影片
港鐵寶琳站 A1 出口, 步行約3分鐘
繼續閱讀
營業時間
星期一至日
07:00 - 21:00
以上資料只供參考, 請與餐廳確認詳情
招牌菜
食評 (18)
最近減肥中，見到有得揀紅米飯先叫，點知比到手話無紅米飯得白米飯，所以送咗個湯比我，都ok掋食，味道不錯的，粟米肉粒都多料，以快餐店質素同$35算好好了👍雖然無吃到我想吃的
繼續閱讀
宜家有不少快餐連鎖店都有網上訂餐優惠，雖然多數是九折，但省得就省，加上我覺得又好方便，預番時間去拎就得，又唔駛等，正!今日就揀了這間快餐連鎖店，真係好耐沒有食過。見佢網上登記會員計劃即送$20電子優惠劵，一張$10和兩張$5，當然唔執輸。三點三下午茶時間，下午茶都有幾多個系列，而我就選了「港式滋味」系列中的沙嗲牛肉即食麵配餐飲($31)。嗰網上點餐介面都設計得幾易用，好清晰，唔錯! 先將即食麵改咗上海粉麵，而餐飲就要了熱好立克走，再加配陳皮紅豆沙(+$9.5)，下午茶都食得咁豐富，哈! 沙嗲牛肉上海粉麵大大碗，都有五六件牛肉，仲加咗少少椰菜、紅蘿蔔和木耳，驚喜! 牛肉都幾腍嫩，弄得入味，有沙嗲香和花生香，好味! 上海粉麵就腍咗少少，但滑嘟嘟，若然沙嗲汁杰身啲就可掛在麵條上，宜家就唔太夠味。熱好立克走($0/跟餐)即是走糖，但竟然都搭了包煉奶，好細心! 不過...其實唔加煉奶都好夠味，走糖的甜度就岩晒我口味。入口暖笠笠，又唔太甜，不錯!加配陳皮紅豆沙(+$9.5)都大大碗，超飽肚。一打開蓋就聞到陳皮香，紅豆沙色澤深濃，紅豆煲至起沙，好粉綿，味道香甜，啖啖陳皮香，好吃! 提外話：本應加埋所有共價$40.5，用咗$5會員優惠劵之後，估唔到仲可享網上訂餐九折優惠，最後實收$31.4，我妹真係省到盡，哈!
繼續閱讀
平時都冇咩去食大快活，今日放工成八點幾就去大快活食晚餐。餐牌都係嗰啲菜，但係見到新出左鐵板餐喎佢有兩款嘅一款係集扒餐一款係牛扒餐咁我就揀咗一款叫做海陸空雜扒鐵板餐，佢包左炸薯餅，蒜蓉包，羅宋湯同埋一杯嘢飲，價錢都係$56咋。非常之抵食！呢間大快活嘅店員非常之友善，比完錢就叫你坐低等送餐到，送到餐又會同你講返個餐係咩，仲爭啲咩嘢，仲問你夠唔夠食啊。非常之有親切感，可能只係一啲細舖先可以有咁嘅服務。上到嚟個餐真係滿晒成個鐵板喎，全部都係足料嘅，淋上黑椒汁塊板即刻渣渣聲非常之有滿足感。詳細啲講返，佢有一塊炸魚柳、一塊煎雞扒、一塊豬扒同埋有一條司華力腸，仲有一啲配菜其實真係超級抵食。食到差唔多9:00 ，成間大快活剩返我哋兩個我哋都發嗱嗱聲就食晒枱上面嘅嘢食，廢事阻住人哋收工啦。
繼續閱讀
晚餐打邊爐揀越南魚露湯底湯底無味道配料質素都比較差難食唯一好味係杯可樂….🥲牛肉質素勉強合格醬料選擇唔夠多以後唔會再食大快活打邊爐了大家樂/吉野家都好食好多🤓
繼續閱讀
前幾日去大快活食晚餐，快餐店來講大快活都算唔錯，呢一間店舖人流尚算唔多，啲職員都幾Nice。叫咗甘筍黃姜汁雞胸肉紅米飯，呢一個係偏健康嘅選擇，甘筍黃姜汁第一次食比想像中好，呢個味道比較難想像，但食落唔差，唔會有甘筍嘅草青味，雞胸肉都幾厚，但係唔乾唔柴，紅米飯比起白飯有咬口。
繼續閱讀