大澳蓮香酒家

營業中

休息中

04SEP. 由於K君的一個相約一行四人健行的電話, 自然而然地在大澳能初會這間蓮香酒家的晚宴, K君經過5小時上落斜坡的騰折, 來到大澳已經是黃昏時段, 大家身心俱疲, 當然找個可以落腳的食店讓大家飲啖茶, 補充一下幾小時下來消耗的能量, 大概看了幾家, 這間”蓮香酒家”的門面雖然較為60年代,但見內裡座無虛席, 本地的街坊客人倒也不少呢, 所以三間之中選了這一間, 由於客滿我們大概等了約10分鐘才能暫時座下,等多10分鐘就轉到另一張中枱讓我們四個人一張枱, 窄窄長長的鋪一望已經可以看至廚房內廚師在燒菜, 一種家庭式經營的感覺不言而喻了, 事頭婆當然係落手落腳, 這店還有樓上也是招呼客人的, 所以眼見地鋪好像客人不多但其實有部份客人是在樓上呢, 這店主打當然係”海鮮為主”但也有不少家庭小菜, 還有些似乎是這店的招牌菜”炸墨魚餅同水餃”賣相幾特別下但我們沒有叫, 因為在人疲倦時還吃那麼燥熱的食物很容易就會致病,這菜還是留待下回分解吧, 我們柯打的有:薑蔥炒蟹兩隻(約一斤咁話): 蟹是當地肉蟹咁講, 個獻汁稍為濃咗D,足以蓋過肉蟹嘅味, 而太座們則認為蟹件走油時已被沾上粉, 口感不佳,

與朋友在大澳遊逛，要找地方吃午飯。記得這裡的食評不錯，於是來這裡一試。因為想留肚吃其他小食，所以我們三個人只叫了一碟炒飯和一個小菜。蝦羔蝦干炒飯：啡色的炒飯，顏色對辦，也聞到蝦羔的香味，而且不油膩。配料有蝦干及椰菜，味道OK，略嫌份量少。大豆芽菜炒雞柳：大豆芽菜很多，爽口。雞柳OK，但不太入味。配料有唐芹和甘荀絲，味道OK，而且令餸菜的顏色看來比較漂亮。汁料略嫌太多，幸好不會太鹹。埋單$120，以酒家的小菜來說，價錢合理。食物的味道和質素只是一般，而且選擇很少，例如炒飯竟然只有兩款。地方細小，只有六七張枱，不過枱與枱之間尚算鬆動。整體來說是合格的，但不是十分出色。

自己買海鮮加工買左一條油班、蟹同魚黎滾湯條魚最尾好耐先出黎， 我黎食海"鮮"啊大佬，我都估到你換左我條油班，細左同埋一睇d皮根本唔係o個條，我唔出聲唔好以為我唔知先得架，浪費晒我的時間和心機換黎一肚氣，我唔出聲同你嘈唔事你加料，生意唔係咁做丫，人地山長水遠入黎晒成日你浪費摧毀人地一整日既假期，你做好d人地自然會返轉頭幫襯，睇你呢d鋪頭都唔係第一次，吹你唔脹，怪只怪香港唔似響美加咁可以退返d野同有門路投訴，食到成肚氣但野都唔平丫加工都成80幾一碟未計我買d海鮮，唯有食埋佢。兩隻好靚既花蟹偷起一隻，真係頂..，連魚湯都換左我既，真係十倍怒火，湯料俾左我但d湯係唔偷起左，我個d係加味精花奶再滾一滾，我唔會食唔出，一定食得出，我唔係第一日食海鮮好多地方都食過，不過唔係熟客使唔使咁做生意呀，做人都唔係咁做啦！晒錢晒左我一日。我好唔開心，我一定要即刻寫個食評同大家分享，我睇完之前既食評先黎呢間 but now I just can't believe wht I've read. I am so pissed off and I think this restaurant is overrate

