大快活

營業中

休息中

做了大快活會員在報稱的生日月份就可獲特價生日餐優惠, 我就選了下午茶餐,以$9.9就可享用特定茶餐,以往茶餐可選炸雞肶配熱飲的,但是次優惠券並無列出此選項,幸好收銀靚女確認我可選。$9.9就可嘆炸雞肶配熱啡,真的時光物價倒流30年以上才可做得到, 多謝大快活！

每次外賣，要求多汁的話都唔會俾你，今次仲誇張，扣減醬汁!呢間服務正常可以接受，但出品係点各位都心知肚明，味道正常，但醬汁永遠唔會俾多你，如果原因是因為要控制成本，咁攪法d客都會去少d啦!

好耐無食大快活，今日收工行去淰住買個飯，見佢出左新野-白咖喱豬扒，就想試下。叫左白咖喱豬扒鴛鴦米，即係米粉加粉絲。返到屋企，一打開個盒，呆左。有無搞錯，46蚊一個餐，d豬扒，肉碎咁，咩事啊。仲要一攞起睇，薄過紙皮啊，炸粉仲厚過d肉，咩玩法啊。咁少咁薄嘅肉，真係難為炸嘅果個員工啦，咁考功夫，真係犀利啦。個飯應該叫做白咖喱豬肉碎喔，咁先貼切嘛。而且份量少到咁，應該正常人都唔會夠食嘅。味道就一般啦，好淡味。

平時早餐都會過嚟叫過脆炸魚柳加太陽蛋加多士再加多杯熱阿華田，味道正常，魚柳炸得外脆內軟，多士更加可以轉為蘿蔔糕，不過平時早上去食，人會比較多，較難搵位！建議下次可以早少少過去等位！

迷你煎蛋餐肉泡麵，都唔算迷你，算正常， 佢個面質唔錯，如果同而家嘅福麵比，佢好十倍！ 唯一唔得嘅佢隻煎蛋， 試過揀荷包蛋，又試過揀太陽蛋，好多次都係全熟曬嘅荷包蛋。 荷包蛋係兩邊都煎曬，太陽蛋淨係煎一面， 兩款蛋個黄都唔會全熟。唔好同我講因為外賣搞到全熟，我試過一兩次外賣係個黃仲生歐歐嘅。西多冇花生醬(我嘅口味 )，要好睇運氣，如果少人叫嘅時候，係室溫同硬嘅。蜜糖燒雞髀，一年前係真係有蜜糖嘅， 但係而家啲雞髀就越嚟越冇蜜糖味。.迷你熱狗其實幾好味，條腸係脆皮。

講起大快活，識食一定要食佢個下午茶！平時見到啲人，通常都係等到1430，先一次過排隊落單，相信就係為咗食佢個下午茶。😋而我最鍾意就係食C04，亦即係雞翼+煎蛋公仔麵+一杯飲品。佢嘅雞翼熱辣辣，沾上蜜糖好開胃，加埋香草就更惹味。😚至於煎蛋公仔麵就係正正常常嘅味精公仔麵，不過隻蛋就係半生熟，蛋黃嘅汁流出嚟，令到成碗麵更香更入味。😛至於飲品方面，我就揀咗熱檸水，佢就正正常常。其實平時嘅我會揀凍嘅低糖綠茶，之不過近期天氣太凍，所以要揀番啲熱飲暖胃。🥰成個餐都係三十幾蚊，絕對係抵食下午茶呀！😋

最近愛上左大快活，晚餐真係唔錯！今次叫咗個鐵板餐！ 揀咗個集扒鐵板餐，會送迷你粟米肉粒飯，仲有嘢飲，五十幾蚊晚餐算好抵！之前以為細細份啦，點知原來分量十足！雞牛豬，件件都大大件。 仲有條珍寶腸！ 以為跟餐嘅迷你粟米肉粒飯好細碗啦，所以仲叫咗加飯底。 俾多半碗紅米飯。 唔到個粟米肉粒飯都唔細碗。 大快活嘅粟米肉粒飯由細到大都好鐘意食，忌廉汁香濃，粟米甜甜地， 小朋友最愛豬扒夠淋， 雞扒都煎得唔錯！ 牛扒都算厚身。又唔會好硬。 但當然唔好要求好優質靚牛扒啦！ 配埋杯凍檸茶！ 超級大滿足！

平時都係食早餐多，因為呢間大快活好似特別早關門。平時八點幾都好似冇晒嘢食。今日難得路過見佢仲未開始執嘢，就衝入去博一博啦。八點幾選擇所剩無幾。今次叫咗個菠蘿咕嚕生炒骨，配白飯。唔錯！生炒骨唔算肥，同埋今次炸得好好呀，唔會成嚿都係粉，真係有肉㗎哈哈！（都係果句啦，依家啲餐廳，想食魚有魚味、雞有雞味，已經唔係必然㗎啦！所以生炒骨唔係得嚿炸粉。其實已經好難得㗎啦哈哈哈）菠蘿咕嚕汁酸酸甜甜好開胃。不過略嫌佢酸咗啲，

