大樹燒烤 (已結業)

厚福街H8大廈美食林立，今日就嚟試一試大樹燒烤嘅串燒。呢度嘅玩法非常方便，廚房已經將食物燒好，可以放空同朋友傾吓計唔使留意住個火驚燒燶嘢，同事又有一個爐將食物保溫加熱，慢慢食都有熱辣辣嘅食物～首先試咗超好食嘅燒魷魚同埋多春魚，火候啱啱好將海鮮嘅鮮味迫晒出嚟，同時又可以鎖住肉汁，做到外脆內juicy唔會燒到太乾。燒茄子金菇同埋蛙蛙菜都好正，落咗好多蒜茸燒茄子超級香口惹味，食到停唔到口。金菇同埋娃娃菜係以鍋嘅形式，份量又多又有上湯浸住夠晒入味😋燒雞全翼同埋一口牛柳粒更加唔使講，食到欲罷不能！總括而然，餐廳嘅食物種類多，用料上乘，汽水係玻璃樽上好有風味～師傅燒烤功力一流，而且店員服務態度殷勤有禮貌，鍾意食燒物嘅朋友萬物錯過～

今日搵到呢尖沙咀新開嘅燒烤餐廳最近發覺呢啲四川食嘅燒烤餐廳開得越來越多裝修亦都越嚟越靚餐牌嘅設計非常之精美上面有埋圖片都不禁令我對食物預先設有期望叫咗唔同種類嘅串燒一上到菜嘅時候，發現圖片同實物基本上都一模一樣非常滿意另外有一樣嘢好嘅就係佢會有個爐，可以保持住串燒嘅溫度食得串燒都係一路食一路飲酒咁樣嘅設計，非常之貼心串燒食物嘅質素，亦都相當之唔錯尤其係調味上面，孜然味相當之出眾呢一個羊架係必食羊肉同埋孜然粉嘅配合，簡直就係冇得彈加上油脂嘅比例好夠食完之後仲有好濃烈嘅羊味停留喺口腔入邊薄切牛舌亦都好香口油脂味好重👍🏻食咗一輪串燒，當然要叫返個鴨血食下鴨血入邊仲有一啲粉絲辣椒加埋蒜蓉嘅味道相當之夾配合埋鴨血同粉絲嘅口感，相當值得一試燒茄子亦都大力推上面嘅調味相當之出眾加埋茄子燒到一絲一絲嘅口感鍾意食茄子嘅朋友，一定要叫最完美嘅，就係最後叫咗個紅糖糍粑重點係佢仲要係流心係一個超完美嘅一餐🥰

同朋友幾想食串燒，最近見到尖沙咀H8大廈開咗間大樹燒烤，每次見到都好多人食，我哋就早一個星期book咗，去到真係超多人😂記得要book咗先！唔係walk in會等好耐🥹餐廳有唔同類型嘅串燒，價錢都好平！平均$20就有一串🤩餐廳亦都提供唔同種類嘅酒精飲品，啱晒嚟送串燒食～又可以同一大班人聚吓！我哋主要都係叫左豬頸肉串、雞肉串、燒雞翼、五花腩串👍🏻整體來講肉類調味啱啱好！惹未得來又唔會咸🤩覺得唔夠喉嘅話，枱面仲有孜然粉同辣粉可以自行調味👍🏻好貼心！而我地都叫左燒爆汁牛丸同埋墨魚丸，牛丸真係爆汁🫣😋好好食！推介❤️墨魚丸就彈牙爽口，好食！手撕魷魚乾惹味有咬口，好適合配啤酒😋整體餐廳環境坐得幾舒服，亦都冇限時，仲要收01:00，啱晒同朋友嚟吹水😈串燒性價比都好高👍🏻會再嚟食

