大記攦粉糕點專門店

營業中

休息中

大記攦粉喺太子已經有好耐歷史， 佢出名嘅攦粉就好似粗嘅米粉， 咬落比米粉更加煙韌。 攦粉配搭有好多款， 我個人比較鍾意食淨攦粉， 雖然冇特別嘅配料， 但都有少量嘅配菜和肉絲， 比較適合我呢一種唔太食肉嘅朋友可能因為我真係好鍾意食湯麵嘅關係， 呢碗湯攦粉雖然比較清淡， 但係一碗淨粉只不過係20蚊， 又飽肚，又抵食 屋企人叫咗一碗有炸魚腐和炸雲吞嘅攦粉， 魚腐同雲吞都好食其實大記攦粉出名嘅仲有佢嘅糕點， 例如砵仔糕，芝麻糕，桂花糕等等， 食完飯之後我仲外賣咗黃糖砵仔糕同芝麻砵仔糕， 返到屋企食我覺得都係一般般啦， 下次再去都會主要幫襯佢嘅攦粉

大記是一間小店位, 座位不算多. 環境整潔, 職員和老闆都很友善. 今日本為了 蘿蔔糕和芋頭糕來到 大記。細想千年古法製成的攦粉也吸引, 便要了一碗。這店的攦粉是無添加，用純米漿造成。為何店主那麼肯定？因為是自家製的。除粉絲之外，所有河粉、瀨粉、米線都不是我的喜愛。因為每次食完都胃部不適。而這店的攦粉的確很爽、滑、清。縱使吃下整碗粉也沒以往消化不良的感覺。芋頭糕依然那麼多芋頭足料，蘿蔔糕依然好味！ps. 不好意思, 忘記為食物拍照。不過，只看照片又怎能品嘗到足店主和員工的心血呢~

呢間攦粉, 幾年前男朋友帶我來食過一次~攦粉=瀨粉? 平時我地都係寫瀨粉,可能攦粉先係正字?呢度攦粉都係用個木桶仔裝出來, 好得意~攦粉有唔同餸可以揀, 仲可以揀湯底,湯底可以揀清湯/酸辣/麻辣/沙嗲。我叫左鮮炸小欖鯪魚球攦粉($35),要左沙嗲湯。然後佢有D飲品跟餐就半價的~另外佢有自家製樽裝飲品,我叫左一枝香草綠豆沙($10)。鮮炸小欖鯪魚球攦粉($35)+香草綠豆沙($10)香草綠豆沙($10)夠冰凍, 足料~可以當飲品飲~但又有糖水甜品FEEL~飯後飲好滿足而且$10枝, 講明絕冇人造色素,係新鮮食品, 抵飲鮮炸小欖鯪魚球攦粉($35)鯪魚球有4粒~ 配蜆介~鯪魚球係炸的, 拎出來時熱辣辣,但就係唔知點解唔脆的但, 唔一定要脆先好食?唔脆, 感覺冇咁熱氣~同埋要讚, 出面D鯪魚球, 好多時都有細骨, 唔多唔少都會有~但呢度真係一條都冇!鯪魚肉好細滑, 讚!攦粉(沙嗲湯)我記得我之前係食過清湯的~係囉, 清左D..(利申:我一向重口味, 中意食濃味野)今次叫沙嗲湯, 感覺良好~淡淡沙嗲味, 好香~攦粉仲有好多配料,有木耳絲, 紅羅白絲, 弄角絲, 肉絲etc,味道同口感都多層次~

一個微涼的晚上想吃碗熱辣辣既粉。所以來到大記 對上一次來已是多年前了。印象中蝦卷是好味的,今日就叫多2個餸來試試:魚腐 : 即叫即炸 所以上台後最好等一等先食。魚味唔濃 炸得香口而且有口。炸雲吞:又係即叫即炸, 外皮勁脆肉質鮮嫩入面有隻彈牙既蝦仔。 餡料調味非常好十分惹味。另外仲有叫咗炸蝦卷及炸墨魚卷, 墨魚卷比較遜色, 可以唔叫而炸蝦卷卻十分出色味道鮮甜,蝦肉又彈牙仲要有四大條,十分推介。而碗攦粉我叫了清湯, 個湯底十年如一清甜好味 粉上有些炒豆角及黑木耳。 感覺清新與個攦粉一起食十分夾。

