大滿足火鍋冰室

營業中

休息中

如非朋友帶路, 相信也未必搵到呢間咁抵食嘅火鍋放題。穿過不起眼嘅大陂坊公園, 才可找到這間餐廳小店。二百蚊左右, 盡享兩小時任飲任食火鍋放題, 保証食得飽, 事關所有火鍋食材設自助區自取, 唔擔心漏單情況出現。餐廳均為卡位, 坐得舒服, 新開張無耐, 地方新淨企理。17款火鍋鍋底選擇, 二人任揀一款鍋底, 四人則可任揀兩款鍋底。鍋底款式有誠意, 絕非普通一個湯底, 而是供應烤魚、雞煲、酸菜魚等…我地揀咗---香辣味烤魚, 可自選辣度,原條烤魚香煎後開邊, 放於香辣湯底中, 自選了小辣, 的確惹味又易接受。烤魚魚質偏林, 還配有豆卜、大豆芽菜。每位可享限定頂級牛板腱,牛脂分佈平均, 肉質嫩一點。至於任食嘅肉類就放於自助區, 自助區設於一個角落,放有海鮮、丸類、餃類、蔬菜等食材, 另一邊更有魚皮、響鈴、前茶小食、醬料區同埋雪糕。肉類分別有美國肥牛、手切牛、黑毛豬肉,美國肥牛脂肪較少, 切得有DD厚度, 有咬口感。想不到二百幾蚊呢個價錢, 仲有海鮮任食, 質素仲要唔差!例如: 蝦、蜆、蟶子、魷魚、蠔仔, 蠔仔飽滿鮮味;最討我歡心嘅仲有鵝腸, 口感爽滑。芝士腸一咬爆芝。飲品方面同樣選擇多, 除

又開始進入打邊爐嘅季節啦，今次揀咗食荃灣嘅大滿足火鍋冰室。 任飲任食7點前離座都只係$178！超級抵食！ 餐廳環境大，座位唔會迫好舒服。店員亦非常友善。兩個人可以揀一個湯底。有成17款湯底選擇，全部都好吸引花多眼亂。因為朋友唔食得辣，所以揀咗椰子雞煲。下次想再黎試吓烤魚。椰子雞煲非常清甜，勁有椰子味，都非常推薦！會送一碟頂級牛板腱，花紋好靚，好有牛味其他嘢都喺出面任攞，有黑毛豬肉，都係超級靚，肥瘦適中，肉質柔軟美國肥牛亦都非常不錯最驚喜係呢個價錢竟然有唔少海鮮，而且樣樣都非常大隻新鮮！非常佛心最推薦食蝦，隻隻蝦都勁大隻，超級鮮甜，肉質爽口彈牙，我哋食咗勁多隻波波蜆，聖子，蠔仔都好推薦丸類菇類蔬菜類都有非常多嘅選擇，全部都非常新鮮飲品唔止普通紙包飲品和罐裝飲品，亦有自家的冷泡烏龍茶水果茶等等

秋風起 邊爐癮起，happy friday去咗呢間港式自助火鍋，可以先選鍋底 不得了 勁多選擇，有烤魚 雞煲 酸菜魚 椰子雞 麻辣鍋 蕃茄湯 任君選擇。自助區配料選擇眾多 不遜大型火鍋店呀。推介▶椰子雞煲湯底用了新鮮椰子水 寧舍清甜，水滾放入新鮮清遠雞  有沙漏計時 確保不會overcook 湯底就咁飲可以滋潤安神 養顏美容，雞件新鮮有咬口 吃得出不是冰鮮雞，配上清甜湯底 不用額外調味。店員亦貼心介紹 可加秘製青檸吊味。之後的火鍋湯底，鮮甜兼清熱解毒，紓緩打邊爐嘅燥熱。▶ 基圍蝦 新鮮大隻 啖啖肉，正▶ 海鮮有蟶子 蠔仔 波波蜆 魷魚，蛋白質滿滿另有麻辣雲耳 青瓜前菜任食 啤酒汽水任飲 也有甜品 糖水 飯後果，200蚊自己屋企買料打邊爐都唔止， 淨椰子雞湯底都值回票價！

去左荃灣大滿足火鍋冰室$200就有得仼飲仼食😚CP值極高 雖然價錢平個食物質素一啲都唔會Hea😚特別係火鍋底！勁多選擇，有雞煲，烤魚 ，酸菜魚，椰子雞…我就選咗番茄烤魚火鍋底😚🥘用料好足，除咗魚好大條之外，眼見啲番茄勁多！味道酸甜適中，真係令人食欲大開。💗火鍋配料方面，係用自助形式！好多唔同肉類🍖海鮮🦑丸類同埋菜🥬都幾豐富😚飲品方面，餐廳提供任飲自家製冷泡茶🍵🫖罐裝啤酒🍻同汽水🥤😚😚😚

