大日子酒家

營業中

休息中

服務一向一般但勝在經濟和地点近，上2星期早茶，点心等了半小時有多，叫待應幫手睇睇，眼見爱理不理，根本沒有跟進，於是再次要求幫手睇睇，竟然大大声鬧人，点心是要時間蒸的便走開，我沒有再直接去柜台投訴和结賬。

入咗嘅時候佢問搭唔搭枱，我哋話可以，但明明好多吉枱，但係都要搭枱。上到去張枱係完全冇執過，仲有上一手啲碗碟留低，等咗差唔多成10分鐘都冇人執,又冇人問有咩茶，要主動申請坐後邊已經執過既枱，同埋服務員嘅態度十分之差，個個都黑口黑面好似得罪佢全家咁，放碗碟係用掉既方法。食物質素不過不失，但係啲碗碟茶壺真係好污糟，見到都唔開胃，可一不可再！

一向我都麻麻地飲茶因為好多酒樓嘅味道同以前就好大分別加上我鍾意嘅麻蓉包，基本上好似絕種咁但係冇意中俾我發現，大埔呢間酒樓有麻蓉包食，我就決定嚟食啦食物 4/5點心 麻蓉包♥️5/5細個嫲嫲爺爺成日帶我去飲茶第一次叫我食呢個包，已經心心愛上到大個咗，好多地方都冇得食即使其他地方有，味道都唔係好正宗但大日子就最接近細個味道首先餡料係金黃色（因為有唔少係用黑芝麻），唔苦，有少少芝麻嘅口感甜度適中。同埋當佢拎過嚟時，見到上面有粒紅點，就感覺到係以前嘅做法，因為好多都冇呢一粒紅點😅沙律明蝦角 4/5好夠脆，入面仲好足料不過好得意，有兩舊係有兩隻蝦，另外兩舊得一隻蝦，不過都好好食🤤煎蝦米腸粉 3.5/5煎得唔錯其餘點心鮮竹卷 3/5味道可以，夠大舊燒賣 4/5大大粒燒賣，唔係連鎖式放隻蝦係上面嘅燒賣😋燒鴨河 4/5下午茶只係19.8，真心抵，燒鴨又好食茶4.5/5我叫咗普洱比出邊嘅酒樓呢度嘅茶底較為出色環境 4/5環境衛生都係正正常常唔可以同連鎖式嘅大酒樓去比較但坐落都係幾舒服嘅唯一唔好就係要行樓梯上嚟，冇𨋢如果年長啲嘅公公婆婆就未必適合服務 3/5服務正正常常，不過食咗一兩次都有遲上嘅問題但追一追

居於美國的舅公回鄉探望親人，途經香港作短暫停留。今晚家人特地安排於大埔的飯堂(大日子) 同舅公食晚飯。6人的晚飯，但都叫咗唔少的小菜。薑葱蠔 - 蠔夠鮮味。薑葱蟹 - 蟹好新鮮，炒得惹味。蒜蓉蒸扇貝 - 如果多啲粉絲會更好，扇貝未算好大隻，不過都係好新鮮。沙巴 - 烹調時間掌握得好，鮮嫩好味。花生苗 - 今次相對較為辣，唔係個個食到。鴛鴦炒飯 - 大家都滿意，清晒乳豬半隻 - 皮脆肉嫩，我食咗3大舊。片皮鴨 - 皮脆之餘，鴨肉的口感亦一流。整體食物及服務都令人滿意。

今日年初四💮同屋企人去完慈山寺就落返大埔飲茶，見到呢間酒樓，就決定飲佢啦！😆新年又係公眾假期 都預左要等位。見到💁🏻短髮知客好忙，又要接電話📞又要安排位置，我見到佢講緊電話，做左個手勢表示6人想攞飛，佢無理我，咁我就都等佢講埋先啦，點知一收線，佢就好大聲好嫌棄咁😠望住我講「你等陣先啦」咁我都理解嘅，紅日係忙啲，等左一陣佢俾咗張飛我，C31 ，我望一望螢光幕C24，即係等7張枱，都唔錯丫！咁我就行出去門外等。等左大約20分鐘，我行入去睇下螢光幕叫到幾多號，一望😳C21 ????? 點解？我行去問下，但短髮知客就似有還無咁講左d野，但又無答到我，總之就叫我等下。後來，又等左大約20分鐘，我見螢光幕叫飛叫到C29。滿心歡喜就到我哋啦！但點知隔離一對夫婦話C27知客拎左佢張飛都無俾枱佢，喺度空等😑 話個知客亂俾位，有人派利是🧧個知客就俾位佢先。忽然之間，呢個時候，知客叫A33飛，就安排左兩個人入去，但此時螢光幕係顯示為A31 ，一位女士就問點解佢A32都未安排位置，就安排俾A33，但明明屏幕顯示又未到A33，而家從未有人叫A32。短髮知客解釋唔到，就發爛渣😡大聲喝個女士話「你唔明，你可能mis

