大樹先生的家 (皇室堡)

營業中

休息中

最喜愛的親子餐廳，算最多嘢玩嘅親子餐廳～好似而家每一個月都嚟一次！每一次都會帶最鍾意食嘅兒童餐，因為佢哋嘅兒童餐真係好花心思去整！雖然價錢係比較貴啲，但係都值得嘅

今日一家大細來到銅鑼灣試下大樹先生的家,帶小朋友來玩下. 服務不錯,食物質素算高但價錢吳平.吳會成日來食.照燒嫰牛柳粒佐新鮮雜菇: $238--牛肉好食, 米是造米加白米, 湯都算不失不過, 整體好食.煙三文魚忌廉汁意大利粉$188--味燶, 啱我口味.黑松露薯條$68--個醬汁好味凍檸茶$5(套餐價)--正常口味熱焦糖咖啡$25(套餐價)--有驚喜, 好味螃蟹寶寶配照燒雞排$158-份量少, 吳太抵食, 不過FOR小朋友有做型算係咁， 最緊要小朋友食得開心。

諗住去冒險樂園玩佢個迷宮點知去錯咗哩頭嗰個冇迷宮嘅咁啱行行下 再搵搵下部𨋢(兜咗好多個圈先搵到架𨋢上離)都已經2點 但佢下一節3點半先開始 問佢原來要book位咁首唯有去附近醫下肚再上離玩上到離其實都冇full(我見哩度仲可以開小型buffet party?)其實都係上op先知原來哩度都有大樹先生之前都想離玩下好耐 但另一間個地點好似唔多就腳哩次就誤打誤撞離咗玩1個小朋友入場費109，大人每個最少叫食物120+10%話就話3點半開始 但遲咗成大繼約10分鐘先入場哩度個玩嘅場地 其實計返容納人數 面積都唔大但餐枱區就寛闊 坐得尚算舒適玩嘅種類唔多不過個釣魚小水池、木粒沙池、煮飯仔 小朋友摯愛！至於食物方面 一打開餐牌 可以揀嘅餐八成都係健康餐啲紅米喬麥麵咁 興趣係零。。。唔揀健康餐 就係啲扒餐 um。。。啱啱食飽。。。最後都係散叫啲小食 其中嗌咗碟牛粒雜菌個汁調得係唔錯幾好食 啲牛粒又夠冧 又冇話相打粉味又冇話超細兜 百零蚊 係對得上個價錢不過至於杯咖啡就 點解可以冇味到咁 究竟用咗咩咖啡沖?我諗一包x巢垃圾咖啡粉 都絕對好飲過哩杯。。咁最低消費110+240x10%哩個價錢離講可以比小

【 價格比較貴的遊戲室 】🌳又帶兩兄弟去銅鑼灣「大樹先生的家」，假日去真係幾貴，因為兩兄弟的清潔費都要$200幾蚊，加埋Lunch和飲品，每次去都覺得好貴。但小朋友鍾意玩佢哋的遊樂設施，家長又可以輕鬆3小時，都值得既！今次我哋幾個大人叫左3份套餐 :✅健康套餐揀左「脆烤嚴選豬頸肉」，由泰式手法醃製，肉質嫩中帶脆，有彈性而不黏口，仲可以配四色糙米飯，麵豉湯和水果醋，另外加$68會有一杯飲品和朱古力蛋糕。✅南瓜忌廉汁意大利粉配照燒雞扒，南瓜蓉好香濃，令意粉好入味，照燒雞扒好多塊，每塊都好厚但夠林，小朋友食完一塊又一塊。仲升級左做套餐，有蔬菜湯，沙律和一杯飲品。✅頂級白松露野菌忌廉汁意大利飯，忌廉汁好重味，比較咸，這碟份量偏小。✅黑松露薯條，黑松露醬幾好味。

前兩晚同小朋友來，叫咗單點三文魚意粉，我話想追加薯餅，個綠色頭髮嘅侍應話要叫套餐先可以追加，我話「咁我考慮吓先」。然後食物一直無嚟，我哋再問先知道原來無落單，咁我哋叫佢落返單。然後嗰個綠色頭髮嘅侍應俾咗個薯餅我，我問「乜唔係要叫套餐先可以追加咩？」然後佢就鬧我，係真係用鬧嘅語氣，佢問我「點解你嗰時要講考慮吓？你知唔知我哋好難做？我唔覺得你需要講考慮吓囉」我只係講考慮吓都要俾人鬧？！之後我同佢理論，佢態度差不特止，仲叫我上佢哋社交平台投訴佢。大樹先生係親子餐廳，點解會容許一個咁樣嘅職員喺度返工？小朋友見到佢咁樣鬧我，問我發生咩事，我都唔知點解釋比佢聽。我真係好失望，呢度嘅服務質素竟然係咁，真正貼錢買難受！

I always thought the food at these family-friendly kids playhouses can’t be good but turned out to be a pleasant surprise. Not only they are tasty but also well presented.The spaghetti in pumpkin cream sauce was rich and creamy while the chicken was tender and juicy.The roasted salmon filet came with a surprise twist by pairing with wasabi sauce to bring out that extra flavor.However it’s way overpriced and good that there’s a new kids playhouse in the same building which I'll give it a shot.