相信講起厚福街，大部份人都唔會陌生。而厚福街有一幢成幢都係美食嘅大廈，唔知大家又有冇去過食呢？今次小編嚟到厚福街8號H8 12樓既大樹燒烤，早前聽朋友講過嗰度環境幾啱同朋友、三五知己去飲嘢食串燒，今次一於試試。大樹燒烤環境幾舒服，似一個酒廊嘅感覺，但佢主打就係食串燒，感覺有啲似內地嘅木屋燒烤。小編點左 😋😋新疆羊肉串 $19羊肉味好出，燒烤調味料出色秘製豬頸肉 $18串燒一定要有嘅豬頸肉，好有趙口汁燒雞肉串 $18雞肉串令我諗起木屋燒烤嘅感覺😋燒韭菜$13出色😋😋彈牙墨魚丸 $18燒得好好食👍🏼 推介 墨魚丸絕對唔係急凍市場質素，好彈牙開心花甲粉絲 $68小編覺得呢個係必點，食完真係會好開心，因為真係好好食，花甲好多即燒生蠔 $35 刪號大大隻，蒜蓉、蔥、辣椒放喺生蠔上邊一流即燒大扇貝 $35鍾意食海鮮嘅朋友，不能錯過😋😋大大大茄子$38講起串燒，茄子係一定要掂嘅瓜類調味調得啱啱好，唔會話特別咸燒翠玉瓜 $16翠玉瓜嘅調味料對比其他蔬菜會少啲，如果想清清地值得一叫如果想喺厚福街搵一個地方同朋友飲嘢食串燒，小編高度推薦呢一間大樹燒烤

尖沙咀H8餐廳淋立，所以當有時諗唔到食乜，就會去呢度。今晚發現左呢間新開張專門食川式串燒既餐廳，可以一路飲啤酒，慢慢嘆，一大享受。食串燒點可以無燒茄子，呢間價錢好抵食，原條茄子，佈滿蒜茸辣椒，非常惹味。另一推介係花甲粉絲同蒜蓉娃娃菜，呢兩款都會以熱鍋呈上，辣味十足。尤其粉絲朔晒啲辣汁，衝擊味蕾。花甲份量都唔少蜆肉大大隻。另外點了其他串燒，特別點了燒蒜芯同青椒釀蝦滑，款式唔係度度都有得食，蝦滑夠晒彈牙爽口。仲有避風塘燒賣，燒賣炸過脆卜卜但唔會油膩。如果齋點串燒唔夠飽嘅話，仲非常推介佢個路邊炒米粉呢個份量意外地多，又唔會過油，味道極佳，大大份好抵食。最後點都要試吓紅糖冰粉嚟解一解辣，消暑又解渴。

最近，同朋友去了一間在尖沙咀新開的串燒店。味道唔錯，而且價錢尚算便宜。不過，因為餐廳的座位不多，所以，最好還是先book位。否則，如果餐廳已經座滿，就不會接受walk-in啦。每個食客自己想食咩，就在點餐紙圖片附近寫上要多少數量，再交俾服務員就可以。我叫了雪花一口牛串燒，燒羊架💖👍，鹽燒薄切牛舌💖，羊肉串，雞軟骨，大大大茄子🍆👍💖，雞腎，燒白鱔🐟，韓式芝士年糕🍢。茄子，羊架，和白鱔，真的燒得不錯。值得推介。串燒基本上在廚房已燒好了，但每檯都有小爐，溫熱串燒，咁就唔怕同朋友傾得太耐，食物都冷了啦！😊叫左兩樽竹蔗茅根，清清熱氣。可能是即叫即整，所以都等了好一段時間，食物才嚟齊。食物質素不錯。都會考慮再來的。

昨天來了一肚氣！員工完全唔識招呼客人！第一，早到20分鐘，明明有位都唔帶我地入去，問左三次，直至另一台客人都到咗，你地員工即刻帶佢哋入座，我哋就痴痴呆呆一直坐咗喺度等都無人理！第二，落單差唔多30分鐘，淨係俾咗支烏龍茶，隔離兩台明明上單遲過我哋，食物都上了！我地問左兩次員工，無人跟進！做咁多宣傳，又唔夠員工，服務欠奉，嘢食幾好用都冇用！食評都唔知係咪買返嚟？好彩即刻轉去其他餐廳！唔係成晚都冇嘢食！執咗佢算啦！

