大統領

營業中

休息中

街坊在聯和墟覓食，開業幾年，一直未到過大統領，一間以日本風格形式經營的小店，踏入2022年的某個週日，就入內試試看日系設計風格的門面日式小店裝潢牆上的貼圖店子面積不大，桌與桌的空間不多，入內已覺拘束狹窄的二人座位日式餐具，侍應禮貌有效率地奉上熱茶餐牌二人點了: 川麻牛舌丼$68，定食形式，有麵豉湯、中華沙律和水果一件，湯味道正常，中華沙律爽口，水果新鮮牛舌爽脆有汁，不會韌，醬汁的川麻味道未見突出火炙海鮮丼$98，多了一小碟薑有三文魚、帶子、穴子海鰻和馬糞海膽帶子切成薄片，沒有鮮味，穴子約兩至三片，肉質沒想像中的鮮嫩細緻，三文魚軟腍已熟，屬普通質素沒有很重的油脂。馬糞海膽份量很少，淡而無味的味道，壽司飯正常發揮。價錢唔算貴，店舖環境狹窄，食物味道普通，縱然是日式風格，仍是港式味道，服務可以，一次性的惠顧，不會再幫趁

又係自己一個獨食嘅時候😂屋企人一吾係屋企四處搵地方食網燒安格斯牛扒定食 配 湯烏冬 （有固定預菜）定食嘅主食有幾款簡（飯/冷烏冬/湯烏冬）咁我簡咗湯烏冬 湯底尚算可以牛扒燒得剛剛好 肉嫩易入口小菜方便都不錯

由於工作嘅關係 , 我返工係放平日嘅 , 今日既我又好想食日本嘢 , 於是就搵下附近有咩日本菜好食, 搵到聯和墟有間叫大統領嘅日本菜餐廳, 聽到個名咁霸氣不如就去試呢間.. 因為得我一個人食 , 我所選擇嘅都唔能夠太多, 於是就叫左一個魚生井飯, 可能係因為中午食飯時間 , 人流都非常多, 我坐咗落一個角落頭度, 而個井飯亦都好快上盤, 味道方面估唔到咁新鮮, 魚生肉方面都非常肥美, 甜蝦亦都非常有咬口, 個井飯約一百蚊左右, 而質素方面真係唔錯, 下次有機會過嚟再食佢嘅晚餐。

平時我對日式料理嘅標準都好高，大多數嘅日式連鎖餐廳都滿足唔到我食壽司嘅標準，但係呢間大統領冇令到我失望🥳🥳🥳最欣賞佢嘅赤背壽司，我諗佢應該係新鮮開出嚟㗎，因為10分鮮甜，爽口到不得了，忍唔住再嗌多兩件❤️❤️❤️

日本野就經常都識嘅，今日去咗聯和墟一間小有名氣嘅日本餐廳大統領，叫咗個壽司拼烏冬餐，啲壽司好新鮮，款式多樣，而佢嘅烏冬亦都大大碗，我覺得呢間嘅量比一般日本餐廳都要多餐廳環境都坐得舒服，可以試試

大統領魚生丼 $128呢個丼係我每次嚟都會叫嘅野，因為魚生質素好，份量又夠多。店員話呢個丼係呢度嘅best seller我覺得呢個價嚟講係粉嶺算係偏高，但質素好，所以性價比唔錯。呢個丼有三文魚子、松葉蟹肉、三文魚、帶子同海膽。全部魚生都好新鮮，三文魚同帶子好厚肉☺️海膽同帶子味道都好鮮甜。個set仲有一個蜆肉味噌湯，都係好鮮甜。另外仲有中華沙律，西瓜伴菜。之前叫過一次app,但都係堂食最好食，有質素保證。

話說我叫咗個拉麵，佢有得選唔同辣度，我選咗地獄辣，職員話地獄辣太辣（我心諗你menu有就會有人食得起啦）咁我照叫，但我食咗係唔夠辣，我同佢反映，點知職員話係特登咁做，怕我太辣（仲要嬉皮笑臉）其餘我仲叫咗壽司，其實係OK嘅，不過有啲錯囉～最緊要嘅係唔認（冇錯呢次係唔認）呢間野好似係聯和墟都有做西餐，不過佢哋就好好多，次次記得你，至於係邊間我就唔講啦，講錯就唔好啦

