影片
港鐵朗屏站 B1 出口, 步行約11分鐘
繼續閱讀
電話號碼
24789395
24743956
營業時間
今日營業
11:00 - 22:00
星期一至日
11:00 - 22:00
以上資料只供參考, 請與餐廳確認詳情
食評 (27)
一入口，先係嗰啖豆豉雞🐓，香滑又滋味，真心不錯。跟住試咗魚蛋🐟，啱啱嗲嘅Q彈，煙韌得黎唔會太硬，正！五花腩肥美，入口即溶嘅感覺真係令人心癮難耐～下層嘅蘿蔔同冬菇就吸晒啲汁，食落去香甜又入味，令啲平時唔鍾意食菜嘅朋友都讚口不絕。記得嚟嘅時候，街坊們仲推介咗份脆炸門鱔，即叫即炸，外脆內嫩，師傅真係控制得好好。食完之後，仲有少許油雞，比平時食嘅滑得嚟味道更加鮮美，想不到有咁嘅驚喜！總之，這家店啲盆菜真係做到舊式嘅味道👍傳統與創新結合得宜，非常值得推介給尋求街頭美食嘅你哋！
繼續閱讀
又係一年一度食盆菜嘅日子，今年我地選擇左訂購大歡喜出品嘅圍村盆菜。佢地係sell正宗圍村盆菜同埋以傳統古法烹制。食落味道唔算濃味，而且有大量我最愛嘅芋頭蘿蔔豬皮魷魚同魚蛋，以$15xx嘅一個大size圍村盆菜黎講，都值得推介俾大家試下。
繼續閱讀
年年過節家庭聚會會叫盆菜食，之前試過某幾間大集團嘅盆菜，不論味道、材料一般，份量不多。今次經朋友介紹，試下由元朗出品嘅傳統風味盆菜。叫左個中盆來食，話係6-8人份量，但比想像之中多👍🏻料多味道夠入味，尤其炆豬肉較腍😋抵食（中盆-傳统圍村盆菜$880，外賣gogovan送貨$150，星期四落單星期六做到）
繼續閱讀
農曆年前前後後，身邊總有不少大小的宴會要出席。不過，今年，家有 BB 而且又新工上任，不是很必要出席的活動都一一取消了。但，總有一些會令我想參與一下的，而其中的一個，就是隔離村村長邀請我們參加他們的春茗，近近地，有獎抽，有野食，又可以帶埋仔女去玩，所以我很樂於出席。行到去村公所，可以用很是熱鬧來形容。找到我們的一席後，發現到席上沒有石油氣爐仔。顯然，這不是一個盆菜宴，而是一個到會服務的鄉村式酒席。而提供到會服務的，是元朗的《大歡喜筵席專家》。以前，我所居住的西貢一帶，並未興起搞盆菜宴，小時候接觸的鄉村宴會，都是有一大班廚子，連爐，連料即場在郊外製作的宴席。當時，看見師傅在大廣場內自架爐具，自架炭爐燒乳豬，場面是認為的墟冚。這一次，他們移帥至村公所的廚房內製作，而且是夜晚的宴會，加上我又要照顧小朋友，所以，今次就沒有像小時候般，去人家煮食的地方 "八" 了。宴席在一眾口水歌王的歌聲中開始了。而先來的，相信就是即場燒的乳豬。即燒起，保證有點熱力，也保證到皮脆。脆口肉嫩，好食不用否認，只是食到入心 (內則的肉)，發現有點過咸而已。鄉村的宴會，白灼大蝦絕對是一個既簡單又不會失禮的一道美妙食品。中蝦夠好肉，入口爽甜。宴會方雖附上了傳統用來點蝦食的辣豉油，但蝦本物已經夠味道，不點醬油吃更正。發財蠔豉瑤柱甫。可以說是一個新年的好意頭菜。發菜加蠔豉，令到湯底的味道又濃又香，瑤柱的味道帶甜，加上炆到好腍，沒牙的朋友都食到，吃過之後，人人發財好事。炸蟹鉗，是廣東式宴會常見的菜式。是日的炸蟹鉗炸得外脆內軟，入口非常之香口，加少少醋化一化熱氣，再一口咬入，頭層脆，內心彈牙爽口，非常之有水準同份量足。至少，夠多蟹肉而不是麵粉居多。新界人的傳統飲宴，點都會有一份炆豬肉既。無論是客家人、圍頭人，都喜歡吃炆豬肉。味道夠濃郁，我們客家人，最是喜歡造一種味道。本應係翅，雞絲翅， 但我吃不出有翅。感覺上這只是一個雞絲羹。所以話，有沒有翅其實不重要，絕對不會影響味道同基本既賣相。鮑魚花膠，算是我們在場時的最後一道菜。由於村公所廚房的空間是有限的，所以我們等不及最後的魚、雞同甜品了。這個花膠鮑魚，應該扣了一整天的了，不然不會這麼的入味。即場煮的到會宴會，絕對開心過食盆菜。這一餐，令我回想起小時候的圍村飲宴，坐室外，一圍圍咁食，開放式露天廚房，是最正宗的新界風情。
繼續閱讀
公司聖誕食盆菜！好特別嘅party😂同事一早order咗幾盆盆菜，啲姐姐會過嚟幫手，好nice好好笑容。好開心同同事坐埋一齊食盆菜，而且盆菜好豐富！大約包括有：燒鵝、油雞、蝦、厚切腩肉、鮑片、魚蛋、鯪魚肉、冬菇、豬皮、蘿蔔、腐竹、魷魚等等。醬汁調得啱啱好，唔會太鹹。我個人喜歡魚蛋，大大粒好彈牙！不過厚切腩肉真係太大舊肥豬膏啦，太肥唔敢食。其他整體不錯！📍大歡喜家鄉盆菜元朗教育路74-76號地下．．食物分數：7.8/10Encore分數：7/10
繼續閱讀