2010年5月16日 大澳 ( 大澳蓮香酒家 - 1 )大澳有水鄉之稱，河道縱橫，最具特色是沿河道邊緣而建成的高腳棚屋，因此，亦有人冠以(東方威尼斯)之名，在2006年期間大澳曾獲選為香港十大勝景之一。每次到大嶼山行山，大澳也是常臨的集散地，行山之餘又可品嚐到這裡的地道美食。以往...朋友們每每皆喜歡光顧威尼斯酒家，近期發覺水準有變，今次牽頭人攪了一次為食短線遊，因為行得少，又有得食，大座亦有隨行，午餐地點就是今次介紹的大澳蓮香酒家，亦是朋友們試過幾次都幾好的酒家。蓮香酒家圪立於大澳已經有四十多年歷史，但跟中環的蓮香，不知有沒有淵源，就不得而知了。從網上蘋果日報介紹，鄭伊健、黎明及特首也曾是座上客，應該會有一定水準啩？不過...他們遇上的情況也許會跟我們不一樣的呢！今天風和日麗，一行二十多人，先遊過大澳名勝，午間牽頭人先行到蓮香打點一切。大夥兒隨後也到齊，就在蓮香酒家二樓，連開兩席，非常之熱鬧。人齊後，首先上桌的是...個人最喜歡的白灼蝦，其實新鮮蝦，最好是白烚方式來灼蝦，亦無需用上調味料來作修飾，最能夠吃到蝦的原味。這碟蝦，看來蝦的形狀大小不一，當中蝦類有兩種，最多者為軟殼海蝦，其中

第一次去大澳，覺得環境頗有特色，但不會吸引我再去（我是鬼佬才會愛上這樣的異鄉情懷，我還是喜歡先進、風光明媚、清潔的地方），如果沒有蓮香的話。打開菜單，菜式都很吸引，很難取捨， 心理掙扎了好一會後點了三味：墨魚餅餃子 - 招牌菜，墨魚餅是我吃過最好的！差點兒令我流下感動之淚！墨魚多、粉少、有咬頭、炸漿跟墨魚融為一體，吃得滿口香！餃子餡兒有豬肉、蝦和雲耳等，鮮味爽脆，皮炸得鬆脆。還有少許海蜇伴碟，組合有點奇怪，但好吃。銀魚仔蒸茄子 - 茄子又嫩又香 （懷疑下了豬油），銀魚仔蒸得軟熟，兩者配合得天衣無縫。蝦醬炒飯 - 心想在大澳吃蝦醬總不會錯。果然 - 很香很香很香！三道菜，吃到最後一口都覺得美味！

起大澳食過街邊小食後行咗多個景點, 又坐小艇出海睇中華白海豚, 因為一號風球關係, 海面刮起大浪, 拋到先前食既小食都差D嘔返出來, 回碼頭後先買羅漢果菊花茶及紫背天葵茶, 飲完後再出發搵好嘢食啦行入小路見到有間酒家個名好熟口面, 同中環飲茶嗰間舊茶樓一樣名的, 見門口有明星影過相, 應該唔太差掛, 於是又入去試下; 我哋點了最多人叫既炸雲吞拼墨魚餅、白飯魚煎蛋及蝦醬蒸腩肉炸雲吞炸得幾鬆脆, 墨魚餅唔太彈呀但好香口; 白飯魚煎蛋的白飯魚好大條, 蛋煎得太熟所以越食越鞋口; 蝦醬蒸腩肉最普通, 蝦醬味唔多及唔夠香, 有少少失望

與外國朋友到大澳遊一遊，記得電視節目介紹過墨魚餅+蝦醬蒸豬肉，所以入來試一試~有個姨姨好好人，見我地3個人，介紹左細既墨魚餅+蝦醬蒸豬肉+腐乳炒通菜，兩碗白飯，剛剛好~墨魚餅好鮮味，下面鋪左菠蘿，解油~蒸豬肉調味剛好，唔會太咸，送飯一流~通菜亦好嫩~朋友覺得好地道風味，超愛~

