大快活

營業中

休息中

今日早餐有着落啦😂😂原來下載大快活Apps做會員，係生日月份內，可以用$9.9 購買指定早餐或者下午茶餐😆😆本身係會員嘅我，梗係唔好嘥呢個優惠啦！早餐就係指定嘅”精選系列”包括有 蛋+粉麵+厚多士和飲品一杯。蛋可選擇炒、煎或者烚。粉麵有雪菜肉絲/鮮茄腸/火腿同香辣醬肉揀。飲品可選擇咖啡/奶茶/汽水。我就揀咗個雪菜肉絲湯米粉煎雙蛋，厚多士和熱奶茶。食物品質和味道都係正正常常，加上一杯醒神奶茶，$9.9 👍一個飽飽的早上。

大快活新出雙餸飯，諗住試吓，點知勁難食！😕我叫咗一個滷水豆腐雞翼飯，另一個係章魚肉餅飯。🍚🦑章魚肉餅飯第一啖食落勁軟林林，唔知自己食緊乜嘢，用匙羹潷開嚟睇，嘩！啲飯好似糊仔咁樣，唔成粒狀，勁糊口。😣🍛另外嗰個滷水飯比較正常，但都唔係好食，其他兩餸飯點好過佢10倍，佢都係做返老本行，專心做好個早餐算啦！😐唔會再去🥢😔徹底地感到失望，平日都好少食㗎啦，諗住佢出啲新嘢，呢個機會試吓佢！點知⋯

今天9月1日掛起八號風球，難得有一天嘅假期。早上見沒有下雨於是落街散步。之後到商場大快活吃早餐😃大快活新推出會員app可供下載，內有優惠券使用💪🎊。有優惠唔好浪費😃2人只叫了一個魚柳+雙腸+咖啡$36😍及使用了優惠卷送火腿通粉一份。👏👏大大的滿足😍🥰好抵食呀👍平均只需$18🎉🎊今次送嘅火腿通粉大大碗好味道👍但咖啡有待改進😓馬鞍山店有一排落地玻璃可以觀望外面的環境。🏔主要望到馬鞍山公園綠油油的樹木十分之舒服及環境寧靜不會很嘈吵。店內之座位充足🪑早上早餐之選💪

今日去左大快活食Tea, 又抵食又美味，值得推薦。 Tea已包括三款唔同食物(燒雞翼、奶醬厚多士及餐蛋公仔麵)，再配上一杯飲品。如果對細食既人，可以當作午餐。 燒雞翼保持一貫水準；奶醬厚多士簡單又美味；餐蛋公仔麵充滿港式風味。 三款美味食物配埋飲品，大概都係$40，就可以吃飽飽。

大快活既脆爆系列又返黎喇！🙌🙌其中我最鍾意就係脆爆巨切吉列雞扒😍😍今日買到既雞扒係最良心，從賣相、份量到口感都幾滿意！打開見到個size都差唔多佔到個盒九成，炸衣夠薄夠脆又唔會甩脫，雞肉仲好厚身！咬落雖然唔系特別juicy果種但都好嫩滑，齋食雞扒都完全唔覺得油（只係覺得有罪惡感🤣），配sauce就更有滋味😋😋脆爆巨切雞扒飯 8.0/9跟餐日式咖喱汁×飯同胡麻菜絲沙律都好食～網上訂餐自取仲有九折真係好抵😚😚

今日同朋友踩完單車見大快活門外可以泊車，就入去食個茶餐。今次比到一個驚喜我哋，叫個a04配綠茶。多士即烘的，仲要剛剛好。雪菜米，份量足及有好香的麻油味。綠茶真系低糖啱晒。經理仲好好人送幾張優惠劵叫我們多啲來見佢幾面，風趣幽默氹到啲客鬼死咁開心，效率又高。做緊其他order，眼尾望一眼我張單。call埋，收飛上餐個流程好似表演咁（快）好欣賞佢嘅工作態度！其他朋友叫嘅熱狗，西多全部都係即做，水準一流！好嘢！👍

大快活鐵板餐大大份，一個人食太飽，兩個人share啱啱好！今晚想据扒，但係見到轉咗新款「煙燻燒香雞+豬扒+珍寶特式腸」配蕃茄腸仔飯，都唔錯喎就試吓啦～半隻燒雞熱辣辣，豬扒夠林，腸仔皮脆一啲都唔韌，腸片飯個茄汁仲有兒時味道添！個人覺得舊款雜扒（有牛扒雞扒豬扒珍寶腸）配粟米汁飯比較吸引因為半隻燒雞換走咗一塊牛扒同一塊雞扒希望好快見返雜扒鐵板餐啦🤞🏼

放假朝早好想攤係屋企食個靚早餐，所以請家人順便買個快餐返黎。點了個 吉列豬扒煎雙蛋 ，我唔鐘意食多士，所以轉咗蘿蔔糕。另外， 忍唔住加咗個蕃茄腸片通！！！ 配埋我最愛嘅奶茶。正食完飽到嘔！大滿足。不過大快活啲早餐真係越嚟越貴，唔抵多食！！

