大快活

營業中

休息中

2024年11月12日的魚包早餐（$29$）確係抵食，真心大塊 同 厚。但之後再去食，即刻勁縮水。塊魚柳係之前的一半份量。所以決定唔會再食了。可能大快活真係怕啲客食得太飽而舉行勁量級縮水大行動…….哈哈哈😆

快餐店出雙餸飯不是新鮮事，只是我第一次食，就有點新鮮了。款式不算多，始終不是兩餸飯專門店，還要顧及其他餐點，還是可以的。6選2，有中有西，有飯有意粉，連酸辣湯都有，挺好的。我選了酸辣湯韭菜餃（+$1），還有滑蛋栗米魚塊飯，+$1配一杯細綠茶（無糖）。✴️酸辣湯料很多，肉碎／冬菇絲／木耳絲／筍絲，再加上4顆韭菜餃，看上去不大，飽足感卻滿滿的，而且酸辣湯料口感非常豐富，冬菇軟軟的，木耳絲荀絲非常爽脆，酸酸辣辣，好對胃口。✴️滑蛋栗米魚塊飯這個就還好，魚塊炸得很酥脆，可以看出應該是現炸，或剛炸起沒多久。栗米白汁不够多，所以總體覺得有點亁，多點栗米白汁我覺得更好。也可能我先吃比較濃味的酸辣湯，所以這款變相略為失色。這家我挺喜歡的，雖然食物沒有說超好的，但服務是挺好的，特別是場內服務的阿姨，都好好。

做完運動，坐低食個早餐！一日連鎖店已經比佢哋嘅經典早餐吸引咗由我最鍾意食嘅厚多士，配埋有雪菜上海麵（可以免費轉不同款，任君選擇共有七款）有時我都會食香辣米粉在配搭埋一杯熱咖啡！真係做到真正嘅Good morning而且特別想讚吓呢一間嘅服務，真心非常非常好平時好少特登去讚一間連鎖快餐店但呢度真係出類拔萃，已經連續性食咗幾次，忍唔住要分享一下「例如：去過好多間連鎖快餐店例如大x樂，一x麵服務態度都未如理想」

人生太苦悶，計這篇我連續寫了三篇大快活食評都算是第一次😂由於前兩次都有少少中伏，昨天去了金記食休息一天，今日再來，看到餐牌上已沒有巴東焗牛斑蘭飯，但仍然有斑蘭雞脾飯，這個是我正正想試的.賣相和餐牌的幾乎一樣，就那個配菜少了點，由於太少我一啖就吃掉了，應該是酸菜類，幾好食但沒細看.拿的時候椰汁糕要等，所以先拿了主菜，先吃沒加任何東西的斑蘭飯，不錯，就滿滿的斑蘭汁包著軟綿線的飯，有斑蘭香味的飯，夠味，飯上面是xo 醬，都幾棘，我個人覺得不需要加，建議吃的時候先將醬拿開，然後再慢慢調味，可能少少醬就夠提味了，但我最後吃完其實不加更加好.吃到尾聲心想都是時候要出去拿椰汁糕，內心有一刻想如果staff拿給我就好，但她們又怎會知道我是誰和坐那裏等等，沒料到真的有個姐姐拿了椰汁糕給我，所以今天的椰汁糕特別好吃，事實也真的比前一次好吃，整個糕都是軟綿綿，但應該都是買回來那種😆題外話，拿餐的時候看到別人的兩餸飯好像很不錯，那個應該是雞皇意粉+沙拉雞球，我頓時叮一聲，如果它分開兩碗，就應該一個飯一個意粉比較好，這是叫兩餸飯的學問🤣🤣魚柳那個我應該不會試了，所以斑蘭飯這篇就 —完—

繼昨天吃了個兩餸飯後，今天再次探訪斑蘭飯，很高興今天餐牌上還有這系列，然後在想要雞脾還是焗牛飯呢，到我的時候聽到收銀在和廚房對話，說焗牛只剩下一個，於是二話不說的叫了.由於是巴東汁，所以都有少少棘，感覺巴東汁醬有點油，牛肉只有少量，汁和飯都很多，棘汁太多所以棘味蓋過了芝士味，斑蘭飯不錯，有陣陣斑蘭香味，和飯也很配，可能試雞脾那個更好，現在斑蘭飯混合了棘汁感覺有點副大過主了. 其實我很喜歡吃椰汁糕，當然這裡很難有驚喜，上軟下硬的感覺，這餐還是可以，至少都吃了9成，沒有不開心的感覺🤔

Lunch前無聊看看大家樂app, 沒什麼特別，於是看看大快活app, 有一系列斑蘭飯賣相好像不錯，就打算去試試看.可惜去到全部售罊，那不如試試兩餸飯.先說賣相，這是兩碗飯，感覺很奇怪，絕對不討好，我覺得自己很像很慘，其實一碟飯給兩個餸會不會比較好？至少飯我可選擇少飯，份量看似少其實都很飽肚，但這種飽肚感沒有滿足感，純粹吃了些不太好吃也不算難吃的東西，僅為飽足感覺而已.總結我寧願去買兩餸飯專門店.

