大發餐廳開心菜館

營業中

休息中

其實我都飲過一兩次~不過冇comment過~奶茶我覺得幾好飲~不過係唔係好飲~令人回味~~可能我去都幾近~所以冇咩覺得好難得!食物~有好多野食~不過我只係食過一碟干炒牛河~ok好味~奶油豬仔~e個真係幾好味~~脆得岩岩好小食~....幾多點都有...dinner可以食到奶油豬仔!!讚!!環境~就係普通一間既茶餐廳~聽我朋友講個洗手間係十分之乾淨~不過我冇去過~因為一般茶餐廳一向都係.................唔多去得!!哈~~***有一個著老西既叔叔~應該係老闆~十分之好服務~~本身最入係有一張台冇人~因為我唔想坐太入~怕有油煙味~決定搭台~果個uncle叫我地~不如過來e張~即係最入果張~佢話大d又睇到電視.....好少你肯搭台~佢都叫你~~分開坐......之後佢見到有卡位~問我地轉唔轉台~~~~~茶餐廳...你要求轉~佢已經想鬧你~.....佢仲走過來問你轉唔轉~.....讚!最後轉唔成~因為比個C9...搶左~之後果個uncle..係咁say sorry~..讚讚!***

出發去嘉道里郊遊前揸車來此店試下。一去就不用等有位了，跟著出面開始要拿籌。不過，餐廳座位很逼又污糟，唉... 奶茶及凍鴛鴦: 奶茶NO.1? 真的咁好飲? er... 我覺得是可以的，但沒驚喜。莫非奶茶chef's not there? 瑞士汁炒牛河: 大大碟河，個瑞士汁幾開胃的，有很多牛肉大大片，幾好。咖哩雞飯: 很普通。始終它比其他茶餐廳擠迫，附近又沒有好玩的，下次不會來了。

嗯嗯..我知道口講無憑,傾計無相無計傾,但今天的奇遇,真的要寫出來讓大家和我一同見識見識。話說今天下午送走四大長老後,和老公去了元朗那個拿了金牌奶茶王的大發開心餐廳。明知星期日下午一定多人,所以去到都自動波搵位攝。一坐低,潘啤點了一個凍奶茶一個西多,小妹眼尖,哨到阿姐手上的茶餐餐牌有西多士餐,盛惠$22,比散叫平5蚊。問阿姐,阿姐即時反應令人噴飯,她竟然立即將餐牌收到身後,然後話「無茶餐喇」就揚長而去。huh?! 才4:00多呀?! 無茶餐?!那麼坐在餐廳內的人,全都是吃晚餐嗎?!散叫了西多+凍奶茶,我就叫了一個瑞士汁雞翼餐,飲凍奶茶。不久貌似老細的中年阿叔拿來了一碟只得5隻雞翼(其中一隻黏著少許鑊撈),還有一件似麵粉炸出來但又乾又硬的東西放在我面前,更加上一段極之精彩的說話:"益你呀,嗱,我唔夠雞翼,呢舊請你食既,係我地炸魚柳,好野黎架。(再指著雞翼的鑊撈)呢舊仲正,係雞翼入面最好食架""你心魔話好食就好食,""""""當佢"""""唔好食就唔好食架喇"(拿走醬西多來的時候)"無心西多一件,無心食就食咩都唔好食啦"給人吃垃圾,還有這麼多自以為是的廢話,相信全港只有他這一間王牌。搭檯哥

有西鐵接駁，每週總會出入尖沙咀，但卻很少留在新界地掘寶。這家位於洪水橋的「金茶王」，得聞其名已久，可也是最近才的起心肝，一個週六帶同老公同往朝聖!　下車之際，驚覺自己也近十年沒來過洪水橋了，此地鄉土情懷很濃，連餐廳的全名也土土的，叫「大發餐廳開心菜館」，幸而室內也算光潔企理，被安排兩人卡位也算好坐。抵達時約十點半，還有選擇很多的精彩早餐供應，心太心細一輪，與老公分別要了G7+J5。約五分鐘，兩份早餐都上檯了，陣容可是非常豐富，食物水準也很高，逐點介紹如下： 　火腿奄列-金黃的奄列富有濃濃蛋香，妥當的包裹著適量的火腿絲，但就煎得過火，也油了少許；附的多士沒經烘過，則無火花。　回鍋肉米線-經要求轉成了米粉，湯底清而不寡，而且店方用上爽口不會變稔的靚粉來煮，配以惹味的回鍋肉，是幾好吃的，可份量太多真的無法完成!　沙爹牛肉麵-是日老公比我識揀，軟硬適中的福麵吸收了香濃沙爹汁，入味又吸引；牛肉的份量也幾慷慨，肉質又鮮，整碗麵均令人滿意! 　扒芝士三文治-如沙爹牛肉麵值得讚，這個三文治是值得高度推介了：烘至金黃、外層香脆，內層是香滑半融芝士的三文治，賣相已經殺死人，配以風味奶茶味道更是：無！得！彈