從5點開始進來等，6點還就給了一瓶飲料🥤，服務人員少還不專業，打個單都要45分鐘，沒有一點服務，誰都不要在這裡吃，吃的一肚子火，垃圾餐廳，不值得等這麼久，告訴大家都不要來吃

看到有淄博烤饼，所以特意从港岛过来打卡。有几点印象深刻的地方：1，给我们上的第一份烧烤是烤鱿鱼须，然而居然是凉的，非常震惊！叫服务员重新拿回去了。2，桌上没有打单，所以几次服务员上菜时拿着烤盘问这些是不是我这桌点的。感觉吃完了准备买单时，我们也不知道实际有没有上齐，叫服务员打来单，自己逐个核对，发现还有两样没有上，后面退掉了一份没有上的。服务有待加强！3，我们觉得好吃的有：烤菠萝很甜，烤茄子蒜香味很浓，烤牛肋条很嫩。淄博烤饼挺像的！虽然我也没吃过正宗的淄博烧烤。其他的就一般了。

今日同朋友黎到尖沙咀厚福街嘅大樹燒烤，一入到去，可能時間仲早，已經見到啲職員喺度串緊啲串燒，而且環境都好寬敞。食物選擇都有好多，除咗有最基本嘅牛、羊、豬肉串，仲有燒海鮮同埋唔同嘅菜品同小食，我認為最出色嘅係燒海鮮，無論燒蠔定燒扇貝都超級正！燒蠔好肥美，隻隻都大大隻好飽滿，識落都非常鮮味，配合埋啲辣椒.蒜，真係非常惹味😋😋扇貝都好新鮮，隻隻都係黐住啲殼，唔會好似d無良餐廳咁回收再用。另外燒茄子都好正，大大條可以一班friend share，仲有好有鑊氣嘅炒米粉😋不過嘢食都濃味，配埋啤酒就一流啦！甜品方面食咗個紅糖糍粑，佢呢個紅糖好得意，係釀喺中間嘅，加上煙煙韌韌嘅麻糬，為成個晚餐畫上完美嘅句號。

前幾日跟幾位港漂同事出黎食飯，佢地推薦呢間位於尖沙嘴H8嘅大樹燒烤，話呢度做法正宗，兼且坐得舒服喎！餐廳位置非常方便，就唔使多講，更加值得一讚嘅係餐廳裝修好時尚，檯與枱之間嘅空間十足，所以真係坐得幾舒服，好適合同朋友一齊嚟聚餐吹水！呢度主打嘅係串燒，但亦都有一啲炒米粉、甜品等等，選擇頗多！俾大家望下menu先～由於當日我哋係四個人黎嘅關係，所以都係坐多幾款最少一齊share。整體來講，呢度嘅串燒調味跳到非常之好，孜然粉落得啱啱好。我最鍾意係豬腩肉串燒，非常juicy可口！除咗串燒之外，呢度值得推介嘅仲有蒜香燒茄子、燒蠔同埋燒扇貝。佢哋三款食物嘅調味都好惹味，而且食材好新鮮。啲生蠔大大隻，好飽滿！扇貝都好新鮮！朋友怕唔夠飽，就order左一碟炒米粉。啲米粉炒得好香，配料嘅台灣腸幾好味！娃娃菜調味同樣出色，但略顯份量唔夠喉！總結：呢度食材新鮮，燒烤食品調味出色，裝修都幾靚，下次朋友聚餐會再黎

想一人食下重慶風味既燒烤,呢間店就幫到我啦!叫左杯鴨屎綠茶,清新解渴,配燒烤菜式一流。我叫左一個粉絲煮蜆,都幾SPICY下,但粉絲就好入味,而且蜆係迷你版,數量都多。串物就叫左燒得都唔錯既波羅,兩串蝦,連埋個SKIN食好正。最驚喜係個燒腐皮,甜甜地又咸咸地,好味道!呢度環境幾衛生,同埋佢地燒完就會比我,仲有個CANDLE幫手保溫,真係唔錯。呢度仲好近TST MTR.好容易搵!好岩35知己一起黎吹水飲野。