【 有得玩又可以嘆美食的遊戲室 】💕「大樹先生的家」應該好多小朋友都去過，仲記得疫情前，遊戲室內最吸引的就係一大個波波池，雖然而家無得玩波波池，但場內的遊戲區都有好多野玩呀！🥁兩兄弟忙於玩滑梯，揸車仔，玩路軌火車，小水池釣魚和煮飯仔等，唔經唔覺就玩左3個鐘，好滿足！🍀我哋今次係去大樹先生的家 Mr. Tree 銅鑼灣分店，場內有多個遊戲區，足夠小朋友盡情放電。🍱鍾意去大樹先生係因為佢哋餐廳的食物真係好有水準，雖然價錢唔平，但小朋友有得玩，大人又可以嘆下美食都唔錯，哥哥次次去玩都食得特別多！⭐️推介菜式 : 🔹南瓜忌廉汁意大利粉配照燒雞扒香醇濃厚的日本南瓜蓉，含有豐富維生素，配搭日式照燒雞扒，微甜清爽的滋味讓人着迷。🔹頂級白松露野菌忌廉汁意大利飯口感濃厚的忌廉汁和鮮甜的綜合野菇一同自然融洽，非常好味！

知道呢度有個好啱小朋友玩遊戲嘅室內空間，今日主要係帶小朋友嚟放電，大人放鬆下。過千呎嘅遊樂場，有好多唔同主題遊戲區，適合2−6歲。不過因為疫情，波波池封閉了。黑松露野菌忌廉汁尖通粉擺盤幾靚有心思😊尖通粉軟硬程度適中，黑松露味唔算突出。南瓜忌廉汁意大利粉配照燒汁雞扒南瓜汁忌廉汁好濃稠，又滑溜，條條意粉都能夠掛汁，照燒汁雞扒好入味，雞肉都嫩，略嫌鹹咗啲。大笑貓貓配煎魚柳套餐，包紅菜頭湯及生果兒童餐以動物形狀擺設，以增加吸引力👍魚柳煎得幾香😋呢度除咗有+1服務費，六歲以下小童入遊戲區玩耍要收清潔費，不能以食品抵銷，大家要留意啊！

It’s our first time to visit here, kids are super happy when seeing the playground. We do not have any expectation on the food as usually the party food is below standard.Surprisingly it’s food is very delicious, beef is soft and pasta is tasty. Very healthy combination and less salty, suitable for kids. Kid’s menu is cutie and nice. The only thing is pricy.

Before going over, I mad the phone call and was told to come anytime before 600pm. So I prepare everting and arrived at 430. But they said we couldn’t go in because we past last order time. Really bad service and wouldn’t go again

最近係銅鑼灣皇室堡於指定商店購物滿HK$300就可以換到價值HK$300既大樹先生的家的coupon。 由於咁岩有嘢買，買完就换coupon上去用膳。間餐廳係以小朋友為主題，裡面除了可以俾家長和小朋友係度用膳，仲有好多遊樂設施供小朋友們一齊玩耍。因最近受疫情影嚮，店內都十分冷清，一枱客都無。我們一入到門口，首先就要留電話姓名和量度體溫。我地成為左個場唯一1枱客，等於包場。兩個人一共叫了２個下午茶套餐：１.   主廚嫩煮雞肉卷配四色糙米飯以健康為賣點， 四色飯以紅蘿卜絲，蛋絲，菠菜和白飯混合。而雞肉卷裡面包住筍和紅蘿蔔，雞肉比較諧，整體味道都係偏淡。但由於此餐廳係以小朋友為賣點， 所以整體味道偏淡是正常。 重視健康的人士也值得一試，隨餐更配了日式麵鼓湯和水果醋。２.   螃蟹寶寶配照燒雞扒飯賣相一流，很萌很可愛的螃蟹寶寶，大人小朋友見到都一定十分喜愛。飯底係蛋絲炒飯，但沒有鍋氣，不油膩，味道比較清淡。而照燒雞扒就十分入味， 照燒汁相對比較甜。 隨餐配了水果和紅菜頭湯。紅菜頭湯十分濃味， 很好飲。係呢度用膳真係要俾D耐性，不知道是否菜式是用慢熟的方式，2個餐由落單開始計都要等大約半個小時才