一個平日既下午, 唔使等位, 舒舒服服咁食個 Tea 整杯熱奶茶先, 茶同奶夾得岩岩好, 非常幼滑香濃, 朋友的凍奶茶都唔錯 另叫左兩碟炒野,- 干炒日式烏冬, 你睇下碟底幾多油 - 干炒雞絲意粉, 油一樣咁多 盛惠三十三蚊, 果然係開心大發現 晚餐都係三十八蚊之嘛.....

聞名而久~~終於試左一次一杯奶茶原來可以滑到咁~~~~~太厲害唔講其他食物, 只講奶茶~呢杯茶係好無可否認唔鞋口之餘奶味唔會重得濟~有茶味無澀味.每一啖滑落喉個感覺好爽重燃我對奶茶的熱愛相對以前飲既劣質茶如久旱逢甘露~再講服務員~~真係做倒佢地既忠旨 "少一句怨言 多一句祝福"雖然忙得離譜, 顧客亦怨聲四起, 但見待應仍以真心待顧客, 唔係果d 為迎合老闆, 口講"歡迎光臨" "希望下次再來" 個口面就黑晒或皮笑肉不笑 或做到發悔氣果d忙中有錯免不了, 唯有他們的一份專業及人情味使這杯奶茶再添分數

一日之計在於晨，有一個早上來呢度食早餐。所見都唔算多人，都係叫番普通既早餐，凍奶茶。薯餅煎蛋唔知點解，有時會黎左薯餅腸仔。不過薯餅就新鮮炸，算幾有心既。而煎蛋就唔會熟哂，會有小小蛋汁"必"出黎。當然，我會加一蚊食多士，好食過普通餐包多多聲。牛奶麥皮佢就無加煉奶，反而加左花奶。味道算幾滑，有種綿綿既感覺。凍奶茶好好飲，味道好正，茶味好濃。有下次既，不過都係一個月一次到啦。

因一杯奶茶,因特首一次失約.此間大發餐廳.由寥寥無名的店,一變成左當紅的店..由此可見人生係要有7成努力.3成運氣.決一不可....當天是平日.8成滿.我不能飲奶茶...點了熱華田,奶同華田的比例剛剛好....好香.我呢二日先知冲華田都要技巧....熱狗...是港式.烘得都幾香.....裏面沙律醤.蕃茄.少許腸仔的味又幾夾而員工不會因店紅左而無禮....抵讚....係好食...個種程度....末至於專登去食

今日年初四, 下午4:00 同家人(共5人)一齊去大發餐廳品嘗港式奶茶,門口等約十分鐘, 就有位, 全場滿座.叫咗三杯奶茶, 一碟瑞士鶏翼, 一件奶油多及豬扒飽(一杯其他飲品), 奶茶口覺很滑, 茶又不很濃, 口感不錯,價錢$11(一杯), 不算太貴, 之後想飲多一杯,本人推介是奶油多, 很脆身及香口, 是下午餐的美點,瑞士鶏翼及豬扒飽味道一般, 没甚麼特別.有空, 來飲吓下午茶都唔錯.但地方不夠大, 很多人,不能坐很耐. 另餐廳裝修亦是一般.本人意見是有一杯名茶, 能有些雅座及多時間坐吓,更為理想.

