大快活

營業中

休息中

食物沙漠，每日落街早餐選擇都唔多，今日見到大家樂有好多人所以就諗住都湊熱鬧幫襯下，不過味道都係一如以往🫣，另外就係越嚟越細份，依餐只可以用方便兩隻字去形容😩

剪完髮差唔多五點幾，上網買大快活，無晒下午茶餐好失望，點知去到仲有，細問職員，原來網上早啲cut。一場黎到就試下新嘢啦，荔枝桂花西多士。本身係配紅豆冰，點知都無哂，唯有轉巨蜂疏打啦。講番個西多，荔枝桂花淡淡的，又唔太甜，加埋糖膠，甜度啱啱好。

尋晚非常之即興咁就買左個新餐試試，最新越式火車頭湯檬，小弟一向都好東南亞食物，所以就決定買黎試一試佢嘅實力。心諗：連鎖快餐點，好味極都有個鋪。無錯，味道中規中矩。

想不到 下午茶都有意外驚喜。上次都大快活叫下午茶， 點了一個 雞扒 齋野柳火雞腸套餐。 雞扒嫩滑，而且有炒飯底。仲有驚喜的雀巢雪糕和蘋果批。 蘋果批是迷你版的， 甜甜的很開胃。

大快活其中一個最出色嘅產品就係佢哋嘅茶餐， 一個唔係太貴嘅價錢就可以食到相對上 好味 下午茶餐! 我個人嚟講最鍾意佢嘅燒雞翼! 自己屋企燒 比較難 整到燒雞翼 通常要去燒嘢食或者去啲燒烤嘅餐廳先食得到，如果唔係又整到屋企好大油煙! 而家上網去預訂仲有九折添 ，同埋 對於食物嘅處理多咗好多選擇，譬如熱狗可以麵包多烘小烘， 沙律醬可以多醬少醬甚至走醬等等 ，多咗好個人性化嘅決定可以選擇! 適合唔同口味 嘅人士需要 ，呢個措施非常之體貼

前晚唔想叫外賣速遞 所以就落咗樓下嘅大快活睇下有咩揀 。可能係就嚟關舖嘅關係，唔係有太多選擇所以叫咗個豉汁雞 試試佢 豆豉同雞本應該好夾，不過可能煮完擺咗喺度太耐嘅關係，雞肉有啲"鞋" 同埋賣相麻麻地， 不過一餐半餐，食落味道唔算話太差嘅

係東涌映灣園附近可以揀嘅食肆唔係太多，大快活係差唔多係唯一嘅選擇我個人都幾鍾意食咖哩牛腩飯，其他兩間出名嘅連鎖快餐店都有食過， 但係都係覺得大快活嘅咖哩牛腩飯較為出色， 個咖哩汁調味調到恰到好處唔會太辣太濃， 撈飯絕對一流 ，牛腩牛筋 薯仔 同汁嘅比例亦都配合到剛剛好， 仲可以叫佢畀多啲飯同配菜 ，所以呢個飯絕對 叫得上大快活嘅皇牌! 好味 又抵食 !

今日放假吾知做咩好，HEA 下HEA下又到三點三，老公話落樓下搵野食。行到大快活到叫咁多人，就排埋一份😂迷你熱狗🌭️+ 餐蛋公仔麵🍜+紅豆冰：迷你熱狗🌭️入面只係好簡單既幾片生菜🥬同一點沙律醬，一條普通到不能普通嘅腸仔😅一個字：乾，不過飲啖紅豆冰又可唔可以補補水份💦而紅豆冰既紅豆吾夠溶爛，吾似人地冰室咁，所以變左搞拌之後，做吾到成杯都淺紅色🙃甜度適中。餐蛋面既雞蛋做到太陽🌞蛋吾會過熟，加分❤️腐皮卷牛肚米粉：牛肚煙韌吾夠滷水味，有咬口，不過不失。米粉醉濕濕到一個點，要用匙羹🥄筆黎食，仲要湯底無味🤦🏽‍♀️總結：員工收碟速度慢食物質素一般座位都算舒適

平日下午餐都幾多選擇，揀左魚柳包雞翼配汽水($29)侍應一收到飛就通知燒雞翼未得，可以拎左有既返去先，大約五分鐘後叫number再拎。咁安排幾好，會主動通知又唔洗等到腳軟。魚柳包個包係即烘，脆卜卜。敗筆係魚柳，放到凍晒，好彩仲有少少脆。食完個包，真係要叫number通知拎雞翼。同之前食過幾次既比較下，今次岩岩出爐既雞翼好食好多！熱辣辣又有肉汁！三十蚊唔洗有得tea1tea,算係咁啦！

「阿活咖哩」一向是大快活的招牌，很久沒有吃過。是日重溫，卻有點失望而回！「阿活咖哩牛腩飯」咖哩汁的味道是酸的，奇怪，又不似是蕃茄味。牛腩份量也不多，薯仔多過腩，整體不好吃。相信無下次！

記得剛剛開業既時候, 每次買早餐(外賣)都錯漏百出, 返到屋企打開個袋, 要奶茶俾錯咖啡, 要魚柳俾錯豬扒, 最搞笑有次十點零鐘買早餐, 三十零蚊, 俾張五十蚊那位收銀妹妹, 佢居然找回六十幾蚊, 問佢係咪找錯錢, 佢再攞多4張HK$100找俾我, 我同佢講我俾50蚊咋喎, 你找咁多既?佢先同我講唔好意思, 找番正確, 我想如果其他人立心不良, 你就賠死啦.之後每次買完必定檢查咗先, 費時又要行多轉, 但近排好像改善好多了, 起碼近十次都正確, 亦冇收錯錢.

本想諗住,唔洗比大家樂做獨市,可以有多d選擇..點知,有一日食左個午餐,西多士 配 碗仔翅 + 熱檸水第一: 西多士味道ok,但唔可以話好食,第二:碗仔翅竟然稀到好似水咁,一飲仲有好勁味精,雖知佢地一定會落味道,但唔係咁誇'而且唔係講笑,一條肉絲都搵唔到==變左好似冇味水咁,,得顏色..第三:買野加十幾蚊飲野唔緊要,出街食就預左,但都冇理由飲杯熱檸水都要加$9嘛..似乎好似有d唔值..加上檸檬唔令,飲個陣超苦...落3包糖都冇用..唉...雖然我嘴''鵰'',,但比我覺得咁差的餐廳,,都真係第一次..

呢間位於屋企樓下既大快活, 前址係板橋壽司面積很小, 但食物種類同其他大快活一樣多第一次黎, 叫左個咖喱牛腩飯份量足, 味道不錯, 牛腩淋, 完全迎合hk人口味可惜野飲要另加錢, 一個餐三十幾蚊其實有啲貴~