大快活

營業中

休息中

晚餐時間就快返到屋企就用手機落單預先落order 今晚就試吓大快活晚巿嘅晚餐✨咖喱牛腩飯打開一睇飯嘅份量唔少我一個男人食都夠飽而咖喱辣度剛好食落好香口牛腩亦好standard 有四舊牛腩全部都係肉，唔會得肥膏牛筋有兩舊炆到好淋，一咬就咬得開薯仔有兩舊薯仔好掛汁，索哂啲咖喱汁，好好食唯獨唔好嘅地方係而且冇咗多飯嘅option如果多飯要額外加 $7✨蠔油生菜生菜份量合理煮到好淋食落唔苦冇渣✨凍奶茶要求走甜少奶都有做到而且奶茶都係港滿的冇少咁啖總括而言用餐經驗唔錯外賣包裝亦好穩陣不過攞外賣時店員都冇檢查我手上嘅外賣單號變相隨時攞走第二個外賣亦不足為奇有機會先會再幫襯

又到午飯時間🍚記得大快活用手機落單有九折優惠而且仲做到八月中咁就即刻用手機落單再外賣自取📱✨咖喱牛腩飯🐮🍖要加辣，多白飯🍚🍚白飯份量真係有加到而且咖喱上有多一堆紅色嘅醬呢個就係加咗嘅辣🌶️食落真係辣，會流眼淚鼻水牛腩有四舊，每舊都係肉，唔係全部都係肥膏🍖仲有兩條小嘅牛筋牛筋煮到好淋，一咬就斷薯仔都有兩件🥔🥔每件都係淋的，中間都已熟透整個飯食哂都已經飽哂✨蠔油唐生菜🥬生菜份量唔小食落亦冇青草味正常發揮啦✨凍奶茶🧋要求走甜真係有走🧊奶茶滿滿的，唔會少咁一啖店員態度好好落單後到餐廳取餐前後十分鐘左右，已經ready 好👍🏻有呢個手機落單優惠🤟🏻性價比高會繼續幫襯👍🏻

又到午餐時間碌下手機落單app 睇下有咩食見到大快活手機落單有九折優惠😍😍咁就梗係即刻落order la✨皇牌咖喱牛腩飯🐮🍖要求多白飯，再加辣🌶️打開見到咖喱上有啲紅色嘅醬就係加咗嘅辣🌶️咪講少，食咗真係幾辣流哂口水鼻涕😂要求多白飯真係有多🍚🍚一個男人食直頭夠飽而牛腩就有四舊🖖🏻牛筋有一舊舊舊都係肉🤟🏻唔會淨係得肥膏牛筋好淋，一咬就碎仲有兩大夠薯仔🥔成個飯真係夠多澱粉今次有點餐優惠以呢個價錢食到高質牛腩飯🥘性價比甚高👍🏻會繼續幫襯

午飯時間諗唔到食咩掃下手機app見到大快活有個咖喱牛腩飯🍛仲有多飯呢個option就一於落單試下啦落單後落去攞個餐一早就預備好個包裝好穩陣攞上手都唔會瀉返到屋企，拆開望一望✨咖喱牛腩飯🍛叫多飯，真係有多🍚🍚而且啲飯仲壓到好實而咖喱汁都好慷慨🍛食落唔鹹又唔太辣🌶️🧂而牛腩食落有五舊🐮🍖每舊咬落都係肉唔會話好硬嘅筋部位✨加咗個蠔油生菜🥬菜嘅份量剛好咬落脆口唔會霉✨加個凍奶茶走甜🥤走甜真係有走奶茶都係滿滿的用餐性價比高食物質素穩定會繼續幫襯

大快活早餐☺️雞扒雙煎蛋是一道經典的早餐或快餐食品，口感豐富且美味。雞扒通常使用雞胸肉或雞腿肉，經過調味後煎烤而成。雞肉質嫩滑，口感鮮嫩多汁，外層常被煎至金黃酥脆，提供了口感的脆度和滿足感。雞扒雙煎蛋中的兩個煎蛋可以根據個人喜好調製，可以是荷包蛋、煎蛋或煮蛋。煎蛋的口感可以根據煎至不同程度的熟度而有所變化，例如蛋黃可以保持濕潤和柔軟，蛋白可以煎至蓬鬆和微酥脆，給整個菜餚帶來不同的口感層次。上海擔擔麵的口感豐富多樣，有彈牙的麵條、濃郁的擔擔醬、鮮美的湯汁以及各種配料的層次感。這道菜既有辣度又有香氣，口感豐富而平衡，給人一種濃郁、滋味十足的享受。

有一日放咗學後去呢間店買左份下午茶外賣，喺果度等咗超過半個鐘都仲未出，見到排喺我後面啲人都已經出餐，於是我問果度既人係咪漏單，但係果位服務員只係叫我再等多陣，態度惡劣，最後我激到走到收銀退錢

下午茶諗唔到食咩，又想食平啲嘅話，都會走入大快活。今日未食lunch，就揀咗個叉燒米粉。人流好多，收銀取餐都要排長龍。迷你叉燒米，叉燒非常瘦，入口好乾身，米粉好硬。雖然價錢唔貴，但係呢個質素真係唔值。唯獨係奶茶，保持到水準，希望下次可以改善。

