大師傅粥品 (沙角商場)

營業中

休息中

搬屋搬到頭暈暈，剩係知肚餓，唔知想食乜😩，突然好想食豬潤粥，大熱天時難得老婆唔介意，直去沙角邨。呢間舖前排裝修完，希望品質比以前好啦！叉燒腸秒速送到，似乎不是即叫即整，太太碎牛粥都好快到，正正常常，不過炸両就等咗十幾分鐘，油炸鬼好脆，值得等嘅。差唔多食晒D嘢，我碗艇仔豬潤粥都未到就有D奇怪(超過20分鐘)，個場又唔係旺，外賣又唔多⋯⋯正準備搵姐姐追單，一碗滿到瀉嘅粥送到我面前，艇仔部份正常嘅，豬膶呢？好想知道個師傅係咪第一次煮豬潤粥，D豬潤可以煮到硬晒冇晒肉汁，嚡熠熠仲老過D湯渣😵‍💫！本來好想投訴，不過餐牌又冇寫豬潤會煮幾熟，最後食咗幾啖就放棄咗，之後落街市買壽司返屋企食。大師傅喎?! 建議取消生滾粥，賣番D簡單嘅嘢，再唔係改改個名，唔洗笑大人個口🤣🤣是日消費：豬潤艇仔粥$41 碎牛粥$28 叉燒腸$20 炸両$20共 $109

Both pieces of fried dough were really crispy. The food is affordable and it’s great value for money.One of the waitresses was pretty rude for no reason, however. She kept yelling at us when we only politely reminded her that she forgot our orders.

沙角博康乙明附近只有這一間粥店，所以想食粥第一首選都是大師傅粥品，這次來嘗試菜乾豬骨粥和炒米粉菜乾豬骨粥味道夠，足料，而且我還找到幾小顆蠔豉，小小一碗粥也可找到蠔豉可見足料，菜乾不會有根，可以整條菜吃完。炒米粉中也有紅蘿白絲，吃起來不會太單調。下午茶更便宜，以上兩種食物加起來只要$29!

🍽️食物方面：黃沙豬膶粥💲33足料大碗 豬潤大塊到誇張 淨食粥都飽豬潤腸💲19似飲茶嗰種厚皮 見人食炸兩都好吸引🔈環境方面：要搭枱但都ok 有卡位坐💬其他資訊：大師傅粥品📍沙田沙角街5號沙角商場2樓249號舖ℹ️有十間分店💰現金/八達通

屋企人唔舒服想食粥屋企附近呢間粥鋪開到11:00 都幾好 咁夜都有粥買話說我其實5 分鐘內就行到 咁咪打去叫定外賣 諗住去到拎完就走 唔使等點知打去叫皮蛋瘦肉粥，有個女staff聽電話 佢： 其實你得一碗粥唔使打電話黎 黎到先叫其實好快 (串串貢mode)我： 其實我就黎到，叫定先和到可以即刻有得拎有咩問題呢？佢：唔係唔得 但真係好快囉 你唔使打電話黎其實已經唔係第一次 聽到呢個員工叫人唔好打電話黎叫定外賣上次我屋企人買粥比我食打去叫定都係咁 其實如果唔想比人打電話叫外賣自取 不如唔好寫個電話出黎啦 打去叫定先都唔得 次次都要比人"哦" 都唔明 打去叫定先有咩問題呢？ 黎到叫咪又係要做 點解次次都要叫人黎到先叫但又要聽電話呢諗唔明買碗粥都要受氣🤨講返碗粥，味道正正常常，但就真係好受氣，街坊生意唔係咁做架

最近女性週期不適，都冇乜胃口😞😞但點都要食野既，係附近揾左間粥店，諗住暖一暖胃，舒緩下經痛🩸唔想食得太寡，叫左碗菜乾豬骨粥（$24），另外加多一個煎堆（$11），食少少甜點，心情會好啲🫶🏻☺️菜乾豬骨粥非常入味！而且十分足料！豬骨既咸肉味豐富了成碗粥，加埋啲菜乾吊一吊味，一流～～煎堆有少少貴，不過都好食，煙煙靭靭，外皮脆卜卜，咬落有芝麻香味，甜甜的。不過有點可以改善，就係太過油膩。🫣呢個價錢，碗粥真係好抵食，個人覺得一個粥品加一件油器，兩個女仔先食得晒👭🏻

馬鞍山冇乜粥舖，所以食粥通常都係去沙角邨或者大圍，坐屯馬線好方便。大師傳真係食咗好多年，最初都係去大圍店，不過位少又坐得唔太舒適，所以大多會去沙角分店，雖然幫襯咗咁多年，但今日唔係讚佢，而係彈佢😩😩近呢兩年，沙角店無論服務，食品質素及環境清潔都在退步。睇吓碗粥，食到一半已經化開，真係失敗！食粥最怕遇到呢啲情況。雖然個炸兩脆卜卜真係好好味，但係俾個粥掃晒興囉！老婆碗碎牛粥冇乜問題，佢就話會唔會係因為我落咗胡椒粉，撩左幾下，所以個粥先會化，我話食粥落胡椒粉好多人都會㗎啦，冇理由咁易化！？希望佢哋係偶有失手啦！

