大發茶餐廳 (已結業)

Went here for some Chinese grub.The squid with salted egg yolk was guilty and delicious.They were crispy laced with fragrant salty egg yolk.The bittermelon is another one of my favourite because of the rich black bean sauce and there are lots of black beans in it.The bittermelon was soft and not too bitter.Finish with the soup which was huge,There was a strong fish and tofu taste that you could taste.

住在灣仔區有樣好，多種餐廳任你選擇，中西日韓，價格由高級至平民化亦有。今天和媽媽試一間平民茶餐廳，因為我被它門囗的小菜相吸引，下午除了午餐、特餐及常餐，他們原來出名打冷和小菜類別。卥水鵝坐下來，立即便點了鹵水鵝。即使午餐時間，他們都會給你一大碟，還要是肶位，㗳㗳肉，還用芽菜箭底，芽菜好入味。小炒王多種材料做這一菜式，有九菜、蝦仁、蝦乾丶菜脯和腰果，整體份量大，野味好送飯。炒飯一般茶餐廳水平，不過不失，夠鑊氣，用料有叉燒，雞肉，蝦仁，主要用來送小炒王和鹵水䳘。總括而言，這裡的最佳選擇是鹵水及小菜，一定不會讓你失望。

幫公司送文件，送完直接就可以收工喇，真好呢！跟同事隨意走入茶記快吃一餐，無特別預期味道，反之有驚喜。黃金鮮魷88好多年無食，一路想食翻，但就唔係間間小炒菜館都有做，見呢度竟會有，唔洗兩頭望，即刻點啦，仲唸咩？咸旦下得足，本來味偏淡既魷魚被化腐朽為神奇，完全包得金黃悅人。最難得是外面香，入面軟，點賣喼汁，也沒有整碟太淋太膩既感覺。韭菜豬紅40量激多，又有幾年無食過，韭菜無渣，豬紅又滑溜，少少紅色其實唔辣，熱辣辣。魚香茄子煲72次次吃小炒例叫，茄子做得入味，肉末加咸魚碎好有獲氣，味道夠濃我鐘意，還是煲仔菜教我不能忘記。食後感：灣仔區既抵食精選，食味佳，價錢平，有卡位坐得仲幾舒服tim，不過坐近門口位就都有d熱嫁。

同屋企人在灣仔行完街後，再到利東街逛了一圈，然後隨便走到大王東街。經過這間大發茶餐廳，店子雖小，但卻有多款小菜、打冷予客人選擇。 🐟方魚蠔仔肉碎粥🍲（$68/大） 招牌的方魚蠔仔肉碎粥大大窩，每人可分到至少3-4飯碗之大。肉碎粒鮮嫩，粥底綿滑，味道很香！蠔仔隻隻新鮮大隻，厚肉鮮甜。 🍗椒鹽腰果香酥骨😜（$78） 另外一款廚師推介的小菜是椒鹽肉排。 香酥骨炸得金黃香脆，肉質嫩滑夠香，腍滑美味，配上的腰果同樣炸得卜卜脆，非常香口，絕對推介。 🍃大發小炒皇🍤（$75） 最後還點予小炒皇，聽店員說是佐酒必備的。以韮菜花、鮮魷魚、蝦仁、蝦干和腰果炒成，味道咸香且夠味，香口又惹味，光吃或配白飯都一流啊！

今日同同事三個人做完嘢都已經差唔多三點鐘，由於太肚餓嘅關係，所以我哋決定近近地，去公司附近，喺大王東街嘅餐廳叫餸食飯（基本上佢係我哋幾個同事成日打躉嘅地方）可能已經過咗午飯時間，餐廳唔算太迫人，因為我哋一般如果係午飯時間黎基本上都要等好耐位，今次我哋選擇左必叫嘅中式牛柳，蠔仔餅同埋粟米斑塊中式牛柳係呢間餐廳我覺得係其中一樣最好食嘅小菜，醬汁酸酸甜甜，牛柳亦都整得好入味，但亦都唔會拿到好淋，有口感，送飯一流另外個蠔餅好大份，而且每一粒蠔都係好大粒，雖然佢煎得好脆，但唔算好多油，不過食一份都已經好飽肚最後我哋再叫咗一個粟米石斑，當然份量亦都係好多，魚塊個外層，浸左係粟米汁之中都仍然保持好脆口，總括嚟講呢間茶餐廳嘅小菜附近來講算是不錯，性價比亦高

