影片
港鐵觀塘站 B1 出口, 步行約1分鐘
繼續閱讀
電話號碼
37020882
37020883
98156375
付款方式
以上資料只供參考, 請與餐廳確認詳情
從開張到而家服務態度都係好一般，都俾咗好幾次機會佢，始終係改唔到。呢間餐廳啲呀姐叫人搭枱叫上癮，明明大把位，叫我搭去張兩人枱，佢張兩人枱鬼死咁細，即係叫我同對面呀叔兜口兜面親密食飯。河粉賣晒一句得埋嚟：河粉賣晒，冇！跟住轉身就走咗去😳嘩，使唔使咁呀，一啲都唔客氣。仲有佢入面近水吧位勁重油煙味，食完返到屋企都係成身味，屋企人問我去咗邊度🤦🏻♂️佢啲嘢食係唔差嘅，但咁嘅環境同服務，唔值得再俾機會，觀塘大把茶餐廳唔係得你一間，寧願行遠少少唔洗受氣坐得舒舒服服。
繼續閱讀
Lunch同同事去大師兄小廚試下，叫咗鹹魚雞粒炒飯($55)，包埋湯同熱飲，炒飯幾正常唔錯，但咖啡真係有啲難頂，下次唔會再試。食品部分鹹魚雞粒炒飯($55)：炒飯火喉掌握得幾好，飯粒夠乾身，粒粒分明，鹹魚嘅香味帶起咗成個口感，雞粒嫩滑，味道唔會太重手，食落幾滿足。雖然未算特別突出，但呢個價位算係合格之作。熱咖啡：真係令人失望，咖啡冇咩香味，入口偏淡，仲有啲怪怪嘅苦澀味，完全唔值得再試。建議下次轉冷飲或者飲湯就算。⭐食品評分：3.5/5環境與服務餐廳環境普通，位置比較擠迫，但服務尚算可以，落單快，出餐亦唔慢。湯係附送嘅一部分，味道正常，冇驚喜但也冇失望。⭐服務評分：3.5/5總體感受大師兄小廚嘅鹹魚雞粒炒飯味道穩定，正常好味，但熱咖啡完全拉低咗整體評價。如果想食炒飯類可以一試，但唔建議試佢嘅咖啡，下一次會考慮其他更吸引嘅選擇。⭐總體評分：3.5/5
繼續閱讀
由佢剛開張嗰陣時已經幫襯佢,以往見啲嘢都幾好食,服務態度又幾好,所以早、午、晚餐都有食過.今日9/14去食下午茶撐,明明間舖都有多位,我要叫咗我去搭枱,咁我都ok送佢意思.嗌咗個下午茶餐,指明要荷包蛋,最後畀咗兩隻煎“熟”蛋我,同咗個類似主管嘅阿姐講,仲話我嗌錯咗,應該係煎蛋,咁就行開咗去.跟住佢冷氣機滴水滴咗落我杯嘢度,同佢講咗聲,佢淨係話“哦”,就行開咗去,未有任何歉意.下次會行遠啲去其他茶餐廳食.
繼續閱讀
當的人一日到黑掛住要乜乜服務物物態度既時候，好似忘記左自己係向一間專賣小菜炒野既地方食飯，我唔想比幾十蚊一個餐就要人當係上帝招呼，又唔想諗人地方迫唔迫既問題，所以我選揀叫外賣平台咪唔駛煩 呢間舖我咁多次都係買外賣走因為難得係炒飯炒粉有鑊氣，小菜亦真係有質素，至少叫咕嚕魚塊唔會比魚碎，向而家咁既租金環境壓力底下，仲有咁多食物唔係叫貨返黎，都還是係自己做，依然保持呢個質素已經係做食物既最真實需要既誠意，比幾十蚊食野最重要唔係正正係好唔好食，而係態度咁得意，咁掉轉好好態度但係超難食又會幫襯嘛？
繼續閱讀
weekday兩人放工7點入去.裏面只得約兩成客人.起碼有4至5個空卡位,你硬要我坐路中心或角落頭枱仔.問你坐卡位得唔得你話會有好多客來緊.大佬(師兄)今日乜市道呀？我真唔信呢個時間打後你會坐滿.有生意你都唔做將來有乜後果唔好賴地硬啦！（又或者個阿姐覺得做少一單可以早收工呱.)
繼續閱讀
您可能會有興趣的...