大快活

營業中

休息中

大家活中環特別貴的，我叫左臘腸排骨煲仔飯試下，裡面搭配的臘腸！ 7瘦3肥的比例剛好豉汁排骨香氣撲鼻，肉質嫩滑～倒入秘製醬汁 鹹香味掌握得剛剛好！拌勻吃好食!晚市限定套餐-臘腸冬菜肉餅拼蝦乾蝦醬豬頸肉煲仔飯配燉湯浸菜+何首烏丹參桂圓燉雞湯這款口感更加豐富！ ！裡面的食材超多～冬菜肉餅肉質嫩滑又鮮甜多汁 裡面還有蝦醬蝦乾和豬頸肉，每款配菜都超好吃！一口接一口停不下來～搭配上好喝的滋補燉湯吃完真的整個胃都暖了

作為一個吃貨，當然會成日周圍食好嘢，但其實有一樣嘢雖然普普通通，但我就好鍾意食，我基本上每個月都總會食一次，心血來潮，就記錄一下啦，有時收工唔知食乜好就會喺附近嘅大快活叫個一人火鍋，雖然味道絕對比不上火鍋專門店，但性價比搭救🥘沙嗲湯肥牛火鍋 $69 本身火鍋嘅價錢已經好平，包咗公仔麵，肥牛同埋一盤生菜盆，生菜盤入邊除咗有生菜之外，仲有芝士腸、扎肉腸、餃子、蜂窩豆腐同埋南瓜，每樣有啲其實都幾豐富，作為肉食獸嘅我，當然會加多$25蚊要多一份肥牛，同埋用半價加購配料，例如芝士腸同埋午餐肉咁，下面呢度連埋飲品都只係100蚊多少少，真係好豐富🔥打邊爐至怕就係個火唔夠勁，但呢間分店，超級強勁，放咗啲生嘅食物落去，好快就會煮熟，仲好快水滾添，值得加分

喺中環返工食晏，最緊要平靚正，大快活就做到呢個要求啦！首先佢可以電話落單，咁喺公司嘅時候已經可以落定單，😋😋咁樣慳返唔少嘅時間，去到其實拎走個外賣就可以啦！另外佢食物質素亦都唔差，相當有保證，咕嚕肉分量超多！😳😳個汁酸酸甜甜咁樣超級開胃，配埋個飯食真係非常滿足😍😍再加上佢有洋蔥啦同埋三色椒嘅配搭，🍍🍍亦都有菠蘿嗰隻酸甜味道，雖然唔係話有大排檔嗰啲鑊氣😁但係40幾蚊係中環食到呢一個飯，的確性價比極高

食開幾間快餐店嘅咖喱牛腩都唔錯 呢間大快活都唔例外 咖喱少少辣 牛腩炆得好腍好容易咬 老人家都食到 啲咖喱汁夠晒撈飯 另外仲有幾條四季豆 感覺幾注重均衡飲食 跟餐叫咗杯茶走亦都好滑

大快活最近出左一款新嘅系列叫做”班蘭風味”，班蘭令我聯想到東南亞或新加坡班蘭蛋糕，以綠色為主而又好重香料味，所以我覺得好特別，而且我鍾意東南亞風味，所以決定叫咗一個”瑪莎拉雞髀班蘭椰漿飯(微辣)”，先講咗雞髀，有啲過咗火後，雞肉唔係好嫩滑而且有啲實同埋好乾，過咗火後到差唔多望到都覺得雞髀縮咗水，而且塊雞皮都冇乜香味，之後講返個飯，綠色的確好特別，而且放咗啲辣醬，食落係有少少辣都幾冶味，但係個飯除咗綠色之外，我食唔到班蘭味或者椰漿味，基本上個飯同普通白飯一樣。

對我來說，我係非常鍾意大快活既咖哩飯，因為份量多、多汁、肉唔會好韌，而且價錢合理。今次食既都可以保持到水準，而且可以揀要咩飯，所以就揀左紅米飯。啲紅米唔會好硬，撈埋啲咖喱汁一齊食好好味。同埋宜家用手機外賣自取有9折👍🏿。不過唯一唔好既就係唔夠菜，多啲菜會好啲

Lunch 唔知食咩好，就諗住頹頹地食個大快活算😹😹見到有五香豬柳併魚香四季豆飯$42，又有肉又有菜都唔錯，幾健康！仲可以轉紅米飯🍚🍚轉左中湯 （五指毛桃粟米唐排湯）🌽🌽四季豆上面有好多肉醬，仲有幾舊西蘭花添🥦🥦肉醬仲多過四季豆，肉醬就鹹鹹香香😹😹四季豆就比較淋，冇咩味要加埋肉醬一齊食豬柳都有2塊嫁，豬柳唔乾身，好軟腍🐷🐷豬柳都夠味👍🏻👍🏻五指毛桃粟米唐排湯都有湯料係入面，清清甜甜都唔錯！