差吾多有成個月無2人好好同桌食飯蜜汁燒雞脾配米粉熱檸檬水好細隻又無咩蜜汁味米粉湯底完全吾夠熱熱檸檬水仲熱過個湯西多士、燒雞翼熱奶茶加配雪菜肉絲米粉煉奶轉糖漿白糖轉咖啡糖

2個人叫3份下午茶真係有點過份🙈🙈🙈不過男朋友話好肚餓蜜汁燒雞脾，西多士（糖膠）配紅豆冰我就一份已經好夠另外2份係男朋友叫好彩佢食極都吾肥🤣🤣咖央多配熱奶茶塊牛油超厚似食菠蘿油個種甘厚🙈🙈🙈燒雞翼，沙嗲麵配熱奶茶佢又真係食得晒

真心選擇困難症好耐無試過係menu 前要睇甘耐先選擇到食咩男朋友一早已經諗好要試新野榛子朱古力多士配雪菜米粉熱奶茶榛子醬吾算好甜（好彩吾係服）碗仔翅配蜜汁燒雞脾少了點甜味多番少少就剛剛好

年廿九食團年飯！🥳🥳預祝大家新年快樂！身體健康！🥰🥰今年叫左大快活既迎春接福套餐，個餐都真係好豐富😛食到勁飽都仲有淨，真係年年有餘🤣♥️迎春接福套餐（六人/ $828）🍲團圓6人盆菜盆菜比想像中豐富同好食👍入面有鮑魚、雞扒、叉燒、肉丸、東坡肉、豬手、芋頭、冬菇、酸齋等等😍天氣凍一路用熱板滾住黎食，好似打邊爐咁都幾正😉淨係食盆菜都已經好飽，食完大家團團圓圓🤗🍱迎春寶盒寶盒係有鹵水雞翼同酸甜豬扒😊酸甜豬扒好唔錯，豬扒入味而且好軟林😍🍚楊州炒飯（2.5磅）炒飯量真係超多，每人食左碗半都仲有半盒淨🤣炒飯有叉燒、蝦仁、蛋，但米飯有啲太硬不過要黎送盆菜有汁都可接受🤭🥦紅燒野菌鴛鴦菜花（2.5磅）呢盤齋都好大盤，完全食唔晒，有西蘭花同唔同既菇個芡汁有啲太結，味道唔錯，食到有啲陳皮既味道😋🍮楊枝甘露布甸（2.5磅）布甸就反而味道麻麻地，冇乜楊枝甘露既味道😟味道怪怪地，偏酸，有啲似羅拔臣啫喱粉既芒果味有西柚同芒果，但量唔夠多🧐/📌大快活將軍澳坑口連理街1樓11 號舖/😋食物質素：7/10💰性價比：7/10👣回頭率：7/10

疫情令堂食禁止，為人為己，外賣早餐返家。$33早餐包括茄汁腸仔通心粉、炒滑蛋、厚多士加餐飲，份量絕對夠飽。個茄汁通粉拎到返家都仲熱，茄湯味岩岩好，腸仔切粒全碗用匙羹食到。個滑蛋確係滑嘅，仲有我最愛嘅厚多士，兩樣一齊食，變滑蛋多士，正！當然唔少得香滑奶茶，但熱度爭啲，再熱啲會岩飲。

平時到假日下午茶時間都一定排晒長龍仲要係堂食好難搵到位今日有別平時假日般人來人住可能係第五波疫情另大家都盡量少出外堂食吧蜜汁燒雞脾配紅豆冰胃口一般叫份比較少的吃有鼓油雞脾可供選擇不過個人覺得燒脾開心過鼓油脾蜜汁的甜味完全無影響到雞脾原有味道仲要有小小香草味紅豆冰不太甜好喜歡吃它的紅豆

坑口食店選擇不多一般都是連鎖的食店下午茶時間人多又要等很久才有位置一個人吃就決定外賣好了燒雞脾配上湯米粉加熱奶茶上湯米粉有幾顆西蘭花幾健康蜜汁燒脾甜已不油膩天氣冷還是喝杯熱飲溫暖溫暖一下胃PS:蜜汁燒脾可改成豉油脾，上湯米粉也可改成幼麵

星期日瞓醒想食早餐，於是點咗阿媽落去樓下買早餐，大快活有個精選早餐$30一份，個餐有一片牛油厚多士、炒滑蛋、仲有一碗湯粉，可以選擇火腿通粉、雪菜肉絲湯米粉、香辣醬肉湯上海幼面、鮮茄腸片湯通粉，如果唔鍾意食湯麵又或者減肥中仲可以選擇牛奶無糖燕麥，我覺得佢嘅炒滑蛋做得好好，因為蛋香濃而且個蛋真係好滑，你仲可以見到上面啲蛋係半液體，多士拎到返屋企都仲脆身，而且塊多士又厚又大食完真係好飽，阿華田嘅粉佢落得都算多所以唔使落糖都夠甜