一直都有留意大樹先生之家這家親子餐廳以為食物出品都有保証(畢竟食物都係為小孩而設吧)點知不似預期，所以不吐不快呀！大樹先生之家，地址在皇室堡15樓，地段容易尋找上到門口環境乾淨，入場前還要量體溫，用酒精消毒雙手撞正星期五以為多人，點知都係得十多個小朋友小朋友招牌菜；螃蟹寶寶配照燒雞扒螃蟹造型吸引蟹身用炒飯；蟹腳用蟹柳；味道OK清淡的但雞扒一定要講一講食落已經唔似雞扒了好乾，D照燒汁入晒落雞肉入面咬落有D似廣式蠟肉咁，而且味道都好奇怪好差好差下午時段1：40就LASTOTHER小朋友可以玩到3：00

契女第一次過生日，好姊妹媽媽想自家人輕鬆開開心心食一餐，佢揀左大樹先生的家，話呢度有個好岩小朋友玩既波波池，有得玩水既區域等。作為第一次黎親子餐廳既我真係感到大開眼界，粉紅色既波波池非常靚，有幸陪契女落場玩左陣，連我呢個大人都覺得好夢幻。店員係衛生方面做得好好，無論係環境既整潔同乾淨度，或者係客人衛生既把關都做得好好(例如入波波池一定要消毒雙手同除鞋等)，值得一讚。店員亦充滿笑容，不時看見他們和小朋友聊聊天。日式芝士味炸丸芝士味濃，香脆可口。照燒嫩牛柳粒佐新鮮雜菌牛柳夠嫩，加埋照燒汁有一種食放題時食既牛肉粒感覺。忌廉蟹肉炸薯餅好好食，熱辣辣既薯餅一咬落去有大量忌廉流出黎。 不過唔太覺到食到蟹味。煙三文魚忌廉汁意大利粉有點乾，如果多d汁就更好，味道可以。黃咖喱忌廉汁配意大利飯配扒海鮮第一次食黃咖喱意大利，雖然咖喱唔濃，但覺得適量既咖喱味配忌廉反而岩岩好，不會搶/蓋左忌廉的味道。頂級白松露野菌忌廉汁意大利飯松露味好香，呢個配搭一般好難唔好食。整體食物不俗，同小朋友去玩係一個不錯的選擇和地方，可惜有分時段變相限時，可以係時間上更自由會開心點。

呢到係小朋友天堂又適合返大人既口味既餐廳🙂今次就試下牛柳先😋慢煮特級牛柳伴鵝肝配黑松露醬$287升級埋套餐+$58有沙律，湯同熱飲😋牛柳表面再煎一煎香，裡面好軟淋而且有肉味，如果生啲會更好食😋😋鵝肝好肥美，一放入口就爆油😆慢煮特級牛柳伴大磨菇配燒肉$258朋友既牛柳更軟淋🤭🤭可能因為生少少，唔錯😋👍🏻本身調味都好足夠，點唔點醬汁都已經好好食，點左黑松露醬香氣提升😆整體食物有質素，又可以帶小朋去玩之餘自己仲可以食餐好，都係一個家庭樂既好地方🙂🙂

小朋友總係有無限的精力 假日必定要帶佢地外出去放放電👦🏻🧒🏻天氣太熱又怕曬 親子餐廳係最好不過嘅選擇親子餐廳地方大😎而且乾淨企理 入場前要先量體溫 確保小朋友同大人都係健康既 餐廳做得好細心啊🥰.Meun食物選擇好多 未睇到最後就已經俾佢既健康套餐吸引住🤭A係主菜 B就揀飯或者麵 如果想升級加埋c仲有健康嘢飲添A分別揀咗 ✨低溫特製手撕雞肉 $198新鮮雞肉低溫浸熟 再放入冰水裏面冰鎮加入少少椒鹽同麻油味道多汁之餘口感鮮嫩😚 食起嚟層次感都多少少.另外朋友選擇主菜係 ✨脆烤嚴選豬頸肉 $198豬頸肉以泰式手法醃製 烤過後肉質嫩中帶脆😳有彈性得來唔會癡口 而且味道甜甜地 好開胃😆B大家分別揀咗 四色糙米飯🍚 小朋友見到都好開胃糙米飯特別健康 有助腸度蠕動😏而且加咗蔬菜🥬蛋絲、蘿蔔絲 營養豐富得嚟 味道唔會太單一另外揀咗蕎麥冷麵 我比較喜歡食蕎麥冷麵😍蕎麥低脂冇負擔 今日冷麵湯底涼浸浸嘅感覺 好啱夏天食 而呢兩款嘅配搭都會配日式麵豉湯同埋水果醋.另外加C $38 加配紫薯鮮奶真心有驚喜 紫薯鮮奶超濃郁紫薯味 並唔係坊間茶飲店嘅死甜 係真正紫薯🍠 .如果就咁入嚟食嘢 當然價錢會比較貴啦但係帶