今日叫左個$58 午市餐 芝士漢堡趴don 個芝士漢堡趴ok 但係個蛋好奇怪個蛋配係飯入面係凍煞蛋 （可能係溏心蛋fail左）同埋食過其他類似日本野點 唔值呢個價然之後 服務態度很堪憂我食到一半左右 d waiter就趕住黎執野咁同我地講出面好多人等 好我都配合佢哋食快d最後最令人不快嘅係 為左配合佢哋已經出去埋單 找錢都未找曬後面就有個waiter：「埋完單就走la！」依家又唔係專登慢慢阻住你地 已經好配合咁樣加快速度 生意好到趕走d客 都真係祝生意興隆

朋友介紹嘅一間平民日式🎏餐廳，去到門外見到非常多人排隊等待入座或者外賣🥡。驟見餐牌價錢都非常大眾化，吸引左唔少學生。刺身定食 $88 定食包括左四種刺身🐟，另外可以係飯或者冷熱烏冬入面揀一個主食，我就揀咗胡麻冷烏冬。上碟嘅擺設精美，連匙羹🥄都係魚仔樣，但可以明顯見到刺身色澤比較乾身，唔係好夠肥美，入口就不過不失。八爪魚🐙就相對比較失色，因為有啲韌，落唔斷既感覺。烏冬就冇乜特別，麵質係幼身算彈牙，胡麻醬超足料。女仔食完應該會有啲啱啱好嘅感覺，但對於男仔黎講可能份量就唔係好夠，大家自行判斷🤗。

放假出去走走~🙆🏻‍♂️帶左我去佢平時做野都會去吓嘅聯和墟行下同覓食☺️原來又真係幾多小店嫁喎~.📍大統領.🍣壽司定食($78)-精選壽司配上熱湯烏冬🍜仲有前菜、生果同麵豉湯😆抵食喎!壽司一啲都唔吝嗇~有三文魚、墨魚、吞拿魚、鰻魚、赤貝同三件加州卷😋件件都幾新鮮~🍛醬燒野菜燒蠔丼($68)-燒蠔夠大隻又juicy!啲菜同飯都有埋汁~飯用上珍珠米🍚撈埋個燒蠔汁食真係一流啊!!🙆🏻‍♂️秒清~

上星期日天朗氣清，為避開人潮，一大早和朋友由粉嶺站坐的士去了粉嶺流水響，嘆完個靚影，肚仔就餓啦！聽聞粉嶺聯和墟係一處尋美食的寶地，於是我地就出發去。因為太耐冇食過日本野，就且朋友講好想食，所以就搵下聯和墟有冇日本菜。一Search, 發現有間大統領，睇食評仲好似幾唔錯，於是就二話不說，前往出發。到店當日雖然生意繁忙但安排周到在門口等了不到2分鐘便安排入座。一入內，室內環境燈光暈黃，非常柔和，各式各項擺設令自己好似去了日本居酒屋一樣，一個字正！睇著個餐牌，嘩！終於明白咩叫花多眼亂，又想食和風牛肉丼、又想食鹽岩燒青魚定食(下刪一百字)，睇到口水都流。侍應見我地滿面疑惑，推介可以試下大統領魚生丼，起初我對海膽有疑惑，因為唔知鮮唔鮮甜，但都嘗試相信下佢地。而2位隨行朋友，其中一位都點魚生丼，另一位就點左火炙左口邊鰻魚丼。侍應先上前菜，果片哈密瓜好新鮮爽甜，一讚。醬油有子薑同新鮮磨出黎既山葵，唔係一Pat 醬係真心有誠意喎。等多一陣，上埋麵豉湯，其實對麵豉湯無咩期望，最難飲莫過於幾年前係元x食果次，不過當我用筷子一攪裡面的湯渣，發現有隻帶殼既蜆仔響裡面！呢樣細節係好少有平民店特登去做，實在有點心

