大快活

營業中

休息中

話說今日去大快活食早餐，個早餐好豐富，有炒滑蛋，雪菜肉絲米粉，炸魚柳，多士轉蘿蔔糕早餐。先講個炒滑蛋，蛋炒得好滑，仲有陣陣蛋香，好正🤤。雪菜肉絲就炒得好香口，而且肉絲好滑，唔會太韌。米粉好煙靭，食落去好爽口。炸魚柳，魚柳炸得好香脆，而且魚肉好滑，仲好新鮮添。蘿蔔糕就煎得好香口，而且蘿蔔味好濃，仲有陣陣臘味香味。成個早餐食落去，真係好滿足，而且好抵食。🏆

10點鐘通常都係早餐高峰期，間間餐廳都full 唯有去大快活碰下運，點知多人外賣總算有位，點了以下食物：-餐蛋公仔麵：冇特別，不過晨早食別有一番風味，對整個餐期望不大，因為實在太普通，如果咁都唔好食就大件事，午餐肉炸過幾香，三十幾蚊2舊肉1隻蛋再加1個麵，唔飽都預左，叫做有d野落下肚。-配熱檸茶：茶底雖然有苦澀味，肯繼續用新鮮檸檬已經唔錯。整體服務唔錯，人好多收銀姐姐仍保持有禮貌，讚讚讚!!!!!!

秋涼天氣最適合食煲仔飯，因應地區，所供應款式有所唔同。今次食豉汁臘腸排骨飯配特飲凍巨峰提子梳打，等了10分鐘左右就能取餐，唔算太耐，先打開煲蓋淋上豉油再蓋多幾分鐘，排骨鋪滿飯表面，搭著一條臘腸，視覺上個煲好似比上年細，排骨滑嫩、味道適中、有飯焦。至於特飲是濃縮汁溝雪碧，雖然已表示走冰，但冰仍然多，下次都唔特別加特飲。總結：煲仔飯keep到水準，而且唔使等好耐，個煲好似比以往細，特飲冇咩特別加上唔好飲。

我jio得大快活不比大家樂差啊哈哈哈…這是我第一次食大快活，牆裂推薦沙爹牛肉麵🍜「沙爹牛肉麵」套餐裡面有不少牛肉還有好喝的凍綠茶~再加三圓就可以加大雞翅了~雞翅也好美味喔😋我看了菜單還有mini芝士系列感覺也不錯

自從肺炎之後，網上落單全日外賣自取就有九折，今次晚餐買左＄99有三個餸（不包飯及茶），非常抵食，叫咗口水雞，蝦仁韭黃炒滑蛋及京都肉排🥢口水雞醬汁唔麻唔辣，雞肉比較乾身但係冇雪味，花生幾脆口🥢蝦仁韭黃炒蛋蝦仁响呢個價位當然唔會有咩特別好食，但係都算可以喇， 蛋量多而且炒得唔算多油，味道偏淡，比較健康嘅炒蛋，唔油膩🥢京都肉排唔係用肉排而係豬扒，偏瘦但係幾好咬口，配菜有茄子，洋蔥，蜜桃及紅綠椒，味道甜左啲啲，五顏六色賣相幾靚，咁多配料都算係誠意之作折後＄89.1有三個餸，食物質素亦唔算差， 絕對係外賣之選魚堅總評性價比 4👍(以5👍為滿分)

好少係快餐店食麵餐因為好多時都係焗唔係煮今次行山前要食飽d 集合點附近冇咩所以就要食咗先搭車就試下啦點知出奇地個麵有煮過沙爹牛肉都ok 喎沙爹好香👍🏻牛肉都幾腍真係估唔到

本人一直都係大快活的熟客，但係問題係水吧職員態度超級嚴重惡劣，好似之前由於第五波疫情沒有堂食，很多顧客都以安全為理由轉為外賣，但係問題係買早餐只得5個顧客不到，但係擺放調味料包的櫃桶永遠都係空嘅，好啦，就算話以疫情為理由唔擺調味料，咁直接問水吧職員攞可以啩，但係水吧職員當個客透明兼扮聽唔到，工作態度惡劣到不知所謂，直接打電話俾寫字樓投訴，啲樓面阿姐夠膽死係大堂係度講說話單單打打，結果又要搵分店經理投訴，結果有一個顧客離開時走過嚟向我動手打人，最後逼到本人唯有報警求助，咁究竟係大快活職員做錯野攪到個客屢次投訴都不去改善兼變本加厲有問題呀？定係個顧客投訴職員有問題呢？😡😡😡

今日唔使返工，朋友話我知大快活網上外賣有9折，我就叫咗個外賣越式火車頭湯濛粉。🍽🍽🍽🍽🍽🍽🍽🍽🍽🍽🍽🍽🍽🍽🍽🍽🍽🍽越式火車頭：大快活用咗兩個外賣盒有分開咗湯&粉，濛粉唔會浸到淋曬見到材料有牛栢葉，牛肉，牛筋，牛丸，每樣餸都得一兩細塊仔。味道方面就點都唔及越式店啦，而且份量十分之少。青檸梳打：正正常常女仔食都唔係好夠飽，得下午茶份量，55蚊真係唔抵食。CP值🌟低

