大快活 (已結業)

真係把鬼中嘅把鬼，知道大快活近排下午茶餐推出左車仔麵，身為車仔麵控的我又點可以唔一會風采，點知⋯ 近期推出嘅車仔麵下午茶餐，$40有找仲連一杯熱飲，表面上睇應該冇得輸，點知⋯湯係室溫一飲就知中招，而且除咗味精味，我真係唔識得點去形容個湯頭，總之危機四伏⋯豬皮好硬，應該煮得未夠時候⋯ 魚蛋係凍嘅，失敗中嘅失敗⋯ 麵都未煮開，實實嘅一團，真係唔明點解可以俾客人食⋯熱檸檬茶叫做正常，但係真係茶味好淡囉⋯有陣時價錢真係反影一切，無言⋯

啱啱入冬，同同事黎到大快活食晏，見到推出煲仔飯系列，二話不說決定食個暖笠笠嘅煲仔飯。可能係喺午飯時間差唔多結束，廚房準備緊下午茶餐點嘅關係，大約等左15分鐘先齊餐上枱，執餐姐姐亦都好好人，見我等左咁耐，送左杯可樂畀我飲，即刻甜晒。1. 芝士泡椒雞煲飯打開個煲蓋，熱辣辣嘅水蒸氣撲上臉。淋埋鼓油，賣相真係令人食指大動。芝士拉絲，視覺效果十足；雞肉蒸得算嫩滑，比預期好食；泡椒唔係好辣，好似我呢d唔係太食辣嘅人都食到。食到尾終於食到煲仔飯嘅壓軸 — 飯焦，刮一刮薄薄嘅一底飯焦，煙煙韌韌有鑊氣，好滿足嘅收尾！2. 可樂快樂肥仔水唔係浪得虛名，配埋煲仔飯一齊食，更加係上加！正價49蚊，用左消費券優惠-5蚊，平民飯堂發揮穩定，推介大家過黎試試佢個煲仔飯系列！