基本上差唔多每日都黎,每次見到短髮知客都黑口黑面,帶位又衰過人,問佢拎飛又唔理人,有時坐低左劃左點心飛俾佢又唔拎又唔彩人咁直行直過,見到自己d熟客就360度轉變,可能過年想豆多封利時掛😂,都唔明點解可以請d咁ga人（隻眼成日都怒氣沖沖,好似全世界得罪佢咁）！其他知客就好好人,專業過佢多多聲！食物方面抵食,味道都ok!其他姐姐都好有禮貌,淨係個知客有待改善！希望酒樓個老闆見到呢編野可以正視下問題,今時今日餐飲業已經難做,如果俾d咁ga員工搞到冇生意就唔好啦😂

今晚家人齊集於大埔大日子食飯做節，人數其實並唔係咁多，不過大家都要返工及各有各忙，要就到大家真係唔容易。大日子絕對係長輩的食堂，如果唔煮飯的日子通常都係幫襯大日子，由於係熟客關係，自然招呼方面就十分周到。今晚叫咗套餐，食物的質素亦確實令全家人都滿意。其中要特別一提的係芝士龍蝦伊麵，龍蝦肉夠新鮮而且份量亦好夠。呢個有機會真係要試下！另外就係個片皮鴨，份量OK而且皮又夠脆，大家掛住食搞到我差啲唔記得影相。其實仲有條魚及西芹帶子魷魚片都無影到。整體大日子的食物質量及服務都令家人十分滿意！

我真係好鍾意飲茶，出發踩單車前，當然要來醫飽個肚。 本來以為假日一定會好多人等位，點知去到唔使等， 我哋兩個人 即刻有位。見到落單紙好豐富，樣樣都想試，特別係一啲懷舊嘅點心。 我哋循例都係叫蝦餃燒賣嗰幾味，口感同味道都唔錯。另外再叫左個籠仔荷香鮮斑飯， 個飯一上枱我地 即刻呆咗，個份量超乎我哋想像。 原本以為係一至二人份量，點知嚟到先知係四人份😮 兩個人硬著頭皮食，最尾都係食唔曬啲飯，有啲浪費……本來仲諗住叫個甜薄撐作結尾，依家都唔係間間茶樓有賣甜薄撐，難得遇到。但係因為食個飯食得太飽，所以無緣一試，唯有寄望下次。總括而言，呢度真係大件夾抵食，下次入嚟大埔玩我會再食多次。😋

一間位於大埔的傳統中式酒樓 門面很細 如果不留意根本不知道 據聞歷史也頗悠久 星期日的早上只等了四張枱就輪到我們 上到樓 見到原來面積也很大 因是舊式建築所以柱位很多 新界地區 不能要求太高 收費也算合理4大1小共點了11款食物 其中最欣賞的是懷舊食物-芋頭燒腩卷 皮軟 內有一件方形芋頭和肥而不膩的燒腩 配上南乳醬 超好味 在其他酒樓是很少有的籠仔荷香鮮班飯 魚新鮮 魚汁滲入蛋炒飯內 帶有少少荷葉香味 很特別呢砂鍋XO醬腸粉 醬料很足 又香又入味麻蓉煎堆仔 以為是黑芝麻蓉 咬開才知道是白芝麻蓉 外脆內香較差的是蝦餃 沒有筍粒 蝦餃皮又黏在一起 四隻蝦餃很難分開金沙涼瓜 賣相不合格 漿粉有點厚煎茄子太大件了 難入口其餘的不過不失在鄉村地方的傳統酒家來說 也是不錯了

今天12:00去足足等了一个小时。，已经是第2次去了，假期人真多，这个味道还可以，价格也挺便宜，每次去吃都还挺开心的，会经常去喽，食物很快就上到来，这服务的人员有点少

身為一個大埔人，聽就聽過呢間酒樓個名，但從來都無幫襯過。疫情下出街食餐飯都要左顧右盼，週末想忙裏偷閑，暫時放鬆一下，咁啱經過大日子，就決定去試下呢間酒樓。疫情關係，只限二人一枱，但眼見都有唔少街坊捧場客。燒鴨米線：米線偏淋，適合上年紀人士。燒鴨得骨左肉少，整體扣分。蝦腸：腸粉較厚，但勝在份量多，蝦都有7-8隻，而且唔細，屬一般水準。煎薄撐同春卷： 香脆可口叉燒包： 蠔皇汁鮮味多少少會更好整體而言，可以一解飲茶之癮，食既係街坊情懷。

