大師傅粥品 (葵芳村)

營業中

休息中

大約8 pm, 看到舖內一半坐滿客人, 一踏入此葵芳店铺內, 本人想叫外賣,企在收銀處, 等咗一陣, 3名員工在舖内, 3名也看到本人企在收銀位置等待中, 但3名員工當時也空閒, 他們並沒有行出來為我落單, 再過一陣, 他們甚至互相推讓, 無奈最後一位男員工才行出來, 却面露不悅, 連基本禮貌也沒有, 何必做飲食服務業呢？有這些員工的舖頭,老板們真係要檢討下喇, 趕客咩, 雖然不是吃九大鬼, 低消費的結賬, 但以上簡單情況, 員工居然這樣對待客人, 客人只是想買野食卻換來不悅, 實屬意料之外

葵芳邨分店我已幫襯多時，一向給我的印象是食物尚好，價錢合理，可以再吃；剛才大約14.40時我再幫襯，當時店內只有3枱各一人的客，店員亦是3人，我坐下後待了5-6分鐘都沒有店員向我問吃什麼，終於忍不住我向就近亦沒工夫的女店員說要下單，我說完要一碗粥後，她急不及待的行去離我大約4張枱距離的點餐機做工夫，其間她站在那距離我大約4張枱位置的點餐機前大聲問我還有東西要麼？我答有，她沒理會，我再大聲答有，她都沒理會，當時我除了感受到不受歡迎外，更覺得沒理由在食肆點餐需要如唱山歌般，要隔幾張枱距離大聲朗讀點餐，此舉除了影響店內其他食客，亦使大聲朗讀的我感覺非常尷尬，所以沒再點餐，即時離開去海皇粥 ... 大師傳，以後不會再去。

是源於當日晚黑去買外賣，禁大間公司，原來禁大間公司外賣想拎多包胡椒粉都話唔比話公司規矩窩，間舖頭又污糟邋遢，枱面啲紙冇晒又唔加。最後調味料細包到唔知放係邊問個職員仲要串串貢講野。本身少少一包胡椒粉你話唔俾就算啦，就係唔抵得你哋個收銀咁樣同啲客人講嘢，其實覺得做得唔開心可以唔返唔使搵啲客人嚟出氣，食埋今次下次唔會再嚟幫襯你哋。啲粥又唔係話特別好食，而且葵芳周圍又唔係得你一間粥舖好似唔憂做咁，做生意自求多福了。。

垃圾粥舖叫個外賣連餐具同醬料都唔俾人仲要態度惡劣！而家喺香港叫個外賣同個乞兒冇分別咁，錢就照收所有嘢乜嘢都唔俾你囉咩事呀！餐具又冇醬料又冇我真係唔知可以點食囉！咁樣嘅話我唔使叫外賣啦！跟住仲要求返佢咁！真係垃圾到唔可以再垃圾既粥鋪，其實你連呢啲都省，不如你唔好開舖頭啦！

話說我經網上外賣平台外賣, 叫屋企人去拎，我俾左個no. 同cap左圖俾佢去拎，屋企人講左號碼同埋俾咗個cap圖俾個女人睇，個女人就第袋外賣俾佢，突然好大聲好惡咁鬧”袋嘢唔係你架，袋嘢唔係你㗎” “你果袋邊有咁大袋呀！你做乜攞人哋袋嘢呀‘ 我屋企人就答佢，”你第俾我㗎嘛” 之後個女人變本加厲咁鬧”俾你就拎㗎喇，你買咩你自己唔知嘅咩？你邊有咁大袋嘢呀” 態度十分兇恨，我想講咁唔通我每次買外賣都要一五一十講俾拎嗰個人入邊有乜嘢咩？唔係職員對左Number第俾我就拎得走㗎喇咩？我都諗緊，係咪我唔啱呢？我屋企人已經70歲，佢話想食粥，唔識叫，我幫佢叫，然後就得到咁嘅經歷，我真係覺得好難過……

最近都有啲作病🤒🤒🤒，想食清淡啲，一諗就諗到食粥見呢間都多人買外賣，就試吓🏃🏼🏃🏼果然多人排隊一定有好嘢叫咗碗艇仔粥，粥的口感超級順滑綿密，入口即化☺☺️呢碗艇仔粥非常之足料，仲有勁多蔥花和薑絲所有材料都配搭得好好👍🏻👍🏻呢間粥舖啲姐姐都好Nice，手腳又快，等咗唔夠5分鐘就攞得外賣🙂🙂見到佢哋出面個櫃有好多油器，都好似好正咁夜仲有得賣油炸鬼下次一定會試埋🤤🤤BTW 呢間鋪開到好夜，返夜晚都唔怕冇嘢食