大澳一天遊--落船後第一站黎左呢間蓮香醫肚因為仲有第二,第三站....無數站所以只係叫左6碟--蝦醬炒飯--雖然我食時已凍左, 但都OK炸雲吞拼墨魚餅 X2 (打孖)--雲吞夠脆, 墨魚餅唔錯,仲有海蜇(夠爽) 同埋菠蘿添蝦醬炒油麥菜--OK,但咸左D上湯浸魚肚--除左魚肚外,仲有帶子,魷魚同絲瓜, 清清地 ,唔錯蝦醬蒸鮮魷--蝦醬香濃, 帶起魷魚鮮味, 正!埋單$350.00

大嶼山大澳遊山玩水的一天…..晴去到大澳已經很晏本來係想响果間 “福X林”食午飯點知果間嘢明明有枱, 就偏偏無人執枱…..就是一句 “依家係繁忙時間, 你哋鍾意點就點”…..二話不說, 起身走人!!!我哋終於去咗間以為人流不太多的食店間野又唔係大,但係被安排坐閣樓, 所以好鬆動環境比想像中好, D員工服務態度就一流至極完全唔係為咗要你點菜而服務恩勤不停為我們添茶水及抺枱連話要點菜時, D侍應都話要抺乾淨張枱先!! Good job!!! 點咗:白飯魚煎蛋 - 白飯魚好大條, 好味&唔油招牌炸雲吞拼墨魚餅 - 有墨魚餅(好有墨魚味), 炸雲吞(夠脆), 海蜇 (夠彈牙) &菠蘿------果然係招牌菜!!!蝦醬炒油麥菜 - 有鑊氣，蝦醬味唔太濃但已經好野味鹽焗雞 - 都唔錯, 絕對不下於清遠雞唔知重有兩碟嘜炒飯碟碟都唔弱已經可吃飽我們了!!!!HK$390 for 7 = good la!!!

(第一次留comment)o個日係紀念日,我同男朋友去左大澳遊山玩水上openrice睇過又無乜特別推介,入關帝廟拜完神咪問下呀婆有乜好食唔係..係呀婆係咁問我地食左飯未,要推介我地去食間野又唔係大,但係幾鬆動(因為無乜人)但係d員工d態度就一流喇我地話要影相,佢地就衝出黎話幫我地影,我地諗唔到之後去邊佢地又係咁講話有乜好睇又係咁同隔黎台o個家人吹水我地叫左蝦膏炒通菜同佢地極sell既墨魚餅拼盤即係又唔係話好好食...通菜真係好鹹..唔餸飯有d難入口墨魚餅就普通d..有菠蘿,有海蜇有炸雲吞(唔知點解有pineapple)仲有3兜醬..其中一兜係curry味.唔知點解但係都唔錯因為我地兩個人,無叫好多隔黎台又蝦又蜆都幾唔錯又大隻裡面又有呀donald tsang d合照呀咁最後.比左錢之後....佢地d態度就唔同左喇..唔想睬人咁可能係我地自己心多啦

昨日參加船河一天遊, 跟團(只包船)數十元, 足足坐了前後6小時, 當中經過青衣、馬灣、機場大、小磨洲、匙羹洲、東方明珠、大、小沙洲、大澳、東涌小碼頭... 最緊要的目的就係睇"中華白海豚",都算無失望, 自家一行10多人大小各半, 連隊約300 人, 昨日天氣好好, 有海風, 沒有烈日當空, 34度氣温又是另一番心情, 無想過 "咁爽" 。 留了大澳2個半小時, 家人看過紙介紹, 去了這間酒家, 入去先見到我們特首相片, 一年都有兩次到過 。我們叫了12個餸, 當中有白飯魚煎蛋、涼拌雲耳、冬瓜粒湯(裡面還有絲瓜、節瓜、蝦、冬菇..)、魚肚粟米羹、蝦醬蒸腩仔、蝦醬通菜、蒜茸炒菜心、桂妃雞、炸魚塊、魚香茄子煲 、炸雲吞魚片、粉絲蒸九肚魚 , 數個白飯+汽水, 埋單都係約HKD$1,040 , 全部食晒, 咁熱天時都可以全清, 味道幾好, 人流不太多, 碟碟份量都多 。

