大發餐廳開心菜館

營業中

休息中

　　一直有聽講隱世奶茶王系洪水橋度，但一直冇機會去一試．今日得閑，叫埋兩個朋友一起去一探究竟．　　去洪水橋都算好方便，系樓下坐輕鐵差唔多3-4個字就到達洪水橋站，下一個地下通道過馬路對面就到大發餐廳門口了（其實洪水橋個站一落車，往對面一望就睇到了，好易揾唧）　　一入門啱啱有張空抬，嬲嬲聲坐落去，肚好餓，問阿姐有咩好介紹，阿姐話食午餐套餐了，冷熱飲都唔駛加錢(甘好？)但要試奶茶當然要熱唧啦．　　每人都叫了個套餐，33蚊一個，又有湯送，羅宋湯同埋忌廉湯選擇，我叫了咖喱牛仔骨，熱奶茶，忌廉湯．湯上的好快，味道很濃，很好喝．一杯湯落肚，已經半飽了，這時飯也上來了，看著飯都不知從何下手．　　咖喱味很濃郁，有點辣，很好味，牛仔骨筋太多，用刀切都切唔斷，只好全部放落口=.=　　熱奶茶好味，我放半匙糖就夠了，（唔鐘意太甜），33蚊有埋甘多野食，都算OK了，而且最主要系D餸好味，奶茶又出名，下次有機會會再幫襯

之前已經想去試隱世金茶王好耐...今日咁o岩有人揸車梗行走一轉啦~~下午4點幾去到唔使等位,d侍應同個老闆都好nice,今次試左以下食品:1)熱奶茶...叫得金茶王當然有番咁上下,醇滑如絲,不過茶味唔夠香濃,整體值85分^^2)豬排包...老闆極力推介,個包夠脆,豬排入味,確係幾好食^^3)炸薯條...純粹過口癮,無咩特別,不過唔係翻炸已經唔錯~~4)西多士...唔記得影相,但水準好高,正^^有機會去開果頭一定再幫襯~~

坐輕鐵入元朗看電影，時間尚早，想起同事極力推薦的洪水橋奶茶王，於是慕名而往。店就在馬路邊，不難找。奶茶幾乎是每桌食客都點著，不執輸的我們也點了一對，一熱一凍，再加一碟星州炒米。熱奶茶茶味濃厚，的確不俗，只是略嫌澀口，不夠滑身。凍奶茶滑身，小弟不嗜甜，故有感稍稍過甜，下回再點杯少甜的，定必大快頤朵。星州炒米鑊氣十足，惹味非常，只是稍油一點，但已屬中上之作了。價錢大眾化，並沒有恃名宰客；我，欣賞。

身為港式奶茶Fans的我，一直都想一試「金茶王」的味道，故與朋友相約今天遠道而來! 雖然位置較偏僻，但絕不影響我們慕名而來的誠意。由於到達時已過了二時半，我們選了下午茶餐。餐飲當然是熱奶茶。盛熱奶茶用的杯是"黑白淡奶"專用茶杯，茶杯較厚，能保溫之餘，亦更有風味! 喝一口，茶味香濃之餘亦不乏奶香，茶及奶的比例恰當 吞下一口，那啖甘香於舌頭後方依然存在! 若不是怕失眠，真想有再來一杯之衝動!! 貼牆位置座位闊，頗舒適! 更特別的是店內外周圍皆貼滿「金茶王」的威水史報導，實在眼界大開! 我覺得尖沙咀的X芳X簡直要跑開一邊! (尖沙咀的X芳X 的奶茶其實連普通茶餐廳的都及不上.....實在是......) 總而言之，山長水遠一試「金茶王」奶茶也是值得的

一路我都好想試吓佢地D奶茶,呢日一早咪去試囉.....我早上9:45去到...一坐低好快就叫左,個义燒湯米粉+個餐肉,蛋,多士+熱奶茶..無記錯$25 就係呢個空檔嘅時間小弟發現,正在廚房工作嘅師父..係兩阿姐同一位老師父...拚唔係奶茶得獎果位...心知不妙..果然,先黎餐肉,蛋,多士....D餐肉只係就咁加熱左比我....一D都唔似係有煎香過...個义燒湯米粉....D湯一早就知係鷄粉+滾水....但是佢就係連一D味都無嘅鷄粉+滾水最後,到個奶茶,嘩!!!勁多奶.....係好香..不過..只係得D奶味...咩都飲唔到.....番到屋企睇吓,其他人D食評啦(因為有個食評有影到D師父)...先發現兩件事...第一,當時無一個師父同相中人相同...第二,就係我睇番D食評,好多人都係幚襯佢D下午茶,我就走食早餐...唉...!!希望個師父只係放假啦...比個機會我去試吓其他人出色嘅手藝..!!