攦粉這個名稱好少聽，見相係用木桶裝，心生興趣。今天食了四丸攦粉及豬扒寛粉，本人喜歡寬粉，因為比較QQ,反而碗攦粉原來係粗米粉吧！但又唔係米線喎！喜歡店舖可以酸辣分開上，可以先試清湯，再加上酸辣，另外湯底不太油，酸辣汁也很清，不像其他店一味加辣油，控油人仕又多一個選擇。除了粉麵，亦被其糕點吸引了，適逢姐姐在包裝入盒，她說可以特別為我將同款的入盒。呢D咪識做生意囉，我當然試了罕見的芝麻碄仔糕，可能新鮮做起，認為質地較稔。如果可以硬返小小就更好！

一向都好中意食傳統糕點既我～上網見到呢間都幾多人讚，順路去開太子就食埋嚕😏👉🏿✨糕點 Hkd 7 💸 (30蚊5件)📌我叫左椰汁糕，綠豆糕同南瓜糕🙂佢既椰汁糕係非常之濃郁既椰子味，唔會好假，係天然既同埋好清涼👌🏽而南瓜味第一啖係冇咩感覺，再食多啖啲南瓜味湧晒出黎！😳仲要有埋南瓜蓉，出奇地好食喎！綠豆糕就更正😈好似食緊糕狀既綠豆沙咁，啖啖都係綠豆，佢係偏向蓉但仲食到粒狀，都好食呀✨👉🏿✨砵仔糕 Hkd 15/2個 💸📌多豆到痴左線，甜度岩岩好，芝麻味個個必試！真係好濃厚，好特別呀👍🏿👉🏿✨芝麻卷 Hkd 18 💸📌好似一場黎到唔食唔得喎！真係卷出黎個形狀好令，食落口完全係芝麻糊既濃縮版，點解可以咁正😫不過食舊已經飽嚕～可能太膩啦，但都值得一試架✨

之前已經有經過，食過幾次，今次再食，都係咁好味，一直都保持水準！今次叫左鮮炸墨魚卷攦粉。中辣攦粉望落似米線，但佢其實粗過米線，比米線更加有咬口，好煙韌辣度：中辣就岩哂我！夠惹味！一碗粉份量都有好多，好夠飽，重有好多配菜，有木耳，西芹，紅蘿蔔，肉絲。鮮炸墨魚卷，外皮好脆！用左腐皮包，跟住拎去炸。入面墨魚膠好多墨魚粒粒，爽脆！另外配有甜辣醬，好好味呢！佢重有自制糕點，款式都好多。下次有機會就食下佢既自制糕點啦！

今日跟住同事衫尾黎到呢間在公司附近都算幾出名的小店! 雖然店舖細細不過食物的種類都好多元化, 有糕點(紅豆,眉豆,馬荳,雜豆, 菲林卷...) 又健康飲品(粟米汁,蔗汁,馬蹄雪梨水...) 主食有好多款唔同既灑粉,真係好花多眼亂. 我最後叫左個滑雞灑粉, 好cute cute用一個小木桶上枱. 灑粉質地同口感都好特別, 比河粉幼又比米線粗, 又唔似瀨粉個種完全一夾就滑走晒,都可以夾到上筷. 連同紅蘿蔔絲同蔥粒一齊食更加香口. 雞係白切既,小小咸香, 唔會好肥但好滑. 小小木桶食出特別的灑粉, 真係又長知識了!!

連蔡“生”都介紹，係食家嘅，即係“為食專家”嘅我又點會唔試呀？佢主要買攦粉，佢嘅攦粉勝在有嚼頭，同埋紫菜配菜同食，感覺好健康，仲可以選辣唔辣，沙爹，雖然個味偏淡，沙爹味得頭2，3啖，但末身湯底唔太差嘅。我原本想食炸墨魚卷，但居然無貨，所以叫左蝦卷，配酸甜醬，絕配。呢個價錢，真係抵，雖然唔同餸偠錢唔同，亦可以再叫淨餸，所以如同朋友黎食，可以share唔同餸，試到多D款式嘛！最後，一定要提，佢門口有得買糕點，$5件或10零蚊一盒 佢嘅糕點部份都好出色，鵰芝麻砵仔糕，同桂花糕，紅豆，椰沬等等，大部份都超水準，但然年人口味，部份唔太質賞.，但整體係好味嘅，芝麻砵我間中都會掛住。

第一次食 不知道甚麼叫攦粉 原來是湯米線。我點了炸雲吞 炸蝦卷 魚片頭 攦粉。。。我喜歡這攦粉湯夠滑夠熱 加上配菜 味道幾好，但覺得攦粉質地太林 感覺不爽。聞到隔離位姐姐的炸雞翼好香。