今日食呢個泡菜豬腩肉飯，真係伏中之伏，未開始食已經好似廚餘咁既樣。豬肉係一pat pat的，已不成形，好大陣豬羶味。泡菜不見蹤影。醬汁亦唔討好。好彩有啲薯仔頂吓肚…

晚餐屋企冇飯開，最方便就係去大快活或大家樂開餐，而且大快活晚市時間服侍周到，有人送餐 。在大快活吃飯，咖哩雞飯是我必然之選❗大快活的咖哩味道，實在已深深的印在我腦海内，不能洗去；只要大快活的咖哩汁淋在白飯上，已可以食個痛快❗再加上香口的雞件(應該是以油炸過的)，實在難以抵抗。 再伴上少許蔬菜，就是一份齊全的晚餐。

啱啱返工前，過咗去對面間大快活食嘢。入到去，買完嘢食……諗住入去搵位坐，點知行到入去，係大把位呀！但係枱上面係冇人收嘢嘅……全部都係 完全都唔知啲員工去曬邊度。 簡直離曬大譜

星期六早上到大快活早餐，先寫下食物質素，吉列豬扒炸得香脆可口，顏色也吸引，可惜豬扒肉薄過紙！其他的麥皮太陽蛋是正常接受的，如果豬扒厚返少少，整個餐都ok架！入正題：我來這裡食早餐, 一個月都3-4次，但每次都遇上同一個「服務」，樓面無人清理，只要一叫阿姐執枱,就會晨早被鬧，阿姐以很不禮貌說：見到就會執，唔駛叫，樓面得一個人做嘢！我絕對不是一坐下就叫阿姐執枱，而係我坐了很久都無人執才出聲！而且，不止我一人嘗試叫過，眼見其他人有出過聲的，阿姐都唔彩，越叫越走！既然阿姐那麼不願意工作，為何仍留下來？經理沒有留意嗎？還是竉壞了她們？

一向很少幫襯快餐店，但因為lunchtime 時間緊迫，只好做gym後趕快公司附近的快餐店食晏。今次竟然畀我食到一個練大隻必食嘅健康增肌午餐——雞胸紅米飯。雞胸十分大塊，目測同我嘅✋🏾差唔多，而且又厚又啖啖肉。當然雞胸一定會比雞的其他部位乾身向粗糙，但勝在有少量磨菇汁，另雞胸更易入口。紅米飯比白飯有更多纖維，幫助消化，也是健康之選！🤗雞胸紅米飯簡直係健康增肌人士的恩物，餐後既滿足而且感覺健康良好，出街食飯總算可以避免其他油膩的食物。👍🏾

今日早啲收工，約咗阿女喺屋企樓下大快活食個tea，揀咗個最抵食嘅下午茶餐，廿五蚊，確實好經濟，有奶醬多及熱狗腸，雪菜肉絲米，凍綠茶唔洗加錢，另外加$7.5叫多個雪菜上海幼麵，兩個人share 已經好夠。奶酱多士好厚，花生醬同煉奶都可以自己落，份量隨自己喜歡。熱狗腸係一個點綴，整個茶餐好豐富。雪菜肉絲米湯底好好味，雪菜肉絲料都唔錯。叫多個雪菜肉絲上海幼麵，呢度嘅上海幼麵麵質爽口，平時有辣肉醬更加可口。杯凍綠茶唔算甜，兩個人share都好夠。

本人今晚八點去到此惠顧，首先，叫了一客咸蛋肉餅飯，在收銀處落單時巳經叫收銀處同水吧講多汁(即多豉油)，但是個餐送到嚟碟飯好像完全沒有加豉油的樣子，攪到成碟飯好乾，跟著叫個樓面執枱姐姐幫我拿去水吧加豉油，結果回來一模一樣，即是沒有加過，跟著搵經理投訴，結果兩個都收工，最後搵到個主任，但是態度完全惡劣，問佢點解唔加豉油，佢仲可以反駁個客唔過落咁多豉油健康D，如果是的話，咁褔圖片唔好整到碟飯咁多豉油啦。其次，有個女職員負責清潔餐盤，我一坐下來就聽見她唔停咁喺度鬧人，跟著行出來去洗手間，剛好有個清潔姐姐在掃地，可能沒有在意後面有人經過，所以撞到她，跟著她一句鬧出來:後面有人，妳盲㗎。我真喺想一句爆出來，妳用X眼嚟睇嘢，仲要我同主任投訴緊，仲要伸個頭出來望，即喺條氣唔順啦，想睇吓邊個咁夠膽就去投訴佢呀，真喺想剷佢:妳喺度望乜呀。