知道這間餐廳的奶茶得過冠軍、一直也很想來試試、但因地點關係、一直到最近才有機會來一試。看完餐牌後、叫了一個下午茶餐、食物包括金菇肉絲炒麵和熱奶茶。金菇肉絲炒麵 - 肉絲新鮮、很有肉味、份量也很足夠；炒麵微微有點過火、好在唔會太、麵炒得好脆；最可惜是個獻太多、如可以分開上、自已喜歡落幾多就幾多、應該會更加吸引。熱奶茶 - 茶味比想象中淡、奶味偏多、好在也飲得出茶味、總括來說、也是出色的、但不是我自已最喜歡的奶茶、如有機會經過附近、也會再來飲的。

這一家被大眾喻為『金茶王』的餐廳~其實老早就屹立在洪水橋這小區~~面對住大馬路和輕鐵站~其實丁點不隱世~~只是不住在這區的人甚少停步留意~~以前在這區生活就會常常在這裡開餐~~除了奶茶不俗~小炒街坊菜也做得不錯而且價格相宜這天與大比往元朗途中~就在這站落車稍作停留~帶他喝杯金茶~~~公眾假期的四點半~也保持在九成入座率~在卡座安座後就點了2個茶餐~~炸雞脾配雜果沙律~以及西多士~~2杯熱奶茶熱奶茶: 環觀四周的人都用Lipton杯而我倆是黑白淡奶杯~~原來是因為呢隻杯影相靚d XD 先呷一口~茶底頗濃厚~雖然奶少卻不澀口~~只下了半匙糖已經調好味~~對於面前一杯質感那麼香滑順喉的奶茶~久違了炸雞脾配雜果沙律 : 份量可不少~~雖然使用罐頭雜果~但也分了三個層次~底層是預拌好沙律醬的雜果~~中層是鮮倒下沒有沙律醬的雜果~面層是烚蛋和番茄片~最後再擠上網狀沙律醬~~而生炸的炸脾本身醃得夠入味~面層炸得香脆不油膩~~油份都被逼了出來~~每一口都會嚐到咸香~西多士 : 西多士賣相金金黃黃~切了其中一角不沾糖漿~雖然蛋香一般~但新鮮炸起的酥脆口感明顯是細心控制過炸的時間~~~再下點原裝太古糖漿~

一坐低與男友點了兩杯凍冷茶+瑞士雞翼。但奇怪點解酷熱天氣下，大部份食客都是點熱奶茶呢。於是問店員可唔可以將其中一杯改做熱冷茶，最後她都肯幫我地改單。果然熱奶茶幼滑如絲，有濃濃的奶香味又不失茶味，一絕!凍奶茶吧...一般啦...瑞士雞翼也很好食!不枉我們山長水遠入洪水橋!

今天二人入屯門探親友，順道試下奶茶王。之前看見前食評者上載照片，看見星洲炒米和瑞士汁牛肉炒河頗吸引，決定來這兒午餐當然奶茶王才是主角，而咖啡是每天在家必喝的，但今天撰擇在這兒喝，看看是否有驚喜。全部食物試齊，星洲炒米和瑞士汁牛肉炒河同其他茶餐廳的味道差不多，不難吃、亦不算好吃，而咖啡也一般而已，而主角熱奶茶王卻真的很有獨特的茶味，而且很香滑品嚐每一口都是享受面對水吧檯，也看到奶茶王師傅本人，(之前擔心一場來到，要是他休息便白來了}這麼遠來嚐一下，沒有失望而回

一埸離到，梗係搵奶茶王喇，第一次，當然試奶茶+午餐，午餐份量十足，今次點涷奶茶，有茶味，有回甘的感覺，亦十分好生意，一批走一批離，好旺埸呀。眼見好多人只來要杯奶茶+小食，好似豬仔包, 三文治最多人叫，不過今次食了午餐已經飽了，未能試試，如果行經附近，當然要一試喇！仲要試熱奶茶，希望更加原汁原味。

