大會堂美心餐廳

營業中

休息中

昨晚在那兒跟友人食晚餐，order 0左一個鵝肝汁牛柳同一客雞扒大蝦來食…我的鵝肝汁牛柳，order的是七成熟，但食落發現只有外邊煮熟，入面的肉，仲係鮮紅色的…友人的雞扒大蝦，雞扒的確大件，但是有差不多半塊還是生的…比意料中還要失望…服務反而沒預期中的差，算是比較可取吧！湛水、order、來餸都不算慢。環境情調算不錯吧！

買完drama 飛後一條友0黎0左食tea, 叫左件cheesecake 同杯熱朱古力.知道佢係美心快餐形式的東西, 都唔expect d 乜, 但估唔到佢件cheesecake 咁homemade feel, 咁好食!熱朱古力係一般茶餐廳貨色, 唔好飲的, 不過唔算離晒譜.環境非常乾淨, 幾欣賞. 間唔中係會嘈d, 但露天茶座梗係咁0架啦.Service... 手腳好快, 唔係無禮貌0既, 不過奇在對住客人就黑口黑面, 同fellow crew 圍埋傾就嘻嘻哈哈嘈冤巴閉, 唉﹗

今日晏晝約人食飯, 中環午飯一係多人, 一係就貴, 呢度人唔算多, 叫左個海南雞飯, 一人七十蚊, 叫做唔錯啦~ 唔想坐大家樂咁迫人, 呢度約下friend食下lunch 都不失為一個好選擇

講起呢度係有段古.話說美心創辦人伍氏兄弟, 初來香港時在皇后戲院做帶位. 一出左糧想食返餐好o既西餐, 就去左一間西餐廳食飯, 但因為五十年代的人階級觀念頗強, waiter對呢兩個中國人招呼頗差. 此事刺激到伍氏兄弟想開設一間一定唔會歧視中國人的西餐廳, 得到幾個有錢人投資, 就在中環連卡佛大廈舊址處開設了第一間"美心餐廳".大會堂呢個西餐廳幾經改革, 而家o既版本就係"復刻"五十年代的"美心餐廳", 裝修同menu都係以當年為藍本. 講真, 食物質素以$100以下有一個套餐(dinner)來說, 製作、presentation及食味都物超所值.若論不足, 就只有BGM, 播鄧麗君ok, 播陳慧嫻就唔掂喇, 呢度o既感覺都唔80年代.平平地又靜靜地食個豉油西餐的話, 值得一試.

呢間野開左咁耐都冇人講，真係忍唔到口要講下。大會堂呢間同樓下個間都係美心屬下，平日中午時份幾受附近寫字樓的人歡迎。Deli and Wine就平過美心餐廳少少，每日有幾款set lunch俾你揀，但環境係bar的形式，所以我次次都係去美心餐廳，兼具美心餐廳的選擇比較多。美心餐廳可以話係我最喜歡之一，因為價錢唔係好貴，通常唔使一百蚊一位找數，而又食得飽。裝修方面，有少少懷舊氣息，卡位比較座得舒服，音樂通常都係播英文老歌，但有時都會播粵語舊歌。野食方面，我比較鍾意洋蔥湯、田螺、羊扒、焗海鮮飯、焗豬扒飯、海南雞飯、炸石斑等等。食咁多次，冇話一次食物水準會差。通常一個主菜可以加$10轉做餐，即係有湯同飲品，好抵！如果轉特式飲品都係加多$5，都抵！但係服務方面就真係一時時喇。個度男侍應同經理的態度都幾好，不過女侍應就差D，如果繁忙時候，都會有時手忙腳亂，所以如果假日去就會舒服D。

已改為Maxim's Restaurant美心餐廳好一段日子了