我地成班同事久不久就想試下啲新野食lunch，有個同事話試下呢間野，其實我就麻麻嘅，但都見幾特別。畢竟佢出名嘅係糕點(但我無食...）切雞攦粉，其實雞味係唔錯，而且我order全部雞胸，佢地都好好，安排咗最多肉嘅俾我，不過可能我食唔摜攦粉，感覺有點似好長嘅銀針粉....  其實叫做爽口嘅，個湯我就覺得普通咗啲，都係雞湯呀咁。呢個黃金角賣相我覺得可以再排好啲嘅，同埋我覺得佢可以再炸得金黃少少，不過佢仍熱係好夠熱嘅～　入口嘅魚旦味唔算太濃　～　呢個墨魚卷係我自己真心覺得好食，雖然都應該係交貨嚟，不過佢仲保持到炸得咁香脆，咬入口都仲有好rich 嘅墨魚味同粟米味。

大記嘅糕點已經食過好多次，但係湯粉就係第一次嘗試。攦粉比一般米線粗身，而且非常滑身，曾經試過多次夾唔實條攦粉，滑來滑去，相當跳皮攦粉可以選擇四款湯底，而我揀嘅就係清湯（豬骨湯），清湯真係做得好清，比我嘅感覺係一滴油都冇，而且飲完之後亦都唔會覺得口渴相比之下炸鮮蝦雲吞就冇咁出色啦，一份有四粒，比到呢個份量我，其實我已經覺得相當滿意炸鮮蝦雲吞新鮮整出嚟夠熱，皮亦都夠脆，裏面嘅蝦味亦都好香，只係略嫌油膩感稍重。下午茶時段去食仲可以用比較優惠嘅價錢加＄8換佢哋自家製嘅飲品，飲品嘅選擇都唔少，我就揀咗冬瓜薏米水，清清淡淡，消滯又易入口，飲完覺得好舒服

而家米線就開到成行成市，好似711一樣總有一間係左近。不過其實除左米線之外，麵食都仲有好多選擇架。呢間係太子既大記攦粉，雖然位置唔算好方便，但我時不時都會黎食佢地既攦粉同埋糕點。今次叫左鮮炸墨魚卷攦粉 $35，甘大碗都只係30蚊，真係好抵。攦粉比平時食開既米線粗身，食落亦比較彈牙，同有少少，真係好少既煙韌。呢到個湯底雖然應該都有落D味精，不過可以接受。最正係仲有勁多蔬菜係面，比時出去食野，點會有甘多菜架。鮮炸墨魚卷熱辣辣，勁新鮮，而且食落都好彈牙，唔錯。大家有機會都去試下啦，幾特別架。

今晚是第3次黎大記食攦粉，剛好收爐前黎到食，揀左42蚊的炸墨魚卷，炸雲吞，炸魚腐，配清湯攦粉， 我估佢因為原本準備收爐關門，湯底配菜無晒，俾左紫菜同生菜我，我就無所謂啦，最緊要有得食我幾鐘意攦粉，形容佢係粗身米線，但亦似我食過既 中山三鄉瀨粉，我好鐘意食架，以前細個去親中山我一定食既，攦粉就有d似啦好味好味！最緊要夠大碗夠飽肚。炸物裡面3樣都好味，魚腐好特別，好大陣鯇魚味，所以可能有人會唔鐘意，但我就接受到，覺得好新鮮，第2次都再叫再食，幾好味！上次食就揀酸辣湯底，都好味。再上次係食豬腩肉清湯攦粉。總括3次都好味，:地仲有自家制飲品，試過烏梅水，好似酸梅湯咁，和冬瓜薏米水。侍應們都好友善，nice!

經過見幾得意就入黎試下店員姐姐好好禮貌，問佢D配料有無肉嘅時候佢仲好細心咁話雖然無肉但係湯底有豬骨雖然我唔係嚴格素食者不過呢種表現都好窩心我叫嘅係家鄉雜錦小炒攦粉，配料幾新鮮爽口，主要係豌豆、蘿蔔、木耳、仲有少少肉絲。我係爲環保素食，所以容許自己間唔中一餐半餐有肉。攦粉標榜用純米漿製造，比普通米線煙韌、有咬口，似麵條狀嘅年糕，好正啊媽咪叫嘅係炸墨魚卷，加$1轉香蔥闊條麵。麵條扁身煙韌，不過就唔係香蔥味，只係湯底多左D蔥咁...炸墨魚卷係以腐竹包住墨魚肉，我無試到，不過媽咪話好好食，連平時麻麻地墨魚嘅佢都好鍾意啊呢支甘草山楂烏梅原價$10，叫野食+$8就ok酸酸甜甜似酸梅湯，幾開胃