二月中旬．晴 不知大家信不信烹調比賽的，個人而言，是絕對不相信的。可以這樣說，在比賽上表現好的，回到餐廳未必一定做得好，相反亦然，始終比賽的變數也真太多。以前時常說笑道，總之見到什麼菜色拿到「食神爭霸戰ｘ獎」的，多數不好吃，避之，則吉。 是日下午來到元朗，探一位地產界的原居民朋友，收收料。下午茶時間，他問我有沒有興趣喝喝「金茶王」。人在洪水橋，當然要一試，就要了火腿三文治烘底及熱奶茶。但見人很多，看來也是區內的人氣店子。 先來的是熱奶茶，貴為「金茶王」，味道是不是特別的好？果然是不錯。餐牌上說原來凍奶茶也是推介之物來的，不過相比之下，是熱奶茶出色得多。烘底三文治的賣相跟食友Yan的相差太遠了，畢竟十多廿元的下午茶餐，也不要苛求了吧。而瑞士汁雞翼一客六件，吃起上來口感也不錯。 看過其他食評，有說這裡的服務很差。但就是日所見，服務態度又很不錯。幾位阿姐都很有禮貌的。埋單剛好50元，可以一試。 想看足本食評及所有的食物相片，請來這裡：http://gourmetkc.blogspot.com/2010/04/blog-post_16.html

媽媽想試左好耐..上星期六一家人專登驅車去"會一會佢"入到餐廳見到好多人都飲緊奶茶,期望立即倍增點了兩杯熱奶茶,腿蛋治同豬扒包奶茶($11):對我黎講可以算係不外如是..冇乜特別..係正常奶茶應有水準(可能係我唔識野)同細佬share既腿蛋治($14): 蛋好厚仲有蛋汁 都幾好味爸媽share既豬扒包($18): 黑椒洋蔥汁好惹味..不過搶晒豬扒鏡想走既時候突然遇上暴雨..好似打大風咁..d遮又漏晒係車..等左3-4個字先走到><老闆都幾nice 叫我地坐下先 仲講笑叫我地食埋晚飯先走haha

一心就諗住試飲冠軍奶茶 唔知係咪希望越大失望越大.講返奶茶 : 凍同熱都太重花奶了, 茶味是濃的, 不過俾花奶攪壞了. 還有凍奶茶有點兒過甜~不過驚喜的係麵包(不論餐包, 沙爹牛肉包而及西多), 都十分鬆軟哈哈

I went there on the recommendation of a friend of mine.Although I am not an expert in 港式奶茶, was curious to see what is the best one like.Honestly I was not expected a big difference, In fact, their Milk tea tasted better and more fragrant than the others. And 西多士 was pretty big but was a good portion for sharing with two. It is a good place to pop in if you are around, and the milk tea is nice! but personally I would still be in favor of the English tea with proper milk!

洪水橋這個地方一向很少踏足, 多數都是乘輕鐵時路經。 直至前排沖奶茶比賽才認識到其大名, 一直想找機會帶甚愛喝奶茶的媽媽來試。 週日放假, 不想躲在家中, 反而想出外走走, 和陽光玩下遊戲。 去黃金海岸之前, 先到大發醫醫肚。 差不多三時才到達, 幸好不用等位。 雖然時候不早, 但仍想吃些飽肚的東西, 故點了星州炒米 ($30)。 碟頭可不少, 兩個人分享也足夠。 未吃已聞到很香的咖喱味, 果然沒令我失望, 最怕一些有色而無味, 一點辛辣感都沒有。 這碟水準不俗, 米粉炒得乾身不油, 條條分明, 上色也很均勻。 配料有叉燒、蛋絲 、蝦、火腿、芽菜等比例相若, 特別是蝦的份量很均真。 基本上吃過炒米後, 已飽了八成, 唯有利用胃部僅餘的空間裝下魚柳薯條 ($33)。 單看價格, 小吃竟然比炒粉麵貴, 真令人摸不著頭腦。 份量同樣很足, 賣相亦較其他茶記講究, 伴碟除了一般的生菜絲和番茄外, 還有兩片菠蘿, 三種顏色配搭起來, 既有新鮮感, 又豐富了視覺享受。 主角魚柳炸得香脆, 粉漿不厚, 炸過後仍保持鮮嫩可口, 魚肉帶微微的咸味, 實在值得一試。 而配角薯條的表現也值得一讚, 入口