大快活

營業中

休息中

一個簡簡單單嘅下午茶, 黎大快活真係啱曬一定要放第一黎講嘅係佢嘅豬仔包, 整到外脆內軟, 外面香脆, 內裏軟熟, 加埋佢少少蒜蓉, 本個香味已經提升唔少。如果再額外拎多一包煉奶醬, 咁就絕對Perfect。麥味燒雞翼, 外面蜜糖味香香味甜, 少少燶邊嘅香味, 熱辣辣咁樣上碟, 認真好味。反而呢條珍寶腸就普普通通啦, 雖然好外皮都爽脆但味道普通, 勝在夠熱上碟。最好呢一個下午茶餐點解要講吓佢送嘅呢杯凍綠茶, 無糖茶, 茶味香, 夠解膩, 識咁樣配搭認真抵讚

在荃灣開工，最方便快捷的下午茶餐，當然是大快活。我點左H05公司脆豬包（雞肉、煙肉、煎蛋及芝士）配熱華田$28，脆豬包的配料豐富，味道不錯，我喜愛每層每層的食，好享受每種食物的味道，好飽！

晚巿禁堂食已開始，這幾天一直發現家𥚃的電梯充滿着濃郁的煲仔飯香 ... 嗯，這晚在樓下買外賣，原來是這個😋 ...這紙盒的設計確是一絕，煲放在𥚃面，盒子摺疊後中間有足夠空間隔熱，但又不需多餘紙皮，回到家飯還是熱的，喜歡的話，還可以把煲放在灶頭加熱，風味依然。飯底也確是做得不錯，夠乾爽，還有微燋，挺香的，可是那“臘腸滑雞”就失色了，那像鼻涕一樣厚的汁，像漿糊把那幾塊雞黏在一起，難道這埋東西是煮熟後放上去的嗎？如果它們是在煲𥚃蒸熟的話，汁應該已滲入飯中，不會還是一埋芡纏繞在雞上，既不好看，又沒有口感。

今日下午在荃灣辦事後，去了大快活叫了一個茶餐，茶餐有春卷、魚肉燒賣、雪菜肉絲米同綠茶。茶餐廳每個香港人都一定去過，當中最有代表性的，大概就是常餐了吧？常餐除了炒蛋、多士，粉麵也是少不了,而當中最具代表性嘅係菜肉絲炆米,大快活雪菜肉絲米，雪菜和肉絲味濃，好正!燒賣要好吃，除了餡料好，最重要是要夠彈牙，吃到餡料香。燒賣處處有，但好的燒賣，難求啊！大快活魚肉燒賣很彈牙，嘗到濃濃魚漿味。燒賣可以稱為香港街頭小食之首，彈牙魚肉燒賣配春卷小食，三點三下午茶必食！

lunch唔想出去同人逼，又或者等位等到得10分鐘食飯，又或者叫外賣等半日結果嚟到唔係落錯單就係漏單，外賣自取都係唔錯嘅選擇。連鎖快餐店總有一間係左近，而且食物質素未必唔好，而家外賣自取有九折，味道都唔差，CP值都幾高，仲可以揀白飯、紅米飯同欖油意粉，多飯少飯隨便揀，唔會加錢。飲品除咗有奶茶咖啡華田好立克，仲有低糖凍綠茶。好似呢個香煎蓮藕肉餅飯咁，肉餅份量都ok，煎到好香口，食落爽口入味，值得一提係有小小鹹酸菜點綴下，好好味。網上落單，行到去就有得攞，唔使等，每個星期菜式都有唔同。

好味 #午餐 分享上午上門深井做一位宴會化妝工作完成了便坐巴士去返荃灣搵嘢食落巴士的站位置正正就是大快活門口 這間分店有啲座位(中染大厦分店)係設置於商場位置， 樓底2層高， 好寬敞😊 對我嚟講，感覺好的。於是就喺度食個午餐😋😋一陣再走下場😊😊💪💪午市雜扒鐵板餐 $48牛扒，有骨豬扒，有皮雞扒各一塊有大條珍寶腸😊入面有芝士嘅😋😋我另外跟餐再加咗中式湯 $7 湯料有豬骨，果皮 ，紅蘿蔔，薯仔，蕃茄好味😋😋餐內有包一杯可樂 全部都係 $55好抵食。😋😋

聽朋友講大快活有健身餐，一直唔敢試，因為先入為主認為連鎖店啲食物又貴份量又少唔抵食。今日做完gym，諗唔到食咩補充蛋白質，咁岩附近又有大快活，就比個機會自己試下啦～南瓜汁雞胸紅米飯$46免費轉意粉，汁另上，包杯飲品宜家大快活有送餐服務（太耐冇食宜家先知），啲餐具有熱水浸住，感覺貼心，除左飲品仲送埋一杯水，太餓關係食左先影相，雞胸大塊加厚！唔係白烚乾爭爭，竟然比想像中juicy，一路食都研究緊係咪真係雞胸。意粉就唔要求要求咁多，走汁嘅關係所以好乾，少少黏埋一舊，加返啲汁就正常返啲，食得落口。仲會有啲椰菜做配菜。外食健康餐一向都貴，基本上冇咩餐廳有雞胸食，呢個餐塊雞胸咁厚又大塊，仲要有得轉但GI嘅意粉，唔追求味道口感層次嘅話，$50蚊有找食得過，健身人士多個選擇！

