大快活

營業中

休息中

今日下午茶唔知食咩好😫，所以去左大快活嗌左碟叉燒飯同碗仔翅，岩曬唔係好肚餓又口痕既人食！🤪🤪兩樣野都不過不失地好食，碗仔翅正正常常，叉燒飯既叉燒有d瘦！如果半肥瘦就好出！

夜晚係屋企附近唔知食咩就試下一年四季都有既晚市火鍋，晚市有💁🏻‍♀️送餐服務，點完餐比個號碼器你放係枱面，就有專人成個餐送到枱，唔洗自己拎。取餐處都有擺鼓油、湯底、碗筷攞。​​試左一個🍅蕃茄湯底同一個🥜沙嗲湯底，兩個湯底既味道都偏淡。套餐跟一碟肥牛🐂同一碗蔬菜🥙，包括生菜、金菇、粟米、南瓜、貢丸、腐竹、墨魚卷。餐飲揀左青檬梳打，味道唔錯。​​肥牛比較肥，生菜既份量比得幾多，食極都仲有既感覺，但菜葉面頭有d黑，自己搣咗黑色既部份先淥。佢所有蔬菜都冇預先幫你放入鍋，呢樣既幾好，可以慢慢淥，想食個時先落。烏冬唔係日本手打烏冬，唔彈牙。​

兩點之後大快活有下午茶餐， 我而家食嘅呢個係34蚊嘅豉油蜜汁雞髀配米粉或者上海麵(sorry i already ate some, it was much bigger before haha)， 我之前以為佢會將雞髀擺番啲面上面， 但其實佢係好貼心咁樣將雞髀同埋麵分開， 34蚊有咁嘅份量， 其實係拍得住一個輕量嘅午餐， 所以我覺得非常值得試！！

今日嘅午餐時間呢天氣凍凍哋所以我哋咗大快活食嘢喎，左揀右揀實在太多選擇啦，我平時都幾鍾情呢個焗豬扒飯，不過今日天氣凍凍地嘅時候竟然俾我發現到嘢叉燒糯米。實在太開心太有驚喜。我買咗嚟食啦個糯米都幾香，而且裏面有啲花生嗰啲呢好有咬口。不過呢個叉燒就偏瘦咗少少啦，我本身個人呢鍾意食啲半肥瘦嗰啲。所以呢，我嗰啲有少少肥肉係會好食啲。不過整體嚟講呢四十幾蚊呢個價錢呢有呢個質素都係相當之唔錯。冬天下午食一個糯米飯都幾暖身正。

屋企廚房個水槽壞咗漏水，煮唔到飯，所以落咗樓食大快活⋯⋯好彩menu水牌的選擇唔算少既，我叫咗沙薑雞飯（有湯送），媽媽叫咗咕嚕肉飯，夾埋$95。沙薑雞啲雞肉大部分都係偏「鞋」，呢層都係意料之內，好彩啲沙薑醬救到，用黎撈下白飯都唔錯。湯入面有瘦肉同蓮藕，又可以做埋餸料，呢一餐唔算好dry。咕嚕肉我無食，但有3塊綠椒切片都炒得幾香既。夜晚係侍應送餐，同埋會奉上暖水一杯，呢一點係OK既👍🏻

同阿爸落街食breakfast，佢叫咗好普通的牛扒+滑蛋+火腿通粉+麵包+熱好立克，水準都仲保持到，尤其係個滑蛋，一向都係我家的心頭好，係為咗佢先揀大快活而我自己就想健康啲，叫咗個牛奶無糖燕麥+奶油豬+熱好立克。以為個燕麥會無味+好難食，但又唔錯喎！視乎想像地甜甜地幾好食

得我同阿媽，廢時煮，所以落樓食就算見大快活咁少人，所以入去食之前無食過J27 菠蘿黑醋燜雞（見個數字咁大，應該係新菜式），然後我們加多咗$12配灼菜同唔落味精老火湯。總共$60，2個人食。（唔知點解張單係寫豆豉南瓜牛肉飯）我媽話食落似咕嚕肉，但係帶薑醋味😂佢覺得麻麻地。而賣相的確一般，有啲肉比較硬，但兩個雞翼就好冧。生菜就偏乾，但係個湯好飲，可以食紅蘿蔔同瘦肉黎充饑。總體黎講係比較難食～

Weekday放假一天，訓到王朝八晏就買個下午茶做lunch！原來有印尼炒飯可以揀😯有四種配搭！最後我揀咗S06 印尼炒飯+蜜味燒雞翼，飲熱檸水。（3:45已經無蜜味燒雞脾！好可惜）$39。隻蛋煎得幾靚，篤穿蛋黃撈炒飯食好味。蛋下面有咖哩雞肉串燒，略為生少少，如果燶啲就好。炒飯就偏油，好邪惡但好味既。雞翼就一如既往的表現，不過不失啦！熱檸水啲檸檬就苦咗啲。整體份量都算多，啱男仔食。結論：食厭咗一般茶餐既話，可以一試。