在許多中式餐廳或早餐店中，粥是一道經典的食品。但是在這家我最愛的粥餐廳中，他們的炒米粉真是令我無法抗拒。這道炒米粉無論是外觀還是口味，都讓人驚艷。它的外觀看起來美麗誘人，色澤金黃，氣味香氣四溢，香料味道入味。而且每一口都可以品嚐到粉狀的口感和豐富的豆芽菜和蛋絲，味道非常美味。總結來說，這個粥餐廳的炒米粉絕對是一道超級美味的菜品。不僅是味道好，而且服務也非常贊。如果你正在尋找一個經典又美味的菜餐廳，那你不妨到這家粥餐廳嚐一嚐他們的炒米粉。你也許會像我一樣愛上它獨特的風味和特別的口感，帶給你無比美妙的味蕾享受。

呢排流感又好犀利，病咗成個星期都未好返，最鍾意就係食呢間嘅粥店，因為佢開到好夜，同埋入面嘅選擇都有好多，最重要有我鍾意食嘅油炸鬼同埋牛脷酥，用嚟送粥就一流啦。 同埋佢哋都好足料，食咗一碗淨係乾瑤柱嘅粥，入面都有好多乾瑤柱，同埋好清甜，就算唔病嘅時候都可以食啊😉

今日無乜胃口，經開葵芳，見到唔少打工仔同街坊lunch time排哂隊，就一於食呢間叫左碗最簡單嘅「皮蛋瘦肉粥」，只係24蚊，經濟實惠。食落幾滑，夠味，唔會太淡/咸。皮蛋同瘦肉嘅份量都幾足夠。我仲叫多咗一份油炸鬼，浸落湯到食好正呀。

第一次堂食, 之前五次都係外賣.碎牛粥, 堂食唔錯, 外賣過一次碎牛粥, 一次菜乾豬骨粥, 堂食較好食. 可能因較新鮮熱辣.也外賣過炸兩腸粉, 也不錯.炒米粉及豉油皇炒麵也外賣過, 普通.齋腸粉必試, 外賣過幾次. 油條, 唔錯, 喜歡食油條, 要點.牛利酥也外賣過, 亦是不錯的.

成日食早餐都係食茶餐廳或者cafe 有時食下粥都好舒服😌 同埋平啲🫣✿皮蛋瘦肉粥✿ [$23]皮蛋🥚好足料原粒上 要自己篤爛 豬肉係一條條嘅 好特別 不過都幾好食😂 好飽 兩個人share一碗 再叫多個腸粉或者炒麵都夠✿炸兩腸粉✿ [$17]油炸鬼有少少硬 如果再熱啲就更加好🫣 醬料可以自己落👍🏻✿豉油皇炒麵✿ [$14]超大兜炒麵 呢個價錢真係好抵食😋 不過人手有啲唔夠 所以安排得冇咁好★服務態度★：6/10 ★CP值★：9/10★🈚️加一★

今日星期六日假日，就同老人家去食碗粥，咁葵建樓呢一間新開嘅大師傅粥品，都已經開咗有半年有多，果時新開業以為佢地新先做唔切，所以等得比較耐係情有可原，但係佢依加都開左大半年都仲係出野咁慢！咁做得早餐店，就係預咗個個街坊街里一早起身落到黎都係好肚餓，一坐落去就快快脆脆即刻有得食嘅，但係啲店員同埋廚房都做唔切，唔知係咪佢真係人手唔夠，定係啲員工手腳慢喇！點都好，今次我哋叫咗兩碗粥，一碗艇仔粥，一碗魚片粥，一個炸兩，一個糭，一個叉燒腸粉，咁我見食評都有人叫大家唔好食嗰個牛脷酥就冇掉到啦！唔實整體嚟講D食物質素係唔差嘅，但係嗰個服務質素真係有待提升！希望下次再去會有所改善啦！

大師傅粥品呢間係葵芳新開無幾耐嘅粥麵店，好似都開咗約三個月，前身間鋪係賣牛腩河......最初以為得粥賣，估唔到有腸粉食，買咗牛腸同炸兩腸粉返屋企食，下次會試豬潤粥！1.牛肉腸粉$18（8/10）腸粉好滑，牛肉碎正常，抵食！2.炸兩腸粉$18（3/10）炸兩凍哂淋哂，又好硬似食緊橡筋，好難食，超唔掂！個人口味總評分：5.5/10地址：葵芳葵芳村葵健樓地下3及11號舖#大師傅粥品 #牛肉腸 #炸兩腸 #相機食先 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfood #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong

最近新開嘅粥鋪，成日見有好多街坊幫襯，今次就試試佢～夜晚外賣自取仍有一班老友記等候！今次叫咗兩款粥品，菜乾豬骨粥和魚片粥。菜乾豬骨粥 $23菜乾好足料，賣相吸引。粥底偏傑身，但冇乜米粒，整體似芡底多啲😔鮮皖魚片粥 $21呢款反而有驚喜！魚片肉質鮮嫩，難得沒有魚骨刺口😋粥底比較好，挺身又唔會太少米粒。可以Encore~店鋪新開張，仲未有開放外送平台，只限外賣自取。下次想試埋炒米粉同蝦米腸。留意返只收現金！Visa同八達通都未用到～