店鋪很大，還有商場坐位，新出吉列豬朳沒有試，餐牌選擇很多，有蒸餸，即炒的小菜，有湯飯，有健康紅米飯，有素菜的飯類，真的很豐富!最後心大心細下，選了咖哩牛腩飯，咖哩牛腩和牛筋份量都很多，有2件薯仔，咖哩顏色比較深，但味道不太辣，汁就很濃的感覺，個人認為可以再辣一點更惹味，比起大家樂味道它不夠辣。而牛腩同牛筋都炆得很軟臥，可以加飯2人分享。整體咖哩牛腩肉比飯多，多汁，外賣盒幾深，有幾片椰菜，50元也算不錯。

下午茶（餐）油脾 + 碗仔翅，冇野飲，都收30幾蚊 🤦🏻‍♀️係果日好肚餓唔想排先食呢間 🙈油脾賣相冇其他食評上既咁差，但都真係冇乜味，下次會叫返炸脾 🙈反而碗仔翅又幾好食，正常味道，都幾多料 👍🏻👍🏻👍🏻

也忘記了多少年沒有來過大快活吃飯，不知道原來現在會有專人送餐服務，只要選好食物買了票，就會有個號碼機，當所點的餐預備好就會有服務員送到你枱上，除了方便長者，對一些一個人吃飯的人士也很好，否則要取餐後才可找座位。送上的餐盤上，還有一杯暖水，和不同顔色的杯子裝著半杯熱水浸著餐具👍，服務之貼心簡直令人深感興奮。食物方面，原來也有非常健康的素食健怡餐，蘑菇汁玉子豆腐配紅米飯，只可惜玉子豆腐是炸的，另外還有一些紅腰豆，蜜豆及椰菜花，餐飲還可轉例湯，今天的湯是節瓜眉豆唐排湯，除了節瓜眉豆，更有粟米。男友則點了馬蹄什菜鴕鳥飯😵，我只試了馬蹄，幾清甜。

下午茶， 豉油雞髀加紅豆冰＄32, 收費正常, 但豉油雞髀質素，係我食過咁多間餐廳之中最差。 賣相醜到冇朋友， Ｄ肉又霉又諧， 之前有個網友話佢似湯渣 我也感受簡直一樣！ 畀張相大家睇下我攞返嚟就係咁樣， 影相前我完全冇掂過隻雞畀。 大快活老闆應該要反醒一下。

經過荃灣有少少肚餓，所以入去大快活吃個下午茶，叫咗鹵水肶加餐蛋麵，隻雞肶一切落去，完全可以骨肉分離，D肉好似煲完湯咁，非常難吃，反而餐蛋麵較為ok,環境尚算舒適，如雞肶處理好D就更好喎。

今晚要打邊爐，見未夠鐘又肚餓，就食個下午茶先。呢個餐係c04，每次我都會叫呢個。首先要食雞翼，好香甜嘅蜜糖味！食完時間就啱啱好，個即食麵焗好可以開蓋啦！個麵有餐肉同煎蛋，好好味！個碗仔翅要加10零蚊，食埋就完成個下午茶啦。

今年的其中一場聖誕派對 , 是在一位老教友的家舉行 , 老教友預早在 大快活 訂了 火雞 , 他知道我是 葡萄牙混血兒 , 還特意地為我添購了 葡式牛脷 , 這份心意 , 真使人溫暖 ~烤火雞 : 今年的烤火雞燒得皮香肉嫩，厚肉位置的底層肉更是烤得剛好的嫩滑 , 吃著也帶 juicy , 跟以往一樣這火雞都是有 stuffing 的 , 火雞肉切片夾首那些 stuffing 一起吃 , 真是快活過神仙 ~ 葡式牛脷 : 牛脷煮得軟綿 , 調味也不差 , 最驚喜就是有大量的橄欖和薯仔粒 , 以快餐店的水準來說算是非常不錯 ~在此祝各位 聖誕快樂 , 新年進步 ~本篇完 ~

煲仔飯真不錯，腩肉好滑很夠味，飯焦不過火，有點香脆，仲有好嫩滋味的臘腸，雖然不算太大份，大肥佬可能會覺得不夠飽，但50元算堅抵食，沒想到快餐店有這種質素，本來這吃快餐店真的沒有帶著什麼希望，所以有點喜出望外，我從來未寫過食評，今次真的被佢既十足誠意徹底打動而寫下這處女作！不過職員好像送餐有點不熟練，或許是新店關係。上網睇番原來還有更好的吃法，就是先把醬油沿煲邊灌注再焗一下，不過我沒有這樣也已覺得好滋味了。