大快活 (已結業)

因為大快活新出左"白咖哩香茅豬扒套餐"，午餐唔知食咩好嘅我最後揀左佢嚟醫我嘅五臟廟。白咖哩系列有兩個款式，一個係(香茅豬柳+五香雞中翼+扎肉)；另一款就係(香茅豬柳+春卷)，主食方面可以配白飯或者鴛鴦粉，我最後揀左前者配鴛鴦粉，加一杯檸檬柚子梳打，另加一份烚青菜，盛惠$65。味道方面用四個字可以概括，就係：一言難盡；除左鴛鴦粉同杯野飲叫做正常啲之外，其他野食都係低質素，包括主打嘅白咖哩，我原本期望白咖哩應該係"稠而濃，有淡淡嘅咖哩味"，但呢一餐完全俾唔到我呢個感覺，佢嘅白咖哩稀之餘，仲要淡，一啲咖哩味都無，基本上似溝左水嘅白汁多啲......至於肉類方面，全部肉都係凍冰冰，就算中午時段旺場都唔係俾啲整定哂又凍嘅野人地食掛......最後不得不提份青菜，要另加$10嘅烚生菜份量太少，仲要淋bat bat又凍，賣相極差......總結，俾$65可以食到更好嘅午餐，唔使食佢呢個套餐。

很久沒有在大快活食飯，最鐘意係大快活的焗豬扒飯和鐵板餐，無得輸。不過今次對焗豬扒飯有點失望，同以前個味道好唔同，D飯都好硬，豬扒無咩味。反而鐵板餐就比想像中更好，有豬扒、雞扒和魚柳，加上脆薯餅和德國腸。另外又有法包和湯，飲品。質素好好，好夠熱，而且份量好足，呢個價錢食真係好抵。下次再來食鐵板餐。

平時喺灣仔搵嘢食都真係唔容易，因為灣仔都好多上班一族，今次行到大快活見佢推出左新嘅平價系列，就打算試試。呢度環境有樣好，依間大快活唔太多人，可以比上班一族食飯時，稍作休息靜一靜。今次揀咗椒鹽豬扒同魚香茄子雙拼飯，我平時食開大快活的健康餐，例如不加味精，素食等健康系列。所以平時食開大快活嘅雞胸飯，豬扒相對感覺新鮮、外脆內軟，口感和味道都較好。反而魚香茄子嘅醬料太多，茄子較少而且醬料偏鹹，食完好口渴，值得一提的是無味精的老火湯，健康得來又給足料！

午飯時段在灣仔搵嘢食，有點難度，今日行到大快活。現在快餐店的午餐都升值了，連飲品要50元以上。快餐店，就是平和快，可是今次是我印像中最快的上餐記錄，叫了餐付了費後，把票拿到櫃檯，20秒後，咖哩吉列魚柳飯及凍飲已經準備好，快得太誇張了。快餐店，就是要平和快，不求質素。可是這回阿活咖哩吉列魚柳飯質素不錯，魚柳有兩大塊，份量吃不完，魚沒有雪味，炸漿不太厚。 咖哩正常，不辣，有很多很多薯仔。凍檸檬茶，沒有給飲管，抵讚。

如果有跟開我寫Ge 食評，都知我平時因為星期六番工係冇午飯時間，所以早餐一般要食飽d，今日意外地發現大快活有個勁勁勁大份的早餐❗️❗️❗️❗️而只係值$38❗️❗️❗️佢完全係可以分做兩份咁食😱😱😱一邊係多士加檸檬豬扒加粟米粒粒加條腸另一邊就係午餐肉米粉😱😱😱食完完全飽到上心口😂😂最終係飽到夜晚先7點食dinner 先肚餓😂😂完全岩曬大食一族，或者係遲起身要一餐當兩餐咁食的人😍😍

My quest for vegetarian food is all about having acquaintance with it.Ever since Fairwood launched the omnipork series I have been meaning to try the Omnipork tofu but their omnipork menu is on rotation.I think there are 4 vegetarian dishes that are on rotation which means a 0.25 chance of that dish on the menu plus the probability of it not being sold out and the probability I haven't made plans for FOOD!It was Thursday night and I was in Wanchai so I tried my luck!!!It was on the menu and stil

今日諗好要買大快活嘅早餐，因為我實在太掛住大快活嘅辣肉醬湯麵早餐。一到咗大快活，已經急不及待要嗌佢個S05，包括有辣肉醬湯麵、炒蛋、多士同埋杯凍檸茶，賣$32.5，吾算平。成份早餐好夠份量，食完包保頂到整天嘅動力嘩!d紅紅嘅辣肉醬鋪喺上海麵底上面，口水都已經流埋！勁想一啖食哂佢！呢個上海麵底好索味，索哂d辣油，但又吾會好冧pat pat。其實食完個麵都已經好夠飽，但係仲有炒蛋多士未食，今日多士濃咗少少，但係炒蛋依然咁滑！仲有杯凍檸茶！食完真係大快活！

