

花生醬味苦、粥無味，限制客人使用豉油，問店員取就醃醃尖尖冇好面色炸兩又凍又軟，完全唔脆，仲要幾嚿癡埋一齊冇斬斷，難以入口店員動作粗魯倒瀉粥食物質素與門口照騙有很大落差

話說星期四晚同女友睇完話劇，諗住天氣凍凍地入去食粥暖吓，點知未食已經一肚火，11點左右到門口，見啲人塞喺度叫外賣，但明明入面係有位未執好，唔緊要，入去搵左張長枱對坐，我哋兩分鐘諗好食乜嗌，個男工話執枱先，叫我哋等，3分鐘之後，我哋舉示意手嗌唔該，男既叫我哋等多陣；3分鐘之後，我哋繼續舉手示意嗌唔該，男既再叫我哋等多陣；3分鐘之後，我哋繼續舉手示意嗌唔該，女既好似話嚟緊，但又做自己嘢，男既都做自己嘢直頭無視，再3分鐘之後....我哋真係㷫過火屎!見個女工幫個最遲入來對面枱，戴金鏈既男仕先落單，再幫尾二來坐我哋隔既中年男落單，之後應該/有可能到我哋落單？最後我不等了，拉埋女友離開，要嘥12分鐘以上乾等已經飽了...唔知呢度係咪專登filter年青人？定係覺得咁好好玩？咁既垃圾服務態度，有幾好食都無用!