大師傅粥品 (萬廸廣場)

營業中

休息中

一粥麵: 服務態度不太好, 明明室內夠位, 生意沒有好到全場爆滿, 亦沒有人等候外賣, 硬要規定外賣要在店外等, 天氣很熱, 其實不太人道, 亦沒有很體貼, 在店外是很熱的, 等到滿頭大汗, 而且炸兩都要等差不多十分鐘, 這安排不太好。其實應該人道一點, 如果人不是那麼多的話應該可容許在店內等候, 法理不外乎人情嘛。 現在突然有九折, 其實可以在店外宣傳一下。炸兩的質素挺不錯, 豉油提供的份量不太夠, 個人覺得可以多點, 花生醬和甜醬就是好吃, 但可惜炸兩不脆, 外賣盒應該打氣疏洞, 會更貼心。因為不脆的話就明顯沒那麼好吃

9月7日早上，揾食肥華俾此店，嗰碗菜乾豬骨粥吸引，所以就和靚媽到此店食早餐，但呢餐可說是乘興而來敗興而返，原因肥華充滿祈望嗰所碗，菜乾豬骨粥，真喺令肥華失望，個粥底杰如糊，菜乾淡而無味，為一可取喺件，碩果僅存，嗰塊豬骨，而嗰碟銀芽炒麵，亦喺劣食之選，連靚媽呢個，珍惜食物之人，對今朝呢碟，食剩三份二嘅炒麵，都冇興趣，入袋帶走。而另外嗰碗，艇仔粥及齋腸粉，味道亦未見佳處，兩個都喺衹值C級評語食品，而此店可取之處，就喺地方光猛，少人堂食，座位亦算舒適，就是此店，可取之處！此餐👎👎👎👎

由於依兩日胃痛，今朝返工嘅時候經過大師傅就順便入去買碗白粥做早餐。從來無諗過白粥都可以伏到一個點。其實新蒲崗有好幾間傳統又平嘅粥店，但我諗住已經唔舒服就不如對自己好啲啦！坦白講，$15一碗白粥真係唔算平，外面其他粥店一碗白粥都係十蚊左右，而且啲粥起碼會見到有米有水。但大師傅依碗白粥即程係米糊，個樣似杏仁糊，但又杰又無味（少少米味都無），食兩啖個胃仲痛過未食。睇佢門面我真係以為靠得住，試完真係唔會再有下次。連一碗白粥都搞成咁，「大師傅」真係要檢討吓。

呢間粥店都開咗一陣，不過我麻麻哋鍾意食粥，所以冇入過嚟。今日早餐食得晏，好似唔係好食得落嘢，同事話佢都唔係好餓，我哋就入嚟試吓。呢度用QRCode點餐，我點咗入親粥舖必食嘅碎牛粥同牛脷酥，同事唔餓淨係叫咗齌腸豉油另上。腸粉嚟到見到好似唔係好吸引，不過同事勁有心機落醬，落完哂醬，觀感完全唔一様，即刻借嚟影番張相先。🤣我夾咗一舊試吓，質感唔錯，唔算好滑，不過唔會好實。都算幾👌🏼。我個碎牛粥走蔥，無論個樣同味道都冇乜特別，okay啦嗰種。粥份量okay，但係牛仔脷酥就好大隻。我肯定係唔餓，最後我兩樣都食唔哂。😂呢餐最值得讚嘅係價錢非常合理，而且環境衛生都好👌🏼。

呢間嘢喺新蒲崗,屋企附近！ 唔想食好飽所以就試下呢間新開嘅粥舖. 夜晚八點幾唔算多人, QR code自己落單,啲姐姐放低碗粥連個名都唔講下顧住自己傾計😅今次叫咗一碗生滾肉片粥加皮蛋另外一碗就係北菇雞粥再加咗一盒炸兩同一支豆漿.粥底好傑好傑 肉片好鹹.😅北菇滑雞粥正常, 雞冇雞味🤣炸兩算係好食啲, 起碼包喺入面嗰條油炸鬼仲係脆嘅,腸粉個皮都算滑😉枝豆漿係現成一樽樽交過嚟嘅貨 唔太甜仲有啲豆味👍每人食咗大約60蚊, 冇意欲想再幫襯

大師傅粥品，位於新蒲崗大有街3號萬迪廣場地下D號舖。 突然好想食粥， 經過見到大師傅粥品， 就入去試下。 點了艇仔粥$28、炒麵$16、豆漿$12。 🔸艇仔粥 ～ 艇仔粥有大量粥料， 粥底做到綿而滑。 🔸炒麵 ～ 炒麵味道正常發揮， 一般吧！ 🔸豆漿 ～ 支裝豆漿的豆味偏淡， 唔係太好飲。 個人感覺粥不錯， 下次可以試下其他粥。 🏷️溫馨提示～ 整個用餐體驗均屬個人分享意見， 只作參考😊。     大師傅粥品地址: 新蒲崗大有街3號萬迪廣場地下D號舖

大師傅粥品位於鑽石山站A出口步行約6分鐘就到曼迪廣場地下D號舖，做完嘢，行過見環境佈置幾好，門外粥麵圖片好吸引，於是入內進食。失望而回😫菜乾豬骨粥細細碗唔緊要都夠食的。但係菜乾粥內加咗好多胡椒粉味精😩。胡椒粉應由客人自行決定要唔要的😤我都係想食得健康啲。最後……😫叫咗炸兩，等咗起碼20分鐘😫。