無可否認我係因為呢個價錢而想去試而食完之後又真係覺得性價比好高唔止個烤魚味道唔錯仲加埋任飲啤酒嘢食真材實料加上乾淨企理食足兩個鐘好值得一去再去😆朋友唔想食辣所以嗌咗個蒜味烤魚一定冇平時食開嗰啲香辣烤魚咁過癮但味道出奇地唔錯條鱸魚幾厚肉幾入味嘢食種類唔算特別多但應該有嘅都有特別係水魷牛栢葉鵝腸仲有海鮮添大蜆同海蝦都係大隻啲肉唔會霉霉爛爛再加埋食一轉牛同菜基本上已經飽一半以上但記得一定真係千萬要留意佢嘅手工韭菜水餃自家製嘅餃子皮薄餡靚好好食🤤餐廳嘅位置唔多最好去之前訂定枱當晚去見到連埋outdoor位都坐爆晒有前菜有雪糕有甜品食完已經諗緊幾時再去佢仲有好多湯底可以揀添平時晏晝係做茶餐廳夜晚先係打邊爐好鍾意呢種咁接地氣又有人情味嘅感覺😆

「大滿足火鍋冰室」是一個結合火鍋與冰室概念的創新餐飲品牌。價錢大眾化低吃夾大件。裝修簡潔光猛乾淨。//十幾款火鍋湯底。有辣有唔辣有健康湯底。天然材料湯底。烤魚湯底。麻辣雞煲湯底。今次選擇：烤魚+火鍋（任飲任食）//烤魚：蕃茄味烤魚烤魚大大條。非常新鮮。新鮮蕃茄帶來的酸甜味道與魚肉的鮮美相互融合，使整道菜品的味道更加立體。蕃茄的酸甜清爽可以中和魚的油膩感，使得這道菜不僅味道鮮美，還非常開胃。//火鍋自助：配料豐富//牛板徤//聖子王//聖子//蠔仔//九肚魚//鯪魚球//蝦//花甲//多款肉類//多款丸類//多款蔬菜//多款水果//多款雪糕//多款汽水啤酒新鮮豐富的食材提供。在這裡能找到滿足自己味蕾的美食。

今日係荃灣見到呢間新開嘅「大滿足」火鍋冰室，就係大鴻輝中心後面嘅大坡坊，見到店面都好正，餐廳環境舒適，座位寬敞，就入去食午餐。我哋叫咗乾炒牛河$58.即叫即炒夠鑊氣，牛肉份量都多，河粉係較粗嘅，唔會太油，絕對好飽肚。（餐飲+$10）紅豆冰，紅豆粒粒飽滿又夠淋，飲得出好香嘅椰奶味道，唔太甜。另一個椒鹽豬扒飯$58.豬扒炸粉好薄，椒鹽勁香口，豆角炒得爽脆，尤其係佢哋嘅蒜粒好香，撈埋飯食真係一流。（餐飲+$3）凍咖啡，咖啡味道香濃，係一杯醒神嘅飲品。小食：西多士（$30）這個係即叫即炸，送上時仍熱辣辣的，真正好食嘅西多士入邊一定會有花生醬，外脆內軟，甜而不膩。

今晚來到都好多荃灣嘅街坊喺呢度我諗呢個原因就係價錢好相宜最後我同朋友都係滿載而歸，食到勁飽！食材嘅選擇都好多嘢飲方面有平時嘅茶類啦冷泡茶仲有汽水支裝罐裝飲品都係任飲！我哋揀咗椰子雞湯底，佢係用走地雞配上椰青水先煲咗飲用之後先再加湯底去打邊爐飲落去清甜，好啱秋天去滋潤一下！不得不讚嘅就係呢度嘅海鮮海鮮嘅大蝦啖啖肉，而且有蜆同埋沙白吐沙嘅程度都算乾淨！不得不提嘅就係佢嘅手包餃子🥟韭菜餃新鮮encore咗兩次，好食！

荃灣大陂坊新開咗間雞煲火鍋任食嘅餐廳，晚市時段唔使$200就可以吃到飽～餐廳新開環境企理舒服，夠晒光猛，感覺都好整潔入座後可以自由選擇烤魚/雞煲，之後再打邊爐，食物飲品選擇多元化，全部都可以係自助區拎雞煲小辣小麻， 份量好多，雞件啖啖肉又夠入味，香料亦爆得好香，單單係雞煲已經好出色！之後可以加椰子雞湯做湯底打邊爐，各式各樣嘅肉類、丸類、海鮮、蔬菜都有好少見呢啲平價雞煲火鍋店有得任食海鮮，蟶子仔、沙白同大蝦都有，質素仲唔差添！連牛肉都有手切鮮牛同肥牛片2款，食幾多攞幾多！個人推介呢度嘅生餃同皇帝菜，皇帝菜出面好少地方有供應，而餃子就係自家製，味道同平時食開嘅好唔同，調味啱啱好，每隻仲好飽滿添～飲品方面，除咗指定啤酒同汽水任飲外，仲有幾款特色茶飲選擇，誠意之選~🍹火龍果香桃茶🍹香橙檸檬茶🍹冷泡烏龍茶最後仲有多款雪糕選擇，好有傳統港式元素，味道同兒時食到嘅一樣！