屋企人試完之後極力推介比我，勾起我對佢既興趣，成日試食榜首，適蓬周六，二話不說約埋友人去食。LUNCH時間1點零到達，剛好可以即時入座，但遲多幾個字就要等位。估唔到小店午餐有好多選擇，另外仲有小食，我同友人都睇到眼花繚亂，樣樣都想試….結果我揀左屋企人推介既浦燒鰻魚丼，而友人就柯打火炙海鮮丼，另外再加個小食。午市套餐除左主食，仲會有前菜同生果，前者係中華沙律，味道正常；後者哈蜜瓜就又甜又爽。浦燒鰻魚丼 $98呢個丼飯好岩男仔食，因為飯量真係好多!! 鰻魚份量唔算少，不過唔熱、令到條魚即使肥都食唔出魚油香、亦食唔出有燒汁味；另外，浦燒汁嚴重不足，白飯係一點鰻魚汁都無，付上既汁又凍到已成啫喱；北海道流心芝士南瓜餅 $12南瓜已經壓成蓉，但都食得出係好棉好粉既南瓜，芝士味濃，不過濃到搶左南瓜味，整體不過不失。火炙海鮮丼 $98內有海膽、三文魚、帶子、穴子海鰻，我同友人一致認同呢個平價穴子海鰻比浦燒鰻魚飯既鰻魚好味十倍，起碼有魚香!! 😏其他刺身味道正常，總之比上面個鰻魚飯好食啦😐，而友人表示係暫時粉嶺食過比較好味既日式丼。店內有唔少人點角切刺身丼，望個樣都幾靚仔，而且價錢比較經濟。店內座位同

外賣叫food panda 順便幫襯黃店兩個人叫左兩個飯一個小食外賣黎到仲係非常熱豬軟骨無之前咁好味不過都可以 咖哩飯比較普通係用珍珠米炸蝦超好味連蝦尾都食埋之後再去門市試下

週末的中午時分來到這家日式小店，位置雖與粉嶺火車站有段距離，但開店不久已全場坐滿，可見很受歡迎！午市定食款式很多，隨餐會附送麵豉湯、中華沙律和西瓜😂十分特別。｜蒲燒鰻魚丼 $98｜原條鰻魚肉質鮮嫩，亦不多骨，旁邊有蛋絲和紫菜作點綴，增添層次；而醬汁則另外用小碟盛著，甜度適中，淋到飯上很惹味。鰻魚及白飯份量都頗多，午餐而言價錢稍貴，但可以一試。｜火灸海鮮丼 $98｜這款比較普通，裡面有醬燒海鰻、三文魚、還有少少海膽，食材頗新鮮，但略嫌帶子較薄身，飯量偏少。還是鰻魚飯較出色！

比較少到粉嶺呢區其實都無預要食啲咩見呢間舖面裝潢都幾日式門口外賣餐牌好抵食又唔洗等位就入去試一試***一入店要先探熱枱與枱之間有膠板隔離枱面有兩枝消毒用品店員仲會提供紙巾暫存口罩防疫措施做得足又夠貼心***店內無論佈置定餐牌都有日本色彩牆上有日式掛畫、海報⋯擺滿日本既酒⋯***野食方面有拉麵、烏冬、壽司、定食等等由於進店之前兩個人已經食左一啲小食嗌既份量都唔算好多 都食到超級飽***$48 和風牛肉丼味道十分唔錯呢個價錢有蜆肉麵豉湯、中華沙律同西瓜的確十分抵食唯一係如果牛肉可以再嫩滑入味少少更好***芥末章魚小丸子3粒外脆內軟 明顯食到有真材實料章魚熱辣辣 配以適量醬料非常好食唔會感覺有太大量麵粉***壽司四客（三文魚腩、赤貝、帶子、火灸左口邊）刺身厚而飯少 岩岩好一啖擺落口*不過火灸略嫌唔夠 上菜時居然無火灸該有既溫度雖然凍冰冰 但魚油香味還是很讚$42 既火灸壽司輸左少少火灸 有點可惜***