岩岩喺沙角商場2樓大師傅買碗粥 等左15-20分鐘多單慢啲唔緊要 到我拎 張單擺左去廢紙堆度 個綠髮挑染阿姐勁冇禮貌話唔好扔喺嗰度要單唔係俾垃圾桶睇係俾我睇 q知咩 唔識有禮貌啲講下次俾我得喇 咁？串下客係咪會開心啲？個心頂一頂忍唔住留左人生第一次差評

今日去沙角邨探婆婆，在附近商場搵了一間粥品店，這間大師傅有幾間分店，所以對他們的粥麵有信心。黃沙豬膶粥這碗黃沙豬膶粥真的不得了，超級足料大大塊豬膶很吸睛，每一片都好厚肉，粥底綿綿的。生滾豬肚粥很少在粥店內吃豬肚粥，估唔到這裡的豬肚一點羶味都沒有，就知道他們清潔得很乾淨，份量也很多又爽口。艇仔粥喜歡吃艇仔粥因為材料很豐富，有肉碎豬皮魷魚花生等，吃一啖粥可以有幾種味道。炒麵這碟炒麵炒得非常乾身，不會太油膩我鍾意加埋甜醬和芝麻一起吃，特別惹味。炸兩腸粉炸兩腸粉即是腸粉包著油炸鬼，腸粉綿滑有米香而油炸鬼也很鬆脆，加大量麻醬、甜醬、芝麻來吃，真的可以做一款招牌菜。

夏天一嚟，連續食咗幾日生冷嘢，個胃仔覺得有啲唔舒服😞今朝一起身就決定想食一啲暖粥，呢一間基本上係我嘅comfort food，每次想食粥都會諗起佢，無他，就係佢嘅白粥真係好好味！今次帶咗皮蛋瘦肉粥，再加炒米粉，同埋蔥花炸兩腸粉，兩個人做午餐份量啱啱好。雖然係嗌外賣送上門，但係佢係煮好即刻送出，所以送上門都係好熱嘅👍🏻👍🏻兩個人食夾埋都係$80到，性價比之選👍🏻👍🏻👍🏻每一次食粥都會嗌返佢😋

做完嘢經過粥店, 決心食清淡d，上完碗粥之後，又覺得好似好齋。。。所以加了炸兩豬紅粥粥也煲得綿綿滑滑的，一粒粒嘅米，不會太稀或太稠, 份量十足，內有差不多有十舊比我補一補炸兩炸兩皮頗薄又幾脆，油炸鬼無油膉味, 份量又多，加埋豉油、麻醬、甜醬食得好滋味

放假不用上班，起床有點冷就想吃粥，來到這裏吃早餐，碎牛粥是21元，另加炸兩才是28元....窮人恩物了。平日不用等位，也不用等用餐，點餐後30秒就有粥吃了。碎牛粥大大碗，碎牛份量也充足，但是粥底一般，屋邨早餐就是這樣。炸兩原價17元，現在平日早餐加7元就有了..正常賣相正常味道。這個價錢，好吃就吃多d, 唔好吃就吃飽d

今日父親節突然醒起阿爸好耐冇食過炸兩了，所以徵詢阿爸要不要今日的午餐食炸兩及粥慶祝父親節，爸爸話都好喎！因為新冠肺炎疫情雖然緩和但是還未停止，阿爸今年86歲了，都係買外賣返屋企食算了吧！我們點了👇1. 艇仔粥加鯪魚球 - 我哋不嬲鍾意食艇仔粥係因為自己覺得好難整，第一要浸發的魷魚鬚，它有獨特的香味及食味，又要買少少豬皮，另外還要做一個豬肉球沾上炸左的米粉碎，又要炸花生！今次我想加埋鯪魚球一起食。味道都做得唔錯，不過鯪魚球的味道就好普通！$21+$5=$262. 炸兩腸粉 - 腸粉的皮質素都好好，但係有條咬落去係黐牙嘅，證明嗰條配方並不是最好的！有啲失望！雖然粥店提供了甜醬辣椒醬和芝麻醬，我哋只係落咗腸粉豉油就算了！不過如果好耐冇食都覺得OK嘅！起碼可以一解單思之苦！$17

食得好野多總有想食清淡D一日，今日二女又病左，一齊食粥做早餐，外賣仔送到，大師傅出品的粥比較綿，啖口少少，堂食就加鹽，在家食就加生抽，童年時婆婆煲粥就係加生抽感覺即時返曬黎配料多，可自行加餸，價錢大眾化、好食又健康❤️💕

天氣乍暖還寒，稍有不慎便會感染風寒，頭重重胃口又不佳，很想吃正氣又暖胃的食物，這時候，粥品腸粉便是最佳選擇。餐廳提供多款即熟及生滾粥。📍齋腸粉 $10齋腸粉上桌時只有醬油，客人可自行添加醬料，餐廳提供了甜醬、芝麻醬、芝麻粒及辣醬給食客任意享用。腸粉很滑，性價比高。📍艇仔粥 $21一看上去已經覺得粥品綿滑。艇仔粥配料挺多，有水魷魚、免治肉、豬皮和花生仁，粥底又綿又滑。大師傅粥品價格實惠，真材實料，是不錯的選擇。