　　趁夏天還未來遲，便來一次遠足去，從東涌往大澳，這個遠足計劃一拖再拖，終於由原先的幾個最後剩下兩老。　　週末天陽光燦爛，猛烈的陽光下仍有絲絲清風。東涌往大澳沿途經過不少地方：東涌小碼頭、沙螺灣、撒石灣……全程也需五個多小時，到達大澳已接近黃昏。上次到大澳還有拉繩的小船，現在建了吊橋供人使用，以前的特式沒有了，取而代之的是觀豚、水上遊等等。對白海豚及上水遊我們是很有興趣，於是各人付二十元，上船到海中探索，終於也能一見白海豚的?影，為這次遠足劃上完美的句號。　　上岸時已接近六時多，到大澳街上到處逛逛，順便看看那家食店可一試。走到這家食店前，看見很多海鮮：魚、蜆、蟹……甚是吸引，敲定了。晚飯時間店內食客也不少，坐位不算太多需要搭?。今晚點了三個菜分別是：豉椒炒沙蜆：非常鮮甜，也不?，最好就是沒有沙，不錯，但是自己仍舊喜愛小時吃到的小小沙蜆；蝦醬通菜：蝦醬基本上是每個離島必有的手信之一，在大澳當然也不例外，這個蝦醬通菜，所用的本地蝦醬非常香濃幼滑，跟老闆娘打聽下得知是這裏的「百年老店」鄭祥興出品，決定飯後也買些回家作手信；蒸魚立魚：兩口子很少吃蒸魚，看到鄰桌的蒸魚不錯，經老闆娘介紹下便一試，

差不多到晚飯時間啦,H&K 就在大澳的橫街行來行去, 看看想在那間餐館吃晚飯,最終決定到蓮香吃,因為見此間最多人等位,心想應不會差吧!!點吃了三個小菜1. 招牌炸雲吞拼墨魚餅==>有點失望,味道只是一般,亦沒特別,配菜的菠蘿及海浙都是一般2. 白飯魚煎蛋==>好味喎,份量都幾多,蛋煎得幾香,白飯魚好大條及感覺新鮮3. 上湯浸魚肚==>此為老板娘推介,都無失望,有好多料包括豬肉片,魷魚,魚肚,勝瓜,蝦,帶子等,其中帶子最好味,好有鮮味呢!其實H&K都想吃椒九肚魚,但老板娘話不做啦,因廚師已再做不了,實在太可惜啦,如果下次再入大澳,一定要試呀 !!因此餐館地方很小,故在晚飯其間, H&K 跟一位當地住的叔叔同枱,那位叔叔告知原來當天早上特首到過此處吃飯,還坐在他現坐的位,哈哈! 他還說這裡是大澳最好的餐館,用料比較新鮮,故他每天的兩餐都在這裡吃,那麼H&K總算無選擇錯啦!!總括來說,食物水準幾好,價錢合價,值得一試!!

今日大澳之旅嘅午膳揀左呢間，因為同事食過，所以去啦！大家點左三款菜：煎墨魚餅拼海哲：墨魚餅一般，唔夠彈牙，海哲淡味，冇酸汁蘸。蝦醬炒通菜：味道一般，有鑊氣，蝦醬味唔太濃。沙爹牛肉粉絲煲：牛肉係新鮮，但成煲嘢水汪汪，淡味，冇沙爹味，差！白飯兩碗：ok嘅大嘉士伯：唔夠凍大可樂：夠冰凍埋單$210服務一般，下次可以試第二間！

上星期日去呢間食, 樣樣都好食. 一碟有炸雲吞伴及墨魚餅, 非常好食. 鹽焗雞都唔錯, 雞肉唔”霉”.炸九肚魚就夠晒火喉, 但都幾好食. 粟米魚肚羹就普普通通啦!咸魚雞粒炒飯就無咩特別.蝦醬通菜都唔錯, 菜都幾粗幾大條.環境比想像中好好.如果下次再入大澳一定會再食呢間;)