份量算充足 ，白飯進食時依然係熱嘅。但係薯仔太硬食，我自己本人並唔鍾意太硬身嘅薯仔。冧身比較好食，牛腩亦太硬身；感覺上好似即煮即食。環境衛生算一般，地面未見垃圾，間中有職員清潔。即使中午去食，唔會覺得太迫。

早餐嘅沙嗲牛肉公仔麵湯不足，沙嗲醬超鹹! 公仔麵又未被浸熟，難食個茶記好多！已是非繁忙時段，這樣的水準，實在不合格。我希望大快活可以多多改善啊，喺條尾方面都要健康啲不可太行

間唔中想食大快活既沙薑雞飯，鐘意佢夠味又多薑。以前係堂食今次外賣就無咁正，味道夠香濃但個雞就份量少左，肉唔多夠，骨就大大舊。薑容味道又真係好惹味好餸飯。下次都係揀返堂食。

中環店真係夠闊，夠大人來人往，呢度返工已經好大壓迫早餐佢好好30樓下食飽人呢個肉醬炒麵好食呢，似台式麵又乾身配個皮蛋粥重澱粉，夠哂飽，哈哈唯一唔得，係奶茶，茶底唔濃

好耐冇去過大快活食嘢，見近近地上咗去食個早餐，都要成$39😂 其實真係好貴，亦都好唔值😅叫咗個黑松露炒蛋餐，仲有腸仔雞扒，同埋一杯茶走。個腸仔雞扒一如既往咁難食😂 不過喺快餐店來講，個黑松露炒蛋真係算好食😋 我講緊性價比😂 唔好誤會😂 個茶走呢，係會比一包煉奶比你自己整落去，甜度可以自己調校都幾好🙋🏻‍♀️ 但係茶底就麻麻哋不過估唔到係中環都租到咁大間舖，上到去完全唔擔心搵唔到位，不過可能唔係食飯時間，係早餐時間，大約九點幾鐘起碼有¾都無人坐👀

冬天嚟到，唔少餐廳都會推出煲仔飯。但因疫情關係，限眾令加無晚市，大快活最近出咗煲仔飯外賣，仲可以成個煲拎走，原汁原味。煲仔飯外賣連煲要加6蚊，如果還返個煲，就會有6蚊coupon下次用。咁啱係online訂，原來有9折，真係抵。臘腸沙薑雞煲仔飯 $53（連煲）煲仔飯有紙皮包好，好貼心。一打開個蓋就有好多嘅蒸氣，配上一個煲仔飯豉油。臘腸細細條，味道正常。沙薑雞都係一般平時快餐店水準，唔會太硬。最重要係啲飯，煲仔飯啲飯有飯焦，份量都十分多，一個人食唔晒。整體嚟講，煲仔飯以快餐店水準合格，同埋好欣賞大快活嘅外賣包裝。

好多人都知食素對身體、動物、環保都有幫助，但成日都覺得知易行難，除左因為唔捨得口慾，仲有一個原因就係覺得食素唔方便。其實就算係普通非素店，只要同店家溝通一下，好多時都可以幫客人做到素食。有啲人可能連開口都懶，不不依家連快餐店都有素食，大家仲會唔會覺得麻煩呢？大快活出左素食餐好耐，最近仲將素食餐升級，用左由Green Common研發既全植物性新豬肉，為素食餐帶來新口味。一個素食餐只需要41蚊，仲有一杯野飲添。唔好以為平就冇好野，以依個麻婆豆腐飯為例，除左新豬肉同豆腐，仲有紅腰豆同蔬菜，營養十足！之前仲去過有啲分店會落多小小nuts添，平野都可以做得好好架。下次去大快活既時候不妨試一試佢地既素食餐，包你地有驚喜。

今晚放工，一個人去咗中環嘅大快活食飯，因為貪嗰度夜晚比較靜，可以靜靜地食飯，俾個腦休息一下。今晚叫咗個蝦仁蔥花炒蛋飯，感覺健康啲，唔想食咁肥膩。但係都爭啲比個咖喱牛腩吸引左，好彩把持得住。今晚嘅大快活，我發現好多人都係一個人食飯，我唔知道佢哋係啱啱放工，定係返緊工，但我可以肯定嘅係呢一個環境好適合營營役役嘅打工仔，自自在在咁樣一個人食下飯。突然之間覺得自己好似嗰套日劇《孤獨美食家》嘅主角，自己一個人食飯，自己一個人滿足。