今日約左個住大埔嘅朋友食lunch，想坐低慢慢傾，朋友推薦我去「大日子酒家」。佢話呢度係佢嘅飯堂，重同d姨姨好熟添。聽個名已經覺得好特別，一於試下啦！呢間茶樓都好大，重間左一間間廳房。我地入左廳房坐。只見有好多張點心紙，好多野食呀！花多眼亂都唔知揀邊樣食好。其中一張點心紙寫住「午市特別推介」，有飯、粉同米線食。見到有瀨粉食即刻雙眼發光！細個飲茶，燒鵝瀨粉係必點之一。但依家好多時都冇燒鵝揀，全部變曬燒鴨。雖然燒鵝同燒鴨個樣睇落差唔多，但食落嘅味道始終有分別。所以見呢間茶樓有燒鵝就即刻諗都唔諗嗌左！燒鵝份量好多，脂肪同肉嘅比例剛好，皮脆肉滑，食落唔會有臭味，重甜甜地。旁邊重有菜心，菜心爽甜冇渣。瀨粉份量都夠多，填滿成個碗，多到幾乎睇唔到湯底！瀨粉唔會太腍又唔會太硬，軟硬適中有口感。對我呢個有選擇困難症嘅人黎講，揀邊樣點心食係好晒時間嘅事。好在有「點心大拼盆」！「點心大拼盆」有蝦餃、燒賣、鮮蝦菜苗餃、鮮蝦素翅餃、同埋兩款甜品：麻蓉包同埋紅棗糕。每款都有兩件，同朋友一人一嚿啱啱好，唔使爭！鮮蝦菜苗餃入面有蒜蓉，入口好香。鮮蝦素翅餃入面有木耳，好爽脆。素翅滑溜。兩款餃嘅皮都唔厚，餡料足，真係皮薄

因為疫情，我成9個月都冇去過飲茶，今日終於忍唔住，單拖帶埋囡囡，兩條友去飲茶。今次我地去位於大埔運頭街既大日子酒家飲茶，由大埔墟火車站行7-10鐘左右。每款都好想食，眼闊肚窄，選擇困難症又出現啦！蟹籽蒸燒賣每次黎到酒樓都會必食，入口有肉汁，不會乾硬難咬晶瑩鮮蝦餃皮厚薄適中，入面啖啖蝦肉，蝦肉爽口彈牙蠔皇鮮竹卷餡料非常入味，口感爽脆彈牙，特別佢既汁，唔會太鹹太淡薑蔥牛栢葉以家唔係每間酒樓都有，牛栢葉爽口，一d都唔韌，另外蘿蔔都相當入味，但油了小許古法馬拉糕軟綿綿，不會太甜鮮蝦炸雲吞炸得非常香脆，鮮蝦爽口彈牙，必點酸甜醬汁椰汁馬豆糕椰香味濃，不算太甜

蝦餃早晨☕️今日係假期，但我亦早早起身！因為早起的鳥兒🐦，約了蝦餃🥢！每次到大埔我必逛逛舊街市、老餅店等.....找找老香港的味道！🕺然後地膽介紹我到運頭街的🙋🏻‍♀️大日子酒家飲茶！🕵🏼先來個蝦餃、燒賣一探虛實！蝦餃夠大隻💪🏽，皮晶瑩剔透兼脹卜卜，咬一口鮮味Juicy! 💦🐷燒賣係手琢豬肉，質感正&肉汁多，食到老香港的貨真價實！🥠炸物亦相當出色，鮮蝦炸雲吞～皮脆乾爽，完全不油膩，🦐蝦又足料；沾上山渣汁...😋美味！🐔北菰棉花雞～雞滑滑的，重點係棉花🧽大大地吸了雞湯，好食過癮 🦥最後，懷舊之行當然要吃鷄球大飽，吃到蛋黃真讓人快樂，完滿！🐣

今日同朋友去咗大埔嘅「大日子酒家」嘆茶，佢哋係街坊茶樓，好有人情味，味道仲好好添！ 點心大拼盆好吸引， 有蝦餃、燒賣、菜苗餃、素翅餃、麻蓉包同紅棗糕，每樣各兩隻。份量剛剛好，二人可以每樣試少少，價錢有相當抵食！ 我最鍾意食蝦餃同紅棗糕，蝦餃皮薄餡靚， 蝦仁鮮甜爽口。紅棗糕口感煙韌彈牙，唔太甜，啱我口味。 好大份嘅《咖喱蒸土魷》， 懷舊港式小食，香濃咖哩，土魷掛上香濃咖哩，又入味又惹味。外脆內軟嘅《春風得意粉腸》，好好味，春卷炸至脆口，被軟滑腸粉包住，淋上醬油， 無得頂呀. 至於燒鵝瀨粉， 燒鵝肉質肥美，又juicy又好食，味道仲好好添！ 下次可以試吓其他點心或午市特別推介