影片
開飯介紹
座位寬敞的火鍋店，湯底及配料選擇眾多，以金屋藏嬌為招牌湯底，內有雞、花膠冬瓜等，建議先喝湯，才打邊爐。
繼續閱讀
以上資料只供參考, 請與餐廳確認詳情
有關獎賞計劃
裝修走中式復古風，燈光柔和，座位寬落坐得舒服，仲有好多張大檯，一大班朋友聚會或者家庭聚餐都好岩！見有身份證Number discount, 即刻去試下～Hotpot @dahongpaohk❤️椰子雞湯底 即場將兩個椰青同半隻雞加份湯底入面，椰香味濃郁，雞肉嫩滑，湯底好清甜好滋潤，飲完暖胃又滿足～🧡秘製滑牛肉 牛肉新鮮，切片厚薄適中，拌埋生蛋，入口更加滑嫩💛手打四寶丸 全部手打製作，蝦丸特別口感彈牙，鮮味十足，每款都值得一試💚招牌三拼餃 三款餃子各有特色，都係新鮮製作～黑松露肉蟹餃非常香，一咬開已經係濃濃黑松露香味～雙籽鮮蝦雲吞鮮甜多汁，韮菜餃味道濃郁，皮薄餡靚!!💙椒鹽九肚魚 九肚魚炸到金黃酥脆，外脆內嫩，椒鹽調味適中，香口惹味💜咸柑桔檸檬梳打 清新解渴，微甜中帶酸，咸咸甜甜，梳打氣泡感十足，打邊爐飲返杯，清爽又解膩
繼續閱讀
依家天氣凍最適合就係打邊爐，經朋友推介嚟咗尖沙咀呢間火鍋店，地方比較隱蔽，入到店舖系寬闊的，座位亦舒服，環境不錯。一嚟到我哋就揀咗佢呢度個招牌湯底<金屋藏嬌>，上網睇到圖片就非常吸引，吃完真係覺得讚👍🏿同埋啲食材都好新鮮，價錢上都接受到，耐唔耐先吃番轉。💚餐前小食 $40💚四季豆&拍青瓜（小辣）吃落開胃，好味💚金屋藏嬌 $228湯底非常足料，有半隻雞、冬瓜、蟲草花、花膠、竹笙、紅棗、娃娃菜，芫茜等多款材料，好滋潤，建議一定要飲番碗湯先開始火鍋，又濃郁飲落清甜可口雞肉滑好味；冬瓜同埋啲娃娃菜都好清甜，再一陣濃郁雞湯味💚滑牛肉 $118厚切滑牛，易咬又滑少根，不錯💚手打四寶丸 $98（魚肉、牛肉、墨魚、豬肉）4款都覺得幾好味，煙韌同彈牙💚脆鯇魚骨腩 $98新鮮，爽脆好味😋💚潮州牛筋丸（半份）$48彈牙同埋牛味重的💚稻庭烏冬 $48最後吃番個烏冬很完美😁，真係軟滑好味😋💚醬油 x2 $30🌟Encore 指數：7.8/10——————————————————————Total HK$779 (已包10%服務費) 2人
繼續閱讀
八號台風過後，見今天天氣稍為轉冷，所以同友人想打邊爐，今日選了一間位於尖沙咀的火鍋店，地方較為隱蔽，但入到店里寬闊，環境稍可，坐得也舒服，只係燈光較為暗，大家有興趣可以過來感受下特別推介：金屋藏嬌湯底：該店的招牌湯底，幾有驚喜，因為用料好足，有花膠，野生竹笙，冬瓜，半隻雞等等，味道好濃郁，入口是清甜冬瓜味，再一陣濃郁雞湯味，建議先試下湯再開始打邊爐牛拼盤：有唔同部位的牛肉，如果你是喜歡食牛，呢個拼盤一定滿足你，牛肉食材新鮮，但價錢認識略貴
繼續閱讀
已經都唔記得第幾次幫襯了😌原因都係火鍋料選擇算多，質素也不錯，服務都可以，湯底種類亦好多選擇，多款湯底都可以飲完之後先做火鍋湯，我們今次食完火鍋後，服務員竟然話有雪糕送贈，可以自己去選擇，好surprise第一次有雪糕送😍
繼續閱讀
間中會去十月都去過1次。但今次真係好差！兩個人叫就兩款牛加其他嘢，淨牛5xx！兩款都奀到不得了，同店員反應佢只係講咗句，係咩？就調頭走咗去！完全無諗過幫你去解決。到埋單個陣同另一個店員講，佢話你早啲講會換比你，我哋回佢，講咗啦，你位員工無反應！咁嘅價錢咁嘅服務無下次！香港人唔係水魚！仲見到有員工係張正到𢴇緊枱嘅枱面上分緊金屋藏嬌嘅雞同冬瓜，另一個𢴇緊枱嘅員工將殘渣彈咗入呢個湯底到再上去另一枱！
繼續閱讀