專登想去試下D 奶茶去到因為太多人, 要叫外賣都仲要等好耐先到攞到手喇, 真係好期待一飲之下, 真係覺得"就係甘JA?""大家樂仲好飲過佢"

http://hk.myblog.yahoo.com/naodai09/article?mid=49大發 - 奶茶王？前星期看到特首去了洪水橋的大發嘗奶茶王，才記得有這個奶茶王，不是奶茶王已經去了澳門嗎？今天，從元朗乘輕鐵去，大概十分鐘，到了門口，看到幾張慈善捐款的感謝信，不錯。下午4點多，裏面大概有8乘滿，也算很好。下午茶起馬30元，茶餐廳算貴；叫了一個瑞士牛河和奶茶王：奶茶王的奶比較多，茶味不算香，只可以算滑，但不夠熱。（70分）瑞士牛河很賣相已經不好，吃了更失望，沒有瑞士汁味，牛肉也沒有味道，河粉更是有點涼和硬，絕對不合格。（30分）後記，吃完3個小時還感覺胃部頂著，不知道是奶太多，還是河粉太硬。

在前陣子已經是幾乎試勻了多所獲得了黑白淡奶比賽二十天的茶記，只有少數較為偏遠的茶記，還未有空一到，今天到元朗，此店也是我的目標之一，但交通方面就真的挺麻煩，在元朗大馬路的市中心，還要坐十分鐘的輕鐵，所以對此處的奶茶真的好生期待。由於已經吃了不東西，所以二人只分吃一個茶餐，一杯奶茶，一件西多，已經可以試試此茶記的水準，不說不知，原來此處的奶茶也贏得另一奶茶比賽金茶王的冠軍，所以在心裡更生期盼。先談那份西多，當然又是炸的西多士，雖然是炸的，但相信店方都算是有下心機做，因為西多士的顏色呈很靚的金黃色，而且剛炸起熱騰騰的，那片牛油火速被融化，加點糖膠，就急不及待要吃了，一切下去，原來西多士是下了不少的花生醬作餡的，西多士外層香脆，多士的包身仍然可以再鬆軟點，而麵包的蛋香很不夠，很明顯見到麵包有很多的白色，幸好加了大量的糖膠及牛油吃，味道就是甜甜的脆多士，試問又怎會難吃呢？最後的環節也是今天我來此茶記的主因，就是這杯熱奶茶，西多吃光了也要等上五分鐘才有得喝，有點吊高來賣的感覺，奶茶用上了黑白淡奶的杯碟，但就用上了捷榮的瓷杯盛着，真的有點鴛鴦的感覺，說回杯茶，茶溫可算夠熱，先嗅一下，是有點茶香的，

忽然想去拜訪"奶茶王",排隊的時間不算太久.set lunch沒有想吃的東西,分開點了蕃茄蛋飯,當然少不了熱奶茶.其實很普通,,不會澀,不會感覺有渣,但就是普通一杯熱奶茶.坐在收銀旁,我不斷聽到收銀的女士跟每一位客人說抱歉,招呼不周..她跟我說,有時間,閒日再來,可以請師傅親自沖一杯靚奶茶給我...ohh....好吧,那我喝的那一杯是誰沖的..?

上星期睇報紙見特首都冒名而來，就特登同男友到訪。講真，對於我呢d 非元朗人，呢度都真係幾"山卡啦"...唔係有呢間餐廳，我覺得呢區都應該無乜人的。坐低時剛好係2:30，下午茶時段，當然一定要叫奶茶王一試! 入口都唔錯，濃滑茶味都剛好，我好怕d 好奶0既奶茶，佢都算沖得剛剛好。仲叫左個瑞士汁炒牛河，好味! 而且佢又無干炒咁油，值得一試! 男友的茶餐係凍奶茶(要少冰! 唔係會越來越浠)+星洲炒米，好大份(不過我見其他人的仲大份，師傅應該係一炒就炒幾台，我地0個碟比較少...)，而且都好有穫氣! 正! 好後悔入元朗前食左個包，搞到食完呢個茶餐飽到爆.............

慕名而來, 全因為柸好奶茶..一早起身, 搭左二十分鐘車去到洪水橋..因為我覺得上午第一批既一定係最新鮮既..9AM .卡位要搭臺...見吋對面位個亞姐份早餐都幾大..所以冇叫餐..叫左一份蛋治走油, 加熱奶茶..一共$21蛋治個蛋冇咩油,我鐘意..麵包軟熟, 中上...熱奶茶.到..一試第一口..真係滑喎....再飲..都滑...不過如果多D D 茶味會更好..總算試過..但唔會再特別搭車來..個TOILET 算清潔