今日難得大女唔使返學，送完細女返學就去食早餐。第一次食鮮奶麥皮，感覺良好。以前好怕啲麥皮超級甜，呢間竟然唔甜。味道啱啱好！配炒蛋多士，唔知點解多士俾人飛邊！不過講真，飛邊又幾好食嘅今日啲滑蛋特別滑，要讚下，哈哈哈！ 兩個人真係好煩惱，叫一個餐又唔夠，叫2個餐又食唔晒。今次叫一個餐另外再加$7加一碗火腿通粉。個大人+1個小朋友，分量剛剛好。 其實每朝嚟食早餐，都係為咗杯即磨咖啡啫！哈哈哈！點解石硤尾區想搵杯好飲啲嘅咖啡都咁難呢？

今晚有事過開尼石峽尾，有啲趕時間就入左大快活食，叫左一個蘑菇汁玉子豆腐紅米飯，$41，連一杯熱檸水而家大快活又會送餐又會俾定杯野飲俾你，真係好方便！送到尼個賣相就唔係算好好架喇🤣🤣無咩美感咁樣但係估唔到個蘑菇汁都好夠味，好香，撈飯一流！個紅米飯口感都好適中，唔會過硬或者過軟。個玉子豆腐都煎過，雖然成碟都無肉，但係食落去你就會覺得好豐富，一啲都唔會dry, 而且個份量都係好足夠，汁同飯個比例都係好適中

今日黎大快活食個午餐先返學，好耐無食過😳😳午餐人流不多，所以座位較多，唔使去茶記同人迫👍🏻午市套餐都好多款，價錢$3x-$4x，好多個都想食，揀唔落手，原本想試下煲仔飯😱但又驚又等好耐，最後選擇左個比較穩陣既《鮮茄魚柳蛋白飯》$40首先菜係凍既，仲煮到好林🙄🙄最離譜既係d魚柳唔好話熱，暖都唔係幾暖，皮又厚又乾，完全唔係食緊魚柳，係食緊炸皮🙃茄汁又比得少，本身塊魚已經乾，仲要唔夠汁⋯蛋白又得個丁碎禁多，我知道快餐唔可以要求禁多，但無理由差到咁掛？

今日和媽媽撐檯腳，就屋企附近搵好食好滑魚块，炸過好香西蘭花好甜，帶子厚肉，都有6粒，50幾元都可以食到咁豪油菜爽甜加少少甜豉油飲埋例湯，好滋潤肌膚食埋白飯，好飽

由於昨晚太早吃過晚餐，今早起床確實有點肚餓，見又有充裕的時間，所以就到公司附近的大快活買份早餐吃。平時到茶餐廳裡吃早餐，多數是腸仔，火腿，煎雙蛋等，今天看到有輕怡燕麥早餐，卡路里只有三百多，售價還只是$20，所以就決定一試。說實話，平時買個麵包都起碼十元八塊，現在有麥皮，烚蛋，多士，再加杯coffee(多奶)，$20真的無得輸吧！牛油配多士必定不會差，麥皮也有質素，杰杰的，不會像水一般，咖啡比茶記好，再加隻烚蛋，真的讓人飽足一個早上呢！

久不久就會有一股焗豬扒飯的癮起，今晚就決定去就近的大快活一止心癮。我們點了一個菠蘿咕嚕肉飯 $39 和一個焗豬扒飯 $40，再另加$6 配一份唐生菜。點餐後，把感應器放到對應的位置上，食物準備好便會有專人奉上，不需再像從前般排隊。焗豬扒飯 $40 配唐生菜 $6焗豬扒飯可算是大快活其中一個經典菜式，以酥軟的豬扒，配合香濃味美的鮮茄醬和酸酸甜甜的菠蘿塊，再加上惹味的炒飯底，真是色香味俱全！香濃茄醬味道依然，但是次的豬扒好像比從前薄身了不少，而且炒飯也頗黏濕，明顯是準備時間不足，確實令人有點少失望。菠蘿咕嚕肉飯 $39一份有5塊咕嚕肉，咕嚕肉酥香脆口，醬汁酸酸甜甜，非常醒胃， 洋蔥和青椒也非常新鮮爽脆。

數數原來已經很久沒有有吃大快活。今天不太想吃肉，便點了素菜意粉。*素菜意粉（$28）這個素菜意粉比我想像中的賣相要好得多，色彩很繽紛，又綠又紫又紅又黃，有菇、西蘭花、南瓜、番茄和茄子；蔬菜都很新鮮，尤其南瓜，煮得又軟又甜；意粉煮得剛好，不會太軟，有西餐廳的水準，而且很濕潤，不會很乾。