放lunch時間，諗唔到食咩就食大快活。今次揀咗啲未食過嘅嘢，食脆爆牛飯配日式咖喱汁（ $47 ）其實佢啲肉都叫幾多下嘅，多肉少菜😂味道正正常常。不過算啦就算佢俾多啲菜我都唔食，返屋企自己煮算haha

完成OT，打算在附近吃點東西就回家，剛好大快活就在巴士站旁。一進門就見到廣告塊有新出品，看看餐牌，剛好也喜歡吃，就點了南瓜雜菌牛臉肉。買單後有送餐服務，坐下等就得。不久就有餐送來，習慣先吃口飯，軟硬乾濕度還好。再吃件南瓜，竟然冷的，再夾件牛臉肉都是冷的，碰一下碟卻是溫暖的，連忙跟店員投訴。過了一陣子，店員送上翻熱的食物，看上去沒有異樣，有加料也未必知道。其實食物品道是不錯的，牛臉肉彈入味，南瓜亦煮得綿，份量快ok。但一口咬落是冷的，好直接影響食慾，還要一直擔心有否被加料。

自從家中附近的分店結業, 都有大半年冇食過任何一間大快活, 剛好上星期行過, 就坐低食個早餐原來出左新口味(還是自己太耐冇來?) 有蕃茄湯底既烏冬, 兩片餐肉有正常厚度, 比自己預期既好好多烏冬都算軟綿, 湯底雖然只係蕃茄膏煮, 不過唔算淡, 味道高於可以接受加埋佢最出色既奶茶, 今餐可算是冇期待下出現驚喜

在灣仔一帶的上班族，在開OT後仍要解決晚餐問題，快餐店會是一個選擇，尤其有送餐服務的大快活。雖然快餐店常予人不太健康的感覺，但其實大快店有提供一些健康選擇，例如是不加味精， 素食，健康系列等。這次點了新推出的鮮汁雞扒飯，配菜是蓮藕片和菜，整體感覺新鮮，而且雞扒外脆內軟，口感和味道甚佳。更重要的是，這間大快活晚餐時段人流不多，在熙來攘往的灣仔區，難得有一個地方可以安靜地吃個晚餐，而且仲有送餐服務，正好適合OT後拖著疲勞身軀去開飯的打工仔去開餐………

都有多年無食大快活，今日因為友人想食個快飯，所以選擇就近office 的大快活。多年無吃，原來大快活晚市有送餐服務，還準備兩杯水給你，一杯飲，一杯洗餐具，對比其他快餐廳來說算是服務幾好。我叫了粟米蛋花魚柳，屬無味精系列。都幾大份，魚柳有七八塊，對女生來說飯絕對夠食。可能是無味精系列，味道淡淡的，未必人人能接受，不太喜歡濃味的我就幾啱食。四十幾蚊的晚餐都算係咁！

其實我經常覺得一個早餐，有包有粉有蛋有野飲，食晒就真係好鬼飽，頂住個胃頂到午餐時間，唔食晒又浪費食物，實在罪過。 係灣仔想搵間茶餐廳食一碗麥皮都唔易，唔係個餐會加個吞拿魚三文治，就係又腸蛋方包，然後多謝三十幾個大洋，又係個句：好飽。 今早咁啱路過大快活，竟然有個廿蚊既輕型早餐，仲只係370卡路里，唔入去食對唔住自己。 以為20蚊份量會少啲，但我覺得有塊多士，一隻熟蛋，麥皮加飲品，我作為一個男仕食完都覺剛好，唔會話頂住個肚，食完都成十二點幾先覺肚餓，直情係時間啱啱好。 值得推介。

曾經係上個月食過一次大快活, 叫咗個雜扒餐.諗住雜扒餐唔會差得去邊啦，點知差到唔可以接受.牛嘅無牛味，豬嘅無豬味。諗住俾多次機會佢啦，叫咗個豆腐雜菜飯，我朋友叫咗個冬菇雞髀湯，真係嘩嘩聲。我嗰個咸到呢，我朋友個碗湯明明話無味精，唔識食嘢都分得出有味精啦！明白咁嘅價錢，d嘢食質素係會低d, 亦唔可以太多要求，但係我食咗少少唔敢再食，因為真係太咸，以後唔會再嚟。

平時真係好少係呢間快餐店食午餐，難得今日係灣仔上training，中午真係搵食艱難，佢似乎係比較合適既選擇。 同超過一年前食既時候一樣，咖哩系列都依然係度。今次揀左咖哩豬排飯，記得上次食既時候得好少薯仔，今次有進步，薯仔多左。豬排份量尚算唔錯，食落肉質唔錯，雖然唔係頂級水準。整個飯既靈魂-咖哩十分討好，唔會太杰，咖哩顏色夠鮮，食落味道幾岩自己口味，又唔會太辣，連埋飯食一流！如果飯可以多d就更加好！快活咖哩咁耐都屹立不倒果然係有佢既原因。