有時下午好晏食lunch，勁肚餓但又要再趕工，不如同啲同事一齊快食餐飯先再努力，附近有間茶餐廳又有蠔仔粥又有小菜食，一於試下。茶餐廳就響雀仔街附近。呢度嘅選擇都好多，而且一啲都唔貴。叫餸食飯都只係幾十蚊！就算灣仔返工都唔使下下碟頭飯咁慘嘅！蠔仔粥好鮮甜，蠔仔好肥！飯都煙韌！呢排天氣熱左食蠔仔粥剛剛好！開胃唔洗咁漏喉。唔想食太多肉，叫咗個羅漢齋豆腐，豆腐夠滑對板，冬菇厚，有鑊氣！送飯一流！另外仲叫咗個粟米斑塊，我個人略嫌粟米斑塊嘅粉太厚，魚塊雪得太久無咩味，但粟米汁有咬口而且醒胃！兩個人食到咁豐富每人都係大概＄100！食到飽飽又可以返公司努力繼續衝！

灣仔上班族都知道位於大王東街的「大發粉麵茶餐廳」日間是平平無奇的茶餐廳，但一到黃昏後會搖身一變成為一間潮州打冷店。提供基本早餐、午餐、茶餐等。茶餐廳格局小菜價約$6-70 左右，而潮式食物則較一般打冷店親民。客人以熟客較多，打個招呼就點菜，非常街坊feel。人地一班人打冷，我就一條冷開餐，一條冷吃碟頭飯是常識吧。粟米斑塊飯 $56 一貫碟頭賣相，但當睇真啲就見正點，色澤金黃粟米蓉襯厚肉斑片，魚塊結實有咬口，最重要足丁點雪味都冇，外皮保留微微脆囗，非一般的碟頭飯，好吃。羌西皮蛋豆腐肉片湯 $48中國人的飲食智慧是已烹調的方法養生。而羌茜皮蛋湯則有清氣降火之用。用料足、油份小，味道淸滲出淡淡羌西香，入口順喉，粉量足夠三人用，我一條冷已盡力喝上一半。

今晚同老公去了灣仔大發茶餐廳食晚餐。我地兩人叫了3款食物。韮菜豬紅～～我好耐好食了，我鐘意食豬紅又滑又淋的感覺，韮菜配豬紅是最好的配合。我唔知落左什麼配料去煮，只知道豬紅好入味。香煎蠔仔餅～～好多餐廳都鐘意把蠔餅炸到外面香脆，但我家鄉的做法是用慢火煎熟蠔餅再加雞鴨蛋，而這餐廳做法也是煎的，不會太油膩，我食了好多。酸辣米線～～非常低食，只是25蚊咋，大大碗，有兩粒牛丸，兩粒魚蛋，米線煮到剛爽口彈牙，仲酸菜同牙菜，兩個人食非常滿足，老公同讚酸辣湯夠特別，老板回覆是特制的。

放工之後行下行下到左皇后太道東，有間潮洲打冷既茶餐廳~於是就入左去食晚飯！！鋪頭入面手寫餸菜單，好多各式各樣既選擇~反而手寫菜單更有一種懷舊既感覺，更比大集團精美華麗既印刷來得自然舒服~當然要啤一啤佢！！$30幾抵飲~又雪到夠哂冰凍~星洲粉米！！炒到一d都唔油膩~碟底一d油都無炒得好乾身大廚功價了得味道剛剛好~唔會太辣又夠哂味米粉爽口入味~青椒，火腿，蝦仁夠哂配料！南乳炸雞！！雞係用鮮雞整~~好香口！！南乳味唔太重但係好香好鬆脆最重要又係唔油膩！！正呀~

很久没食打冷了，之前總會到太子食，個間大大間舖但慣例要排大隊和看没價單的餐牌; 這次嘗試這間在灣仔的大發茶餐廳，價錢比較貼地，晚市坐位一樣緊張，一坐低已經急不及待落單，食打冷我最愛是韮菜豬紅，蠔仔粥，大眼雞同花蟹，鵝腸鸭掌，鹵水拼盤同蠔餅等等..不過今晚得两條冷去打冷，只能試其中三幾道菜吧！韮菜豬紅韮菜爽甜，豬紅也非常嫩滑，好入味，應該是製作時已經調製好味道吧，雖然好熱，但也難以抗拒的用九秒九將佢清晒，真是想連汁都飲埋。大眼雞條魚都唔細，配埋自家豆醬汁，剝皮魚多肉少骨，打冷凍食就最啱，啖啖肉，好滿足。蠔仔粥蠔仔夠新鮮，最緊要是冇沙，配搭柴魚同冬菜，香葱芫茜等等，一大湯盅，又甜又香，兩個人竟然可以食晒，又暖又飽了。

