3
0
1
| 餐廳: | 大快活 |
|---|---|
| 資訊: |
為推動全港減鹽減糖新飲食文化及新生活態度，環境及生態局、降低食物中鹽和糖委員會及食物環境衞生署食物安全中心推出了「少鹽少糖食店計劃」，參與食肆會提供少鹽少糖選項予顧客，部份更會提供特定減鹽減糖菜式。參與減鹽減糖食肆會獲發計劃標誌，以供張貼於店舖內，供顧客識別。詳情可在此瀏覽：https://www.eeb.gov.hk/food/cn/committees/crss/restaurants.html
影片
營業時間
今日營業
07:00 - 21:30
星期一至日
07:00 - 21:30
以上資料只供參考, 請與餐廳確認詳情
在附近開夜班，趕在「不准堂食」令之前去打最後一個邊爐。港式快餐連鎖店，食品質素間間都差唔多，但水泉澳廣場呢間，人情味特別濃~我哋放飯一粒鐘，打邊爐好抆水，餐一送到，醒目姐姐就同步送爐過嚟，幫客人慳咗不少時間，此為貼心一。貼心二，我都唔知火酒膏就快用完，蕃茄湯仲滾吓滾吓，姐姐已經看出火酒膏快用完，率先替我哋換爐，唔使我哋陣間打到窒住窒住。再來，西斜太陽「燦」住客人，姐姐已經醒目地拎定搖控器出來落簾了。當然，新冠肺炎令市道變差，人流少咗，餐飲業梗係要殷勤啲啦，但其實未有「限聚今」、「不准堂食」令之前，這間大快活的肥經理已經好好人：同事早幾個月開始減吃澱粉，叫餐總是加句「走飯，多配菜」，肥經理都從善如流，真係畀多啲配菜我同事。最近天氣熱，我都無胃口食飯，加入「走飯」行列，肥經理一聽見我嗌「走飯」，都會主動畀多啲配菜我。客人未開口，餐廳已經知你想點，繼而滿足你，呢啲就係人情味囉───亦係街坊和屋邨食肆之間的默契，食客覺得自己被珍視，對餐廳產生loyalty，經常幫襯，其實都係win win雙贏的一種。
繼續閱讀
和媽媽行山，黎到水泉澳邨，順便係大快活食個早餐。我地兩個都叫左魚柳餐媽媽就將炒蛋轉左做煎蛋。魚柳好脆，好新鮮，我既炒蛋都唔錯，煎得剛剛好。魚柳，炒蛋同多士真係一個好正的組合，三樣野唔同質地，食完好滿足最緊要啲食物好熱一份早餐包埋野飲，食到好飽，呢個價錢其實都算係好抵！同埋，呢間屋邨大快活好新，唔多人，坐得好舒服(有好多梳化位)，仲有山景睇。唔會好似市中心啲大快活又嘈又迫！係到食早餐既人感覺都好悠閒
繼續閱讀
吾熱 飯其本上是凍的 而且啲雞柳分量我諗得三四舊 雪到根本食吾出有雞味 冇口感 菠蘿 薯仔就大大舊 成碟都係食茄膏⋯ 下次一定吾會再嗌！👎🏼👎🏼👎🏼👎🏼👎🏼
繼續閱讀
話說不是常吃快餐，口痕食下今日又，平時食什扒飯，今日好有新意。。。索價4 50的一個咖哩豬扒飯豬扒比想像炸得厚身，又幾有咬口，完全唔會話un，唔多肥膩，肉質連鎖計已好好。飯有得加，不會另收費，算是地盤工人等勞力人士之恩物因爲要食多d飯先可以努力做ya呀嘛。咖哩汁今天有記得要了加辣，好耐無食咖哩，今日食寧舍滋味，汁醬唔會稀，夠味得黎，有點辛辣，但有唔嗆喉，兩大塊薯又不帶草腥，交足貨。凍奶茶加三定九蚊 唔記得碎冰，足茶味，嫌多冰，但味道已算不錯。
繼續閱讀