今日一早同屋企人去拜山，搞到三點先走得，見有d肚餓又見到車站附近有間大快活，去食埋個下午茶先返屋企，點左個下午茶餐，燒雞翼西多士配凍綠茶，盛惠二十九個大洋，真係五平。杯綠茶多冰好夠凍，但味道偏苦。雞翼燒得五錯，夠入味又五會太燶，食落去仲有淡淡的蜜糖甜味。西多士就普普通通，五知係米假日太多人，件西多士五係太熱，牛油五搞左好耐先完全溶化晒，再淋埋d煉奶，好味道！份量其實對男士而然就五算太飽，不過都可以加錢加多個細既粉麵。

十年都唔來一次上水， 真係唔係好姊妹幫佢交收網店貨品絕對唔會踏足呢一度事源佢病左，又話唔甩得人，咁就叫左我去， 都唔知咩地方搵到我死最後都係搭的士人係拎單claim番佢啦去到一個人生路不熟嘅地方梗係搵啲正冇野食下穩陣啦， 呀姐介紹，冬瓜豬軟骨飯係新嘢喎是但啦有得食都冇咁多野講囉， 又唔洗點等， 冬瓜得兩舊不過分得好林好入味， 真係入口即溶豬軟骨煲炆得好林，而且送飯一流覺得唔算太鹹， 豬軟骨痴住少少肥膏， 豬油味十分甘香， 最後要多飯， 係為左送埋舊豬軟骨， 結果我食左一碗半飯

滑蛋雞扒脆皮腸蘿蔔糕，西色炒滑蛋，牛油味突出，甜味濃厚既結實滑蛋，合格。不過我偏好中式咸味有鑊氣嫩口滑蛋囉，依件太實淨喇。脆皮腸非常正常無過咸，脆卜卜又夠熱，一啖通粉一啖腸仔好好味，依個配搭正到震！微暖蘿蔔糕可接受，味道及用料都比以前香濃有進步，好食！沾上辣椒醬更醒胃。雞扒依舊比全熟更熟，二十成熟。肉質實淨而嫩滑，微微肉汁未算乾涸，不幸地雞皮焗到太乾而變韌，叉都不易穿過呢。外觀有點甩皮甩骨之感，整體滿意好味既。火腿通粉，最開心有熱騰騰出晒煙既通粉，加上胡椒粉暖笠笠湯底，不其然將所有雞湯連通粉倒晒落肚啊！好味道呀。再不是腿絲，已改為原塊火腿，各有各好啦。煎過既火腿特別香口，味道特別濃郁。有 heart 無偷懶，讚！仲係用緊坑紋通粉，但無坑紋既會更薄更滑更彈呢，您估有坑紋真係帶湯多啲咩！係咪都會連湯一齊倒入口架啦，多此一舉。一大清早要我鬧人，等左 45 分鐘先有的士！已提早 call 定的士，到夠鐘都無覆電話，火都黎！好明顯唔記得啦！走落街食住早餐等啦，一開始食的士就到，玩咩！要我 5 分鐘整個早餐倒晒落肚！

今日放假由於太凍所以都留係屋企，晏晝見無咁凍就去左大快活買左個茶餐，有糯米飯，有D硬，可能糯米唔係太熟，花生都係炒得未夠時間，唔夠香；碗紅豆沙味道則唔錯，唔會太甜，煲到起沙，尚算有水準。整體唔錯，可以一試

岀街前約左朋友落樓下食早餐，都幾大份，食到好飽。d蛋炒得好滑，但個包烘得再乾d脆d好食d，可能我自己中意食d香口d既野卦。杯好茶都係拉，淡左d，可能佢地落得太多冰，通粉夠熱夠味，整體上可接受。

好耐無去大快活食早餐喇！今日要返珠寶展，的士有排都未到，嘆埋個早餐先！細細個到依家既習慣都係先食扒，後食通粉。太陽蛋雞扒蘿蔔糕，到底點解依家既雞扒可以煮到無晒肉汁又乾又硬架呢？全部雞扒都係焗熟去？皮就非常香喇，不過腍劈劈呢，配埋個茄汁，味道都滿意。太陽蛋，暖暖地啦，味道無問題，好食 ﹗係咪依家仲有唔熱包換依個服務架？蘿蔔糕配辣椒醬好好味喎，進步左，蘿蔔味濃左、蘿蔔絲多左，口感又夠軟墊，好味道。不過依然有點單調，如果加點蝦米、叉燒，就更好食啦。火腿通粉，熱辣辣香濃雞湯底，加包胡椒粉同吃就更美味可口。火腿煎過好香口，有誠意！好味道！讚呀 ﹗通粉合格，彈牙無過腍，配上胡椒雞湯，正 ﹗發現依家好認真地將泡麵放埋上 menu，諗起都驚！以前試過凍滾水浸麵。咁難食，比大陸人食啦 ﹗

返工要快食個下午茶，去了天平邨！門口可以泊車！地方光猛！桌椅乾淨，快快脆脆去counter叫個：燒鴨米--食物好快整好，不過係鴨背，鴨件排到散晒，鴨肉比較嚡，鴨皮比較韌，點酸甜醬會好啲，兩條生菜爽脆！米粉正常！湯底唔算味精，可以接受！份量都夠飽！好普通嘅一碗麵！熱檸水正常！店員勤快，不過唔夠細心，食光鴨要嘅酸甜醬，要我問先比！大堂阿姐執枱有禮！難得係廁所乾淨無異味！