呢度環境光猛企理，而且仲係任飲任食一個價錢好抵，我地揀左烤魚，條魚既肉質好嫩滑，而且都好大條，蕃茄味濃郁，入面仲有好多配料，我地拎左自助既手切牛肉，牛肉肉質新鮮又有肉味，手切既牛肉肉味特別濃郁，仲有肥牛，梅頭肉片都好唔錯，層次分明一啖一口，最正既係呢度有任食既蠔肉，平時打邊爐真係好少會有青口，蠔俾你自己拎仲要任食真係無得輸呀～飲品都有好多款最特別係仙草紅豆冰都有呢杯小編推介，甜品有多款口味雪糕，冰粉同埋布甸都有自家制。

放工去左大鴻輝後面大陂坊打邊爐, 我地叫藤椒味烤魚, 食完再打邊爐😜魚肉入口嫩滑, 同藤椒嘅麻辣味勁夾, 仲有木耳, 萵筍, 豆卜, 紫洋蔥等配料, 吸收哂藤椒味, 好惹味😋枱面有盅辣菜脯很不錯, 麻辣味好香👍自助區有肉類, 海鮮類, 丸類, 瓜菜類多達3-40款, 仲有飲品區紙包茶, 罐裝汽水, 自家冷泡烏龍茶, 部分啤酒都係任飲, 另外甜甜類有水果, 雪糕, 仲有海帶綠豆沙🤡$178一位, 任飲任食兩個鐘, 真心好抵食, 食到飽飽大滿足😂

今日入荃灣食好西，同朋友去新開嘅大滿足火鍋冰室，環境新正坐得好舒服。我地揀左食放題，有雞煲、烤魚、椰子雞，我地揀左椰子雞，個湯十分清甜，雞肉好嫩滑，我地飲左幾碗椰子湯先加湯開始打邊爐。自助區有好多食選擇，有涼拌青瓜木耳，辣味好正好惹味，生果有芒果同西瓜，我食左好多件芒果，超甜！火鍋配料有各種新鮮菜，丸類，肉類，仲有新鮮海鮮😋最鍾意佢嘅蠔肉好飽滿，仲有自家製餃子，粒粒都好飽滿，我食左好多隻。飲品有自家製茶飲，汽水同啤酒！食到最後緊係要食多杯雪糕先至係大滿足🩷

朋友話今晚想打邊爐，佢帶我去左荃灣大陂坊一間叫「大滿足火鍋冰室」嘅餐廳。任飲任食兩小時。有分3個時段收費：以成人收費計，7點前離座和9點後入座都是$178、7點至9點$198。湯底是免費的。嗌左個滋補清補涼湯底。餐廳有大量卡位，坐得舒適。出面有自助區，可以隨便出去攞野食同野飲。重要有雪糕任食！😍😍😍有涼菜、肉、海鮮、丸、菜、麵、水果等任攞任食，好多款式呀😻！除左有雪糕，重有仙草凍。海鮮有蝦、蜆、細蟶子。菜有金菇、粟米、南瓜、芋頭、淮山、椰菜花、黃芽白、油麥菜等。水果有柚、西瓜🍉、車厘茄等。雪糕有很多口味選擇：朱古力、香芋、雲尼拿、曲奇等。見到都開心😻😋。食到滿肚腸肥，捧著飽腹而去了～真係如其店名一樣「大滿足」！🥳

位於荃灣地舖新開既火鍋冰室有得打邊爐 有烤魚 /雞煲 /酸菜魚 /水煮魚/椰子雞仼飲仼食足120分鐘 點了蒜香烤魚 一整條海爐魚 唔多骨，魚質嫩滑食完魚仲有肉類 蔬菜 有我最愛既海鮮可以仼食 蜆好大粒 還有黑虎蝦🦐飲品有自製涼粉奶茶 /水果茶，啤酒 各種罐裝紙包飲品甜品還有雪糕🍦Cp值好高，仲抵過番內地食 😬😬🌟Cp值:🌟🌟🌟🌟👩🏻 回頭指數:👩🏻👩🏻👩🏻👩🏻📸打卡比分:📸📸 📸📸

大滿足火鍋冰室位於荃灣大陂坊華泰大廈晚上7點前離座 成人$178晚上7點至9點 成人$198晚上9點後入座 $178星期五六日公眾假期加$10湯底可以選擇烤魚，酸菜魚，水煮魚，豬骨煲等等我選擇左水煮魚鱸魚魚肉好滑湯底微辣微麻自助區蔬菜有新鮮生菜，窩荀，芋頭，南瓜，粟米，金針菇等等丸類係爆漿芝士腸，魚丸，海膽丸，蟹籽包等等海鮮大大隻蝦夠彈牙爽脆蜆肉大粒飽滿蟶子 鮮味蠔 肥美肉類豬肉 夠晒爽口，半肥瘦安格斯 夠大塊，食肉必食生果清甜芒果前菜木耳，青瓜飲品各款啤酒，汽水，冷泡茶