呢到係 #尖沙咀 #厚福街 既燒烤串燒店，CP 值好過，嗌到成枱勁多串 連野飲加一 連海鮮都係$200 左右一個人😁😎呢度淨係嘅串燒嘅調味都好惹味，如果唔夠自己可以在無限添加孜然粉+辣椒粉🌶️🍗麻辣無骨雞掌：好特別，軟林林好有骨膠元口感🍖新疆羊肉串🫑青椒釀蝦滑：呢個又係好特別，一口咬落去係外脆內軟既感覺🤗🍗汁燒雞肉串🍗燒雞軟骨🥩簿切鹽燒牛舌：呢個係分開兩碟上，兩個人嚟講都有好多塊，食完又食🤣仲有好多🥦燒翠玉瓜：燒到好林甜，平平無奇嘅翠玉瓜都可以好好味🥬燒娃娃菜：又係有好多調味，勁惹味🥬蒜芯：呢個一定要試，平時好少地方有得嗌，勁香🦪燒生蠔：可以話係超大隻；長過一隻中指，啲蒜蓉好香好好味🍤燒鮮蝦：呢個又係有豐富嘅味道整體嚟講呢間真係性價比高有啤酒有嘢飲，慢慢串其實我好想食佢嗰個串燒粟米，但係賣晒🫠下次再試

今日放工同朋友嚟尖沙咀食飯，聽聞厚福街有間新嘅串燒餐廳就上咗去試🔥 上到去第一感覺好新淨好整潔 店員亦好快招呼我地入座，抵讚👍🏼 Menu上面有好多款好吸引既選擇，搞到我地都差啲揀唔到😋 特別想稱讚下每一款食物都有圖片，令我地更加易揀！餓咗成日，我地叫咗好多款串燒同小食😂我特別鍾意呢間舖頭好細心咁將整好嘅串燒擺喺一個鐵板上面熱住，所以每一串都係熱辣辣👍🏼 食串燒當然唔少得飲啤酒啦🔥呢度全部啤酒買二送一，所以我地嗌咗三杯1664，一個字：爽！❄️特別推介渣男五花肉🐷入口即溶，肥瘦均勻，叫一串太少啦🥲霸王肥腸必點！炸完之後好鬆脆 相當有口感👍🏼👍🏼 另外一口肥牛同埋炸避風塘燒賣都好正，伴酒一流🥰 蒜香豆腐皮好有驚喜，香到朋友好飽都要繼續食🤣 最後上嘅蒜香茄子係完美嘅收尾👍🏼overall店員好好服務，位置方便，同朋友宵夜會再嚟！👍🏼

厚福街新開業嘅大樹燒烤，係一間川式串燒嘅專門店！餐廳絕大部份嘅菜品，都係10零蚊就有交易，燒得香口兼調味得宜，真係好抵玩！手切肥牛串 $18/串渣男五花肉 $18/串燒雞腎串 $26/2串燒雞中翼 $20/串粒粒粟米串 $28/10串甜燒大菠蘿 $16上串燒嘅時候，有個爐幫手heat住，火力溫和，keep到溫度又唔會烘到乾晒，值得一讚！調味方面，都係以辣椒粉同埋孜然粉為主，芝麻增香，香口惹味得嚟又唔會過咸！枱面仲有成大樽辣椒粉同埋孜然粉任落！ 大大大茄子 $38真係大大大！茄子烤得啱啱好，茄子肉保時濕潤juicy，有大量嘅蒜蓉增添風味，very good!大樹雪花一口牛 $46以猛火烤製，外層焦香，一咬即爆出肉汁同埋油脂甘香！薄切照燒牛舌 $38爽口惹味，做出水準！避風塘魷魚 $48香口之中帶一點點辣，係送酒嘅良品！而且大大兜都唔洗50蚊，正！路邊攤炒米粉 $68內含大量魷魚乾同埋蝦乾，增添鮮味同埋口感！米粉份量頗多，夾極都有！青島 $24Zero $12飲品類同樣經濟實惠！