天氣轉就勁，個人又支力，搞到病病到。昏睡半日之後去睇醫生，然後有D餓所以就近近地去食個下午茶先再食藥。平日下午4時多，店內一半滿，所以唔駛搵位就有得食。選了經典的下午茶餐，$27都算相當豐富。大快活是一家最快走飲管的快餐店，我都好欣賞佢地帶頭減廢。不過呢個餐既多士有一盒綀奶，是用膠盒裝的，呢個就有D令人失望。因為冇其他代替，唯有一定要用.。雖然是可以自己決定落幾多，不過呢個做法就真係好浪費。希望店家可以有其他選擇。

吃過豐富早餐 先有動力突然好想吃番茄湯粉所以點了 魚柳配腸仔番茄通粉這個套餐因爲比較平 所以沒有配其他配料 如午餐肉等早餐可以免費將多士轉為蘿蔔糕 是我最愛而且可以配蜂蜜綠茶 都不錯的 （其他店比較少提供）而朋友點了牛扒套餐她說牛扒肉質軟 易入口 而且配黑椒汁更棒雪菜肉絲粉也不錯 份量都算大值得一讚 奶茶超香濃 香滑 喝完超精神呀！早餐時段都比較忙 即使員工充裕 但由買票到取餐太慨用了20多分鐘縱使忙碌 但員工都保持良好服務態度：）

馬鞍山大快活位於馬鞍山廣場三樓，新裝修的大快活採用開放式位置，新鮮感十足。今天點了豉油雞髀配日式豚肉炒烏冬，豉油王雞髀10分入味，雞肉不會太老，味道10分好。可惜烏冬偏淋。

有時一個人搵野食都幾頭痛, 所以都鐘意去呢類連鎖快餐店食, 因為好多都係一個人~又易搵位~ 最緊要係,  又平, 質素 9 成都合格~見今日O甘鬼凍, 諗都唔洗諗就叫左呢個糯米飯, 下午茶時段關係, 唔係好大碗~ 但我就夠架喇~味道都OK~ 唔會太咸太油~ 蛋絲都切得幾幼~ 加左蔥段更加香口~個花生都好脆口~ 我平時夾開唔食~今次都食左幾粒~不過可能呢區唔算太多食店,   人多都不得了~~食完好快走人~

今日趕時間嚟呢一間大快活買外賣，買咗一個下午茶餐，醬汁豚肉炒烏冬，連埋一杯熱檸茶水，盛惠$32。買外賣我都唔期望有滾熱辣嘅溫度，但最估唔到嘅事，個分量細到嚇死人，打開個袋，只係見到一個好細好細嘅膠兜，裝住一個咁樣嘅炒烏冬，食完都唔係好飽。雖然係下午茶餐，但如果份量多少少的話，一定會更加好

以前大快活既形象都幾負面，野食唔好食，但近幾年改革，出左無味精菜色，又有店員捧餐服務，令我對大快活改觀不少，呢間都係我常幫襯既大快活，店員們都好殷勤，尤其是那些送餐或執枱既姐姐，很有禮貌，有時仲會自動比多杯水洗刀叉，所以我每次都會同佢地講聲唔該，希望呢句少少既互動，令佢地工作都開心😃啲說回個西多士雞翼餐，呢個餐既西多士唔會好dry，塊包亦唔會扁扁的，其實質素真係不錯，雞翼也很juicy一個人食個下午茶，觀察下眾生百態，都幾寫意

星期六工人姐姐Day Off, 返到馬鞍山又未有飯腳, 喺MOST town(what a weird name) 行黎行去大部分食肆都排長龍, 肚餓但不想太Heavy太飽肚, 一於去Beans隔離大快活.咖哩雜菜蛋飯估唔到條queue咁長d Staff都好快處理哂orders, 等左一陣就有得食*熱辣辣*出煙的. 咖哩雜菜同飯以一個大碗一個碟分開上, 飯旁邊有椰菜, 荷蘭豆伴碟, 夠哂健康. 滿滿的咖哩雜菜內有: 幾舊大棵切的西蘭花, 巨多紅腰豆🤢, 原個切半薯仔, 好幾粒蕃茄仔, 一隻烚蛋, 數件茄子🍆, 椰菜花🥦. 雖然全是蔬菜無肉, 個望落已感覺足以飽肚.咖哩汁就略慊浠左少少, 味道香而不淡搭救. 西蘭花和椰菜花切得真係巨大件, 每樣食左3件已經有飽意. 茄子🍆不用長氣說已吸收了咖哩汁的味道. 留意到廚房先放食材然後才淋上汁料, 所以完全無覺得係煲到淋哂爛哂. 雖然如此, 之前食佢咖哩牛腩係另一隻咖哩味來的. 會唔會兩款咖哩係唔同的？anyway最緊要好食, 街坊價之餘還有質素👍🏻加HKD11有杯足料紅豆冰, 大快活嘅紅豆冰幾時都咁好飲的👍🏻.