天氣太潮濕, 唔想煮飯. 放工後就係附近搵食再返屋企. 行到大王東街見到有間大發茶餐廳.   而且有潮州打冷食. 就入去試吓.裡面都幾多人. 好彩等咗一陣就有位. 我地一家四口有卡位座. 我地成家人都好鐘意蠔仔弼及蠔餅, 所以一定叫的. 蠔仔粥有方魚/冬菜/香芹/大頭菜/當然唔少得主角蠔仔啦. 蠔肉賬卜卜又鮮味. 加上冬菜及方魚. 令到成鍋粥好香甜. 蠔餅, 我喜歡大發的做法. 係用煎的方法, 所以一d都唔熱氣. 而且唔會好厚粉. 蠔肉都係賬卜卜的. 鵝片, 係潮州打冷嘅必食菜色. 鵝肉大大件, 但唔un. 配上滑滑豆腐及牙菜. 味美!生炒排骨. 仔仔至愛. 排骨炸到香脆. 醬汁剛剛好. 唔會太酸. 配菜的菠蘿又好甜. 青椒又爽脆. 仔仔差不多成碟食晒. 最後蒸咗條倉魚. 魚好新鮮. 加上豆豉, 芫茜. d汁用嚟撈飯一流. 

茶餐廳是我經常溜連的地方，夠地道，夠平民化，就算到外地一段時間都會懷念香港嘅茶餐廳。最鍾意聽到什麼茶走，什麼飛沙走奶，這些獨有嘅詞彙只會在茶餐廳或大排檔先可聽到。港式奶茶夠香濃，我比較喜歡加練奶替代沙糖和奶，貪其質感夠滑溜。羅漢齋炒麵火候夠有鑊氣，熱辣辣幾乎燙嘴。材料非常豐富，有嚼口。麵條炒得脆卜卜。 最欣賞是那玻璃芡透薄發亮，不是坊間大多數的一團團。👍早餐，午餐，下午茶餐，應有盡有，其實中午飯約幾位同事一齊來吃小炒亦是不錯的選擇喔。

兩個男人中午時分決定試新野，決定試吓呢間平時好少留意嘅一間茶餐廳，見到大部份食客都係食潮州嘢，但係我哋兩個決定試吓佢啲小菜我哋兩個人叫左兩個小菜，中式牛柳個汁超級正，牛肉好淋，但係又唔會冇咬口，椒鹽鮮魷個炸漿太多，其實唔夠脆口，不過個椒鹽味好味，鮮魷亦都好入味，不錯！另外兩個小菜嘅共通點就係份量都好多，所以我哋最後冇食白飯，淨係叫咗一個米線share，米線個湯底好濃，價錢亦都好平，性價比好高，特別要讚一讚豬腸好爽口，店員服務態度亦都超級Nice，要讚一讚

諗住去灣仔喜帖街懷緬一下，沿途經過大發茶餐廳，最初還以為係普通嘅茶餐廳，但內裏有我最喜歡的潮州菜。潮州菜梗係要食蠔仔粥，大大煱，非常抵食。最好同埋三五知己來享受最好。啲蠔仔粒粒好都好大粒，同埋份量好多架。推介推介

來到周末，今天行程不算緊湊，老公約咗好友聚舊，而我就打算去灣仔理髮，一於各自各精彩，然後再到合和中心會合，齊齊去歎下午茶。沿著皇后大道東往電車路方向走，途經大王東街，見這間街坊茶餐廳，門外貼著的下午茶餐同炒粉麵餐，價錢頗經濟，決定入內一試。推門內進，店子地方不大，兩邊排滿了卡位，而中間就擺咗兩張圓檯，裝潢簡潔，雖然只是一派茶記格局，但感覺乾淨企理。拿起檯面餐牌細看，精選下午茶餐選擇都幾豐富，有三文治餐、西多餐、出前一丁麵餐和一系列特色小食，而炒粉麵餐就有乾炒牛河、粟米肉粒飯、菜遠牛肉飯、菠蘿雞粒炒飯、潮式滷水飯、羅漢齋飯等。另外牆身鏡面亦貼滿了店子的招牌菜，細看，原來除咗小炒外，店裡還有不少潮州滷水和打冷食品等供應。愛鑊氣小炒的老公率先點了客乾炒牛河 ($38) ，而我就揀咗雞中翼沙律。乾炒牛河首先送上，立即挾起粉條看看，色澤不太深也不太淺，而且表面看起來頗乾身。馬上吃一口，河粉熱燙彈牙，火侯十足又夠焦香，充滿大排檔風味。再挾起牛肉一試，香口嫩滑，沒半點過量鬆肉的口感，配上芽菜和洋蔥絲，令人越吃越滋味。至於雞中翼沙律 ($29)，雞翼一客三隻，端上來時見 Size 大小均一，而且炸得色