雖然我經常食快餐，卻極少寫快餐。這一次都算是個例外。事緣日前在免費報紙中看到「大快活」的廣告，說最新推出了一個名叫「 Mini 黃金芝焗」的下午茶，對它有點印象，這一天外出過後，來到這間「大快活」附近，想起這個新推出的下午茶，便決定試試。其實這個「 Mini 黃金芝焗」下午茶有多個配搭，最簡單的只得「迷你三重芝士焗腸片菠蘿黑椒汁長通粉」配低糖凍綠茶或熱飲或汽水（$29），如果想吃得飽肚些，就可以加配薯餅、迷你玉桂蘋果批或香茅雞中翼等，價錢就會貴一點。我點了「迷你三重芝士焗腸片菠蘿黑椒汁長通粉」配「香茅雞中翼」和「低糖凍綠茶」，價錢無非三十七元而已，都算便宜。「迷你三重芝士焗腸片菠蘿黑椒汁長通粉」頗惹味，黑椒汁相當開胃，長通粉和其他配料又夠熱燙，不過焗腸片的口感就有點奇怪，咬下去好像在吃菇片一樣，感覺不太像在吃腸片。三隻「香茅雞中翼」賣相不太好，幸好相當熱辣，而且皮脆肉暖，味道也過得去。「低糖凍綠茶」味道淡淡的，果然是低糖凍飲，感覺健康。這「 Mini 黃金芝焗」下午茶雖算不上是甚麼令人驚艷的美食，作為快餐店的下午茶，都算有點新意思。

靠優惠券+消費券食左一個月大快活， 真心正!粟米忌廉肉粒飯裡面有煎火腿加D鹹味夠香口，飯揀白米紅米飯都冇得彈，個飯食一半放落雪櫃之後下餐拎翻出黎用微波爐叮都吾會乾，一樣咁好食。 另外跟餐個老火湯合掌瓜豬展湯超級正，次次嗌老火湯都係為左佢，可惜吾系個個星期都有呢個湯，唯有將就下。吉列厚切豬/雞扒又係超正ge一份限時美食，個醬有D濃同埋有少少甜，同塊炸豬/雞扒一齊食真心冇得頂。可惜限時菜單變左白咖哩就冇得食。

大快活有個優點，就是餐牌常轉，有新鮮感才能吸引客人常去幫襯。今天經過見到下午茶有新嘢：烘焙三文治，立即試吓。雞肉煙肉雞蛋三文治，可加＄加雞翼。雞肉不鞋而且有厚度，煙肉無肥膏，應是較瘦的煙脊肉，加煎蛋和沙律醬，好好食。加＄的雞翼和平時大快話食開的一樣，只需加＄5，抵。另外一款是芝士火腿三文治，芝士是軟身的水牛芝士。芝士和火腿，最普通的食材，但就很夾，都好食。炸雞表面炸到黑黑色，但其實不是炸燶，只因有紫菜在表面，所以深色咗。香脆但略乾。兩款三文治都是烘底，不算好脆，而且唔夠熱，但整體算是滿意。

兩個人，一個咖哩牛腩，一個鋸扒。咖哩牛腩飯號稱皇牌，但那碗用來撈汁的，甚至比牛腩更重要的白飯也煮不好，腍啤啤沒有口感，撈埋咖哩汁更加難食。牛腩牛筋是ok的，咖哩汁則鹹咗少少，香味和辣度都唔夠（不過我無叫加辣所以唔係佢錯）。鐵板雜扒今次算ok，雖然鐵板永遠燒唔熱，從來都唔會有淋汁落鐵板時的滋滋聲，但吃進口至少還夠熱夠腍夠味，不敢要求太多。附上的番茄飯是雞肋，同樣腍啤啤。餐飲咖啡好飲。大快活是少數現在還可以幫襯的連鎖快餐店，愛之深責之切，希望下次有改進。

踏入秋冬季節，🍂特別想食啲飽肚又熱辣辣嘅嘢食🥘🥙Lunch時間好想食煲仔飯，剛好見到大快活門口有煲仔飯宣傳🍲，二話不說就入咗去食煲仔飯，五十幾元左右，又唔太貴，煲底又有脆卜卜嘅飯焦，Yummy 😁

今個月收入少咗，唯有慳DD，食平D，大快活就係最好嘅選擇，佢嘅下午茶餐可以當食晏，分量十足十，今次食咗魚蛋丶牛肚丶魚肉春卷米配涷檸茶，同辣肉公仔麵+奶醬多+香腸配凍奶茶食嘅食物唔係超級好食，只係用幾十蚊兩個餐嘅價錢，食到飽飽，真係平丶靚丶正

我好鍾意去大快活食下午茶餐，因為佢可以加幾蚊，任你配搭其他食物，雞翼丶泡麵丶雪菜米粉....好多好多，今日我叫咗熱狗餐，再加$9有個辣肉泡麵，配熱奶茶，熱狗腸肉質唔錯，沙律醬又多，辣肉泡面好多辣肉，湯底都好好味，熱奶茶好香滑，係一個好抵食嘅下午茶餐

今日去大快活食下午茶餐，唔使$30，食到一個又平又抵食嘅下午茶餐，唔好以為咁平就冇好嘢食，佢有一杯飲品、雪菜肉絲米丶炸魚腐2件，同奶醬多，炸魚腐熱辣辣，好好味😋，仲有少少香蒜配料，雪菜肉絲米都算多餸，米粉煮得啱啱好，多士都好脆，有獨立嘅煉奶同花生醬，你鍾意食幾多就自己加幾多，我飲凍檸茶🍋🥤，茶味唔算好突出，咁嘅價錢都算OK啦，食物質素都算唔錯，又飽肚又抵食😍平平地食一餐，就算當食晏都夠飽👍

👉🏻大快活-新推出吉列咖哩系列😻一直都覺得大快活好食過大家樂既我 見佢出新野 同🦁二人叫唔同餐🤔-1. 吉列牛咖哩飯 $472. 鯖魚吉列雞咖哩飯 $47-👍🏻吉列雞好好食 唔un炸到外脆內軟👍🏻鯖魚都幾好食 不過不失 -🤔吉列牛味道唔錯...不過...口感似落咗鬆肉粉 冇咗牛個個口感 牛味相對少😔-👌🏻咖哩汁不過不失 飯量2大飯碗到 大食既朋友們 加杯奶茶先夠飽😂😂😉👀👅